بسم الله الرحمن الرحيم
وبه نستعين وعليه توكلنا

أنا أخوكم أحمد خريج تجارة عربي 2009 تقديري طبعا مقبول زي أغلبية الناس .. أنا الحمدلله عندي خبرة كويسة في الشبكات ونظم تشغيل مايكروسوفت والدعم الفني لعملاء خطوط ADSL
درست من فترة كورس MCSE من خلال منتداكم الغالي طبعاً . لكن لسه مابقيتش certified

المهم ربنا كرمني وتقدمت لوظيفة دعم فني في إحدى الشركات واتصلو بيا النهاردة .. المكالمة كانت حوالي 10 دقايق كلها إنجليزي لأن اللي كلمني شخص غير مصري وغير عربي أصلاً .. لأني لاحظت إنه مش عارف ينطق إسمي كويس :D
شرحلي مميزات ومهام الوظيفة ومتطلباتها

ودي كانت المتطلبات
* Egyptian nationality
* Fluent English (both written and spoken) a must
* Previous experience in the customer service or call centre industry will be considered as an asset
* Good communications skills
وأكد على اللغة وقالي إن كل العملاء أجانب مش مصريين
والحمدلله كلها متوفرة .

المهم تم تحديد موعد الانترفيو واللي هيكون ان شاءالله يوم الثلاثاء القادم
ولما طلبت أعرف عنوان الشركة أو معلومات عنها علشان أجهز نفسي للمقابلة. قالي هبعتلك إيميل فيه كل التفاصيل.

هو قصر على نفسه المشوار وبعتلي لينك موقع الشركة .. أنا مش هحط اللينك إلا لو طلب مني لكن إسم الشركة هو
TELE PERFORMANCE

من الواضح كدا إن الإنترفيو هيكون كله بالإنجليزي

والحقيقة أنا كنت عاوز أستفيد بخبرة من سبق له العمل أو التقدم لمثل هذه الوظيفة تحديداً
وكمان أي معلومات عن الشركة نفسها وعن طبيعة الشغل اللي هيكون منوط بي عمله
لأني بكل أمانة وصلت لمرحلة من الإحباط لا يعلمها إلا الله وحاسس إن الفرصة دي مناسبة جداً ومحتاج أعمل كل اللي يقدرني عليه ربنا علشان أحصل عليها

فرجاءً لو تكرمتم وحاولتم مساعدتي جزاكم الله عني كل خير