كيف اشير فولدر بحيث يدخل عليه جهاز واحد فقط

**sadq** · 17-04-2010, 11:17

عندي شبكه مكونه من عشرين جهاز
عملت sharing لفولدر
المطلوب جهاز واحد من الشبكه يقدر يدخل على الفولدر المشير
وباقي الاجهزه مش عايزهم يدخلوا على هذا الفولدر المشير

افيدونا ولكم جزيل الشكر

**مهندس شبكات بس** · 17-04-2010, 12:03

هذا الخيارمتاح فى ويندوز 7 فقط وغير متاح فى الاصدارات الاقدم

**beso_xp** · 21-04-2010, 02:39

يا اخى والله انا شوفت طريقة قبل كده على اليوتيوب بتشرح الموضوع ده بس بالانجليزي وكان من فترة كبيرة على الإكس بي

لكن حقيقى مش فاكرها لإن خطواتها كتير وانا مجربتهاش لإني مكنتش محتاجها

جرب كده تدخل وتعمل بحث بالانجليزي

وربنا يوفقك

**gouba** · 21-04-2010, 06:40

من خيرات الشير ومن بوابة الاذونات تقدر تختار الي انت تحددهم بس

**Mahmoud_Khalil** · 21-04-2010, 08:53

ايوة طبعا ينفع تعملها على Win XP بس حضرتك رد على الأسئلة دى الاول وان شاء الله اقولك الحل:

1-حضرتك Workgroup ولا Domain .
ولو انتا متعرفشى هتيجى على My Computer وتعمل كليك يمين وتختار Properties وهتختار من فوق Computer Name هتلاقى مكتوب حاجة اسمها Full Computer Name تحتها هتلاقى حاجة اسمها اما Workgroup او حاجة اسمها Domain.
هتشوف هيا اية واسمها اية.

هتشوف الموضوع دة على الجهاز بتاعك الى هتشير علية الملف وعلى جهاز صاحبك الى انتا عايزة يدخل على الفولدر...

2-الحاجة التانية هل انتوا بتستخدموا Username & Password وانتوا بتدخلوا على الWindows يعنى كل واحد لة على جهازة User Account ولا لما بتشغل الجهاز بيشتغل على طول من غير ميطلب User & Password.

3-اخر حاجة اية نوع البارتشن الى انتا هتشير علية الفولدر هل هوة Fat32 ولا NTFS.

جاوبنى على الاسئلة دى وان شاء الله هقولك على الطريقة...

انا بسألك الاسئلة دى علشان اجابتى تبقة محددة ومختصرة بدل مفكر فى كل الاحتمالات واقولك لو انتا كذا هتعمل كذا اما لو انتا كذا هتعمل كذا فى حين انى لو عرفت الاجابات دى هقولك هتعملها بالطريقة الفلانية كذا كذا كذا وخلاص.

**akramnssar** · 21-04-2010, 10:25

اعتقد انى فى طريقه ممكن تتعامل بيها عباره عن امر بسيط
run
وبعدين تكتب shrpubw
وان شاء الله يكون هو الحل معاك

**shadow1** · 21-04-2010, 14:05

المشاركة الأصلية كتبت بواسطة fares_elahlam19

ايوة طبعا ينفع تعملها على Win XP بس حضرتك رد على الأسئلة دى الاول وان شاء الله اقولك الحل:

1-حضرتك Workgroup ولا Domain .
ولو انتا متعرفشى هتيجى على My Computer وتعمل كليك يمين وتختار Properties وهتختار من فوق Computer Name هتلاقى مكتوب حاجة اسمها Full Computer Name تحتها هتلاقى حاجة اسمها اما Workgroup او حاجة اسمها Domain.
هتشوف هيا اية واسمها اية.

هتشوف الموضوع دة على الجهاز بتاعك الى هتشير علية الملف وعلى جهاز صاحبك الى انتا عايزة يدخل على الفولدر...

2-الحاجة التانية هل انتوا بتستخدموا Username & Password وانتوا بتدخلوا على الWindows يعنى كل واحد لة على جهازة User Account ولا لما بتشغل الجهاز بيشتغل على طول من غير ميطلب User & Password.

3-اخر حاجة اية نوع البارتشن الى انتا هتشير علية الفولدر هل هوة Fat32 ولا NTFS.

جاوبنى على الاسئلة دى وان شاء الله هقولك على الطريقة...

انا بسألك الاسئلة دى علشان اجابتى تبقة محددة ومختصرة بدل مفكر فى كل الاحتمالات واقولك لو انتا كذا هتعمل كذا اما لو انتا كذا هتعمل كذا فى حين انى لو عرفت الاجابات دى هقولك هتعملها بالطريقة الفلانية كذا كذا كذا وخلاص.

كلام سليم جدا :ah7::ah7::ah7:

**كريم كيمو2000** · 22-04-2010, 13:28

انا محتاج نفس الموضوع ممكن تساعدنى فية
انا Workgroup
وكمان مش فى باسورد ولا اسم للجهاز
والشير هايكون على برتيشن fat32
وممكن اعرف كمان لو هاعمل للفولدر اعمل اة
وشكراااا ليكم

**Mahmoud_Khalil** · 22-04-2010, 21:20

المشاركة الأصلية كتبت بواسطة كريم كيمو2000

انا محتاج نفس الموضوع ممكن تساعدنى فية
انا Workgroup
وكمان مش فى باسورد ولا اسم للجهاز
والشير هايكون على برتيشن fat32
وممكن اعرف كمان لو هاعمل للفولدر اعمل اة
وشكراااا ليكم

بص ياكيمو
اول حاجة حضرتك هتعملها انك تحول البارتشن الى NTFS بس قبل متحول البرتشن انقل الداتا بتاعتك من علية علشان الداتا ممكن تتحذف .

هتعمل الخطوات دى:
1- هتعمل للراجل الى انتا عايزة يدخل على الفولدر من على الشبكة User Account على جهازك ولو انتا كمان عاوز تبقة تدخل على فولدر هوة هيشيرة يعملك انتا كمان User Account على جهازة.

عارف بتعمل User Account ازاى ولا لا على العموم لو متعرفشى بص ياكيمو.

اعمل Right Click على My Computer واختار Manage وبعدين اختار Local Users & Groups واختار Users وعلى اليمين واعمل Right Click واختار New User واكتب اسم لصاحبك واعملة باسورد وشيل كل الاختيارات الى تحت وبعدين اعمل Creat.

كدة خلصنا اول حاجة اننا عملنا لصاحبك User Account .

2-الحاجة التانية بقة هتفتح Control Panel وبعدين Administrative Tools وتختار منها Local Security Policy ومن على الشمال هتختار Local Policies وبعدين Security Options ومن على اليمين بقة هتختار
Network Access: Sharing and Security Model for Local Accounts

وهتفتحها وتغير الاختيار وتخالية
Classic - Local Users Authenticate as themselves
وتعمل OK وتعمل Restart للجهاز .

وفائدة الخطوة دى ان صاحبك لما يجى يضغط على جهازك من على الشبكة هيطلب منه User & Password لو انتا كنت سايب الخطوة دى زى ماهية هتلاقى فى خانة ال User Name اسم Guest والمطلوب انك تدخل باسورد فعلشان نغير الموضوع دة ونخالى الجهاز يطلعلة شاشة وهوة بأيدة الى يدخل ال User Name & Password الى انتا عملتهملوة على جهازك فلازم نعمل الخطوة رقم 2 دى.

3- هتيجى على Tools ومنها Folder Options وتختار View وهتتاكد ان اخر اختيار الى اسمة Use Simple File Sharing مش متعلم علية ...

4-كدة احنا ظبطنا الجهاز باقى بقة نشير الفولدر ونظبط الPermissions ان محدش غير صاحبك دة هوة الى هيدخل علية ..

هتشير الفولدر وهتلاقى زرار اسمة Permissions هتفتحها وتشيل Everyone وتحط اسم صاحبك وانتا طبعا وتديلة ال Permission الى انتا عاوزة وانا افضل Read ..

دة بالنسبة لل Permission التى تخص ال Sharing ..

نيجى بقة لل Permission التى تخص ال Security ....

وانتا بتشير الفولدر هتلاقى فى زرار زيادة فوق اسمة Security ودة مش هيظهر الا لما البرتشن يكون NTFS وانتا عامل الخطوة رقم 3.

هدوس بقة على Security دة بقة وتعمل زى معملت فى الى قبلها هتشيل Everyone وتضيف صاحبك وانتا ..
.
اتمنى اكون قدرت اوصلك الى انتا عاوزة واى استفسار انا فى الخدمة ..

اة على فكرة طالما انتا فى البيت وعامل الموضوع دة مع اصحابك ياريت بعد ماصحابك ياخدوا الملفات تبقة تمسح ال User Account الى انتا عملته فى الخطوة رقم واحد بأنك هتيجى علية وتعمل Delet ..

والسلام عليكم ورحمة الله وبركاته