م**** في عملية الترقية والريكفر

[k.a.k]

السلام عليكم ورحمة الله وبركاته ,,,,,,



لدي مشكلة واتمنى ان نستفيد من خبراتكم في حلها وفق الله الجميع

لدي نظام ويندوز اكس بي برو المهم عنما شغلتها بعد سنوات من العمل المشترك الرائع بيني وبينه الا انه في ذات يوم رفض ان يشتغل وظهرت لي رسالة مفادها باختصار {registry file failure}

وبرضوا كلام ثاني لكن هذا الاهم اتوقع المهم وبعد بحث عن الحل وجدت الحل الا وهو استعادة بعض الملفات المفقودة من سي دي الويندوز اي عمل ريكفر شغلت الوينوز وارد عمل ريكفر ظهرت رسالة قبل ان اختار الريكفر وهي :: Setup cannot locate Windows installation you want >>>>

ما الحل لأني خائف ان الهاردسك المشكلة ده فيه كل دراستي و كل الذكريات الله يعين

ملاحظة :: لم يشتغل معي بوضع السيف مود

شكراً للجميع

[beso_xp]

يا أخي أولاً من كلامك كده أقدر أقول إنك راجل خبرة في الكمبيوتر

لكن مش عارف ليه دايماً بنقع في الخطأ نفسه كل مرة

ليه شغلنا وخصوصياتنا وملفاتنا المهمة بنحفظها على الـ C

أتمنى إنك وغيرك وكلنا نتعلم الدرس بقى عيب أوي كده

الجل الأمثل حالياً المتوفر عندي إن يكون عندك سي دي ويندوز بوتيبل وده مفيش واحد خبرة معندوش السي دي ده

أو إنك تاخد الهارد وتوصله على جهاز تاني وتاخد ملفاتك المهمة

أو حتى على الأقل تنقلها على درايف تاني غير الدرايف اللعين ده

مؤقتاً بس على ما تشوف حل

والحل الأخير هتلاقيه في المشاركة القادمة بعد قليل إن شاء الله

[k.a.k]

في البداية أشكرك على ردك الذي رد الأمل لدي بإنقاذي من المشكلة

أما عن مشكلة وضع الملفات في السي فهذا ولله الحمد لم اقع فيه لان ملفاتي وضعتها في الدي

وما القصد من سي دي الويندوز بوتيبل لأني أدخلت سي دي للوينوز ولكن زي ما ذكرت سابقاً ظهرت لي هذه الرسالة

:: Setup cannot locate Windows installation you want >>>>

لكن انا اقصد من خوفي ان الهاردسك ما يشتغل مره وحده

اشكرك مره اخرى واتمنى ان ارى ردك

[ardoghan]

هي نفس مشكلتي بس ما عرفت الحل

[soliman]

لو حضرتك عندك اسطوانة بوت هيرن Hiren's BootCD موجود بها نسخة xp تستطيع من خلالها تشغيل الجهاز وعمل اى شيء تريده
سواء حفظ الملفات او اصلاح الويندوز
تحياتى

[beso_xp]

السلام عليكم ورحمة الله وبركاته

أولاً أخي الفاضل أعتذر عن التأخير

ثانياً

شوف يا أخي الكريم

بالنسبة لأسطوانة ويندوز البوتيبل

دي اسطوانة زي ما تفضل الأخ سليمان وشرح لحضرتك انها اسطوانة تشبه الطوارىء

يعني لو السيستم ضرب أو وقع لا قدر الله

دي زي الإسعاف كده تبوت منها وهي متسطب عليها نسخة ويندوز هتدخل على ويندوز الاسطوانة كإنه ويندوز عادي جدا جدا

وبكده تقدر تحافظ على ملفاتك قبل ما تنزل نسخة جديدة أو تعمل فورمات أو حتى تصلح أخطاء النظام

ونيجي للمهم بقى يا سيدي

انا هقولك على الحل الأخير ويا رب يظبط معاك

لكن

أعذرني مرة تانية

انا شغال في مكان حساس جدا

وأغلب المواقع عندي مقفولة ومحجوبة ومش بقدر ارفع صور ولا أي حاجة

يعني هحاول اشرح لك وانت تتخيل



اول حاجة تبوت من اسطوانة الويندوز العادية

هتلاقي طبعا 3 اختيارات
اختار التاني اللى هو ريكفر كونسول بالضغط على زر R

هتلاقيه فتح شاشة الدوس ويطلب منك تدخل رقم البارتيشن اللى عليه النظام

يعني لو عندك الويندوز على السي تضغط رقم 1 وبعدين إنتر

ولو على الدي تضغط رقم 2 وبعدين إنتر

أظن لحد هنا واضح جدا

اعتقد انه في الحالة دي هيطلب منك باسوورد الأدمينيستراتور
لو كان عندك باسوورد دخلها واضغط إنتر

لو معندكش ولقيته بيستهبل متكتبش حاجة وتضغط إنتر برضه


لحد هنا وخلص اللعب يا جميل

بعد كده ركز شوية
************
اكتب الأمر ده

chkdsk
وبعدين إنتر

الأمر ده واضح من إسمه إنه بيقوم بفحص النظام

***********

بعد ما يخلص اكتب الأمر ده

fixmbr

وبعدين إنتر

لو طلب منك تأكيد إضغط على حرف Y

وبعدين إنتر

والأمر ده أعتقد إنه بيسجل أو بيكتب قيم جديدة للبوت الرئيسي

*****************

بعد ما يخلص اكتب الأمر ده

Fixboot

وده مش هقولك بتاع إيه عشان سر



ولو طلب منك تأكيد برضه في أي مرحلة اهو انت عرفت طريق حرف الـ Y

وبعدين إنتر

وبعد نا يخلص خالص يا معلم ما عليك غير إنك تكتب الأمر ده

exit

عشان تخرج من الموقف وانت بتدعي ربنا انه يكرمك والجهاز يشتغل

على فكرة

الطريقة دي انا مجربها بدل المرة مرة ونص

وشغالة مية مية وزي الفل ومضمونة جدا جدا جدا

وزي ما قولت لك في الأول

أتمنى انها تنفع معاك

وعلى فكرة يا شباب

أي حد يقرأ الموضوع ده أو تحصل له مشكلة في الجهاز يجرب الموضوع ده قبل ما ينزل نسخة

لو تعرفوا الموضوع ده مهم أد إيه هتحافظوا عليه

وأخيرا أعتذر منك مرة تانية على التأخير

والسلام

أرجو الدعاء لوالدي بالرحمة