مطلوب جهاز laptop مخصص للألعاب .. وبسعر معقول !

[AmMaR yOsRi]

سلام عليكم ورحمة الله وبركاته



شباب .. ياريت المساعدة

انا عايز اجيب لابتوب مخصص للألعاب بس

يكون في حدود 4000 - 5000 ريال ..

مش مهم النوع .. بس محدش يشاور على acer :mad:




وشكرا ,, :eek:

[Dr Mohammad]

أنصحك ب
Toshiba Qosmio F6010-V
مواصفاته قوية ما شاء الله
و فئة ال qosmio مخصصة للألعاب

هذه صورته من دليل مكتبة جرير



سعره 5099 ريال

و لا تنس صلاة الاستخارة قبل الشراء

[Dr Mohammad]

مواصفات الجهاز على موقع الشركة (ممكن أن يكون هناك اختلاف بسيط)
https://gulf.computers.toshiba-europ...eries/1081135/

كارت الشاشة
NVIDIA® GeForce® GT 330M with CUDA™ technology

و هو كارت جيد جدا للألعاب
و هذا تقرير عن كارت الشاشة و آداؤه فى بعض الالعاب
https://www.notebookcheck.net/NVIDIA...M.22437.0.html

[AmMaR yOsRi]

دكتور محمد ,,

لساني يعجز عن شكرك .. بما تقدمه من مجهود خارق في مساعدة الغلابة اللي زيي xD

المهم .. بما أنك تطرقت الى أجهزة مكتبة جرير

فإليك هذا الجهاز لتقول ليـ ما رأيك به وهل هو أفضل أم اللذي أتيتني به في أول الموضوع

[Dr Mohammad]

لم أجد 2171 على موقع hp و لكن وجدت 2170
و هذه مواصفاته
https://h10010.www1.hp.com/wwpc/me/e...5-4100005.html

و وارد جدا أن تكون مختلفة قليلا عن ال 2171 و بالذات كارت الشاشة

و عموما لو كانوا نفس المواصفات , فكارت الشاشة فى الاتش بي NVIDIA® GeForce® GT 230M
https://www.notebookcheck.net/NVIDIA...M.17646.0.html

و بالتالى

فال hp يتفوق بكثير على التوشيبا فى المعالج لأنه core i7
(ترتيب المعالجات من الأعلى للأقل https://www.notebookcheck.net/Mobile...st.2436.0.html )

أما توشيبا فيتفوق قليلا فى كارت الشاشة , كما أن فئة ال qosmio فى التوشيبا افضل من فئة ال pavilion فى ال hp , بالاضافة لأن توشيبا أفضل من وجهة نظرى كشركة و ماركة من hp
و اعتقد ايضا و الله أعلم أن التوشيبا به مشغل بلو راي و الله أعلم (يرجى التأكد من مكتبة جرير نفسها)


(أرجو أن تتأكد من موديل كارت الشاشة الخاص بال hp dv6-2171)

و انا تحت أمرك فى اى استفسار

و أفضل شئ إنك تصلى استخارة و إن شاء الله ربنا يوفقك

[AmMaR yOsRi]

شكرا على المساعدة دكتور

على العموم .. سأشتري الجهاز تقريبا بعد شهرين ونصف من الآن تقريبا

أعتقد أنها ستكون فترة كافية .. لتظهر فيها اجهزة جديدة بكروت شاشة ومعالجات أفضل من الحالية

فأعتقد أن الحل الأفضل هو الإنتظار وعدم الإستعجال

ولكن أريد رأيك حول أجهزة Asus .. ؟

سمعت عن الفئة المسماة ب G للألعاب مخصوصة ؟ فما رأيك بها

وهل تتفوق أمام توشيبا qosmio ؟

[Dr Mohammad]

العفو اخى الحبيب
و مادام امامك فترة طويلة فلا تستعجل
و شهرين فترة طويلة جدا لتتغير فيها الأسعار و الموديلات

و فعلا سمعت عن فئة ال G من اسوس , و واضح أنها فئة قوية جدا ما شاء الله
و لكن شخصيا افضل توشيبا
و أرى أن أفضل الماركات بالترتيب

سونى
توشيبا
إتش بي = ديل

و هذا رأيي الشخصى

[hussein emam]

نفسى اعرف يا دكتور محمد ليه انت كاره الاسوس كده
و معندكش فى الماركات غير السونى و التوشيبا و الديل و الاتش بى
مع حضرتك ان لا غبار ع السونى و التوشيبا ........ بس عند الاتش بى و الديل انهم فى نفس الرينج انا ارجح ان الاتش بى اعلى شويه من الديل
ده من خلال حاجات كتير دلوقتى الديل بقى رخييييييييص اووووووووى و فى مشاكل فى الوكيل بتاعه و كل شويه واحد يمسكه و يسيبه
و موديلات بتنزل السوق مبتكونش نزلت ع الموقع اصلا بتاع ديل و حاجات بتكون اتوقف تصنعها و بتنزل بعدها فى السوق و الكلام ده حضرتك من بق واحد شغال فى شركه لابات كبيره و مبتشتغلش غير ف التوشيبا و الاتش بى طبعا لجوده الكويل بتاعهم

و انا اللى بستغربله بصراحه و بيضايقنى اوى انك بتذكر الاتش بى و الديل و اصلا مابتذكرش الاسوس اصلا يعنى بحس ان الاسوس دى احقر كمان من الاتش بى و الديل مش فاهم ازاى طب لو قولنا الايسر ماشى و الناس اللى بتفهم اصلا محدش بيعترف بيهم

لكن انا بطلب من حضرتك تعيد النظر فى موضوع الاسوس ده

حضرتك شركه أسوس واحده من أقوى شركات التكنولوجيا في هذا العالم...

المذر بورد التي تصنعها أسوس هي أقوى مذر بورد على مستوى العالم وصنفت منذ عام 2001 حتى يومنا الحالي كأفضل مذر بورد في العالم,

ومعلومه أخرى

كل ثلاثة أجهزه كمبيوتر في العالم واحد منها مزود بمذر بورد أسوس مما يعني أن ثلث أجهزة العالم مزوده بمذر بورد أسوس

وكل هذه القوه في عالم المذر بورد, فشركة أسوس تعطي 16% فقط لصناعة المذر بورد (فلك ان تتخيل قوة الشركه)

أسوس حازت على 2168 جائزه في عام 2006 على مستوى العالم بمعدل 5 جوائز يوميا !!

على سبيل المثال جهاز اللامبرغيني VX2

هل تعلم ما قصته !!

باختصار شديد... أرادت شركة لامبرغيني المعروفه بسيارتها الرياضيه الفارهه الثمينه بنشر اسمها وعمل دعايه قويه لسياراتها!! فلمن ستلجأ هذه الشركه العملاقه ...

توجهت لامبرغيني لشركة انتل المعروفه للجميع ... انتل لها علاقات مع كل شركات التكنولوجيا في العالم ...

فنصحت انتل لامبرغيني بالتوجه مباشرة لأسوس لماذا !!

لأن لامبرغيني بصفتها رائده في مجال السيارات الرياضيه القويه فيتوجب عليها الاتفاق مع شركه رائده في عالم التكنولوجيا, وهذا ما حصل فسطح الجهاز تصنع بمصانع لامبرغيني

والمثال الاخر ... S6 الجهاز الاول من نوعه على مستوى العالم المصنع من الجلد الطبيعي الفاخر

W5Fe
الجهاز الاول من نوعه على مستوى العالم بشاشتين
والكثير الكثير من الاجهزه الرائعه

ثالثا:
أسوس تعتمد على اخر التقنيات في اجهزتها فهي كما تعتمد على المواد الفاخره في تصميم اجهزتها فهي تعتمد ايضا على وضع اخر التقنيات الحديثه في اجهزتها

رابعا:
أسوس لديها قسم خاص للبحث والتطوير ... وهو شيئ لا تملكه أغلب الشركات

فكل جهاز من أجهزة أسوس يخضع لعدة اختبارات (الاهتزاز, الذبذبات, الرطوبه,الحراره و و و )

وبما أن أسوس شركه مصنعه وليست مجمعه فستجد توافق بين القطع الداخليه للجهاز

ولذلك, أسوس تعطي ضمان دولي لمدة عامين على أجهزتها مع خدمة الاستلام والتوصيل المجاني ... فهي واثقه من منتجاتها

أما أغلب الشركات الاخرى فأجهزتها مجمعه لذلك تعطيك سنه ضمان واحده لانها لا تضمن منتجها 100%


أتمنى أن أكون وفقت بتقديم فكره واضحه لكل من يريد أن يكون واحد من مستخدمي أجهزة أسوس


فا ارجوك يا دكتور تعيد النظر فى أسوس بعمق و انا وجهة نظرى ان " سونى - أسوس - توشيبا " الثلاثة دول ع القمة و تحتيهم اى حد مش هتفرق

و معلومه ليك برده جايه من موظف فى المكتب الاقليمى لاسوس فى تايوان " فى دور فى مصنع اسوس الرئيسى فى تايوان بيتصنع فيه الماذر بوردات بتاعت اللابات السونى و برده فى جزء مخصصاه شركه سونى لتصنيع شاشات اللابات الاسوس و دى اتفاقيه مابينهم يا دكتور

اخير اسف ع الاطاله و تقبل مرورى و بعد ازنك انا هنصح الاخ صاحب الموضوع انه يبص بصة ع اللابات الاسوس و يقرر بعديها

تحياتي...

[Dr Mohammad]

أخى الحبيب

بالنسبة للمقارنة بين الإتش بي و الديل فاسمح لى أن أوضح لك
لماذا أنا اراهم متساويين إلى حد ما ؟
لأنى اقارن بين الفئات المتشابهة فى كل منهما
يعنى اقارن بين HP ENVY و DELL XPS و DELL ALIENWARE و هؤلاء هم فئات الألعاب
و أقارن HP PAVILION ب DELL STUDIO
و أقارن HP HOME ب DELL INSPIRON
و هكذا كل فئة بما يقابلها
و لكن ما تتحدث عنه أخى بخصوص قلة جودة ديل عن إتش بي و انخفاض سعرها فأنت تتكلم عن فئة DELL INSPIRON و هى أقل فئات ديل و ارخصها و هى تعتبر فئة اقتصادية تقدم مواصفات عالية مقابل سعر رخيص و هذه الفئة هى الأكثر انتشارا فى مصر , و كما قلت هى اقل فئات الديل و لذلك تعطى انطباعا أن كل اجهزة ديل سيئة , و لكن بالعكس لو رايت فئات ديل الأخرى مثل ديل استوديو و ديل XPS و ديل لاتيتيود لعلمت أنهم جديرون بمنافسة اتش بي و توشيبا , و لكن المشكلة ان المنتشر هو الانسبايرون و قليلا ما ترى LATITUDE أو STUDIO XPS بل نادرا.
و كذلك انا ارى ان ديل تتفوق على إتش بي فى بعض الموديلات و العكس صحيح.

أما بخصوص اسوس
فأنا مش كاره الأسوس و لا حاجة
بالعكس شركة أسوس لا غبار عليها و بالذات فى عالم المذر بورد و هذا لا خلاف عليه
و كل ما ذكرته حضرتك بخصوص أسوس قرأته من قبل
و انا لم اقل انى اكره اسوس , و كل ما قلته هو أنى أفضل سونى و توشيبا و إتش بي و ديل , و عندما اقول ذلك , دائما ما اقول أن هذا رأيي الشخصى .

و لكن المشكلة لا تكمن فى اسوس كجودة و لكن تكمن فى التالى من وجهة نظرى الشخصية
1- قلة اجهزة اسوس إلى حد ما فى السوق المصرى و صعوبة ان تجدها (أقصد بذلك أن تجد موديلات كثيرة تستطيع أن تختار فيما بينها).
2- عدم اهتمام وكيل اسوس فى مصر بلاب توبات اسوس و هذا قد يسبب مشكلة عند الحاجة للصيانة و قطع الغيار لا قدر الله , على عكس باقى الشركات , تلاقى بتوع الصيانة بيفهمو فيهم كويس (مع إنى لا أعلم إذا كان يوجد أصلا وكيل للاب توبات اسوس فى مصر أم لا , ما أعلمه هو وكيل المذر بورد و اكسسوارات الديسكتوب و و ياريت لو حضرتك تعرفه تقولنا اسمه , عشان جميع الاخوة يستفيدو , و جزاك الله خيرا).
3- قلة وجود أجهزة أسوس فى مصر قد يؤثر فى سعر البيع المستعمل و قد تتعرض للاستغلال من التجار إذا اردت بيع جهازك لأنهم قد يأخذوه بسعر اقل مما يستحق.

اما الأجهزة الأخرى فنظرا لشهرتها تجد موديلاتها منتشرة فى كل حتة و ماسكة سعر سواء جديدة او مستعملة

هذه هى وجهة نظرى الشخصية و هى تحتمل الصواب و الخطأ
و سررت جدا بالنقاش معك أخى الكريم

[Dr Mohammad]

و ارجو ان تراجع ردى الذى بالأعلى جيدا اخى الحبيب
"و فعلا سمعت عن فئة ال G من اسوس , و واضح أنها فئة قوية جدا ما شاء الله"

و ايضا
"و لكن شخصيا افضل توشيبا"

و ملحوظة اخيرة : تفوق شركة فى مجال لا يعنى أن تكون متفوقة فى جميع المجالات.

[hussein emam]

أخى الحبيب

بالنسبة للمقارنة بين الإتش بي و الديل فاسمح لى أن أوضح لك
لماذا أنا اراهم متساويين إلى حد ما ؟
لأنى اقارن بين الفئات المتشابهة فى كل منهما
يعنى اقارن بين HP ENVY و DELL XPS و DELL ALIENWARE و هؤلاء هم فئات الألعاب
و أقارن HP PAVILION ب DELL STUDIO
و أقارن HP HOME ب DELL INSPIRON
و هكذا كل فئة بما يقابلها
و لكن ما تتحدث عنه أخى بخصوص قلة جودة ديل عن إتش بي و انخفاض سعرها فأنت تتكلم عن فئة DELL INSPIRON و هى أقل فئات ديل و ارخصها و هى تعتبر فئة اقتصادية تقدم مواصفات عالية مقابل سعر رخيص و هذه الفئة هى الأكثر انتشارا فى مصر , و كما قلت هى اقل فئات الديل و لذلك تعطى انطباعا أن كل اجهزة ديل سيئة , و لكن بالعكس لو رايت فئات ديل الأخرى مثل ديل استوديو و ديل XPS و ديل لاتيتيود لعلمت أنهم جديرون بمنافسة اتش بي و توشيبا , و لكن المشكلة ان المنتشر هو الانسبايرون و قليلا ما ترى LATITUDE أو STUDIO XPS بل نادرا.
و كذلك انا ارى ان ديل تتفوق على إتش بي فى بعض الموديلات و العكس صحيح.

أما بخصوص اسوس
فأنا مش كاره الأسوس و لا حاجة
بالعكس شركة أسوس لا غبار عليها و بالذات فى عالم المذر بورد و هذا لا خلاف عليه
و كل ما ذكرته حضرتك بخصوص أسوس قرأته من قبل
و انا لم اقل انى اكره اسوس , و كل ما قلته هو أنى أفضل سونى و توشيبا و إتش بي و ديل , و عندما اقول ذلك , دائما ما اقول أن هذا رأيي الشخصى .

و لكن المشكلة لا تكمن فى اسوس كجودة و لكن تكمن فى التالى من وجهة نظرى الشخصية



2- عدم اهتمام وكيل اسوس فى مصر بلاب توبات اسوس و هذا قد يسبب مشكلة عند الحاجة للصيانة و قطع الغيار لا قدر الله , على عكس باقى الشركات , تلاقى بتوع الصيانة بيفهمو فيهم كويس (مع إنى لا أعلم إذا كان يوجد أصلا وكيل للاب توبات اسوس فى مصر أم لا , ما أعلمه هو وكيل المذر بورد و اكسسوارات الديسكتوب و و ياريت لو حضرتك تعرفه تقولنا اسمه , عشان جميع الاخوة يستفيدو , و جزاك الله خيرا). 3- قلة وجود أجهزة أسوس فى مصر قد يؤثر فى سعر البيع المستعمل و قد تتعرض للاستغلال من التجار إذا اردت بيع جهازك لأنهم قد يأخذوه بسعر اقل مما يستحق.
اما الأجهزة الأخرى فنظرا لشهرتها تجد موديلاتها منتشرة فى كل حتة و ماسكة سعر سواء جديدة او مستعملة

هذه هى وجهة نظرى الشخصية و هى تحتمل الصواب و الخطأ
و سررت جدا بالنقاش معك أخى الكريم

محترم جدا وجهة نظرك الشخصيه اخى محمد و الاختلاف فى وجهات النظر لايفسد للود قضية

بص انا موافقك جدا فى مشكله قله اجزة الأسوس فى مصر و بعتبرها مش ذنب اسوس ده غلطة التسويق و التوكيل و الدعايه و اساسا معظم ثاقفه الناس ف اللاب توب قايمه ان واحد معاه لاب توب التانى يساله اللاب عامل معاك ايه يقوله تمام يبقى الماركه دى 10/10 و مثال على ذلك ان فى ناس جربت اجزه لينوفو و قالت عليها 10/10

و فعلا التوكيل عشان مش جامد ف مصر ممكن يكون فى تقصير فى الدعم الفنى و خدمة مابعد البيع و قطع الغيار لاقدر الله بس انا بقول ان ده احتمال ضعيف شويه لقوة ايمانى بالشركه من حيث جودتها و تكنولوجية التصنيع

و انا توصلت مؤخرا ان اجزة اسوس اللى بتيجى من بره بيبقى ضمانها ف مصر على شركه BDL و على فكره شركه بى دى ال ماسكة بردع توكيل " ديل "

و زى مانت عارف ان اسوس بتدى ضمان مع اللاب سنتين دولى ...... و ده دليل ان الشركه مابتهزرش و متاكده من جودة الاجهزة اللى بتصنعها

و اخر نقطة بتاعت الاستغلال ف دى نتيجة حتمية للكام حاجه اللى لسه قايلنهم ان طبعا عشان الحاجه مش متوفر كتير فا لما بيبقى فى منها بيستغلوا ده و بيرفعوا سعرها اوى و مثال على ده :

" الجهاز اللى انا عايز اجيبه و هجيبه ان شاء الله ... ادعيلى ....... N61jq-A1 ....... الجهاز ده سعره فى جريري السعودية 4700 ريال بما يعادل مصرى 7050 جنيه تمام ؟....... واحد جاب الجهاز و نزل مصر و بيبعه جديد من غير مايتفتح كان طالب فيه 8000 جنيه ....... و انا من هنا اتأكدت ان عشان اجيب لاب اسوس لازم اجيبه من بره

و اخيرا فانا بحترم وجهة نظرك اوى و انها قائمه على نوعية السوق المصرى و الاجهزة اللى متوفره فيه و توكيلاتها على جوده عاليه

فانا معاك ف الترتيب :

( سونى و توشيبا )
( اتش بى = ديل ) ....... اقتنعت بوجهة نظرك فى الحته دى
( ايسر و اى حاجه تانيه )

حضرتك لو عايز وجهة نظرى بقى بس هنشيل حته التوافر و الوكيل و هنبص لحته الجوده و التكنولوجيا "" بس ""

يبقى ( سونى - أسوس - توشيبا )
و الباقى زى ماهو
" بغض النظر عن " وكيل - صيانه - توافر "
و انا سعدت و الله برده بالمناقشة مع حضرتك كتير
و اخيرا اسف ع الاطالة و تقبل مرورى

[Dr Mohammad]

انا سعيد جدا جدا جدا و الله بالحوار الراقى ده
و سعيد جدا بمعرفتك
و ربنا يوفقك و تجيب الجهاز اللى انت عايزه
بس مش هنسيبك الا اما تعملنا تقرير حلو و مفصل عن الجهاز :D

[Dr Mohammad]

و بما انك متابع اسوس , فهمتك معانا بقى فى المنتدى

[hussein emam]

انا اسعد و الله يا دكتور و اوعدك انى لما اجيب الجهاز ان شاء الله هعمل عليه تقرير مفصل باذن الله و هنزله هنا ف المنتدى

خلاص تمام ......... الفتره الجايه ان شاء الله هحاول انزل تقارير و اخبار عن اجهزة و تقنيات كتيره "" بس اعذرونى انها هتكون معظمها أسوس ""

و كله فى الصالح العام ان شاء الله

[Dr Mohammad]

على راحتك يا أخى
المهم تنور القسم