ماهوا الافضل Creative VS Mazoori

[peterlover]

ماهوا الافضل بين السمعاتين دول

Creative 4.1
و

Mazoori 4.1

????

أرجو مشاركه كل الاعضاء للافاده .. بين كل منهم الني سمعت في السوق ان Creative دلوقتي مضروبه ولا ترقي لسماعات Mazoori >>> وصوت ال Creative بيزن لما بتعلي ...

ارجو اراء الاعضاء .. وشكرا

[hyman]

صح فعلا انا كان عندى الأول كرييتيف 4.1 واشتريتها للأسف أول ما اتضربت لأنى سمعتها عند واحد صاحبي كانت جبارة بس بالنسبة لكل اللى فى السوق دلوقتى كرييتيف مضروب جدا ومانصحكش بيه صوتها ماليان هوا ومافيهاش بيس ولا توزيع صوت وللا اى حاجة عدلة (طبعا كله مضروب ماعدا الـT6200 والـPro Gamer)
بس فأنا اشتريت واحدة T6200 وماشاء الله جبارة وزى الفل وبالنسبة للمازورى ماجربتهاش

[peterlover]

شكرا كتير علي مشركتك hyman
ومستني اراء باقي الاعضاء .... خصوصا اللي جرب Mazoori >>>

بس كان فيه سؤال هل يمكن توصيل اكثر من سماعه بمعني
هل يمكن توصيل سماعتين Mazoori 4.1 في المزربورد ام لا ...مع العلم ان سماعه مازوري ليها كابل واحد فقط بيتوصل بالمزربورد ..
بمعني ان انا لو عندي 7.1 مخرج في المزربورد هل يمكن توصيل 02 سماعه 4.1 علي حده في مخرج المزربورد ..؟؟؟ شكرا

[Ashraf80]

كرييتيف بدون كلام وهى تستاهل كل جنية بيتدفع فيها.

[peterlover]

يا استاذ اشرف ؟؟؟ ايه رايك في كلام استاذ hyman ..؟؟ !!! وكلامه ده علي تجربه علي اساس مابيقول ....

[Ashraf80]

ردى ان اول بورد اشتريتها من جيجابايت سنة 1999 قطعت مية و نور و التوكيل لم يستطيع اصلاحها نهائيا.

حتى الان اشتريت منها 2 حتى الان ولم اقاطعها.

العبرة انت بتشترى من مين , من محل لة سمعتة ولا من محل بيتاجر فى المضروب؟

Mazoori 4.1
انت بتقول ان لها مخرج واحد وهذا تهريج بمعنى الكلمة لان كل مخرج بيوزع الصون على سماعتين فازى مخرج واحد للصوت هيتوزع على اربع سماعات فى Mazoori ؟؟

معنى كدة ان 5.1 لازم يكون لها ثلاث مخارج و 7.1 لازم يكون لها اربع مخارج.

ودة ايضا ردى على شراء سماعتين.

الاخ hyman هياكدلك ان سماعته لها ثلاث مخارج.

4.1 اسمها M4500 وعليها استير مترا و ضمان سنة.

[peterlover]

حضرتك مفهمتنيش صح
او يمكن انا مش موضح صح
بص Mazoori 4.1 بيجي معها اربع سماعات وصب .. والسماعات بتتوصل في الصب .. والصب بيطلع منه كابل بيتوصل علي طول في المزربورد
فانا كان سؤال هل يمكن توصيل سماعتين Mazoori 4.1 بالمزربورد ؟؟؟ وهل لو هينفع .. هل هيخرجوا نفس الصوت بنفس القوه ؟؟

[فوزى77]

أخى العزيز نصيحة أشترى مازورى فانتوم 4.1 بس تكون الكارتونة لونها موف وعليها بدج دائرة مكتوب توكيل كمبيو

ماجيك ياسر عزت وهذه السماعات عن تجربة أفضل مليون مرة عن الكريتيف التى جرتها وكانت سيئة للغاية ورجعتها

فى نفس اليوم واشتريت المازورى التى لم أجد أفضل منها الا الهوم ثيتر الذى أشتريته مؤخرا لأنى من هواة الصوت

وهذا رابط التوكيل وفروعه المعتمدة

https://mazoori.com/arabic/stores.asp


:ah27:

[peterlover]

واضح فعلا تفوق ال Mazorri من خلال اراء الاعضاء ...
شكرا للي ساهم في المشاركه

[almotayam2002]

حضرتك مفهمتنيش صح
او يمكن انا مش موضح صح
بص Mazoori 4.1 بيجي معها اربع سماعات وصب .. والسماعات بتتوصل في الصب .. والصب بيطلع منه كابل بيتوصل علي طول في المزربورد
فانا كان سؤال هل يمكن توصيل سماعتين Mazoori 4.1 بالمزربورد ؟؟؟ وهل لو هينفع .. هل هيخرجوا نفس الصوت بنفس القوه ؟؟

\

بص يا صاحبي
الكرييتيف 4.1 ده ازبل نوع ممكن تجيبه من كرييتيف
والسبب انه مضروب في مصر دايما
والكلام اللي هنا ان انت بتشتري صب 4.1 او 5.1
الصبات دي لازم يكون ليها اقل حاجه 3 كابلات تتوصل بكارت الصوت
عشان واحده للسماعات الجانبيه وواحده للفرونت
وكل دول اساسا بيخرجو الصوت بتوزيع محيطي
فإزاي يكون كابل واحد بس من الصب للكارت ؟؟؟
ده في حالة انت عاوز صب محيطي محترم
لكن لو عاوز صب دبدبه وخلاص

أخى العزيز نصيحة أشترى مازورى فانتوم 4.1 بس تكون الكارتونة لونها موف وعليها بدج دائرة مكتوب توكيل كمبيو

ماجيك ياسر عزت

فده نفس تعليقي لازم يكون مختوم ببادج ياسر عزت
ونصيحتي سيبك من ماوزري واتجه لكرييتيف T6200
مقدرتش على السعر روح على التايجر 3500
والف شكر لسماعك ليا

[hyman]

تمام زى الأعضاء ما قالو سيبك من الكرييتيف الـ4.1 خالص ويا اما تحاول تجيب t6200 ولو ماقدرتش هات المازوري زى ما الأخ فوزى 77 قالك بالظبط
وبالنسبة للكريتيف ال4.1 طالع منها كابلين واحد أخضر وواحد اسود بس صدقنى عندى طلعت خدعة مافش فرق بين الاتنين ولا أى توزيع للصوت كل اللى بحصل عليه صوت ستيريو عقيم بمجرد توصيل اما الأخضر لواحده او الاسود لواحده او الاتنين مع بعض كله واحد "ده بالنسبالى مع الصب القديم"
وبالنسبة لتوصيل اتنين مازوري مع بعض فى نفس البوردة فى مشترك عند اى كهربائي اسمه مشترك استريو حاجة صغيرة كده بتدخل فيه كبل من السماعة دى وكابل من التانية وتحطه فى الكمبيوتر بس وتقريبا مافيش فرق فى قوة الصوت ولا حاجة
اتمنى اكون افدتك:ah7:

[MaM3bS]

تمام زى الأعضاء ما قالو سيبك من الكرييتيف الـ4.1 خالص ويا اما تحاول تجيب t6200 ولو ماقدرتش هات المازوري زى ما الأخ فوزى 77 قالك بالظبط
وبالنسبة للكريتيف ال4.1 طالع منها كابلين واحد أخضر وواحد اسود بس صدقنى عندى طلعت خدعة مافش فرق بين الاتنين ولا أى توزيع للصوت كل اللى بحصل عليه صوت ستيريو عقيم بمجرد توصيل اما الأخضر لواحده او الاسود لواحده او الاتنين مع بعض كله واحد "ده بالنسبالى مع الصب القديم"
وبالنسبة لتوصيل اتنين مازوري مع بعض فى نفس البوردة فى مشترك عند اى كهربائي اسمه مشترك استريو حاجة صغيرة كده بتدخل فيه كبل من السماعة دى وكابل من التانية وتحطه فى الكمبيوتر بس وتقريبا مافيش فرق فى قوة الصوت ولا حاجة
اتمنى اكون افدتك:ah7:

+1 بالظبط

[tetto12345]

ريح نفسك وهات T6200 وكارت صوت كويس وما تتعبش نفسك هتحس باداء رائع ان شاء الله

تحياتي

[ballistic_2005]

السلام عليكم

هل موضوع المخرج الواحد من صب الفانتوم الى كارت الصوت فى البورده يؤثر بالفعل على توزيع الصوت المحيطى؟؟؟؟؟؟

ايضا لاحظت ان الكريتف m4500 لديها
17 Watts RMS subwoofer
Speaker Power: 6 Watts RMS per channel (4 channels)


أما سماعات الفانتوم MB-Z89 3500W لديها......RMS: 20W + 10W X 4

فهل هذا دليل اخر على تفوق هذا النوع؟؟؟


أيضا ما هو رأيكم فى سماعات Creative PC Works LX520 وكم سعرها الان واين أجدها ؟؟؟؟.....مع ملاحظة ان الميزانية لا تدعم t6200

شكرا جزيلا

[Cazloo]

اولا الكرياتيف القديم الى هو احسن نوع 2.1 لونه ابيض والوش بتاع البيز ازرق ده احسن نوع كرياتيف نزل بس معتش بينزل انا صدقت انه احسن نوع لما حصلتلى المشكله دى انى كنت حاطط ازازة ميه جنب سماعه البيز فاهزتها غصب عنى فالميه وقعت على السماعه بتاعت البيز وهى شغاله السماعه شبعت ميه انا قلت خلاص اتحرقت تانى يوم لقتها ميه ميه وشغاله فل وتمام
ثانيا: المازورى يا جماعه تقليد الفانتوم المازورى ده مضررروب