ازاى انقل الويندوز و هو متصطب من هارد لهارد!!

**Don Khozzam** · 02-04-2010, 15:17

السلام عليكم

ايام ويندوز 98 كان فيه طريقه بتخليك تنقل الويندوز و هو متصطب من هارد لهارد تانى على نفس الجهاز بحيث انه يشتغل من الهارد اللى انت نقلت عليه الويندوز و الطريقه دى على ما اذكر كانت عن طريق الدوس ..

دلوقتى فلنفترض انى جبت هارد جديد و حبيت انقل عليه الونيدوز اللى انا شغال عليه دلوقتى بحيث انى اشتغل على الويندوز من الهارد الجديد بدل ما اضطر انى اصطب الويندوز على الهارد الجديد .. هل فيه طريقه انقل بيها الويندوز من الهارد القديم الى الهارد الجديد منغير ما يحصل اى مشاكل او ان ملفات البووت تبوظ و اضطر فى الاخر انى اصطب الويندوز على الهارد الجديد؟؟

انا عارف ان انا ممكن بكل بساطه اعمل باك اب للويندوز و هو على الهارد القديم , اصطب ويندوز جديد على الهارد الجديد و بعدين افك الباك اب على الويندوز الجديد فبالتالى هيبقى زيه زى الويندوز القديم .. لكن انا مش عاوز اعمل كدا .. انا عاوز اعمل image للويندوز من الهارد القديم الى الهارد الجديد ...

و شكرا

**MF88** · 02-04-2010, 17:08

اعتقد ملهاش حل غير انك تاخد نسخه باك اب عن طريق الويندوز و تنقلها للهارد التانى

طبعا مش عايز كده . ممكن تاخد image عن طريق ويندوز 7 " لو شغال بيندوز 7 "

او نورتن جوست

و الافضل انك تنزل ويندوز فريش كوبى و تظبط حاجتك و تنقلها واحده واحده

افضل بكتير

**Don Khozzam** · 02-04-2010, 17:17

شكلى كدا هعمل باك اب .. بس المشكله معنديش اى بارتيشن اصلا يقدر يشيل ال100 جيجا بتوع السى ..

**MF88** · 02-04-2010, 17:23

طيب ما تسطب نسخه فريش احسن ؟؟؟

عن نفسى بعمل فولدر و احط فيه كل شىء مهم على الديسك توب و السيف جيم بتاع الالعاب اللى على C

و باخد الـ bookmarks بتاعه المتصفحات و الباسوردات فى باك اب للجوجل و الفايرفوكس

و انزل نسخه ويندوز جديده فريش . حتى كمان عشان الرجيسترى بيكون نضيف و اسرع فى الاستجابه و الكلام ده

و بعد ما تنزل الويندوز و تسطب برامجك المهمه فقط . خدها image بالويندوز 7 و ارميها على DVD او هارد صغير

بدل ما توجع دماغك كل شويه

**Don Khozzam** · 02-04-2010, 18:07

مانا بعمل كدا (الملفات المهمه باك اب فى بارتيشن تانى) لكن الصراحه انا طهقت من تصطيب الالعاب ..

**SR123** · 02-04-2010, 18:19

بسم الله الرحمن الرحيم
طبعا فى طرق لعمل نسخ للويندوز من هارد الى هارد اخر , ولكن ؟؟؟؟؟؟؟؟؟؟
* لازم تكون نفس امكانيات الجهازين واحد , زى المازبوت وكارت الشاشة والصوت والبروسيسور وخلافه
بعد كدا
استخدم احد البرامج :
نورتون جوست
سوبر نورتون ,
ارشحلك سوبر جوست
============
معلومة اضافية :
لو النسخة بتاعتك اقل 4.700 ميجا ممكن نسخها على دى فى دى , ثم انسخها على الهارد الجديد
اما لو النسخة اكبر من ذلك كما ذكرت , فلا حل الا ان تضيف النسخة على اى بارديشن فاضى يستوعب مساحة النسخة , اما غير هذا فلا اعتقد ذلك

**Don Khozzam** · 02-04-2010, 19:12

مانا عارف طبعا ان الويندوز لازم يكون على نفس الجهاز ..

المشكله ان السى عندى 100 جيجا مليانه و انا معنديش بارتيشن تانى يشيل الدنيا دى كلها .. هل ينفع مثلا الimage باحد البرنامجين دول يقسمها الى نصين واحد على درايف وواحد على درايف؟

**SR123** · 02-04-2010, 20:11

لا تقسم ولا حاجة
خد نسخ للبارتشن السى كاملا على الهارد الجديد
عن طريق برنامج السوبر جوست من اسطوانة الهيرنز بوووت
=========
اسف مش متابع الموضوع
لو فى مشكلة راسلنى

**Don Khozzam** · 02-04-2010, 22:24

شكرا للجميع على الردود ..

وصلت للى انا عاوزه ..

**SaUrEs** · 03-04-2010, 12:18

اخي الكريم الحل بسيط عن طريق النورتن جوست
موجود بمجموعة الهايرن بوت الاقلاعية بامكانك توصل الهاردين ومن بعدا بتعمل ديسك تو ديسك او بارتشن تو بارتشن يعني الخيارات كتير متاحة وبينقل كل المعلومات بدون تغير اي شي عكلن في حال رغبت تستخدمو انا جاهز لاي مساعدة البرنامج سهل كتير ورح يفيدك كتير