شبكة داخلية لفندق. لمنتجع . لكومباوند

[al_manara]

السلام عليكم

اظن ان في حاجة ماتكلمناش فيها قبل كدة .
وهي . ياتري اية شكل الشبكة الداخلية لاي من (الفندق - المنتجع - الكومباوند ) يعني بتكون عاملة ازاي ؟
خلونا نتكلم علي الفندق مثلا ازاي الواحد يصمم شبكة لفندق مع العلم ان مساحة المبني طبعا بتكون عريضة يعني مثلا 10 عمائر جنب بعض ياتري بيكون شكلها عامل ازاي ؟ وهي بتتوصل بسلك برضة ولا وايرلس
ياريت كل الي عندة افكار يشاركنا الموضوع . لاني بصراحة كمان ما دخلتش فندق فمش عارف بيكون شكل الانترنت بالداخل اية ؟ كابلات ولا وايرلس ولا الاتنين معا ؟

[abdalla_atta]

الاول انت بتسال السؤال ده عشان تنفذ الفكرة فعلا في شغلك ولا معلومات عامة ؟ :ah42:

انا هاتكلم عن الفندق في الاول

بص لو الفندق كبير وعالمي ممكن ميبقاش الموضوع مجرد توصيل انترنت او شبكة وخلاص

اولا : خدمة الانترنت للنزلاء لو حد معاه لابتوب يدخل من غرفته سواء عن طريق كابل وعلي فكرة لو اتفردت كابلات مفيش مشاكل هتشتغل ذي الفل

او وايرليس بس الوايرليس هيبقي صعب داخل الغرف لكن ممكن تركب ِAccess Point واحدة في كل دور ولو فيه تعريجات وممرات شمال ويمين هتحتاج Range Extender

وبالنسية لباقي الاجزاء ممكن يكون المطعم او حمام السباحة او الحديقة او الكافيه
هما اللي متغطيين وايرليس

ثانيا : شبكة داخلية للموظفين عليها قاعدة بيانات النزلاء وشغل الفندق وتكون مربوطة بشكل ما
سواء كان VPN او غيره مع المركز الرئيسي للفندق او الفروع التانية في الدول الاخري

ثالثا : لو الفندق كبير ذي مانت بتقول يقي شبكة التليفونات الداخلية بتاعته مش هتبقي مجرد
سنترال باناسونيك وخلاص ده ممكن تبقي حاجة معقدة ذي النظام اللي بيبقي موجود في ال Call
Centre بس مش عارف ده بيبقي VoIP ولا ايه بالظبط ...!!

رابعا : Survillance System نظام المراقبة بالكاميرات وده لازم يبقي موجود في كل المناطق
السياحية اكيد كلكم فاكرين عملية الاغتيال اللي حصلت في دبي واذاي كاميرات المراقبة هي
اللي كشفت الخلية الاستخبارتية اللي تفذت العملية

خامسا : السيكوريتي بتاعت الناس دي كلها لازم تبقي مظبوطة يبقي لازم هاردوير وسوفتوير ينظم
الموضوع مينفعش حد من ال Call Centre يشوف حسابات العملاء مثلا ودي حاجة في DB اسمها ال
Privilage وكمان مينفعش اي حد داخل من خارج الفندق المركز الرئيسي مثلا ياكسس كاميرا
ويشوف اللي بيحصل داخل الفندق وكمان البينات المالية بتاعت العملاء لازم تبقي سرية

المووضع كبير ومش سهل بس كمان مش صعب

ممكن يحتاج منك وقت وانت ماسك ورقة وقلم وبتقول هاعمل كذو وكذا وهاحتاج كذا وكذا

بس خلي بالك خد الوقت اللي انت عايزه في التصميم عشان متندمش بعد التنفيذ وتحتلج تفك وتركب من اول وجديد

وده فندق وشغله حساس ويمس سمعة بلدك يبقي لازم الشغل يكون علي نظيف

الكومبوند والمنتجع

قرية صغيرة شوية فيها مجموعة من الفيلات او الشاليهات ابسط بكتير من موضوع الفندق واسهل في التنفيذ لو وايرليس هتحتاج كمية AP كتير لانها المنتجع مساحته اكبر من الفندق بس ممكن تجيب حاجات قوية تغطي مساحة كبيرة تحللك المشكلة دي

كابلات احسن وارخص في الحالة دي ذي شبكة ال ADSL اللي مابينك وبين اصحابك

ايه رايكم في الكلام ده ؟؟؟؟!!!!

[samy naeem]

allah yanor 3alek ya bsh mohands 3la elklam elgamel dh we 3la elm3lomat elgamdh we elkaemh
ana estafdt menk kteeer
rbna ug3lha fe mezan 7snatk

[al_manara]

ماشاء الله عليك
افكارك جميلة . ماشاء الله
كل الحكاية انا فكرت في الموضوع دة ودورت في مواقع كتير عن فكرة عمل الشبكة في الاماكن الكبيرة وبيكون شكلها اية لاني نفسي اعمل حاجة زي كدة
وزي ما انت بتقول يارب حاجة زي كدة تتطلب مني

[al_manara]

كمان انا لقيت شوية معلومات كويسة عن الهاروير الي ممكن يستخدم في شبكة زي دي ان شاء الله هانزلهم اول ما ارتبهم كويس عشان الموضوع يكون مرجع كويس لاي حد عاوز يعمل شبكة كبيرة

[al_manara]

الاول انت بتسال السؤال ده عشان تنفذ الفكرة فعلا في شغلك ولا معلومات عامة ؟ :ah42:

انا هاتكلم عن الفندق في الاول

بص لو الفندق كبير وعالمي ممكن ميبقاش الموضوع مجرد توصيل انترنت او شبكة وخلاص

اولا : خدمة الانترنت للنزلاء لو حد معاه لابتوب يدخل من غرفته سواء عن طريق كابل وعلي فكرة لو اتفردت كابلات مفيش مشاكل هتشتغل ذي الفل

طيب ازاي يتم فرد السلك في المكان كلة ؟ معني كدة ان الدور ممكن يكون فية اكتر من سويتش في اماكن مختلفة ؟

او وايرليس بس الوايرليس هيبقي صعب داخل الغرف لكن ممكن تركب ِAccess Point واحدة في كل دور ولو فيه تعريجات وممرات شمال ويمين هتحتاج Range Extender


اظن هو لازم وايرلس لان ما اظنش ان كل نزيل في الفندق وهو حاجز هناك هياخد معاة سلكة فاكيد لازم وايرلس وعشان يشتغل الوايرلس لاز في كل جناح في الفندق مكان Access point ?
وبالنسية لباقي الاجزاء ممكن يكون المطعم او حمام السباحة او الحديقة او الكافيه
هما اللي متغطيين وايرليس

ايه رايكم في الكلام ده ؟؟؟؟!!!!

كلام جميل في انتظار تفاعلك وتفاعل باقي الاعضاء