النتائج 1 إلى 13 من 13

الموضوع: سؤال للناس اللي بتفهم في سوق العمل واللي عندها خبره

  1. #1
    عضوية جديدة
    تاريخ التسجيل
    Mar 2010
    المشاركات
    9
    معدل تقييم المستوى
    0

    سؤال للناس اللي بتفهم في سوق العمل واللي عندها خبره



    السلام عليكم ورحمة الله وبركاته


    دلوقت انا كنت عايز اسئل عن حاجه ويا ريت بجد حد من القسم يفيدني ويردو عليا

    لو الواحد دلوقت درس
    Adobe Photoshop ودرس كمان برنامج Adobe Illustrator

    فقط يعني البرنامجين دول بس دراسه احترافيه

    هيكون وضعه ايه في سوق العمل سواء جوه مصر او بره مصر يعني مرتبه ممكن في بدايه شغله يكون كام لو هو متمكن من البرنامجين دول كويس يا ريت بجد حد من اهل الخبره يقولي ولو كمان تعرفوا امكان بتدرس البرامج دي بأتقان وخبره عاليه يا ريت تقولوا عليها انا سمعت عن مركز اسمه newhorizons ومراكز زي يات وغيرها بس يا ريت نصيحه في المكان اللي في انستركتور كويس جدا عشان بجد انا عايز استفيد كويس ومستني ردكم وشكرا مقدما.

    اخوكم عامر

  2. #2
    عضو الصورة الرمزية المبرمج المصرى
    تاريخ التسجيل
    Sep 2009
    المشاركات
    366
    معدل تقييم المستوى
    9

    رد: سؤال للناس اللي بتفهم في سوق العمل واللي عندها خبره

    1-فى حاجات لازم تكون عرفها مثل:
    دبلومة الجرافيك بتتكون من :-
    نظرية الألوان وأساسيات الإعلان color theory
    برنامج photoshop-illustrator-indesign
    س/إيه الفرق بين ال3برامج؟
    برنامج الفوتوشوب بيستخدم فى الطباعة على الورق والقماش فقط إذا مجالات العمل المتاحة هى فى المطابع و مكاتب التصميمات والصحف ...إلخ
    برنامج اليستريتور بيستخدم فى الطباعة على الخزف والخشب وكذلك الطباعة على الأكواب إذا مجالات العمل المتاحة ستكون فى المصانع مثلا
    برنامج ان ديزين بيستخدم فى عمل الصحف وتنسيقها وكذلك الكتب والمجالات إذا مجالات العمل المتاحة ستكون فى الصحف والمكتبات
    هناك أشياء أخرى بخلاف إتقان البرنامج تؤثر فى الحصول على فرصة عمل مثل الموهبة الفطرية وحسن تنسيق الألوان والخبرة هذه العوامل تؤثر فى الحصول على فرصة عمل وكذلك فى المرتب
    قال ابن الجوزي - رحمه الله - : " أتدري من الرجل؟ الرجل والله من إذا خلا بما يحب من المحرم وقدر عليه وتقلقل عطشا إليه نظر إلى نظر الحق إليه، فاستحيا من إجالة همه فيما يكرهه، فذهب العطش"
    استحيا من إجالة همه فيما يكرهه==>أى استحى أن يقضى هذه الشهوة فيما يكرهه الله عز وجل

  3. #3
    عضوية جديدة
    تاريخ التسجيل
    Mar 2010
    المشاركات
    9
    معدل تقييم المستوى
    0

    رد: سؤال للناس اللي بتفهم في سوق العمل واللي عندها خبره

    شكرا جدا على ردك وكلامك صح طبعا وانا ناوي اني ادرس برنامجين منهم على اساس ارقى بمستواي لالاحسن في كل الاحول وعلى العموم شكرا على ردك ولو في امكان تعرفها عشان الكورسات يا ريت تقولي

  4. #4
    عضو الصورة الرمزية المبرمج المصرى
    تاريخ التسجيل
    Sep 2009
    المشاركات
    366
    معدل تقييم المستوى
    9

    رد: سؤال للناس اللي بتفهم في سوق العمل واللي عندها خبره

    أولا أنصحك تاخد الدبلومة كلها
    ثانيا أنت فى أى محافظة
    قال ابن الجوزي - رحمه الله - : " أتدري من الرجل؟ الرجل والله من إذا خلا بما يحب من المحرم وقدر عليه وتقلقل عطشا إليه نظر إلى نظر الحق إليه، فاستحيا من إجالة همه فيما يكرهه، فذهب العطش"
    استحيا من إجالة همه فيما يكرهه==>أى استحى أن يقضى هذه الشهوة فيما يكرهه الله عز وجل

  5. #5
    عضوية جديدة
    تاريخ التسجيل
    Mar 2010
    المشاركات
    9
    معدل تقييم المستوى
    0

    رد: سؤال للناس اللي بتفهم في سوق العمل واللي عندها خبره

    انا في محافظه القاهره بس انا فعلا دورت على الدورات وكده ولقيت الدبلومه هيا تمام وكل حاجه بس مش هتكون بدقه ان اخد كل برنامج لوحده يعني انا شايف لما اخد برنامج الفوتو شوب لوحده اكيد احسن لما ادرسه مع الاسليتور واي برامج تانيه يعني انا رأي دراستي لك برنامج لوحده هيدني وقت للفهم والتعمق اكتر من اخدهم كلهم مع بعض ده راي وبرضو اكيد رأيك صح مفيش خلاف اتمنى تفدني بالاماكن لو تقدر

  6. #6
    عضو برونزي الصورة الرمزية peter pan
    تاريخ التسجيل
    Oct 2005
    المشاركات
    365
    الدولة: Egypt
    معدل تقييم المستوى
    13

    رد: سؤال للناس اللي بتفهم في سوق العمل واللي عندها خبره

    السلام عليكم و رحمة الله



    اسمح لى يا اخى أن اعرض عليك بعض النقاط التى ربما تساعدك فى اتخاذ قرارك بصورة سليمة



    عليك فى البداية الا تضع العربة امام الحصان ، و ان ترتب الاولويات بصورة سليمة .



    انت تريد ان تكون مصمم جرافيك ... شىء عظيم بالطبع .



    و لكن .....



    - هل تشعر انك موهوب فعلا و لكن تنقصك الخبرة و دراسة بعض ادوات التصميم التى سوف تساعدك على تنفيذ عملك ؟



    - هل تجيد الرسم ؟



    -هل لديك الاحساس بالالوان و كيفية المزج بينها ؟



    - ما هو مجال التصميم الذى تحب ان تعمل فيه و تشعر انك ستكون مميز فيه ؟
    (و ضع تحت مميز 100 خط)




    اختلى بنفسك و اجب على هذه الاسئلة بصدق و بعدها يمكننا الانتقال للمرحلة التالية.



    تقبل مودتى .




    عفوا : نسيت اسألك ، ما هى درجة اجادتك للغة الا نجليزية ؟
    [CENTER]
    [SIGPIC]http://img150.imageshack.us/img150/570/ppsignfd4.gif[/SIGPIC]

    [COLOR=Green][B] تلوين شخصية Peter Pan[/B][/COLOR]

    [URL]http://www.arabhardware.net/forum/showthread.php?t=39870[/URL]
    [/CENTER]

  7. #7
    عضوية جديدة
    تاريخ التسجيل
    Mar 2010
    المشاركات
    9
    معدل تقييم المستوى
    0

    رد: سؤال للناس اللي بتفهم في سوق العمل واللي عندها خبره

    اولا انا متشكر جدا على ردك انا الحمد لله بحب الجرافيك والصور من حتى قبل ما افكر اني ادخل المجال ده بس حته اني بعرف ارسم اني مثلا امسك قلم وابدا ارسم مثلا دي لا بس بحب اني مثلا في فكره اعملها طبعا بمساعده البرامج اداخل الصور على بعض مزج الالوان عمل شكل اضافي يضيف للتصميم او الصوره واكيد لما اتعلم البرامج الخاصه بالحاجات دي قدرتي هتزيد صح ولا لاء؟ اما حته ايه المجال اللي عايز ادخله في التصميم ده اللي انا بسئله ليكم هنا في المنتدى انا لما ادرس البرنامجين دول شغلي ممكن يكون على ايه وفي اي مجال بالظبط ممكن اعلانات ممكن كروت ممكن برشور هو ده اللي ممكن انتو تقولولي عليه وشكرا مره تانيه على اهتمامك

    اما بالنسبه لمستواي في اللغه الانجليزيه فانا مستواي كويس في اللغه

  8. #8
    عضو برونزي الصورة الرمزية peter pan
    تاريخ التسجيل
    Oct 2005
    المشاركات
    365
    الدولة: Egypt
    معدل تقييم المستوى
    13

    رد: سؤال للناس اللي بتفهم في سوق العمل واللي عندها خبره

    السلام عليكم

    شوف يا عامر انا حساعدك انى اوضح لك نقط و اطرح عليك اسئلة علشان فى الاخر انت اللى تاخد القرار بنفسك و تكون متأكد انه قرار صح.

    انا الحمد لله بحب الجرافيك والصور من حتى قبل ما افكر اني ادخل المجال ده
    انا بحب جدا قيادة السيارات النقل لكن عمرى ما فكرت انى اطلع رخصة درجة اولى و اشتغل سواق على عربية نقل .

    حب التصميم شىء و انك تمتهنه و يكون مصدر دخلك فهذا شىء اخر .

    خللى دايما النقطة دى فى بالك.

    بحب اني مثلا في فكره اعملها طبعا بمساعده البرامج اداخل الصور على بعض مزج الالوان عمل شكل اضافي يضيف للتصميم او الصوره واكيد لما اتعلم البرامج الخاصه بالحاجات دي قدرتي هتزيد صح ولا لاء؟
    مش بالضبط .

    البرامج دى مجرد اداة ، زى قلم فى ايدك ، ممكن تكتب بيه شعر او جواب او شكوى كيدية .

    علشان كده سألتك عن الموهبة .

    احساسك من جوه ناحية التصميمات الفنية ... لا اقصد اعجاب بتصميم و انك عايز تتعلم برنامج علشان تعمل مثله .
    انا اقصد ان جواك افكار بالفعل واضحة شكل و لون ، بس انت محتاج لاداة تساعدك لاخراجها للنور .

    اظن الفكرة واضحة.

    و بالتالى لو اخدت دكتوراه فى الفوتوشوب و انت لا تمتلك القدرة على خلق تصميمات ، فالشهادة اصبحت حبر على ورق.

    اما حته ايه المجال اللي عايز ادخله في التصميم ده اللي انا بسئله ليكم هنا في المنتدى انا لما ادرس البرنامجين دول شغلي ممكن يكون على ايه وفي اي مجال بالظبط ممكن اعلانات ممكن كروت ممكن برشور هو ده اللي ممكن انتو تقولولي عليه
    اولا انت اللى تختار بنفسك.. طبعا بعد ما تعرف كل مجال و تخصصاته

    بس فيه نقطة مهمة هى ان سوق العمل - فى مصر - فى مجال التصميم تحديدا لا يعرف التخصص

    صاحب العمل عايز يشغل عنده واحد يعرف كل البرامج و يعرف يعمل كل حاجة

    طبعا ده منتهى التخلف من وجهة نظرى

    لو انت لسه بتدرس فى الجامعة فالفرصة لسه متاحة امامك سواء للدراسة و التعلم فى مجال التصميم و معرفة المجال اللى انت حابب تدخل فيه.

    نقطة مهمة :

    الكورسات و الشهادات مجرد تجارة ، صاحب العمل يبحث عن الموهبة قبل كل شىء.

    اقرا كويس اللى انا كتبته لك .

    فكر فيه كويس .

    و بعدين نكمل كلام.

    تقبل مودتى



    على فكرة يا عامر ...
    ان تعمل فى مجال و تكون متميز فيه اهم من ان تكون مجرد رقم اضيف لقائمة المصممين .
    :ah38:


    [CENTER]
    [SIGPIC]http://img150.imageshack.us/img150/570/ppsignfd4.gif[/SIGPIC]

    [COLOR=Green][B] تلوين شخصية Peter Pan[/B][/COLOR]

    [URL]http://www.arabhardware.net/forum/showthread.php?t=39870[/URL]
    [/CENTER]

  9. #9
    عضوية جديدة
    تاريخ التسجيل
    Mar 2010
    المشاركات
    9
    معدل تقييم المستوى
    0

    رد: سؤال للناس اللي بتفهم في سوق العمل واللي عندها خبره

    اولا احب اقولك ان كلامك مميز جدا وده دليل على رؤيتك القويه للموضوع ووجه نظرك كمان اللي بتبص للمستقبل ودي حاجه انا احترمها طبعا فيك بص يا استاذي وانته فعلا تسحتق اللقب ده بعد الكلام اللي قولته لان بيدل انك فعلا استاذ وواعي وفاهم وانا بحب فعلا اتعامل مع النوعيه دي من الناس لان بحس انهم عارفين الدنيا ماشيه ازاي انا مش هقولك انا مبدع وفنان ومفيش زي بس انا الحمد لله بحب افكر يعني مثلا لو جيت تقولي انا عايز اعمل كذا ممكن اجيب انا فكره الموضوع تكون ازاي ارسم الشكل في خيالي هيكون ازاي يعني الحمد لله عندي القدره على انشاء فكره سواء من شكل او صور او اضافات تكون مرتبطه بالفكره المطروحه يعني هقول حضرتك حاجه انا احيانا كتير اوي اكون ماشي في الشارع واشوف اعلان بس بحس ان ليه ميكونش احسن من كده ليه مثلا الصوره اللي موجوده متكونش صوره احسن تضيف احسن ليه ميكون في نأثير في الشكل يساعد على الظهور بمستوى ارقى واجمل بحس ان الاعلانات كلها شكل واحد ونمط متكرر لا تجديد اما حته انا موهوب ويا ترى هقدر اطلع شغل كويس طيب انا معاك في النقطه دي بس ازاي هقدر احكم على نفسي وانا مش عارف فعلا اصمم حاجه على البرامج المختصه عشان مش عارف اشتغل عليها يمكن لما اشتغل عليها اقدر اطلع شغل كويس اما حته المجال اللي انا عايز ادخله ايه بص انا مش هخبي عليك انا اطلب مني دراسه البرنامجين دول بالتحديد لان شغلهم مطلوب فاكيد انا عايز تخصصي خاص باعمال البرامج دي وخصوصا ان فعلا لما لفيت في المنتديات وسئلت كتير عرفت ان دول تقريبا اقوى برامج االجرافيك اللي الشغل ماشي بيها سواء في مصر او بره مصر ويمكن اكتر بره مصر كمان اتمنى اسمع رد حضرتك واعزني على الاطاله ولو كلامي ممكن يكون في شيء غلط بس انا بستعين بيكم هنا وبعتبركم زي اخواتي اللي بتفدوني ومعلش بردو عايز اسئلك على حاجه يمكن اكون غلط فيها بس فعلا حاجه محيراني شويه زي ما قولت لحضرتك انا بشوف اعلانات ماليه الشوارع وطبعا كلها شغل جرافيك بس لالامانه مش بحس فيها بابداع ولا حتى بنسبه 50 % يعني تصميمات عاديه جدااااا لابعد حدود مجرد اسم الشركه او العميل ورمزه سواء شعار او كلمه مع خلفيه ويوم ما تلاقي حاجه جامده يكون فرشه من فرش الفوتوشوب ملعوب بيها في التصميم لا اكتر ولا اقل الصراحه لم ارى اي ابداع او حاجه حتى تشد في التصميم تخليني اقول ياه مين اللي عمل التصميم ده !!! اتمنى بردو يكون ليك تعليق على الكلام ده واسف جدا بجد سامحني اوي على الاطاله دي معلش بجد

  10. #10
    عضو برونزي الصورة الرمزية peter pan
    تاريخ التسجيل
    Oct 2005
    المشاركات
    365
    الدولة: Egypt
    معدل تقييم المستوى
    13

    رد: سؤال للناس اللي بتفهم في سوق العمل واللي عندها خبره

    السلام عليكم
    العفو يا عامر .
    انا كل ما اطلبه هو الدعاء بظهر الغيب .

    ندخل فى الموضوع..

    انا مش هقولك انا مبدع وفنان ومفيش زي بس انا الحمد لله بحب افكر يعني مثلا لو جيت تقولي انا عايز اعمل كذا ممكن اجيب انا فكره الموضوع تكون ازاي ارسم الشكل في خيالي هيكون ازاي يعني الحمد لله عندي القدره على انشاء فكره سواء من شكل او صور او اضافات تكون مرتبطه بالفكره المطروحه
    عظيم ... ممكن ان اقول اننا على اول الطريق السليم .

    انا احيانا كتير اوي اكون ماشي في الشارع واشوف اعلان بس بحس ان ليه ميكونش احسن من كده ليه مثلا الصوره اللي موجوده متكونش صوره احسن تضيف احسن ليه ميكون في نأثير في الشكل يساعد على الظهور بمستوى ارقى واجمل بحس ان الاعلانات كلها شكل واحد ونمط متكرر لا تجديد
    كلامك ده دليل على ما سبق و قلته . و هو وجود اعداد محسوبة على المصممين و هم لا يملكون الحس الفنى الحقيقى .

    على فكرة .. هناك من يطلق عليهم مصممين و البعض الاخر يطلق عليهم " كفتجيه " .

    كلما كان التصميم بسيط و واضح

    Clean and Simple

    كان هذا دليل على الذوق .

    لكن فرح العمدة يدل على ان من قام بهذا التصميم حرفى ( فلاتر و ريش ) و ليس فنان .

    تشابه الاعلانات و الانماط و تقليد التصميمات من المطبوعات الاجنبية دليل اخر على ما اقوله .


    انا اطلب مني دراسه البرنامجين دول بالتحديد لان شغلهم مطلوب
    الجملة دى بتحسسنى باعلان فى الوسيط.

    مطلوب نجار مسلح للعمل فى الاردن :D

    يا عامر المطلوب مصمم يعرف يشتغل على الفوتوشوب .و ليس مشغل فوتوشوب.

    زى المعمارى المطلوب يعرف AutoCAD

    عدم معرفته بالاوتوكاد لن ينفى عنه صفة انه معمارى و لكن لن يستطيع انجاز عمله .

    و معرفة طبيب لبرنامج الاوتوكاد لن تجعل منه معمارى .

    انا بشوف اعلانات ماليه الشوارع وطبعا كلها شغل جرافيك بس لالامانه مش بحس فيها بابداع ولا حتى بنسبه 50 % يعني تصميمات عاديه جدااااا لابعد حدود مجرد اسم الشركه او العميل ورمزه سواء شعار او كلمه مع خلفيه ويوم ما تلاقي حاجه جامده يكون فرشه من فرش الفوتوشوب ملعوب بيها في التصميم لا اكتر ولا اقل الصراحه لم ارى اي ابداع او حاجه حتى تشد في التصميم تخليني اقول ياه مين اللي عمل التصميم ده !!!
    هذا يعود بنا للفرق بين المبدع و الكفتجى .

    كذلك الفرق بين التصميم و فرح العمدة .

    ---------------------------

    احنا كده على اول الطريق..

    و طالما الموضوع بالنسبة لك مش مجرد فكرة مؤقتة و انك نويت و توكلت على الله

    المطلوب منك الاتى :

    حضرتك حتبتدى الاول تنزل اخر اصدار من فوتو شوب انجليزى مش عربى .

    - تشترى ماوس محترم ، مش مطلوب يكون غالى جدا ، المطلوب ان درجة الحساسية فيه تكون عالية ، علشان الدقة فى التصميم و استعمال الادوات .

    - طابعة : برضه مش لازم تكون غاليه و ممكن ابيض و اسود ..
    الغرض هو انك تطبع اى معلومة مهمة تجدها اثناء بحثك على الانترنت . مش دروس ، لأ ... المطلوب الان خواص الادوات و ما يسمى tips and tricks و الاختصارات . كذلك الامور المتعلقة بنظرية الالوان و اساسيات التصميم.

    قراءة هذه الامور من على الشاشة شىء مجهد جدا و الافضل يكون مكتوب امامك .

    سيادتك قلت ان مستواك فى الانجليزى كويس و هذا شىء جميل .

    حضرتك تنزل المكتبات المحترمة و تبحث عن كتب تعليم الفوتوشوب باللغة الانجليزية .

    محتاج تدور كويس ، لا تشترى اول كتاب امامك و خلاص .

    لو تعرف حد ممكن يبعت لك كتب من الخارج يبقى عظيم .

    دور فى امازون على كل الكتب الموجودة عن الفوتوشوب . مستوى المبتدئين .

    انت محتاج الان التعرف على ادوات البرنامج و تطبيق هذا حتى تستوعب البرنامج و ادواته الاساسية.

    على فكرة البرنامج بسيط جدا و بصورة فعلية لن تستخدم اكثر من 70% من ادواته .

    من ناحية اخرى عليك الاطلاع على مجلات او كتب تتكلم عن التصميم انجليزى برضه .

    مواقع عن التصميم مش دروس .

    انت محتاج تطلع و تبحث و تفهم . و ما تنفقه الان سيعود عليك بعد كده .

    اما موضوع الكورسات ، لا تشغل بالك بها .

    الكورسات مهمة فى المواضيع التى تحتاج منطق ، كالبرمجة مثلا . لانك لازم تعرف ليه عملت الخطوة دى و مش خطوة تانية و هنا يأتى دور المعلم و خبرته .

    لكن الفوتوشوب و ما شابه فمجرد برامج تطبيقات و الحس الفنى فى الاخر هو الحكم .

    الخلاصة :

    انت محتاج ان تكون- بعد الموهبة - بنسبة 100% فيما يتعلق بأسس التصميم و الالوان .
    80% ادوات البرنامج .

    موضوع الدروس الموجودة على الانترنت ستكون مرحلة ثانية و سوف اخبرك فيما بعد لماذا .

    ام انك تريد ان تعرف كل شىء الاّن .

    :cool:

    تقبل تحياتى

    يار ريت يا عامر تفصل السطور عن بعض شوية ، وجدت صعوبة فى متابعة مداخلتك الاخيرة.
    اعذرنى ، اخوك عجوز و نظرى لم يعد كالسابق:ah6:

    تحديث و اضافة :

    كتاب مثل هذا مثلا :
    Adobe Photoshop CS4 Classroom in a Book




    و ده وصف لمحتويات الكتاب :

    Fourteen lessons in Adobe Photoshop CS4 Classroom in a Book cover basic and advanced techniques in Adobe Photoshop, the world’s best image-editing software. Learn how to retouch digital photos, work with layers and masks, navigate the workspace, prepare images print, and explore the latest features. Tips, extra-credit exercises, and step-by-step lessons help you become more productive using Photoshop
    .

    اذا تعذر الحصول على الكتاب من المكتبات فى القاهرة فممكن تبحث عن تورنت او نسخة PDF و تطبعها .

    نصيحة :

    اذا قررت طباعة كتاب ، الافضل و الاوفر انك تطبعه فى مكتب محترم بيطبع من الكومبيوتر على ماكينة تصوير .
    الورقة فى حدود 25 قرش .

    الجودة مثل طابعات الليزر و السعر طبعا اوفر .

    فى الغالب حيوفر معاك ، ده طبعا اذا لم تجد نسخة مكتوبة .

    ممكن كمان تطبع ورقتين فى ورقة . ده للتوفير ، و اللى وفرته فى الطباعة فى الحالة دى ، فى اّخر ما تخلص الكتاب حتعمل بيه كشف نظارة .:ah26:


    قراءة مثل هذه الكتب من على الشاشة امر متعب جدا جدا ، اسأل مجرب ، لهذا انصحك بالنسخ المطبوعة من الكتب .

    بس كده .

    [CENTER]
    [SIGPIC]http://img150.imageshack.us/img150/570/ppsignfd4.gif[/SIGPIC]

    [COLOR=Green][B] تلوين شخصية Peter Pan[/B][/COLOR]

    [URL]http://www.arabhardware.net/forum/showthread.php?t=39870[/URL]
    [/CENTER]

  11. #11
    عضوية جديدة
    تاريخ التسجيل
    Mar 2010
    المشاركات
    9
    معدل تقييم المستوى
    0

    رد: سؤال للناس اللي بتفهم في سوق العمل واللي عندها خبره

    انا بشكرك جدا يا استاذي وانا فعلا قبل ما ادخل في اي حاجه خالص او كورسات او ما شابه لازم اكشف على نفسي الاول طبعا


    مش هكشف عند دكتور ههههههه لا انا قصدي اني فعلا من مده بدأت ابحث عن كل اللي قولته وهو ادوات الفوتوشوب ومعني


    اده ومهمتها وطريقه استخدامها وبدات فعلا اشوف الادوات لكن لسه مش بدات شغل حقيقي طبعا بس قريب ان شاء الله اول ما


    اتمكن منها كويس وابدا اعمل حاجات بسيطه ان شاء الله هعرضها عليك لابداء رأيك لان فعلا اكيد رايك هيضيف ليا كتير واحب واجه



    شكري ليك مره تانيه على المساعده دي وربنا يكرمك ويوفقك ان شاء الله وشكرااا ليك بجد

  12. #12
    عضو برونزي الصورة الرمزية peter pan
    تاريخ التسجيل
    Oct 2005
    المشاركات
    365
    الدولة: Egypt
    معدل تقييم المستوى
    13

    رد: سؤال للناس اللي بتفهم في سوق العمل واللي عندها خبره

    الشكر لله يا اخى.

    بالتوفيق بإذن الله.

    [CENTER]
    [SIGPIC]http://img150.imageshack.us/img150/570/ppsignfd4.gif[/SIGPIC]

    [COLOR=Green][B] تلوين شخصية Peter Pan[/B][/COLOR]

    [URL]http://www.arabhardware.net/forum/showthread.php?t=39870[/URL]
    [/CENTER]

  13. #13
    عضوية جديدة
    تاريخ التسجيل
    Mar 2010
    المشاركات
    9
    معدل تقييم المستوى
    0

    رد: سؤال للناس اللي بتفهم في سوق العمل واللي عندها خبره



    امين يا رب وربنا يوفقنا جميعا ان شاء الله

المواضيع المتشابهه

  1. سؤال خفيف للناس اللى بتفهم
    بواسطة mero5005 في المنتدى الأرشيف
    مشاركات: 5
    آخر مشاركة: 02-06-2012, 00:47
  2. مشاركات: 6
    آخر مشاركة: 02-09-2010, 07:55
  3. مشاركات: 2
    آخر مشاركة: 07-03-2010, 23:09
  4. سؤال للناس اللي عندها samsung 2333sw+
    بواسطة shaq في المنتدى الأرشيف
    مشاركات: 8
    آخر مشاركة: 25-10-2009, 22:13
  5. مشاركات: 11
    آخر مشاركة: 04-01-2008, 20:25

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •