السلام عليكم ورحمه الله و بركاته اخى الكريم
اولا : هناك موضوع مخصص للإستفسارات ارجو ان تضع فيه كل استفساراتك بعد ذلك
ثانياً : (( نصيحه صغيره )) لم السماعات العاااااااااااليه الصوت لهذه الدرجه ؟؟؟ مش الجيره برضو لها حق عليك ؟؟؟
و كما تعلم هناك من هو مريض و هناك اللى تعبان و عايز يرتاح . ناهيك عن اللى بيذاكرو الايام دى و الامتحانات قربت
ثالثاً : قبل اى شىء الموضوع فكل حاجه فى الدنيا نسبى . و لهذا السبب لازم تسمع منظومه الصوت قبل الشراء
يعنى انت فى القاهره ممكن تروح لأى حد عنده النظام الـ 6200 و الكارت الجيمر و تشوف مناسب لك ام لا . قبل ما تدفع
فلوس قد تُعطى فائده اكبر فى شىء اخر
رابعا : من وجهه النظر الشخصيه و المراجعات فالسماعات من الفئه المتوسطه و ليست العليا . يعنى تصلح لحجره متوسطه
او كبيره نوعاً ما
و لا تصلح للأماكن الكبيــــــــــره و ذلك لإنخفاض القدره لها (( RMS ))
فى خلال الغرفه ستسمع صوت رهيب يهز اركان الغرفه فعلا لكن سيقل ذلك تدريجياً كلما زادت المساحه
يعنى النظام الصوتى فى غرفه غير الصاله (( ريسيبشن )) غير مسرح منزلى بمساحه 120 متر مربع
بالموضوع المثبت هناك تقرير عن سماعات لوجيتيك z-5500 و اذكر جملها كتبها الاستاذ مراد البخارى
(( ان هذا النظام بالذات اذا ما وضعته فى مكان مساحته 100 متر مربع فأن النظام اقل ما يقال عليه حينها " مرعب " ))
لأن قدره النظام عااااااااليه وهو ضمن الفئات الاحترافيه
حضرتك كل اللى ذكرته انك عايز صوت يهد البيت و خلاص
لم تذكر الاستخدام (( سماع اغانى ؟؟؟ ام افلام ؟؟؟ ام العاب ؟؟؟؟؟ )) ام فقط سماعات للإزعاج ؟؟؟؟؟
السماعات سعرها حوالى 580 جنيه و الكارت الجيمر من استاذ طارق سعره 325 جنيه
*********************************************
الخلاصه
1- اذهب اولا لأى شخص يمتلك النظام الصوتى 6200 و الكارت الجيمر و هم كثيرون بالمنتدى و استمع للصوت
اذا كان يرضيك توكل على الله
2- اذا لم يعطى الاداء المناسب فأنت تحتاج لسماعات ذات قدره اعلى و هى الـ creative gigaworks و سعرها 1500 جنيه
لكن المشكله ليست بالسعر . المشكله تكمن فى ان الصب نفسه به مشاكل مع الحراره
و يتبقى لك حل وحيد وهو شراء نظام متميز من الانترنت مثل لوجيتيك و سيكلفك على الاقل 5000 جنيه
و لازم مع النظام مثل هذا كارت متميز و سعره لن يقل عن 700 جنيه و الافضل ما هو اعلى و سعره حاليا 1800 جنيه
يعنى 7000 جنيه ميزانيه كليه وهو ما يفوق ميزانيه الكثير منّا اذا اراد فقط تخصيصها للنظام الصوتى فقط و ليس الجهاز كله
الخيار كله لك اخى الكريم
لا تنسى ان تضع استفساراتك بالموضوع المخصص بعد ذلك
بالتوفيق
__________________
المفضلات