مصر - مطلوب تجميعة : موبو + برو + رام + فيجا + كيس = 2000 ج

[I-IEMA]

السـلام عليكم

اعز الناس ,, حبايبنا
عرب هاردوير :D


عاوز من حضراتكم مواصفات لتجميعة بـ 2000 ج

الاستخدام :

1- photoshop - illustrator - dreamweaver
تصميم 2d و مواقع انترنت ( كـ هواية فى البداية )

2- GaaaaMeeeeZ
assassin's creed و ما شابه من الالعاب
مع العلم بإنى بالفلوس دى كنت مخطط اقضيها العاب فقط و اجيب xbox360

القطع المطلوبة
Processor + MotherBoard + Ram + Vga + Power Supply + case


يفضل وبشدة
- الموبو فيها built in vga ( دا غير الخارجى اللى عاوزه )
- الرامات تكون ddr3
- الموبو فيها على الاقل مخرجين PCI وااااضحين و قابلين للاستخدام ( كارت الشاشة مش مغطى عليهم )


------------*-*-*-*-*-*------------
انا عندى شاشة LCD 19inch WS
طبعا مش طموحاتى خاالص انى اشغل الالعاب على ultra high ,,, لو hight أو فى الالعاب التقيلة medium يبقى جميل جدا


هل ممكن الاقى مواصفات محترمة للميزانية دى ؟

فى انتظار افادتكم ,,
و شكــــــرا

[Cobra007]

Athlon II X3 435 = 470 EGP
Gigabyte GA-MA770T-UD3P = 520 EGP
Kingston Value RAM 2GB = 270 EGP
SAPPHIRE HD 5570 1GB GDDR3 = 570 EGP
Cooler master Elite (332 , 333 , 334 , 335 ) with PSU CoolerMaster 400W = 320 EGP
---------------------------------------------------------------------------------------------------------
Total = 2150 EGP

كده زياده 150 جنيه فممكن تغير كارت الشاشة و تجيب ال GIGABYTE HD 4670 1GB DDR3 = 470 EGP
و هيبقي المجموع 2010 جنيه بس طبعا ال 5570 افضل

[I-IEMA]

شكـــــرا Cobra

Athlon II X3 435
هل موضوع انه ثلاثى النواه دا هايعمل اى مشاكل مع البرامج ؟
و ما مدى دعمه من الالعاب ؟ و ايه نظامه فى كسر السرعة ( هو افضل فى الكسر ولا الـ 240)؟

------------
GA-MA770T-UD3P
البوردة راائعة , توزيع اماكن الكروت زى اللى فى بالى بالظبط
لكن الفرحة ماتكملش ,, مافيهوش built in vga !! .
هناك هناك بديل ؟

----------
SAPPHIRE HD 5570 1GB GDDR3
بعيدا عن ان الميزانية ماتسمحش , بس تفضل ايه ؟
5570 ولا 4770 ؟

---------
Cooler master Elite
انت رشحتهالى علشان الباور ؟ ولا الشكل ؟
لو على الشكل , مش مهم بالنسبالى , لو ممكن نوفر الفرق و نحطه فى كارت الشاشة يبقى تمام .

[Cobra007]

بالنسبة للبورده فقدامك دول:
Gigabyte GA-MA785GT-UD3H = 540 EGP
MSI 785G - E53 = 550 EGP
و الاتنين قريبين قوي من بعض في السعر و الامكانيات( ال UD3H فيها مخرج PCI Express x16 زياده شغال علي4x )

البروسيسور بقي ياريت تبص هنا : Comparison دي مقارنة بين ال x4 620 , x2 550 و x3 435 عشان بصراحة كل واحد بيتفوق علي التاني في حاجات معينة, فدي حاجة ترجعلك.

بعيدا عن ان الميزانية ماتسمحش , بس تفضل ايه ؟
5570 ولا 4770 ؟

بيتهيألي قصدك ال 4670 لان ال 4770 ده في حدود ال 750 جنيه.
و طبعا الافضل ال 5570 افضل من ال 4670

الكيسه انا رشحتها اساسا لان انا شايف انها صفقة ممتازة, انت هتشتري كيسة و باور محترمين
انا شاري الكيسة بتاعتي من فترة و كانت بنفس السعر ده تقريبا من غير باور , بس برضه دي حاجة نرجعلك و خلي بالك انك محتاج باور 350W علي الاقل عشان كارت الشاشة.
و مبروك مقدما

[I-IEMA]

بقالى اكتر من ساعة بقلب فى صفحات عن البروسيسورات دى :D

اكتشفت معلومات كتيرة مهمة منها :

Fear (the game) is quite limited by the Athlon II X3 435 processor in Windows 7 as well. A lack of L3 cache seems to hurt gaming performance.

الطريف هو أنه كما حدث مع معالجات ال Phenom II X3 حيث أن AMD تنزلها بنواة مغلقة و ممكن تتفعل في حال كانت سليمة
"فى حال كانت سليمة" !!! , انا فكرت ان اى بروسيسور بـ OC مظبوط ممكن تتفك النواة الرابعة !!

Phenom II X3 processors are built according to the same principle and if you were lucky to a certain extent (namely, if there is no real physical damage to the locked core of the semiconductor die), then you could easily turn them into quad-core ones.

تأكيدا للكلام اللى فوقه


بالنسبة للبوردة : Gigabyte GA-MA785GT-UD3H
جيدة جدا , و بسعر مناسب

باقى المواصفات لسه مادورتش عنها , البروسيسور اخد كل اهتمامى و بحثى

بفكر اجيب الـ athlon x2 240 و احط الباقى فى كارت الشاشة :confused:
هو الجاما افضل ولا كولر ماستر فى الباورات ؟


الله يبارك فيك يا باشا

[Cobra007]

بصراحة انا كمان احترت في البروسيسور :D عشان كده قولت احطلك المقارنة تختار براحتك
و حكاية انك تفتح النواة اللي في البروسيسور مش مضمونة خالص, انا جبت البروسيسور بتاعي و انا عارف انها غالبا مش هتنفع و فعلا معرفتش افتح النواة الزياده

انا شايف انك متجيبش كارت الشاشة دلوقتي و تشتغل بال بلت-ان مؤقتا و بالذات ان الشاشة بتاعتك مش كبيرة قوي ( الكارت البلت ان اللي عندي بصراحة مشغل تقريبا كل حاجة علي بس علي دقة 768 * 1024 فشوف انت بتلعب علي دقة ايه عشان بتفرق) و تجيب البروسيسور اللي انت عايزه عشان انت مش هتغير البروسيسور كل يوم.

بالنسبة للباور فبصراحة معنديش فكرة عنهم قوي و اي حاجة تاني انا في الخدمة


* بص علي الريفيو ده كده :https://www.tomshardware.com/reviews...3,2452-10.html عشان تتلخبط اكتر :D

[I-IEMA]

تمــــام كلامك يا باشا

كدا الحمد لله استقريت على الـ X3 و البوردة الـ GA-MA785GT-UD3H
و العمل على كارت الشاشة الداخلى .
و الرامة طبعا متفق عليها

هاسأل على الباور للتأكد , علشان عندى كارت دش م محتاج باور ثابت ومستقر

كوبرا ,,
انت عامل OC على المشتت العادى ؟
ووصلت مع البروسيسور اللى معاك لكام ؟ و الحرارة كام؟

[said_sat]

لو استقريت على الكارت المدمج وهتاجل الكارت الخارجى يبقى هات دول

AMD Phenom™ II X4 955BE = 930EGP

Gigabyte GA-MA785GT-UD3H = 540 EGP

Kingston 2GB/1333/CL9 DDR3 =280 EGP

CASE GAMMA Mid Tower 350W = 275 EGP

المجموع = 2025 جنيه وركب كارت الستالايت وانت مطمن

[Cobra007]

طبعا البروسيسور ال 955 اجمد بكتير بس كده هو صرف ال 2000 جنيه كلهم علي الجهاز من غير كارت شاشة, انما كان قصدي انه ميجبش الكارت دلوقتي و يشتغل بال بلت ان مؤقتا و بعد فترة يزود شوية علي فلوس الكارت و يجيب كارت احسن.

كوبرا ,,
انت عامل OC على المشتت العادى ؟
ووصلت مع البروسيسور اللى معاك لكام ؟ و الحرارة كام؟

انا اصلا اول مرة اعمل اوفركلوك, مبتدئ يعني :rolleyes: بس لقيت الموضوع سهل جدا مع ال BE , الاول اشتغلت علي 3.4 و دلوقتي شغال علي 3.2 و درجات الحرارة في ال idle 28-30 و مع الالعاب مبتعديش ال 50 و طبعا علي المشتت العادي بس حكاية وصلت معاه لكام فبصراحة مجربتش بس بيتهيائلي انه ممكن يجيب اعلي من كده بكتير.

[masklove]

Athlon II X3 435 2.9GHz, 1.5MB Total Cache, 4000MT/s Bus = 470 EGP
MSI 770-C45 = 385 EGP
GIGABYTE HD 5670 1GB DDR5 = 690 EGP
Kingston 2GB/1333/CL9 DDR3 = 280 EGP
CASE GAMMA Mid Tower 350W = 275 EGP
_________________________________________
2100 جنيه بالظبط

متخفش البروسيسور لن يواجه اي مشاكل مع الالعاب فلا تقلق
كارت الشاشة 5670 اقوي من 4670 و 5570 وهيدي اداء ممتاز جدا جدا

[I-IEMA]

شكـــــرا لوجودكم يا شباب :ah7:

فعلا يا said_sat زى ما كوبرا قال ,, مش هاقدر اصرف الميزانية كلها فى الجهاز بدون كارت شاشة

@ masklove
البوردة مافيهاش كارت شاشة داخلى

انا هافضل بالداخلى بتاع الـ GA-MA785GT-UD3H لحد ما اشوف الـ reviews لكروت الشوشة الحالية

و خصوصا انكم كلكم بترشحولى الفئة الخامسة HD 5*** DX11
بس انا عاوز اشترى قوة مش تكنولوجيا :D


لإن اكيد الفئة الخامسة اغلى فى السعر عن المستوى علشان التكنولوجيا الجديد
فـ لسه هقارن , ولا ايه رأيكم ؟؟

[said_sat]

لو عايز تجميعه بكارت شاشه وتلعب على طول وانت مطمن انصحك بتجميعة الاخ ماسك لوف هى الانسب لميزانيتك
والكارت الى فيها بتكنولجيا حديثه مش عشان بدعم Dx10 معرف ان التكنولجيا الجديده بيكون فيها حل مشاكل وعيوب التكنولجيا القديمه
زى الضغط على الكارت واستهلاك الطاقه
لاكن لو عايز حاجه اقوى من كده ممكن تبدل الكارت الى فى تجميعة الاخ ماسك لوف وتجيب ال XFX HD 4770 512MB GDDR5 السعر 725 جنيه هايزود الميزانيه 35 جنيه بس وريح دماغك من التفكير
دا نصيحتى ليك
اما لو مصر على انك تجيب كارت شاشه اعلى بسى بعدين وتشتغل على الكارت المدمج
يبقى تعمل حسابك من دلوقتى اتعلى البروسيسوريعنى مش اقل من اربع انويه ومعماريه محترمه عشان المستقبل
والكارت المدمج بيشغل كل الالعاب بسى معظم الالعاب بتطلب اعدادات الجرافك اقل و روزيليشن اقل

[I-IEMA]

:ah4: فهمتك يا باشا :ah4:

دا معناه ان كارت HD4770 افضل كارت فى الكروت اللى ذكرت فى الموضوع ؟
( انا كنت ناوى عليه على فكرة , لكن لما لقيت الكل بيتكلم على الفئة الخامسة ,, قولت يبقى راحت عليه )


انت خوفتنى من البروسيسور بعد ما كنت استقريت عليه , رغم انى قرأت عنه فعلا انه مش الاقوى للالعاب
لكن هاحاول معاه بـ شوية overclocking فى الفترة الحالية

غير ان فكرة شراء الـ xbox360 مازالت قائمة ( هى صحيح بنسبة ضعيفة ) ,,
فلو تم شراؤه يبقى هاستقر على الجهاز بدون شراء كارت شاشة و هايبقى للبرامج فقط

-----------
انا حاليا بشوف اداء الـ 4200 على اليوتيوب علشان برضه اكون مطمئن
لو ماعجبنيش , على الاقل هالعب بيه الالعاب اللى عندى اللى مخزنها على اسطوانات من 2006 و لسه مالعبتهاش :eek:
و بعدها اجيب كارت محترم

هو ينفع يتعمل للـ 4200 OC !!؟!!؟!!
( لقيت نا ع اليوتيوب عاملينله تقريبا OC !!)

انا هاسأل النهاردة على الاسعار,,
و الاسبوع الجاى إن شاء الله هاطلع اشترى


شباب المنصورة : كمبيونيل المنصورة الاقى عنده الحاجات دى ؟؟

-----------------

شباب الـ OC : ادور على باتش ايه للبروسيسور الـ Athlon II X3 435 :D ؟

-----------------

شباب الـ PSU : كولر ماستر 400 , ولا جاما 350 ؟

دا كدا بقى مركز شباب

[SeeNoEvil]

بال2000 جنيه دول هات xbox360 وعدله كمان وبالباقي هات بيه اسطوانات واسمع كلامي بجد :ah7: وعيش حياتك
لان تصميم المواقع والفوتوشوب اعتقد جهازك كفايه قوي

[I-IEMA]

بال2000 جنيه دول هات xbox360 وعدله كمان وبالباقي هات بيه اسطوانات واسمع كلامي بجد :ah7: وعيش حياتك
لان تصميم المواقع والفوتوشوب اعتقد جهازك كفايه قوي

و الله يا دكتور حسام نفــــــــسى اجيب الـ xbox
لدرجة انى كنت هابيع فكرة الفوتوشوب دى خالص و اجيبه و اقضيها العاب :D

بس جهازى الحالى على قده خالص ,
يعنى اخر حاجة يشغلها فوتوشوب cs2 و بالعافية كمان
و طبعا لو شغلته و شغلت معاه الدريم ويفر ,, يبقى انا كدا بستهبل :p

وكمان كارت الشاشة توقف عن العمل :o و شغال ببديل ليه ضعيف طبعا
و للأسف مش مشغل كارت الدش اللى عندى !!
لذا وجب التحديث


لكن مازالت المباحثات جارية برضه لإننا نجيب xbox , ايه رأيك فى حتة Jtag ؟