موضوع للمناقشة: هل تعتبر تحميل الألعاب من الأنترنت سرقة؟

[the witcher]

معظمنا طبعاً فى البلاد العربية يقوم بتحميل الألعاب عن طريق التورنت وغيره. السؤال هو: هل تعتبر هذا نوع من أنواع السرقة والتعدى على حقوق الشركات الناشرة للألعاب؟ خاصة مع وجود بدائل يمكن من خلالها تحميل الألعاب بشكل شرعى (مثل steam ) .

[miro the king]

بدايتا
صلى على رسول الله

انت معاك فلوس تجيب لعبة ب100ج ولا 200ج وكمان غير النت بتاع 95 دة اقل حاجة وظروف المعيشة وغيرة

من الاخر لو ميزانيتك تسمح هات لعبة واة نسيت مفيش العاب اصية فى الوطن العربى ول يوجد قولى عشان اروح اعرف الاسعار

[HuLkY]

انا مع راى صاحب الموضوع , هى سرقة , ومفيش حاجة اسمها الغاية تبرر الوسيلة , اكيد انا لو جعان مش حروح اقتل صاحب محل السمك واقول , كنت جعان! بس المشكلة اكبر من مجرد سرقة خاصة انه سياسة الشركات برة مريحة جدا جدا جدا جدا , تتناسب مع الدخل العادى للمواطن العادى , الاقتصاد هنا مضروب ومشاكلنا بالكوم! , بس انا مقتنع تماما انه الجيمز بالشكل ده غير شرعية

[roko]

نعم انا في رأيي انها سرقة مع اني دائما احمل الألعاب من التورنت
دائما احاول ان امنع نفسي و ان شاء الله عندما تتيسر الأمور سأقوم بشراء الألعاب الجميلة اللتي لعبتها و لن اشتري سوى النسخ الأصلية بعد ذلك
يا رب الشركات يسامحونا و ينزلو اسعار الألعاب شوي :o
* للأسف يوجد فكرة مسيطرة على بعض الناس ان على جميع الأشخاص تجربة اكبر عدد ممكن من الألعاب فترى حتى ميسوري الدخل يقول لك انا اشتري بدل 10 العاب اشتري مثلا 100 لعبة منسوخة او ربما اكثر , السؤال هل ستلعبها جميعها ؟ (الجواب طبعا لا )
الفكرة في المتعة و التسلية التي تحصل عليها من الألعاب لا بكمية الألعاب + ستحصل على راحة الضمير + لن تواجه الكثير من المشاكل مع الكراكات واللعب اون لاين وما إلى ذلك

[Ҝ ђ Λ Ł Є δ]

طب لو هنحسبها ونشتري نسخة اصلية من كل لعبة بتنزل , هيتكلف كام ؟؟

:rolleyes:

هو فعلا يعتبر سرقة لكن ما باليد حيلة , الواحد لما يشتري جهاز بحوالي 3 الاف جنيه مصري يبقي عايز زيهم عشان يشتري العاب !!

[coolhero]

أعتقد ومقتنع انها سرقة

ولكن ما يدفعنا الى ذلك الظروف الصعبة بالتأكيد

لو كان الالعاب بالنسبة لنى سعرها مقبول الى حد ال200ج أكيد سوف اشترى الكثير من الالعاب

ولكن الان المشكلة اننى طالب ومن الصعب الحصول على مبلغ الالعاب الان

ان طلبت المبلغ من الوالد بالتأكيد سيعطينى و لكن لا اريد ان اقوم بطلب المبلغ من الوالد

لانى احاول بقدلر الامكان احاول الاعتماد على النفس قدر الامكان

ولكن عموما و الملخص اننى لا استطيع الحصول عليها بالمبلغ الحالى

و لكن مهما كان ليس مبرر << للسرقة >>

[BlacK ShaDoW]

أكيد سرقة
بس 50 دولار برة يعتبر سعر مناسب,350 و 400 و 500 هنا مش مناسب خالص :ah42:
فلو توفرة الألعاب بسعر 100 ~ 150 او حتى 200 بأقصى حد أكيد يكون السعر مناسب و هتجه للشراء بدلا من التحميل

[التنين الجامح]

طبعا سرقة, ولكن أين لنا بمحلات تبيع النسخ الأصلية ؟؟

بالنسبة لغلاء الأسعار فهذه مشكلة حقا ولكن من أراد شراء الأصلي يستطيع حتى مع غلاء الأسعار :

1- بعد نزول اللعبة بفترة طويلة (قليلا أو كثيرا) من الممكن أن يكون هناك تخفيض كبير فتصيح اللعبة ثمنها مثلا 15 دولار أو أقل وهو سعر مناسب جدا .

2- يوجد ألعاب تنزل منها نسخة The Game of the year وهي نسخة تحتوي على اللعبة الأصلية مع جميع الإضافات وبسعر العبة أول ما نزلت , يعني توفر ثمن الإضافات والتي أحيانا يصل مجموعها لثمن اللعبة أو أكثر .

ولكن يبقى هناك من يقول لن ألعب ألعاب نزلت من سنة لأنها أصبحت قديمة .

[mostafajsd5]

انا مش مع الكلام ان الموضوع سرقة بالعكس تماما فين السرقه في الموضوع
اولا عايز اسال مجموعة اسال انا دلوقتي اشتريت مثلا عربية تمام
هل من حقي اني ابعها او اتاجر فيها او اولع فيها حتى هي بقت بتعتي خلاص ودفعت ثمنها
طبعا من حقي اعمل اللي انا عيزه فيها
طيب
السؤال 2: هل دلوقتي الجماعه اللي بيضربو اللعبه بكراك هل هم اشترو اللعبه دي ولا لا
اكيد اشتروها وبعد كده كركوها يعني مجرد انهم اشتروها بقت حقهم حتى لو حيبوظوها لانها بقت ملكهم
السؤال 3: هل شركات الالعاب في العالم بتخسر اه بتخسر ولكن بتخسر حاجه اسمها فاقد ربح يعني هي بتكسب لكن في ربح كانت حتكسبو لكن خسرتو نتيجة الالعاب المتكركه
والدليل على كلامي اني كنت بلعب فيفا من وانا صغير 1993 وكل ده واللعبه كانت بتنزل مضروبه لحد دلوقتي
هل الشركة لو بتخسر خسائر فادحه من 1993 الى 2010 كانت استمرت لحد دلوقتي في الانتاج؟
الشركات من الاخر هدفها الربح بشكل جنوني حتى لو على حساب الناس الغلابه وعندهم مبدا انا انتج اذن انا ابيع ومش من حق اي حد اي حد حتى لو اشترى اللعبه او اي نظام برمجي انه يحاول انه يعيد بعها لحد تاني او حتى يديها لاخوه او جاره لازم ينزل ويشتري الكل لازم يشتري
هل سالت نفسك سؤال قبل كده هي الشركات له كل شويه تنزل حاجات جديده كل سنه ونص سنه ليه ميصنعوش بروسيسور مثلا 12 نانو مره وحده ويكون قوي هل هم مش عملين اختبارات في المعامل اكيد ووصلين للتكنولوجيا دي احتمال كبير ويمكن اكتر من دي كمان بس هم مش بيصنعو الاجهزه دي مره وحده لا كل شويه يدوك التكنولوجيا بالملعقه يعني السنه دي الحق في فيجا تحفه رهيبه وضعف قوة اللي عندك يله اشتري بسرعه وتيجي تشتري تلاقي بعد سنه في اللي ضعف اللي جبتها وهكذا عشان تتدفع كل سنه ليهم الموضوع مفهوم احتكاري بحت زي ما انا قولت قبل كده انا انتج اذن انا ابيع وليس من حق اي حد حتى اللي اشترى من عندي انه يبيع عشان يحققو غله كبيره

السؤال 4: هل الشركات اللي بتبيع اللعب بتستهبل اه طبعا

[mostafajsd5]

اولا هما مش بيعملو اعتبار لدول العامل الثالث في جميع الاحوال يعني مثلا هو مش حينقص الاعبه اقل من 50 دولار مثالا
لان في بلده ممكن تلاقي عامل النزينه دخله في الشهر 2000 دولار وده عامل بنزينه طب لما يدفع 50 في لعبه مش مشكله تعالى عندنا بقى خريجي بكلوريوسات مش لقيين شغل بسبب الدول دي بردو يبقى انت ممكن لو اشتغلت تحصل على راتب 600 جنيه يعني قول 100 دولار هل انت تقدر تدفع نص اللي بتقبضو في لعبه اولا الشركات لما بتحط سياسه للتسعير بتحطها على اساسا البلد بتعتها واللي زيها لكن مش حتبص لدول العالم الثالث بلي فيه فمش حتقص تمن اللعبه عشان خاطر عيونا يعني وده مش تبرير للالعاب المتكركه بس ده حق الناس اللغلابه انها تلعب وتتبسط بردو ولا حتى اللعب كمان مستكترينو علينا