عندي مشكلة في الروتر برجاء المساعدة

**MazenM** · 08-04-2010, 17:47

السلام عليكم ورحمة الله

انا كان عندي راوتر نوعه Trendchip كنت شاريه من مول السخاوي وللأسف بعد فترة مش كبيرة حوالي 7 شهور حصل فيه مشكلة ان النت كل شوية يفصل ويرجع تاني لحد ما فصل خالص ووديته للمحل لانه كان في الضمان واخدت واحد تاني بس للاسف نفس النوع....

المشكلة حاليا ان الروتر الجديد بدأ يعمل نفس المشكلة بعد حوالي عشر شهور من استخدامه يفصل لوحده ويرجه تاني وساعات يطول في الموضوع ده لمدة كذا ساعة!!

فهل ممكن حد يفيدني عن سبب المشكلة دي وهل ليها حل لاني لقيت واحد بيسأل عن النت عن نفس المشكلة بس راوتر DLink وبرضه واحد صاحبي كان عنده راوتر SMC وحصلت فيه نفس المشكلة ؟

**samy naeem** · 10-04-2010, 18:53

ممكن تجرب وتعمله fact0ry setting انا حصل معايا كدة علي راوتر واير ليس link sys وظبط بعديها كان لمبه النت وال dsl مبتنورش اعادة الظبط دايما دايما بتحل معظم العيوب اللي بتقبلنا

بس خلي بالك كل ال configiration بيروح

**peter pan** · 10-04-2010, 20:55

السلام عليكم

قد لا تحتاج العودة الى اعدادات المصنع " Factory Settings "

يكفى اعادة ال setup

و التى تشمل نوع الخدمة و VPI/VCI و Connection Type

بالاضافة الى اسم المستخدم و كلمة السر و التى تحصل عليها من خدمة عملاء مزود الخدمة .

تفلح هذه الطريقة فى اوقات كثيرة فى القضاء على المشاكل المشابهة لمشكلتك .

تواجهنى كثيرا هذه المشكلة ، خصوصا عند تشغيل الجهاز فى بداية اليوم .

أرجو ان تفيدك هذه الطريقة .

تقبل تحياتى .

**MazenM** · 17-04-2010, 19:56

جزاكم الله خيرا

لكن للاسف الحلول دي انا جربتها وأوقات بتنفع نعم لكن في الغالب بلاقي الوضع زي ما هوا

اعتقد انه عيب في صناعة الراوتر نفسه لان عندي في مكان عملي راوتر netgear وشغال علطول وفيه ضغط عليه ومفتكرش عمل كده ولا مرة واحدة!!

**peter pan** · 17-04-2010, 20:29

السلام عليكم

على فكرة من الممكن ان يكون السبب من كابل التلفون الواصل الى الراوتر. ( اهتزاز أو ان الكليبس غير مثبت بصورة جيدة )

جرب مثلا تفصل الراوتر من الجهاز و تستخدم سلك تلفون اخر توصله بالراوتر و توصله ايضا بفيشة تلفون مختلفة لترى هل ستضىء كافة لمبات الراوتر ام لا .

الفكرة : التأكد من ان العيب ليس من السلك و انه متصل بصورة جيدة بالراوتر .

انا احاول ان اعرض عليك كل الحلول التى اقوم بها عندما تمر بى نفس المشكلة لاجنبك تغيير او شراء راوتر جديد ، اذ ربما لا يكون العيب منه .

احيانا يكون هناك مشكلة فى السنترال و تنقطع الخدمة ، ممكن ان تبدأ بسؤال خدمة العملاء لمزود الخدمة ( كن قاطعا معهم فى السؤال ) يعنى اذا ابلغك من رد عليك فى خدمة العملاء انه لا توجد اصلاح فى السنترال اطلب منه التأكد من معلومته .

هى فكرة اتباع مجموعة من الخطوات .

لا يوجد اصلاح فى السنترال.
السلك واصل بصورة جيدة.
لمبة الدى اي ال مضاءة ام لا.
اعادة تعريف الراوتر.
اطفاء الراوتر لمدة عشر ثوانى و اعادة تشغيله.
درجة حرارة الراوتر.

ان امكن تجربة الراوتر على جهاز اخر...

و ان شاء الله خير .

تقبل تحياتى.