السلام عليكم

ElKhawaga for Presidency of Egypt_ 2011 الخواجة رئيسا



ده جروب جديد اصحابى عملوه على الفيس بوك و شكلنا وزارة و عملنا رئيس جمهورية

و اشتغلت فيه النائب العام

يالا يا شعب هيص بقى ليك دوله على النترنت ..

خلينا بقه نعيش و نهزر و نضحك بدل الكبت ووجع الدماغ اللى كل يوم بنسمعه و نشوفه

و ده كان مقال رئيس الجمهورية الافتتاحى : اتفضلوا شوفوه

....................

Ahmed Elsayed
فى لحظة صفا كدة قعدت افكر ..

أنا ليه رشحت نفسى ؟؟

انتوا عارفين طبعا ان امبارح نتيجة الترم الاول ظهرت .. و الحمد لله نجحت و عدت على خير ..

المهم ..

قعدت أفكر فى زمايلى فى الدفعات التانية اللى سبقونى كل واحد فيهم فين دلوقتى ..

منهم لقى شغل ..

ومنهم قاعد فى البيت ..

و منهم ساب البلد و هج ..

فقلت ايه اللى يخلينى استنى و انا مش عارف المستقبل مخبى ايه ؟؟

ايه اللى يضمنلى انى اخرج الاقى شغل ؟؟

وبعدين قلت يا واد ما تبقى رئيس جمهورية ..

أهى شغلانة حلوة و تمام وفى نفس الوقت بتطلع فلوس مش وحشة ..

مش وحشة خالص ..

لا مش وحشة فعلا

و غير كدة كدة مركز مش بطال ..

بس اوعوا حد يفتكر انى مش عندى خبرة ..

أو داخل اجرب فيكوا ..

لا

انا كنت قربت على الاشراف فى منتدى الأهلى ..

اه والله كان فاضلى نجمة واحدة ..

المهم ...

..

أيها المواطنون ..

كلكوا عارفين ان اذا كانت المناصب تؤخذ بالوعود فإن الحفاظ عليها لا يكون إلا بالنتائج ..

و الحكم ليكوا فى الأول وفى الاخر

زى مانتوا شفتوا فى تعريف الجروب الهدف منه ايه ..

كتير بيحصل ان احنا نقعد نسب و نلعن فى الحال اللى موجود .. و اللى احنا تقريبا كلنا متفقين انه مش صح ..

بس فين دور كل واحد فينا ..

"ان الله لا يغير ما بقوم جتى يغيروا ما بأنفسهم"

عشان كدة الجروب اتعمل عشان نبدأ نغير فى نفسنا ..

فى أعضاء الجروب نفسهم الأول

وبعدين فى أصحاب الجروبات اللى جنبنا ..


ممكن نتفق سوا على اى حاجة صغيرة ..

المهم الكلام دا سابق لأوانه ..


هنا انتخابات مجلس الوزراء

http://www.facebook.com/group.php?gid=114143355275601#!/topic.php?uid=114143355275601&topic=34&post=104#po st104

ودا لينك الجروب

http://www.facebook.com/board.php?status=256&uid=114143355275601#!/group.php?gid=114143355275601

ونكمل بعدها ..

أحمد الخواجة
رئاسة الجمهورية
حرر فى 19/4/2010



..............................

طبعا يا جماعه احنا بنهزر و هربنا من كبت السياسة العقيمة الى حياة الفيس بوك و النترنت الجميلة