رد مع اقتباسلا يا اخي الاخوة هنا بجد قايمين بالواجب وزيادة بصراحة ربنا يخليهم لينا انا لم اسأل سؤال الا وجاوبو علية
السلام عليكم ورحمة الله وبركاتة
تحية طيبة وبعد
الي الاخوة القائمين علي المنتدي والمشرفين
نحن في منتدي من المنتديات العملاقة فعلا ولكن الحظ شي وهو عدم الاهتمام بالرد علي الموضوعات في هذة الفترة ارجو ان يكون المانع خير
وجزاكم الله كل خير
لا يا اخي الاخوة هنا بجد قايمين بالواجب وزيادة بصراحة ربنا يخليهم لينا انا لم اسأل سؤال الا وجاوبو علية
والله انا عارف الكلام دة والناس ما شاء الله عليهم
وانا علي اليوزر التاني ال كان معابا كنت ببعت علي طول والقي الرد بس بقالي كام يوم مش لاقي رد علي مشكلتين انا بعتهم من حوالي 10 ايام ولا اي رد حتي بعدم المعرفة
هما بيتعبوا
يمكن العيب في اليوزر الجديد ال انا لسة عمله
ربنا معاهم
وعليكم السلام ورحمة الله وبركاته...
أخي أوّلاً العضويات المزدوجة ممنوعة منعاً باتّاً في المنتدى، أرجو منك الالتزام بالقوانين.
https://www.arabhardware.net/forum/s...ad.php?t=89965
ثانياً إن لم يقم أحدٌ ما بالرد على استفسارك فهذا ليس بدليل على الاهمال بل على الأغلب عدم معرفة الجواب على استفسارك أو أنّه مكرّر وقد سُئل سابقاً وتمّت الإجابة عليه (يمكنك في هذه الحالة استخدام خاصيّة البحث الموجودة في الأعلى)، وأنا أحد الأشخاص الذي يهمل (أقولها صراحة) الإجابة على استفسار طُرح سابقاً.
ثالثاً اختيارك للقسم غير موفّق، فإن كان لديك أي شكوى أو أنّك تشعر بأنّ هناك تقصير (من المشرفين خاصّةً) فهناك قسم مختص لذلك وهو منتدى الشكاوي والاقتراحات..
https://www.arabhardware.net/forum/f...splay.php?f=42
علي العموم انا اسف علي كل الغلط ال عملتة
بس انا معملتش اليوزر التاني غير بعد ما الاولاني ضاع لاني كنت بدخل اتوماتيكي ولان الويندوز وقع وقعدت فترة مبتعملش مع النت نسيت اليوزر والباسورد
عشان كدة عملت واحد جديد
بس انا اضفت سوالين واحد في ال ماك واحد في المشكلات وملقيتش حل
علي العموم امن اسف
السلام عليكم ورحمة الله وبركاتة
لا مشكلة أخي، بارك الله فيك وليس هناك داعي للأسف...
بالنسبة لمعرفّك الأول الذي نسيت كلمة المرور الخاصّة به بإمكانك إدارج طلب بذلك في قسم الشكاوي والاقتراحات بهذا الخصوص وسيتم تذكيرك بها بإذن الله، وعندها تستطيع القيام بتغييرها إن شئت.
بالنسبة لأقسام الوسفتوير عامّةً وعدم ملاقاة الاستجابة المتوقّعة فأنا معك تماماً هنا %100، المشكلة أنّ منتديات السوفتوير تعاني أساساً من شح شديد في المشرفين، لذا قد تلاحظ اللامبالاة والاهمال، ولهذا السبب وقد تمّ مناقشة هذه المسألة مع الأدارة وسيتم تلافيها في أقرب وقتٍ ممكن إن شاء الله، يمكنك أيضاً وضع شكوى في هذا الخصوص في منتدى الشكاوي والاقتراحات لتحفيز هذا الأمر والمطالبة به، وإن شاء الله ستجد الاستجابة.
بسم الله الرحمن الرحيم
شوف يا أخي
أولاً اشكرك على موضوعك الرائع ده
ولكن مش كل كلامك مظبوط
يعني مثلاً
انا حصلت عندي مشكلة كبيرة في الجهاز
والحمد لله عندي خبرة كبيرة جدا
لكن مقدرتش أحل مشكلتي
واكون صريح معاك لأبعد الحدود
سجلت في المنتدى هنا مخصوص عشان أعرف حل لمشكلتي
وسبحان الله
بعد ما سجلت انحلت المشكلة لوحدها
بدون ما اسأل ولا لف ولا دوران
كان سبب المشكلة تافه جدا وواحد مبتدئ هو اللى أوحى لي بالحل
وبعد كده بدأت أدخل على المنتدى في قسم الاستفسارات بالذات
عشان استفيد برضه
ما انا قولت هو انا هسجل كده على الفاضي
لازم استفيد بأي حاجة
لكن دخلت ولقيت كله بيسأل وبصراحة الشباب مش مقصرين
وانا عن نفسي لم أطرح أي سؤال في المنتدى
وكل مشاركاتي عبارة عن ردود لأسئلة
مش لإن عندي كل الأجوبة
لكن عشان لسه ملقتش مشكلة قابلتني وملهاش حل
انا دايما متابع القسم ده
ولو قولت لك انى مدخلتش غيره في المنتدى غير مرة واحدة وكتبت مشاركة وانحذفت
حرمت ادخل القسم ده تاني عشان الصراحة مش بتنفع
المهم مش هطول عليك
انا زي ما قال الأخ تمام
مهمل وكسول بالنسبة للأسئلة اللى أشوف انها مكررة
ومهمل جدا مع اللى بيطرح مشكلته بشكل غامض
كإنه بيقول لك انا عايزك تخمن المشكلة وتدور لي على الحل
وده مستحيل
يعني اللى بيطرح مشكلة مش بيقول جميع الأبعاد والجوانب الخاصة بيها
أضطر أرد عليه عشان انا اللى اسأله
وده لإن الشخص مش بيعرف يسأل
لكن برضه الحق يقال
فيه مبتدئين
لا يجيدون السؤال لعدم معرفتهم بالمشكلة بالتفصيل
هؤلاء لهم عذرهم
وكمان يا أخي مش لازم يعني المشرفين هما اللى يهتموا ويجاوبوا
هما يعني المشرفين طلعوا لقوا نفسهم مشرفين
هما كانوا زينا كده بس ربنا أكرمهم
:ah7:
جتنا نيلة في حظنا الهباب
:ah34:
القصد من ورا الكلام ده كله
ان مش لازم المشرف هو اللى يجاوب
انت لو تعرف جاوب
لو عندك نص الحل قول عليه
يمكن غيرك عنده النص التاني
وبكده يبقى المشكلة كلها انحلت
وربنا يوفقنا
والله انت لا تتصور فرحتي لما اجاوب على واحد ويطلع جوابي مظبوط وانه استفاد والإحساس بإنك شاركت في إنك تفك كربة واحد ولا تعرفه ولا يعرفك انت بتجاوب وبترد عليه لمجرد إنك عايز تخدم وتاخد الأجر والثواب
لو بصيت لها من الناحية دي هتفهم قصدي
والله الموفق
أشكر جميع الأخوة الكرام الذين أدلوا بدلهم في الموضوع، سؤالاً وإجابة، متمنياً أن تكون قد توضحت الصورة.
النديم
جزاكم الله كل خير
علي ردودكم
والف شكر
ضوابط المشاركة
المفضلات