بسم الله الرحمن الرحيم
والصلاه والسلام على الرسول الكريم وسيد الخلق اجمعين سيدنا محمد صلى الله عليه وسلم
ازيكم يا جماعه عاملين ايه يارب تكونو كلكم بخير وسعاده
انا فى 2هندسه قسم كهرباء (اتصالات والكترونيات) فكنت عايزه اسال هو فيه
شغل لمهندسات اتصالات وشبكات ولا لا
لانى سمعت ان كل شركات الاتصالات المختلفه مش بشغل بنات فكنت عايزه اعرف الكلام ده صحيح ولا لا وليه؟؟؟؟؟
:ah34: :mad::mad::mad::mad::ah34:
وهل انا لو اخدت بعد التخرج شهادات سيسكو اوكومبتيا اوميكروسوفت هقدر فعلا اشتغل بيهم فعلا :eek::eek::eek::eek:ولا اخدها من قصيرها واقعد فى البيت بدل ما انا عماله اصرف فلوس على الفاضى كدا:ah7::ah7:
ولو كان فيه مثلا ممكن اعرف المكان ده
فين وهل فيه امل(الامل فى الله وحده)
انى ممكن اشتغل بره مصر ولا ايه
وانا اسفه انى طولت عليكم
وبالله عليكم سامحونى لانى اخدت من وقتكم دقائق
واخر الكلام الصلاه والسلام على رسول الله
مع سلامه الله ورعايته:ah7:
الشغل في المجال ده للمهندسات في مصر شأنه كاي تخصص هندسي اخر , فعلى حسب المكان وحسب الطلب واظن ان هناك فرصه طالما تحققت في المهندسه الشروط المطلوبه وعلى اية حال مازال الوقت مبكراً للتفكير في الحصول على فرصة عمل ولكن ينبغي التفائل و اخذ الامر خطوه بخطوه لكي لا نتشتت عن هدفنا.
وفقنا الله ووفقكي في دراستك.
طبعا فيه والشركات مليانه هو مش زى الولاد بس موجوديين بكثرة وشغل الاتصالات مش كله فى outside دا اغلبه تحت التكييف بس انت ابتدى فى الشهادات من دلوقتى عشان لما تخلصى يكون معاكى على الاقل ccnp وبلاش كومبتيا دى خالص شوفيلك كمان اى شهادات سيرفر
على فكرة يا اخوانى دى نصيحه للكل متستناش انك تخلص الكليه اشتغل فى الشهادات من دلوقتى
فعلاً لازم تبدى كورسات بدرى
والمنتدى هنا أكثر من رائع يعنى فيه كل حاجه
وخليكى متأكده ان الرزق ده بتاع ربنا يعنى متشيليش هم الشغل ربنا هيبعته بس انتى اعملى ال عليكى
ربنا يوفقك يارب
ولو محتاجه اى مساعده اطلبى
ربنا معاكى
بخصوص هندسة الشبكات فالمجال مفتوح نوعاً ما ولكن في مجال نظم التشغيل
اما في مجال الاتصالات فلا أعتقد ذلك لان معظم العمل يتطلب السفر أو التخييم في الصحراء والمناطق النائيه واذا اشتغلتي في الاتصالات مثلا قسم ال الداتا سيرفس فبرضو الشغل للفتيات غير مناسب لان معظم المشاكل اللتي تحدث في النهار يتم حلها بعد منتصف الليل وده قانون ثابت في معظم شركات الاتصالات بس كمان في قسم الماركيتينج عندك فرصه ممتازه للعمل لان الشىء الثابت تعيين اصحاب التخصص ومن ثم تطويرهم في مجال التسويق .
نصيحه اخويه انسي موضوع الاتصالات ده وركزي على الشبكات وبالتحديد النظم زي ميكروسوفت + لينكس + يونكس
يعني من الاخر كده شغل يكون ثابت ولا تحتاجي فيه الى سهر في الليل او سفر الى مناطق غير مأمونه ولهذه الاسباب الفتيات مش مفضلات في مثل هذه النوعيه من الاعمال.
والمنتدى هنا ما شاء الله أكيد حيساعدك
قصه قصيره:-
كانت معانا مهندسه في شغلي القديم وكان عندنا شغل بالليل Cut Over والمفروض يكون الساعه 3 فجراً بكل بساطه المهندسه اعتزرت والسبب أن باباها رفض خروجها من البيت في الوقت ده :D
وده شي طبيعي - بعد اقل من اسبوع تم اعفائها من مهامها واصبح معظم شغلها مكتبي فقط
لاتنسى نصيحيتي ركزي على انظمة التشغيل
تحياتي للحميع
Intelligent Network EngineerExpert in Data Service Products - AAA, SMS, MMS, WISG, IPD, MTV, MDSP
قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ
فيه في النتورك طبعا يا اخت نورهان
والاكثر رؤيه من وجهه نظري مهندسات تصميم الشبكات
وذلك لوجودهم بالمكتب والعمل من خلال المكتب
فهي شغله جميله وبها ذكاء وتحتاج اطلاع دائم خصوصا علي موقع سيسكو
علي اي حال المجال مفتوح واي استفسار انا موجود
وبالنسبه للاتصالات فيه
وفيه تكنيكل بردو في اورنج
وشركات كثيره
ونتورك ادمينستيرنور
المجال متاج يا بشمهندسه
اهم حاجه تكوني فهمه وشاده حيلك
وكويس جدا انك بدئه من سن مثل ده
ربنا يوفقك
-------------------------------------------
[B][SIZE=4]فين الاسئله يا شباب في اقسام Cisco
عاوزين اسئله في الVoice و الData
عاوزين نقدر نفدكم [/SIZE][/B]
بصي انا زيك كده اتخرجت هندسة اتصالات وبعد ماخلصت أخدت CCNA و MCP
وبعدين اشتغلت technical support عشان كنت لسه متخرجة بس انا اخترت لنفسي مجال الشبكات وحبيت أطور نفسي فكملت وأخدت CCNP ولسه امبارح واخده CCNA Sec وهكمل CCSP و Juniper ان شاء الله خصوصا ان السيكيورتي مطلوبة وفي نفس الوقت مش محتاجة سهر ولا خروج في أوقات متأخرة وبعدها هينقلوني في الشغل لقسم النتوورك ان شاء الله (ربنا يهديهم بس ويخلصوا الموضوع بسرعة)
أهم حاجة يكون عندك حماس وارادة وان شاء الله هتكوني حاجة كويسة طالما بتحبي الشغل ده
ربنا يوفقك
اعتقد انهم هينقولك على جميع الاقسام يعنى بعد النتورك هتروحى ال frame relay وكدة بس طبعا مش هتروحى ال installationالمشاركة الأصلية كتبت بواسطة redmap
بسم الله الرحمن الرحيم
والصلاه والسلام على الرسول الكريم وسيد الخلق اجمعين سيدنا محمد صلى الله عليه وسلم
انا متشكرة جدا ليكو وعلى ردكو الجميل اللى ريحنى طبعا وطمنى!!!
بس معلش انا عايزه اسالكو سؤال ما هى اول خطوة فى مجال تعلم الشبكات (مادام الاتصالات مش نافعه) يعنى ابتدى من اين؟
وهل ينفع ان اذاكر من الشرح الموجود هنا وامتحن على طول عشان انا سمعت ان الكورسات ديه غاليه قوى !!!!
ولا اخدهم فى سنتر احسن وعوضى على الله
انا متشكره جدا ليكو يا جماعه والله
وربنا يجازيكو خير
لو عايزة الشبكات من البداية انصحك تشمى بالطريقة التالية :-
1 - كورس N+ من كومبتيا (هتلاقى شرح للمنهج للمهندس ياسر رمزى فى قسم كومبتيا)
ومش لازم تمتحنى الشهادة ديه لانها مش هتفيدك اوى لانهات ليست الا مقدمة لعالم الشبكات
2- CCNA من سيسكو
بالنسبة لطريقة مذاكرة الشهادة ديه فهى سهلة اوى و مش لازم تاخذيها فى سنتر مممكن تذكريها SELFSTUDY
https://www.arabhardware.net/forum/s...d.php?t=146549
الموضوع السابق هيسعدك بالنسبة لطريقة مذاكرة CCNA
بعد كدة انت عندك كذا طريق تشمى فيه مثلا سكيورتى او وايرليس او VOICE
ضوابط المشاركة
المفضلات