عااجل جدا !!! أيهما افضل DELL vostro 1015 أم toshiba L505-s5990 (عنوان معدل)

[eloma]

السلام عليكم
ارجو الافادة سريعا
انى نازل اشترى بكرة

انا كنت محتار بعد لفة طويلة
بين جهازين

اولا انا عايز لاب علشان الكلية(هندسة) شغل برمجة و كدة
و متوسط الفلوس 3500


الجهازين هم
DELL vostro 1015 .....بـ(3300)جنيه
و
toshiba L505-s5990 بـ(3800)جنيه بس طبعا لسة هنزل في سعره

و ناس قالولى ان توشيبا احسن
و انا لقيت الجهاز ده موصافاته كويسة بس هو تقريبا موديله قديم شوية
https://laptops.toshiba.com/laptops/...500/L505-S5990


فيايريت اعرف رأيكم

جزاكم الله خيراااا

[Dr Mohammad]

التوشيبا مواصفاته كويسة ما شاء الله
و لكن لو تهمك الألعاب و الجرافيك و التصميم بيقى لازم تشوف جهاز تانى بكارت شاشة منفصل عالى
و لو مايهمكش الحاجات دى يبقى الجهاز كويس إن شاء الله

أما الديل فأنا لا أعلم مواصفاته فأرجو أن تذكرها كاملا

و شخصيا ارى أن توشيبا افضل من ديل

و لا تنس صلاة الاستخارة قبل ان تشترى الجهاز

و اى سؤال انا تحت امرك

ملحوظة : العنوان مبهم و غير مناسب و قمت بتعديله , و إذا رغبت بإعادة تعديله أعطنى العنوان الجديد بشرط ان يكون مناسب لمحتوى الموضوع , و ارجو الالتزام بذلك مستقبلا حتى لا يتعرض الموضوع للحذف

[eloma]

شكرا لردك يا دكتور
و عدل براحتك مفيش مشاكل

المهم

انا بعد ده كله اشتريت
dell inspiron 1564
core i3 cash 3, ram 2 , HD 250
بسعر 3350

بس فى مشكلة
انا اشتريته امبارح على اساس ان الضمان مع شركة كويست سنة
لكن اكتشفت انهاردة ان الضمان مش معاهم
و كلمت المحل و اللى باعلى اتلخبط
فطلع الضمان مع المحل و قالى احنا متكفلين بيه و كدة
لكن انا قولته انى هرجعه

فانت ايه رأيك ؟؟
مع العلم انى دخلت على موقع ديل
و دخلت رقم الجهاز
و طلع ان
st date 3/10/2010
end date 3/11/2011

يعنى الموضوع رسمى !!!

[Dr Mohammad]

مبارك عليك الجهاز

هل يوجد حروف عربى على لوحة المفاتيح ؟ و هل هى مطبوعة ام استيكر ملزوق ؟
لو كانت مش موجودة او استيكر أو مطبوعة طباعة ليزر (مش اصلية) فده معناه إن المحل هو اللى مستورد الجهاز و الضمان عنده
و طبعا ضمان الوكيل أفضل لأن الصيانة اكيد افضل و كذلك قطع الغيار متوفرة
فلو تقدر ترجعه و تجيب جهاز تانى بضمان الوكيل يبقى احسن

ملحوظة : ممكن الجهاز يكون بضمان وكيل ثانى (BDL مثلا) , و ليس ضمان المحل فياريت تتأكد من صاحب المحل

[eloma]

الحروف مطبوعة عليه

و انا رجعته بالفعل
و بحثت عن الجهاز فى كذا مكان
لكن للاسف الموديل ده اللى بنفس المواصفات
مش موجود منه دلوقتى خالص ضمان كويست

الغريب ان فى بياعين مش فاهمين ان الجهاز اللى مش عليه ستيكر
انه مش ضمان كويست


لكن فى نفس الجهاز بس الهارد 320
و الضمان سنتين كويست
لكن بـ 3600