صفحة 1 من 2 1 2 الأخيرةالأخيرة
النتائج 1 إلى 15 من 25

الموضوع: مراجعه لمراوح كولر ماستر الجديده مع الكيسه HAF 922

  1. #1
    عضو ذهبي الصورة الرمزية Doctor Medo
    تاريخ التسجيل
    Jun 2009
    المشاركات
    1,770
    الدولة: Egypt
    معدل تقييم المستوى
    43

    مراجعه لمراوح كولر ماستر الجديده مع الكيسه HAF 922



    بسم الله الرحم الرحيم

    طبعا كلنا شفنا مراجعة الاخ ميدو للمراوح و شفنا النتائج بتاعتها الفرق النهارده ان المراوح متركبه في كيسه احترافيه فهل عملت فرق فعلا و هل تستحق تمنها البالغ 60 جنيه للمروحه الواحده

    اولا دي صوره للخمس مراوح مع بعض و انا طلبتهم باللون الاحمر عشان يبقي ماشي مع ثيم الكيسه الهاف 922


    و في الصوره دي ببين طول السلك بتاع المروحه اللي انا شايف انه مناسب جدا لكن ميدو كان شايف انه قصير


    نيجي بقي للمهم و هو درجات الحراره و هل فرقت فعلا ؟؟!

    دي صوره بالمراوح القديمه بتاعتي معظمها 1300 لفه في الدقيقه و هما عباره عن مروحتين فوق و اتنين في الجنب و واحده ورا


    و دي صوره لدرجات الحراره بعد تركيب الخمس مراوح الجديده في نفس الاماكن


    زي ما احنا شايفين درجة حراره البروسيسور و البورده نزلت درجه واحده و النورث بريدج نزل 5 درجات كامله و كرت الشاشه درجتين و الهاردين كل واحد نزل درجتين برضه ,لكن كل ده قصاد صوت رهيب مقدرتش استحمله اكتر من 24 ساعه و هو بسبب المروحتين اللي في الجنب فقط مع ان صوت كل مروحه لوحدها هادي جدا عن المراوح العاديه لكن يبدو ان ده عيب من الهاف 922 لانها بتعمل كده مع اي مراوح سريعه

    دي بقي صوره لدرجات الحراره بعد 10 دقائق ضغط ببرنامج ايفرست و المراوح القديمه متركبه


    و دي بعد تركيب المراوح الجديده


    نفس فرق درجات الحراره اللي كان في الوضع الايدل و هو درجه 1 للبورده و البروسيسور و 5 درجات للنورث بريدج و درجتين لكل هارد لكن برضه في مقابل صوت مزعج جدا مقدرتش استحمله و فكيت المروحتين اللي في الجنب و بعدين جاتلي الفكره فركبت مروحه منهم علي مشتت البروسيسور و قلت اشوف الفرق و دي صوره ليها متركبه بعد ما طلعت عيني عشان افك المروحه القديمه و هي هاديه جدا علي فكره و الفضل لتقنيه التثبيت الممتازه من OCZ


    دي بقي صوره لدرجات الحراره في الوضعيه دي و الحاجه ايدل


    طبعا زي ما انتم شايفين فرق جامد جدا عن المراوح العاديه درجتين للبورده و درجه للبروسيسور و 8 درجات كامله للنورث بريدج كرت الشاشه مفرقش و الهارد الماكستور نزل 5 درجات كامله و السامسونج 3 درجات مع العلم ان الصوره دي اتاخدت في جو احر 4 درجات عن اول صوره لدرجات الحراره طبعا فرق جميل جدا خاصة انه مفيش صوت يذكر !!

    و دي صوره لدرجات الحراره في التحميل ببرنامج ايفرست لمده 15 دقيقه (هو مكتوب 5 لكن انا كنت عامل قبلها 10 دقايق و نسيت اخد صوره :o)


    مفيش حاجه قلت عن المراوح العاديه غير البروسيسور و النورث بريدج بمعدل درجتين لكل منهم و مره تانيه بفكر ان الحراره مرتفعه حوالي 4 درجات عن الصوره القديمه

    و دي بقي شويه صور للكيسه بعد تركيب المراوح الجديده







    و ده فيديو بسيط بيبين اماكن المراوح و عشان تاخدوا فكره عن الصوت هو حيبان عالي جدا في الفيديو لكن هو فعليا اقل من كده كتير علي فكره


    النتيجه النهائيه و هي رائي الخاص الفارق لا يستحق فارق الثمن ليس لان فرق الاداء بسيط و لكن لان الصوت مزعج جدا جدا

    النصيحه هات مراوح عاديه لكل الكيسه لكن لو عندك مشتت احترافي بيركب عليه مروحه او اتنين هاتهم من النوعيه دي لانها فرقت فعلا في درجات الحراره

    و اي سوال او استفسار انا تحت امركم

  2. #2
    عضو فضي الصورة الرمزية Kozmos
    تاريخ التسجيل
    May 2008
    المشاركات
    1,457
    الدولة: Egypt
    معدل تقييم المستوى
    52

    رد: مراجعه لمراوح كولر ماستر الجديده مع الكيسه HAF 922

    شكرا لك على المراجعة.

    و جهتني نفس المشكلة عندما قمت بتركيب مروحة الكيسة من الأسفل, أصبح صوت الكيسة لا يطاق فقط عندما و صلت تلك المروحة إلى مزود الطاقة بشكل مباشر, و الموضوع دخل في صداع مزمن:confused:

    لكني قمت بوصل المروحة - من طرفها البني - إلى اللوحة الأم, ثم قمت بالدخول على الـ BIOS و قمت بتفعيل خاصية - Chassis Fan Control - و وضعتها على وضع Automatic, و اختفى ذلك الصوت المزعج و أصبحت المروحة تدور بسرعة 1300RPM بصوت هادئ لا يكاد يسمع.

    بإمكانك تجربة ذلك, و لكن على مروحة واحدة أو مروحتين بالأكثر.

    لك تقييم مني :ah7:

  3. #3
    عضو ذهبي الصورة الرمزية Doctor Medo
    تاريخ التسجيل
    Jun 2009
    المشاركات
    1,770
    الدولة: Egypt
    معدل تقييم المستوى
    43

    رد: مراجعه لمراوح كولر ماستر الجديده مع الكيسه HAF 922

    شكرا للتقييم اخ كوزموس و شكرا للنصيحه و انا جربت كده لكن البيوس عندي لا يسمح الا بالتحكم في سرعة مروحه البروسيسور فقط و شكرا مره اخري للنصيحه

  4. #4
    عضو ذهبي الصورة الرمزية محمد الجوهري
    تاريخ التسجيل
    Apr 2007
    المشاركات
    3,047
    الدولة: Saudi Arabia
    معدل تقييم المستوى
    109

    رد: مراجعه لمراوح كولر ماستر الجديده مع الكيسه HAF 922

    ممتاز يا دكتور

    هو الصوت الصادر عن المروحه تقدر تقول عليه ضجيج ناتج عن الإهتزاز ؟ , ولا نقول صوت تدفق الهواء ؟
    لو كان ناتج عن الإهتزاز عليك بتركيب أسفنج او مطاط بين المروحه و بين المكان اللى هى راكبه عليه
    هتقول لى أجيبه منين ؟
    أدامك حل من إتنين :
    1- لما بتشترى عليه اسطوانات جديده بتلاقى اسفنجه دائريه كده جايه فى أول العلبه علشان تحافظ على الاسطوانات
    لونها غالبا أبيض ..... دى ممكن تستخدمها , و من باب الأمانه أنا اتعلمت الفكره دى من فادى كولمان.
    2- تدور على شنبر عربيه قديم و تقطع منه اللى انت عاوزه ... و دى كمان فكره فعاله اوى

    بخصوص النتائج الغير مرضيه ....
    ليه ما حاولتش تركب مروحه تانيه فى ظهر المشتت ؟
    و تثبتها بشريط مثلا .....
    [CENTER]
    [/CENTER]

  5. #5
    عضو ذهبي الصورة الرمزية Doctor Medo
    تاريخ التسجيل
    Jun 2009
    المشاركات
    1,770
    الدولة: Egypt
    معدل تقييم المستوى
    43

    رد: مراجعه لمراوح كولر ماستر الجديده مع الكيسه HAF 922

    مش عارف يا جوهري بس غالبا الصوت ناتج عن تدفق الهواء لاني جربت موضوع العوازل ده بكاوتش الانابيب و برضه منفعش

    عارف كلمه turbelance حاسس ان دي اكتر كلمه معبره عن اللي حاصل جوه الكيسه لما كنت مركب المروحتين في الجنب

    اداء المروحه عاجبني جدا و هي راكبه علي مشتت البروسيسور لكن الي مش عاجبني او بمعني اصح كان عاملي ازعاج لقيته اعلي من اني استحمله مع فرق الاداء البسيط لما كان المراوح راكبه في الجنب

    مش ممكن يركب مروحه تاني علي المشتت بسبب شكل ظهره اللي واخد شكل حرف v

    و شكرا لمرورك و للتقييم

  6. #6
    عضو فضي الصورة الرمزية bedotop
    تاريخ التسجيل
    Jul 2006
    المشاركات
    860
    الدولة: Egypt
    معدل تقييم المستوى
    12

    رد: مراجعه لمراوح كولر ماستر الجديده مع الكيسه HAF 922

    اولا مبروك على المراوح

    بعد تركيبك للمراوح هل تستاهل التمن ده ? 300 جنيه !!!

    بصراحه انا شايف إن الآداء ليس مقابل السعر ...


    [SIGPIC]http://i975.photobucket.com/albums/ae240/bedotop/ok-23.jpg[/SIGPIC]

  7. #7
    عضو فضي الصورة الرمزية Black-Edition
    تاريخ التسجيل
    Feb 2009
    المشاركات
    2,665
    الدولة: Egypt
    معدل تقييم المستوى
    31

    رد: مراجعه لمراوح كولر ماستر الجديده مع الكيسه HAF 922

    تقرير ممتاز اخى .... ومبررروك عليك

    يــــــــــــــــــــــــارب

    jOoLiAnOo

  8. #8
    عضو فضي
    تاريخ التسجيل
    Apr 2009
    المشاركات
    1,383
    معدل تقييم المستوى
    0

    رد: مراجعه لمراوح كولر ماستر الجديده مع الكيسه HAF 922

    تقرير ممتاز يا بلوتو

    ربنا يباركلك فيهم

    و ان كنت ارى انها لا تحقق معادلة الاداء مقابل السعر

    ان شاء الله ساقوم بعمل مودينج للكيسة و عندى فكرة تبردي جديدة احتمال اجربها لعل و عسى تأتى بنتائج جيدة





  9. #9
    عضو ذهبي الصورة الرمزية Doctor Medo
    تاريخ التسجيل
    Jun 2009
    المشاركات
    1,770
    الدولة: Egypt
    معدل تقييم المستوى
    43

    رد: مراجعه لمراوح كولر ماستر الجديده مع الكيسه HAF 922

    شكرا لكل الاخوه اللي مروا و الله يبارك فيكم و عقبالكم

    و فعلا زي ما انا قلت و انتم كمان قلتم يا بيدوتوب انت و الجوكر المراوح لا تحقق معاددله السعر مقابل الاداء للاسف و دي من قرارات الشراء اللي انا ندمت عليها و لو كنت اعرف النتائج كده كنت اكتفيت بمروحه واحده ثبتها علي المشتت الفينديتا 2

  10. #10
    إداري سابق
    محرر مجلة عرب هاردوير

    تاريخ التسجيل
    Mar 2007
    المشاركات
    7,602
    الدولة: Jordan
    معدل تقييم المستوى
    65

    رد: مراجعه لمراوح كولر ماستر الجديده مع الكيسه HAF 922

    مبرووك المراوح الجديدة يا دوك :D

    بس حركة حلوة من كيس كولرماستر انك تركب مروحة كبيرة فوق 24 سم أو مروحتين 12 سم ..

    ثم قمت بالدخول على الـ BIOS و قمت بتفعيل خاصية - Chassis Fan Control - و وضعتها على وضع Automatic
    يبدو ان الخاصية دي مش موجودة في كل البوردات أقصد وضع Automatic , لأنها بتوفر تعب وفلوس على فان كنترولر .


    :)

    والله زمـــان




  11. #11
    عضو فضي الصورة الرمزية TEch Zone
    تاريخ التسجيل
    Jul 2009
    المشاركات
    2,439
    معدل تقييم المستوى
    29

    رد: مراجعه لمراوح كولر ماستر الجديده مع الكيسه HAF 922

    شكرا على المراجعة
    تم التقييم
    Playing Now: Dirt 3



  12. #12
    مخالف للقوانين
    تاريخ التسجيل
    Aug 2009
    المشاركات
    756
    الدولة: Egypt
    معدل تقييم المستوى
    0

    رد: مراجعه لمراوح كولر ماستر الجديده مع الكيسه HAF 922

    مراجعه رائعه مستر قلبظ تسلم ايدك

  13. #13
    عضو
    تاريخ التسجيل
    Jul 2008
    المشاركات
    97
    معدل تقييم المستوى
    0

    رد: مراجعه لمراوح كولر ماستر الجديده مع الكيسه HAF 922

    اقتباس المشاركة الأصلية كتبت بواسطة kozmos1 مشاهدة المشاركة
    شكرا لك على المراجعة.


    لكني قمت بوصل المروحة - من طرفها البني - إلى اللوحة الأم, ثم قمت بالدخول على الـ BIOS و قمت بتفعيل خاصية - Chassis Fan Control - و وضعتها على وضع Automatic, و اختفى ذلك الصوت المزعج و أصبحت المروحة تدور بسرعة 1300RPM بصوت هادئ لا يكاد يسمع.

    بإمكانك تجربة ذلك, و لكن على مروحة واحدة أو مروحتين بالأكثر.

    لك تقييم مني :ah7:
    ازاى ممكن اركب كل ماروح الكيسة فى البوردة لان ما فيش غير مكانين اتنين بس والثالث لمروحة البروسيسور
    هل ممكن اقص الاسلاك بتاعات كل مروحتين واركبهم مع بعض فى مكان واحد؟

  14. #14
    عضو ذهبي الصورة الرمزية vmidov
    تاريخ التسجيل
    Oct 2008
    المشاركات
    1,842
    الدولة: Egypt
    معدل تقييم المستوى
    51

    رد: مراجعه لمراوح كولر ماستر الجديده مع الكيسه HAF 922

    تقرير ممتاز يا د/أحمد :ah7:
    والنتائج قد تكون شبه متساويه
    لكن متنساش حضرتك بتقارن بين نوعين Cooler Master فى حين أنها تختلف عن المرواح التجاريه
    أعتقد انه لا تحقق الموازنه بشكل كامل لكن لو كان سعرها اقل حوالى 10-20 جنيه كانت هتكون ممتازه ده لأن سعر مراوح 2B هو 25 جنيه
    ومبروك عليك المراوح الجديده
    للأسف برضه التقييم مش شغال
    [CENTER][CENTER][SIGPIC][/SIGPIC]

    [B][FONT=Impact][SIZE=3][COLOR=Navy]أعتذر منكم إخوانى الأعزاء لأننى لا أعتقد أننى سأقوم بأى مراجعات أخرى وحتى من الممكن ألا أتابع المنتدى العزيز مره أخرى وقد أتابعه من حين لأخر ... الله وحده أعلم
    عموما يكفينى أننى تشرفت بمعرفه الكثير من الأشخاص المحترمه من هذا المنتدى العظيم وأرجو أن يدوم الود سواء كنت قريبا أو بعيدا عن المنتدى
    وبالطبع هناك قله تمنيت أننى لم أكن تعرفت إليهم قط أطلب من الله أن يهديهم ويوفقهم
    وأرجو أن أكون قد إستطعت رد ولو شئ بسيط من الجميل لمنتدانا وما تعلمته منه على مر السنين السابقه
    شكرا لكل أعضاء عرب هاردويير ولكل من قدم لى مساعده عن قصد أو غير قصد[/COLOR][/SIZE][/FONT][/B][/CENTER]
    [/CENTER]

  15. #15
    عضو
    تاريخ التسجيل
    Jul 2008
    المشاركات
    97
    معدل تقييم المستوى
    0

    رد: مراجعه لمراوح كولر ماستر الجديده مع الكيسه HAF 922



    اقتباس المشاركة الأصلية كتبت بواسطة vmidov مشاهدة المشاركة
    أعتقد انه لا تحقق الموازنه بشكل كامل لكن لو كان سعرها اقل حوالى 10-20 جنيه كانت هتكون ممتازه ده لأن سعر مراوح 2B هو 25 جنيه


    سعر المراوح ال 2B
    12 جنيه واحياننا بتتباع ب 10 جنيه
    تصحيحا للمعلومة فقط لو حبيت تقارن

صفحة 1 من 2 1 2 الأخيرةالأخيرة

المواضيع المتشابهه

  1. {مصر - الاسكندرية} للبيع - كيس كولر ماستر HAF 922
    بواسطة Godfatherx64 في المنتدى الأرشيف
    مشاركات: 3
    آخر مشاركة: 12-07-2011, 22:29
  2. (القاهره) بور كولر ماستر 350 وات
    بواسطة محدودالدخل في المنتدى الأرشيف
    مشاركات: 1
    آخر مشاركة: 20-08-2010, 13:39
  3. معجون كولر ماستر
    بواسطة Om51 في المنتدى الأرشيف
    مشاركات: 4
    آخر مشاركة: 03-11-2003, 15:19

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •