صوتيات صوت أمريكا
الشرح
بسم الله الرحمن الرحيم
أولا كلنا عارفين أهمية اللغة الأنجليزية في حياتنا وخصوصا في الشغل
إذن لازم نتعلم إنجليزي كويس أوي
وعلشان نتعلم لازم نتبع خطوات معينه هذه الخطوات ستساعدنا على إتقان اللغة
فلو جينا حددنا مستوانا هيكون
إما مبتدئ
وكده لازم تذاكر من أحد أول ثلاث كتب
علما بأن الكتاب الثاني يوجد به شخص يشرح بالعربي
وكل اللي عليك هو أنك تفتح الكتاب وتتابعه
والكتاب عبارة عن 12 مستوي
يعني لو ذاكرت كل يوم مستوي هتخلصه في 12 يوم
ولو خلصت الكتاب ده هتخلص الكتابين التانيين في أقل من ثلاث أيام
لأنهم زي الكتاب ده بس مشروحين بطريقة مختلفة مع بعض الأضافات الأخري
هنيجي بقي لعملية نطق الكلمات
الفيديو ABC Pronunciation ده فيديو بيعلمنا نطق الحروف صح
وفي فيدو أخر إسمه
فيدوهات كيفية النطق الصحيح للكلمات من English BBC Learning
ده برضوا بيعلمك نطق الصحيح للكلمات وكان هتلاقي شوية حروفو علامات غريبه
أيه هي العلامات دي ؟
العلامات دي عملة بالزبط زي ما أكون كاتب الكلمة باللغة الأنجليزية وبجانبها نطقها بالعربة .
نطقها بالعربية مش ترجمتها بالعربية
زي مثلا كلمة Remember تنطق ريممبر
بس طبعا لو الناس اللي عملين الكتب ناس أجانب مش هيكتبوا إزاي تنطق الكلمة بالعربية لأنهم مش فهمين عربيه
طب إزاي هيكتبها ؟
هيكتبوها برموز وعلامات غربية مثلا كلمة Car تنطق كار Kar
طب إزي نحصل على كل الموز والعلامات الغريبه دي
نحصل عليها من أي إسطوانة من إسطوانات الـ Face 2 Face
وبكده هنعرف ننطق الكلمات لوحدنا من غير ما حد ينطقها لنا
طب لو عاوزين نتأكد من النطق بتاعنا نعمل أيه ؟
ننزل قاموس أسمه
Longman Pronunciation Dictionary
القاموس ده فيع جميع الكلمات كل ما عليك هو كتابة الكلمة اللي أنت عاوزه ينطقها
وهتلاقي في زرارين واحد لنطق الكلمة باللهجة البريطانية وواحد لنطقها باللهجة الأمريكية
وكمان هتلاقيه كتبلك إزاي تنطقها بالرموز والعلامات الغريبة
نيجي بقي لأهم حاجة وهو كورس English For you
الكورس ده عبارة عن 80 فيديو ولازم لازم لازم نسمعه كله
الكورس ده عبارة عن شرح القواعد والمحادثات اليومية وهوه لذيذ جدا جدا
لو جينا سمعنا كل يوم 2 فيديو هتلاقي الـ 80 فيديو خلصوا في 40 يوم
ولو كل يوم 3 فيديو هنخلصه في أقل من شهر
ولما تيجي تسمع الكورس ده إسمع بعد كل فيديوهين أو 3 فيديو
إسمع فيديو من فيديوهات كورس Learning English Step 1,2 ,3
لأن الكورسين ماشيين بنفس الترتيب بس الكورس الأول بيشرح بطريقة والكورس الثاني بيشرح بطريقة تاني
أو بمعني أصح الكورس التاني يعتبر تطبيق على الكورس الأول
لو هتقدر على كده كان بها
ولو حاسس أن العمليه صعبه يبقي أسمع الـ 80 فيديو الأول وبعدين أسمع الكورس التاني
بعد كده ممكن نسمع صوتيات صوت أمريكا
دي مجموعة من الدروس لتعليم اللغة الأنجليزية
وهي بإختصار أن واحدة بتشرحلك حوار معين هيديو بين أثنين تشرحه بالعربي
وبعدين الحوار يدور باللغة الأنجليزية بس بسرعة قليلة
وبعدين بتشرح معاني الكلمات لفهم الحوار
وبعدين يدور الحوار تاني باللغة الأنجليزية ولكن بالسرعة الطبيعية بتاعتهم
وبعدين
هنسمع فيديوهات Mister Dunvan In England
ده واحد ابن حلال بيشرح مواقف بس بجد الرجل ملوش حل خاص
ساعة ما تيجي تسمعله هتحس أكنك قاعد قاصد ملسلسل فكاهي لذيذ جدا
وميزة هذه الفيديوهات أن الكلام اللي الراجل بيقوله بيتكتب
"ياريت لو في حد عنده فيديوهات زي دي يرفعها مش شرط تكون لتعليم اللغة الأنجليزية "
"ممكن أي فيلم أو مسلسل أو أي مواقف أو حتي تعليق على ماتش كورة "
وبكده هنعرف الراجل بيقول أيه علشان لو مسمعناش الكلمات بصورة كويسه
ومن أحد فديوهاته هذا الفيديو
https://www.youtube.com/watch?v=buGsunc-igk
هذا الفديو بيعلمك إزاي تنطق الحروف والرموز والعلامات الغريبة والمستخدمة في توضيح كيفية نطق الكلمة
وإن شاء الله هنرفع كتب فيها حوارات ومواقف وترجمتها من العربية إلى الأنجليزية
وسيتم أيضا رفع المذكرات الخاصة بالثانوية العامة
هذه المذكرات هتساعدنا على فهم قواعد اللغة الأنجليزية بصورة كويسة
وكمان هتفدنا في أننا نحفظ الكثير من الكلمات
أه صحيح نسيت أقول حاجة
أي كلمة تسمعها أو تشوفها أحفظها
وبكده تيجي بعد فترة قليله هتلاقي نفسك حفظت كلمات كتييييييييييييير أوي وهو ده المطلوب
وأخيرا
نسمع قصص هذه القصص واحد عمال بيقولها وهيكون معانا الكتاب نتابع الكلام اللي بيقوله
ونسمع كمان أفلام ومسلسلات أجنبية مترجمة باللغة العربية
ويا سلام لو كانت الأفلام تكون مترجمة للغة الأنجليزية زي بتاعة Mister Dunvan In England تبقى تمام أوي
فياريت لو حد عنده مثل هذه الأفلام يرفعها لتعم الفائدة
أحنا قولنا قبل كده أن مستوانا واحد من ثلاثة يا مبتدئ يا متوسط يا محترف
إتكلمنا عن المبتدئ نتلكم بقى عن المتوسط
لو متوسط هنمشي بالخطوات السابقة بس هنلاقي العملية لذيذه جدا وماشيين بسرعة أوي
ولو أنت محترف
تقول لنا تجربتك في المذاكرة وإزاي نحسن من مستوانا
وأيه هي الكورسات اللي بتذاكر منها غير كورس Tell Me More هتكلم عنه شوية بكرة
وترفعلنا الحاجات اللي كنت بتذاكر منها
وتذكر دائما أن ما تفعله يوضع في ميزان حسناتك
سيتم تنسيق باقي الموضوع غدا إن شاء الله
بإضافة اللينكات الخاصة بباقي الفديوهات والقواميس
المفضلات