النتائج 1 إلى 9 من 9

الموضوع: ممكن معلومات عن كروت الدش

  1. #1
    عضو فضي الصورة الرمزية Don Khozzam
    تاريخ التسجيل
    Dec 2009
    المشاركات
    932
    الدولة: Egypt
    معدل تقييم المستوى
    19

    ممكن معلومات عن كروت الدش

    السلام عليكم

    انا الصراحه معرفش اى حاجه عن كروت الدش .. يعنى فلنفرض انى اشتريت كارت دش محترم .. ...............................
    .................
    ...........
    ......
    ....
    ..
    .

    و بعدين؟؟


    عاوز افهم القصه من الالف للياء بشكل مبسط .. انا بحثت فى المنتدى شويه و الصراحه ملقتش المعلومات الاساسيه اللى انا محتاجها..

  2. #2
    عضو
    تاريخ التسجيل
    Oct 2007
    المشاركات
    278
    الدولة: Egypt
    معدل تقييم المستوى
    17

    رد: ممكن معلومات عن كروت الدش

    هقولك يا مان

    دلوقتى أنت لو نزلت القاهرة فى سوق العصر بمصر الجديدة هتلاقى كروت توينهان و سكاى ستار و كى ورلد و tevii

    و نظام التشفير للقنوات hd فية منة نوعين dvb-s و dvb-s2

    و الكروت اللى تدعم نظام dvb-s2 هتلاقيها غالية لكن هى اللى مرشحة أكتر للشراء عن الكروت القديمة التى تدعم dvb-s فقط حيث أغلب الباقات الأن بدأت تحول من النظام dvb-s إلى dvb-s2

    و أفضل ماركة عن تجربة tevii من حيث دعم dvb-s2
    و السكاى ستار و الكى ورلد و tevii من حيث دعم dvb-s

    و سعر ال tevii 460 dvb-s2 pci ب 390 جنية
    و سعر ال tevii 650 dvb-s2 usb ب 500 جنية
    و سعر ال tevii 630 dvb-s usb ب 230 جنية

    دول أحسن كروت فى السوق حاليا
    بعدهم السكاى ستار بس قليل جدا فى السوق و مش عارف سعرة

    و الكى ورلد برضة قليل جدا فى السوق

    و هتلاقى الكروت العادية زى التوينهان سعرها من 150 إلى 180 جنية و منصحكش بيها

    ولو أنت من طنطا زى م أنت كاتب فى شركة فى سوق العصر بتشحن كروت الستالايت tevii بالأسعار اللى قولتلك عليها

    أسم الشركة بى سى مارت - مول الكمبيوتر 2 - الأسيوطى - محل رقم 2 الدور الأرضى - ت 22580037
    و شركة الشحن اللى بتوصل أسمها شركة شحن أبو سيفين

  3. #3
    عضو فضي الصورة الرمزية Don Khozzam
    تاريخ التسجيل
    Dec 2009
    المشاركات
    932
    الدولة: Egypt
    معدل تقييم المستوى
    19

    رد: ممكن معلومات عن كروت الدش

    ماشى دا كله تمام و جزاك الله خيرا لكن انا اللى عاوز اعرفه هو اعمل ايه بعد ما اجيب الكارت؟؟ يعنى خلاص انا ركبته على الجهاز و عرفته .. و بعدين؟ اجيب بقى دش بريسيفر و اوصله بيه بطريقة ما و لا ايه الموضوع بالظبط..

  4. #4
    عضو
    تاريخ التسجيل
    Jun 2009
    المشاركات
    33
    الدولة: Egypt
    معدل تقييم المستوى
    15

    رد: ممكن معلومات عن كروت الدش

    بالنسبة لنوع الكارت وعن تجربة شخصية اشتري كارت توينهان 1027 اللي فيه وصلة دخل للباور .. ليه؟؟ لأن التوينهان في مصر هو أحسن الوحشين، إشمعنى؟؟.. لإني جربت التوينهان الـ 1027 ومافيش حد شتم فيه أكثر مني وسبته وجبت Tevii S420 وماكملش 4أشهر (الأول كان حساسية ممتازة وسرعة في التنقل بين القنوات لكن مع الوقت بدأت حساسيته تقل وفيه قنوات لم يمكن استقباله ولم يتم إلغاءها ولكن لم يعد الكارت يستقبلها وده ما حصلش مع التوينهان إلا بعد أكثر من سنةونصف وباكرر الكلام إنه كان من غير وصلة الباور اللي بتفرق في أداء وجودة الكارت) ده بعد الـموديل الـ USB بتاعه اللي لقيته بايظ من أساسه ورجعته بعد 3 أيام (لو أنا متأكد من الشركة المذكورة هنا كنت حذرتك منها لكن على الأقل الكارت ده مش جايب همه ومانصحش بيه).. بعد كده جبت كوورلد KWorld-S100 (اخترته على أساس سمعة كويسة + شغال مع الميديا سنتر بتاع الويندوز )واكتشفت ان التوينهان اللي كان عندي بالنسبة له طيارة ولا صاروخ - علما بإن الكارت اللي كان عندي كان من غير وصلة الباور وكنت باشتكي من بطء التنقل بين القنوات وفقط لكن حساسيته كانت ممتازه وكان الريموت بتاعه شغال مع أي برنامج- ماكملش شهر واحد وباظ (عرفت انه مصيبة بمجرد تعريفه، الإشارة ضعيفة ولم يلتقط غير 200 قناة قبل مايبوظ على طول ولما جبت له درايفر الميديا سنتر قال إن ما فيش كارت من أصله...:confused: والكارت ده أوعى حد يجيبه).. الفصل في نوع الكارت إن الـتوينهان حتى لو كان وحش فهو أحسن الوحشين وإن الشكوى منه لإن المفروض يكون أحسن من الموديلات اللي سبقته (1020 أو 1025).

    في حالة إمكانية شراء كارت من خارج مصر هناك كروت ممتازه لها سمعة كويسة مثل التوينهان 1080 (متطور حبتين) أو سكاي ستار 1 أو 2
    في حالة العثور على كارت توينهان 1025 أو 1020 اشتريه بدون تردد.

    حاجة كمان إن نظام الـ dvb-S2 مش منتشر بالشكل اللي يخليك تجيب كارت بيدعمه بص مثلاً على الباقات اللي على القمر الأوروبي أو الـنايل سات أو العرب سات ، هاتلاقي معظمها قنوات عادية وإن القنوات الـ DVB-S2 أقل من 5% من القنوات (راجع الوصلة: https://www.lyngsat.com) والمختلف هو قنوات الـ hd ودي بيلقطها كارت الساتلايت العادي لإنها على النظام القديم (باستخدام كوديك مناسب) ، والكلام على إن ها يتم تغيير القنوات لتبث بالجودة العالية HD قديم (بيتكلموا على التغيير بنهاية العام 2008... :D ) ولم يتم وبالتالي تغيير تقنية البث نفسها مش واردة على الأقل الكام سنة الجايين دول وعلى فرض ان التغيير حصل هايكون في باقات قليلة.

    بالنسبة للتوصيل عندك خيارين:
    1- توصل دخل الكارت (LNB IN) بالكابل مباشرة (الواصل مع الـ LNB) ودي الطريقة الأفضل.
    2- توصل دخل الكارت مع مخرج من الريسيفر (LNB LOOP) وده له بعض المشاكل زي إن انت مش ها تقدر تتفرج على قنوات إلا القنوات اللي ليها نفس الاستقطاب (Polarity) في حالة إن الريسيفر شغال.

    بعد ما تركب الكارت وتعرفه على الجهاز عليك وعلى برنامج من برامج العرض المحترمة ومن أفضلها (لإن معظم الإمكانيات بتعتمد على البرنامج بشكل أساسي):
    1- altdvb ... برنامج محترم وخفيف وممتاز في التسجيل بالإضافة لتعاملة مع كل أنواع البلج-إينز (Plugins) لكن فيه مشكلة واحدة في تعرف الريموت علي وظائفة أفضل الكروت في التعامل معاه هي السكاي ستار. بالإضافة لإمكانية عرض أكثر من قناة في نفس الوقت.
    2- dvbviewer... الأفضل على الإطلاق في العرض والوظائف والتسجيل والإضافات لكن فيه مشكلة واحدة في إنه مش كل البلج-إينز بتشتغل معاه (Vplug ) فقط.
    3- My theatre... وده برنامج ممتاز بيشتغل معاه جميع البلج-إينز وبتعرف زراير الريموت بتاعك عليه لكن مشكلته في شكله الكئيب (أنا مش عاوز أعذب نفسي).
    4- dvbdream .. برنامج ممتاز فيه إمكانية عرض أكثر من قناة في نفس الوقت وبيشتغل عال مع كل أنواع الكروت مشكلته في الريموت مع الـ Tevii.
    5- Prog DVB... تجنب التعامل مع مثل هذا البرنامج بجميع إصداراته.
    6- Skygrabber ... أفضل وأبسط برنامج لتنزيل الداتا من الأقمار الصناعية اشتغل معايا.

    الوصلة دي فيها برامج العرض والبلج-إينز اللازمة لفتح القنوات المشفرة بالإضافة إلى كوديك للقنوات:

    https://www.skystar-2.com

    واستخدام الكارت ده مسئوليتك الشخصية وأرجو إني أكون لم أتأخر في الرد وشكراً

  5. #5
    عضو فضي الصورة الرمزية Don Khozzam
    تاريخ التسجيل
    Dec 2009
    المشاركات
    932
    الدولة: Egypt
    معدل تقييم المستوى
    19

    رد: ممكن معلومات عن كروت الدش

    الف شكر لك انت كدا كفت ووفيت ماشاء الله

  6. #6
    عضو
    تاريخ التسجيل
    Jun 2009
    المشاركات
    33
    الدولة: Egypt
    معدل تقييم المستوى
    15

    رد: ممكن معلومات عن كروت الدش

    العفو ولا شكر على واجب

  7. #7
    عضو فضي الصورة الرمزية Don Khozzam
    تاريخ التسجيل
    Dec 2009
    المشاركات
    932
    الدولة: Egypt
    معدل تقييم المستوى
    19

    رد: ممكن معلومات عن كروت الدش

    طيب حضرتك ايه رأيك فى دول؟؟
    https://www.e3050.com/Items.aspx?cat=SATCD

  8. #8
    عضو
    تاريخ التسجيل
    Jun 2009
    المشاركات
    33
    الدولة: Egypt
    معدل تقييم المستوى
    15

    رد: ممكن معلومات عن كروت الدش

    اقتباس المشاركة الأصلية كتبت بواسطة Don Khozzam مشاهدة المشاركة
    طيب حضرتك ايه رأيك فى دول؟؟
    https://www.e3050.com/Items.aspx?cat=SATCD
    الأول بلاش كلمة حضرتك دي فيها وضع فوارق بين المشاركين بلاش منها لإننا المفروض اخوات حتى لو فيه فرق في السن كلمة حضرتك يعني تكون مع واحد أكبر منك ب 20-30 سنة كده

    الكارت الـتوينهان 1027 الموجود هنا بدون وصلة باور خارجي مثل النوع الموجود منه في السوق تحت اسم Azurewave وده اللي انا اتكلمت عليه ... وده عيوبه الوحيدة في بطء التنقل بين القنوات (بين الترددات المختلفة) وفي زملاء ليه بيأكدوا أن الأخير (Azurewave) مافهوش الكلام ده.. لو مالقيتش أنواع تانية يبقى ده اختيار مش بطّال خصوصاً إني لسه مصرّ على إن الشكوى منه بسبب الأنواع القديمة من التونيهان أفضل منه بكثير.
    الكارت التوينهان 1028 ماعرفش حد جربه (معرفة شخصية) لكن اسم توينهان كبير جداً ودعم البرامج له غير محدود. وده ينطبق على الموديل الـ USB.

  9. #9
    عضو فضي الصورة الرمزية Don Khozzam
    تاريخ التسجيل
    Dec 2009
    المشاركات
    932
    الدولة: Egypt
    معدل تقييم المستوى
    19

    رد: ممكن معلومات عن كروت الدش

    حسب انت عندك كان سنه .. لو فوق ال30 يبقى حضرتك لو تحت يبقى انت هههههههه

    شكرا على النصيحه

المواضيع المتشابهه

  1. مشاركات: 3
    آخر مشاركة: 15-06-2011, 13:00
  2. مصر.... كروت الدش
    بواسطة SANTOS™ في المنتدى الأرشيف
    مشاركات: 13
    آخر مشاركة: 20-11-2010, 23:44
  3. كروت الدش
    بواسطة ميمى المحظوظ في المنتدى الأرشيف
    مشاركات: 15
    آخر مشاركة: 08-02-2010, 01:02
  4. سؤال لخبراء برامج كروت الدش
    بواسطة cobraxp في المنتدى الأرشيف
    مشاركات: 1
    آخر مشاركة: 26-11-2006, 10:23
  5. أسئلة عن كروت الدش .... وياريت تتحملونا ......
    بواسطة Manssoor في المنتدى الأرشيف
    مشاركات: 6
    آخر مشاركة: 14-09-2005, 03:43

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •