* مواقع التورنت المجانية
صحيح ان التراكرز المجاني يمشي الحال واحيان كثير اكثر من يمشي الحال وسريع ووش زينه لكن احيان يتليعن معك ويصير بطيء او يفصل التراكر او حتى يسحبون عليك السيدرز , وانصح بالتسجيل في مواقع تورنتات والتسجيل مجاني بشرط انك ترفع لهم مثل ماتاخذ منهم .. يعني مافيه حركات النذاله انك تحمل الفلم وتقفل التحميل , لازم تخلي الابلود شغال عندك عشان تفيد الاعضاء المشاركين معك بنفس ملف التورنت من نفس الموقع ..
من اهم المشاكل اللي تصير بالمواقع المجانية هي توقف التحميل عند ( 99% ) وهذي تبدل بالتسبد !
هذي كم موقع تورنت حلوه
الروابط:
http://www.ilovetorrents.com
http://www.torrentfive.com
http://www.mininova.org
http://www.meganova.org
المواقع كثير لو ينفتح لها موضوع مايخلص , وكل شوي يطلع واحد جديد ويصير افضل من الاول
ومواقع كثير يمكن ماذكرتها عشانهم عيّوو يسجلوني
, في مواقع مقفلين التسجيل بس يفتحونه كل فتره وفتره
لمّن تشيك وتحصله مفتوح سجل منت بخسران شي , حتى لو تسجل وتحمل من عندهم ويطردونك وش صار يعني ؟
ومن المشاكل اللي تواجهك عند التحيمل واللي ذكرتها اول هي الوقوف عند (
99% ) وهي من سلبيات المواقع المجانية , وفي كم طريقة تقدر تخليه يكمل التحميل وموب شرط تنجح الطريقة "
محد ضربك وقالك خذ ملف تورنت من موقع مجاني " ..
1 / زيادة التراكرز في ملف التورنت
اول شي تروح للملف اللي متوقف عنده التحميل >> زر يمين >> خصائص
بعدين تروح ل تبويب خيارات متقدمة "
Advanced " وتضيف التراكرز بعد التراكر الاصلي
ملاحظة /
لاتحذف التراكر الاصلي , حط التراكرز تحت الاصلي مثل ماهو موضح بالصورة
التراكراز المضلله هذي اللي اضفتها للملف , والاول هو الاصلي
بعدين تضغط اوكي وهو يبدا يتصل بالتراكر ويجيب لك سيدرز
* مشاكل بعد التحميل
قبل كل شي نشرح وش الكلمات الموجودة في نسق اسم التورنت
مثلاً : Lady.In.The.Water[2006]DvDrip[Eng]-aXXo
Lady.In.The.Water << اسم الفلم
[2006] << سنه الإنتاج
DvDrip << صيغة التحويل
[Eng] << لغة الفلم
aXXo << اسم الشخص او القروب اللي سجّل ورفع الفلم
وفي كلمات كثير منها
(
منقول من ابو مشاري )
بعض النسخ تجي فيها كلمات كثير .. وكل كلمة لها معنى .. بأذكر أهم الكلمات ..
UNRATED .. وهذه يعني نسخة الفيلم غير مصنفة حسب الأفكار اللي يبثها .. أو المشاهد الدموية أو الجنسية .. بمعنى آخر نسخة ماهي مقطعة وغير النسخة الموجودة في السوق اللي هي ال RATED
PROPER .. وهى نسخ تم إصدار نسخه منها من قروب معين .. ف يجي قروب ثاني منافس ويصدر نفس النسخة من الفيلم فيكتب كلمه PROPER في اسم الملف للدلالة على ان النسخة هده أفضل من اللي قبلها للقروب السابق .. وهالشي كمنافسة بين القروبات اللي تصدر النسخ .
LIMITED .. وهو فيلم تم عرضه في دور عرض سينمائي محدود حوالي 250 سينما !!! وهى أفلام لم تلقى نجاح جماهيري .
REPACK .. وهذا لو قروب أصدرت نسخه DVD rip بجوده منخفضة أو فيها عيوب فنيه فتصدر هذه النسخة لنفس القروب بعد معالجه الأخطاء اللي فيها .
NUKED .. وهذه يعني النسخة فيها عيوب سواء صوت أو صورة .. وما تصلح .
* مشكلة عرض ترجمه الفيلم
عشان تشتغل الترجمه مع الفلم لازم يكون اسم الفلم تماما نفس اسم الترجمه ويكونون بملف واحد..
الترجمات لها اكثر من صيغه , من اهمها
[ srt / sub / idx / txt ]
النوع الاول :
srt +
sub +
txt / قابله للتعديل والموجوده غالبا بالمواقع لكن مشكلة المترجمين معها انها تنسرق ترجماتهم وتنسب لغيرهم ..
وهذا برنت
النوع الثاني :
idx / هذي نوعيه ماتشتغل لحالها لازم معها اما
sub او
srt
ويستخدمونها المترجمين عشان يحافظون على شعلهم من السرقه ..
طبعا هنا لازم تسمي الملفين كلهم بنفس اسم الفلم ..
وهذا برنت
اشهر صيغ الأفلام المتوفرة بالتورنت
[ avi .. rmvb .. bin ..mpeg... wmv ]
طبعا افضل شي ك عرض [
avi ] لكن حجمه كبير
بعده يجي [
rmvb ] لكن يكون اقل حجم والصوره وضوحها مو زي avi قزازه
لانها تكون محوله من النسخه الاصليه للي مايبون الافلام تاخذ مساحه بجهازهم ..
اما [
bin ] هالنسخه ذي عيبها ما يشغلها أي برنامج ..لازم برنامج اسمه "
vlc " وعيبه مافيه ترجمه ..
والنسخ الباقيه اذا شفتوهم لا تحملونهم لانها لا مساحه ولا صوره زي الناس
* كيف اعرف صيغه الفلم ؟
قبل ماتحمل ملف التورنت لازم تشوف تفاصيل الملف نفسه
مثل هالبرنت
وتشوف امتداد الفلم وش.. اذا لقيته [
zip او rar ] لا تحمله وتتوهق لانه غالبا يكون بكلمه سريه وتتوهق لازم تدفع لصاحب القروب فلوس عشان يرسل لك الباسوورد .. هذا اذا كانو صادقين
بعضهم يطلب منك تحمل برنامج من موقعهم عشان تشوف هالفلم او هالحلقة , وهذي نصبه ثانيه بس تنزل فايروس على جهازك .. حاول انك ماتحمل الا شي مضمون
وفي الاول والاخير شي راجع لك تحمل الفلم ولالا إذا ان صيغته اختلفت عليك
* مشكلة في العرض : صوت بدون صورة / صورة بدون صوت
احيانا تحمل بس يشتغل صوره بدون صوت او العكس او ماتشتغل الترجمه ..عشان كذا لازم نحمل
حزمة K-Lite Mega Codec Pack الي تشغل اغلب الصيغ وتحتوى على مشغل Media Player Classic
نحمل الحزمه من هنا
الرابط:
http://ftp.freenet.de/pub/filepilot/windows/multimedia/video/k-lite_codec_pack/klmcodec425.exe
او
الرابط:
http://files.3dnews.ru/pub/soft/multimedia/codec/klmcodec425.exe
التثبيت كلها كم nextوثم instal
* البحث عن الترجمة
هالطريقة مافي اسهل منها , ونستغرب من كثرة طلبات الترجمات في مواضيع الطلبات
الحمد الله في موقع اعتمدوه المترجمين العرب يصير مركز يتوفر فيه الترجمات العربية
الموقع
[ subscene ] كل اللي عليك تكتب اسم الفلم / المسلسل .. ويطلع لك الترجمات المتوفرة
كيف تبحث عن الترجمه
بدال ماتمسك سرا بموضوع الطلبات ليه ماتجيب الترجمه بنفسك ومافيه اسهل منها ندخل على
الرابط:
http://subscene.com
اطلق موقع اي ترجمه براسك بتلقاها ان شاء الله..
نحط اسم الفلم ونضغط /
Search
نختار الي نبي من نتايج البحث
ثم
وفي النهاية ارجو تقيمي لاني عضو جديد ومحتاج تقيم حسب قرائتكم اخواني اعضاء عرب هاردوير لموضوع
المفضلات