المشاركة الأصلية كتبت بواسطة abdalla_atta
بسم الله الرحمن الرحيم
حصريا ... شرح فيديو عربي لتقنية ال ADSL التركيب والتشغيل والصيانة واهم المميزات
في الاول بحب اهدي الفيديو ده لاساتذتنا الكبار المهندس احمد جودة والمهندس ياسر رمزي والمهندس محمد سمير والمهندس لومارك
لانه بصراحة انا مفكرتش اعمل الفيديو ده غير لما شفت اللي هما عاملينه والمجهود الجبار اللي بيبذلوه في قسم الشهادات العلمية في منتدانا الحبيب عرب هاردوير
انا لقيت اني مش عارف اي شهادة من الشهادت العلمية كويس عشان اقدر اشرحها فقلت اساهم باللي اعرفه واللي اعرفه هو تقنية ADSL لاني اشتغلت فترة موظف دعم فني في شركة خدمات ADSL في مصر
الجزء الاول من الفيديو بشرح فيه النقاط التالية :
1. استخدام تقنية Dialup وعيوبها
2. مقدمة عن خدمة ADSL
3. طريقة التقديم وطلب الخدمة
4. مواصفات خط التليفون اللي بيقبل الخدمة
5. تقسيم وانواع شركات الانترنت في مصر Egypt ISP Classes
6. طريقة تدبيس الخط في السنترال
7. تركيب السبلتر والروتر في المنزل Splitting the line
8. اعداد الروتر Configration
9. الفرق بين سرعة التحميل وسرعة الرفع Downstream , Upstrem
10. السرعة الفعلية Actual Speed
11.سياسة الاستخدام العادل Fair Use Policy
12. الانترنت المحدود Limited ADSL
13. خدمة الانترنت الامن او الانترنت العائلي Family Internet
ان شاء الله الجزء الثاني هيكون جاهز قريب بس بعد ما تقولو رايكم في الجزء الاول
وده رابط فيديو الجزء الاول
الفيديو مدته ساعتين ونصف تقريبا معلش هو طويل شوية بس حجمه صغير 100 ميجا بس مع الحفاظ علي الجودة
اللي خلاني طولت فيه كده اني كنت ناوي اشرح كل حاجة مرة واحدة بس لقيت ان الموضوع هياخد وقت جامد قلت يبقي لازم اقسمه علي مرتين
ان شاء الله الشغل يعجبكم بس ياريت يا جماعة تقلوللي ايه رايكم فيه ولو فيه اي ملاحظة تقولوها عشان في الفيديو التاني اتجنب العيوب اللي في الفيديو الاول
الفيديو ده مجاني لوجه الله تعالي و هيكون متاح علي موقع عرب هاردوير وعلي المنتدي الخاص لشركة تي ايه داتا ولو حد عايز ينقله في يا مكان تاني مفيش مشاكل بس يذكر فقط ان الموضوع منقول ويحط لينك الموضوع الاصلي في الموضوع الجديد بتاعه
في الاخر كل اللي باطلبه منكم انكم تدعولي باني ربنا يوفقني في شغلي وفي دراستي ... لاني في امس الحاجة للدعاء خصوصا في الوقت ده
السلام عليكم
المفضلات