مشكلتى : الجهاز بيعمل ريستارت بصفة دورية ؟

[احمد خليل2006]

السلام عليكم ورحمة الله وبركاتة

اولا: ااسف على عدم معرفتى بقوانين المنتدى بخصوص عنوان الموضوع وجهلى بترتيب اوليات الموضوع وهذا يدل على ان المنتدى منظم للغاية ويرتقى يوما بعد يوم بفضل النظام وارجوا من السيد/ النديم مشرف عرب هاردوير قسم المشكلات و حلولها مساعدتى واعضاء عرب هاردوير فى مشكلتى المؤرقة والتى سأوضحها فى الاسفل

نوع نظام التشغيل.

WINDOWS 7 64BIT بعد تجربتى لWINDOWS 7 32BIT

(2) المعالج من حيث النوع والتردد.

AMD Phenom II X4 965 Black Edition AM3 CPU HDZ965FBGMBOX - 3.40GHz, Socket AM3, 8MB Cache, 2000MHz (4000 MT/s)


(3) نوع المذربورد.

Gigabyte 790XTA-UD4 Motherboard

(4) حجم الذاكرة.

Kingston4GB DDR3

(5) البطاقة الرسومية.

XFX Radeon HD 5770

(6) مشكلتى .

تكمن المشكلة فى ان الجهاز يعمل ريستارت بصفة دورية

وهذا شرح بسيط لما يحدث

تم تركيب الجهاز من فترة قصيرة لاتتعدى ال21 يوما وقد تم تركيبة بإحترافية شدية ولم يفعل الجهاز ريستارت سوى مرة واحدة بعد اسبوع تقريبا من الضغط علية بالالعاب الجديدة ولم الاحظ لما فعلها وافترضت انة امر عارض وقمت بقياس درجات الحرارة للبروسيسور حيث انة فى الخمول من 35-36 درجة لايتعدى ذلك وعند الضغط علية مثلا بلعبة مثل metro 2033 او avatar او
prison break لايتعدى 50 درجة مئوية
وعند عملى بالبرامج الهندسية مثل الاتوكاد 2011 او بريمافييرا او الفوتو شوب
عند عمل الثلاثة مع بعضهما اواثنين فقط درجة حرارتة من 37-45
ولكن فى الفترة الاخيرة اصبح عمل ريستارت بشكل دورى فى الاتى:

1-عند تنزيل ويندوز مثلا.حدثت هذة المشكلة مرتين

2-عند تركه بدون العمل علية ولكن مجرد برنامج التورنت يعمل فى تنزيل اى برامج اوالعاب بعد فترة قصيرة يقوم بعمل ريستارت . الخ حدثت هذة المشكلة عدة مرات

ارجو منكم مساعدتى فى هذة المشكلة حيث اننى محافظ جدا على جهاز الكمبيوتر ومهتم به جدا وبكل ماهو جديد ولكن هذا الوضع مقلق لى جدا حيث اننى قليل الخبرة فى ذلك

[yassinworld]

درجة حرارة البروسيسور معقولة

37-45

معقولة

أحتمال يكون فى خلل بالرامة المركبة ..أستبدلها بغيرها وشوف

لو العيب لا يزال موجود

جرب تغيير الباورسبلاى

جرب وأعلمنا بالنتائج

[mido_misr]

يمكن فى مشكلة فى كارت الشاشة علشان فى العاب تحتاج كارت شاشة عالى

[mido_misr]

حاول تشوف تبريد البروسيسور هل مروحة البروسيسور عليها تراب وحاول تنظيفها من وقت الى اخر لأن التراب الموجود فيها بيقلل التهوية بتاعة البروسيسور

[amrdio]

ايه نوع الباور سبلاى عندك

[احمد خليل2006]

ايه نوع الباور سبلاى عندك

heck 600w

[احمد خليل2006]

يمكن فى مشكلة فى كارت الشاشة علشان فى العاب تحتاج كارت شاشة عالى

للاسف الكرت ماشاء الله علية فى الالعاب الجديد وخاصة انة معاة الديركت اكس 11 ومبيعملش ريستارت فى اى لعبة الحمد لله.
هو للاسف ياريت يعمل ريستارت ويكون سببة كرت شاشة او بروسيسور حتى نبقى نعرف السبب المؤدى لكن كل حاجة تمام والعاب شغالة دة من الممكن انى انا مش مشغل علية حاجة خالة غير دونلود تورنت وبالصدفة بعد 5 ساعات مثلا وجيت مريت من جمبة القاة فصل وعمل ريستارت افتكرت انى فى شحنات مثلا او شئ من هذا القبيل او فى حاجة لمستها من غير قصد لكن مفيش حاجة من دة خالص .
دة توضيح بسيط للى بيحصل وانا انهاردة حجرب الرامات ان شاء الله مرحلة مرحلة

وشكرا لكم جميعا فى مساعدتى

[nemer2017]

اخي العزيز الجهاز يعمل رستارت حلو
هل في وقت محدد لعمل الرستارت يعني اول ما يشتغل الجهاز او بعدها بساعه بعد ساعة ونصف يعمل رستارت ...؟

[hazemsagherh]

بص يا اخى
ادخل على ال event viewer ولو تقدر تفتكر ميعاد الريستارت شوف واكتب ال error
لانه فى الغالب BSOD

لازم تشوفها واكتبها هنا ونشوفها سواء BSOD او error عادى

[احمد خليل2006]

بص يا اخى
ادخل على ال event viewer ولو تقدر تفتكر ميعاد الريستارت شوف واكتب ال error
لانه فى الغالب BSOD

لازم تشوفها واكتبها هنا ونشوفها سواء BSOD او error عادى

ممكن حضرتك توضح event viewer وانا اعملة اذاى

[احمد خليل2006]

يمكن فى مشكلة فى كارت الشاشة علشان فى العاب تحتاج كارت شاشة عالى

ليس العيب فى كرت الشاشة لانى للاسف الكرت جديد وداعم لdirect x11 وللاسف برضوا انى الجهاز لحد دلوقتى مفصلش فى لعبة لدرجة انى ممكن العب 24 فى 24 ساعة وميفصلش بيفصل من حاجة هايفة

[احمد خليل2006]

اخي العزيز الجهاز يعمل رستارت حلو
هل في وقت محدد لعمل الرستارت يعني اول ما يشتغل الجهاز او بعدها بساعه بعد ساعة ونصف يعمل رستارت ...؟

لا ليس لة وقت محدد

[احمد خليل2006]

اصدقائى فى منتدى عرب هاردوير

لقت قمت البارحة بفك جميع اجزاء جهازى ونظفتها جيدا وقمت بتركيبها مرة اخرى مع مراعاة سلامة كل جزء
ولكن قبل عملية فك الجهاز اكتشفت حاجة خطيرة جدا انى الجهاز كنت بلعب علية لعبة مترو2033 الجديدة من الساعة 4.30 وحتى الساعة 9 مساءا ولم يفصل الجهاز ولكن عندما قمت من الجهاز وقمت بلمس الجزء الموضح بالصورة فصل الجهاز وقد قمت بكل بتسجيل كل حركة تحدث قبل فصل الجهاز وقدسجلتها واثبتها حيث اننى بعدها بقترة لمست الجهاز مرة اخرى فى نفس المنطقة وقد اثبتها معى احد اعضاء المنتدى وهو Maximum _G وقد فعلها هو بنفسة

هل من الممكن ايجاد حل لهذة المشكلة حيث اننى عند لمس هذة المنطقة لم المس زر الباور او الريستارت. فى ملاحظة اخرى عند لمس الجهاز فى اى وضع او مجرد اهتزازة .

الصورة وعليها الملاحظة

[hazemsagherh]

https://windows.microsoft.com/en-US/...n-Event-Viewer

ادخل على اللنك ده وشوف حتقدر توصل لل event viewer ولا لا

[hazemsagherh]

اذا العيب كما ذكرت جربت تركب المكو نات على كيسة تانية؟

عموما حاول تركبهم فى كيسة تانية و استخدم برنامج prime واعمل blind test لمدة ساعة على الاقل وشوف حتوصل لفين

شكرا