السلام عليكم

مشكلة قرفتني جدا ومش عارفلها حل

عندي سيرفر 2003 وعليه دومين

جبت سيرفر تاني 2003 وشغلت عليه isa 2006
ودخلت سيرفر الايزا علي الدومين

كل شي لحد دلوقتي تمام ..

علي اجهزة الكلاينت اشتغلت web proxy وسمحت بالويب بروكسي في كرت الانترنل في الايزا

في البداية طبعا اليوزر معندهمش نت علشان الرول الموجودة قافله عليهم كل حاجة

كدة تمام عرفت ان الايزا شغاله والكلاينت مربوط بيها

عملت رول جديدة وسمحت فيها ان الانترنت يطلع علي الاكسترنل لل all user
وفعلا اشتغل النت عند كل الناس .. ولحد كدة زي الفل

ثم جت المشكلة

عايز اسمح لناس تدخل علي النت وناس لا
دخلت علي خصائص الرول الي انا عملتها ورحت عند users وشلت all users وابتديت اضيف يوزر معينة الي انا عايزها تدخل عن النت عن طريق استخدام الاكتف ديروكتري ..

والمفاجاة : مفيش نــــــــــــــــت
لا عليهم ولا عليا انا شخصيا مع اني داخل administrator

قمت بمحاولة : شلت اليوزر الي ضفتها ورجعت all users وجيت في المربع بتاع المستبعدين وضفت الناس الي انا مش عايزها تدخل النت

والمفاجاة : بردوا مفيش نــــــــــت
لا عندي ولا عندهم

قولت بلاها الويب بروكسي في داهية
اشتغل firewall client
( مع العلم اني عارف ان الويب بروكسي بيسمح بالتصاريح بتاعت اليوزر علي عكس ال securenat )
نزلت الفايروول كلاينت واخترت في اليوزر مستخدمين محددين

وبردوا مفيش نت

لما بشيل اليوزر وبخلي الموضوع ماشي علي all users الدنيا بتبقي تمام والنت بيشتغل
لما بحدد يوزر او بحط all users او استبعد ناس بيبقي مفيش نت

حد يعرف الغلطة فين ؟
او ايه الحل ؟

وشكرا جزيلا