مازر جيجا بايت ببروسيسور وفيجا خارجية بدون بلت ان للبيع

[صوت الصمت]

بسم الله الرحمن الرحيم

انا بحدث الجهاز وكدة فحبيت ابيع القطع القديمة عشان اجيب بدلها جديد

اولا المازر


GIGABYTE GA-945PL-S3P



للعلم فهى اعلى من ال945 العادية لانها ليس بها بلت ان فيجا
وتدعم بروسيسور CORE 2 DUO


ثانيا البروسيسور

3/512

ثالثا الفيجا

ATI RADEON X600

وسيتم بيع الثلاث قطع كجزء واحد

والسعر سايبو لسيادتكم عشان انا محطش سعر ويتقال عليه عالى نبيع بما يرضى الله

ماعدا الرامة فقد قمت بعرضها بموضوع سابق ولم يتم البيع بعد
للتذكير فقط

رابط الموضوع

KINGSTON 2G DDR2 HYPER X 1066 CL7

[hany177]

ممكن سعر البورده + البورسيسور فقط
ومكان حضرتك

[صوت الصمت]

ممكن سعر البورده + البورسيسور فقط
ومكان حضرتك

انا ببيع ال3 ع بعض هعمل ايه بالفيجا لوحدها المهم شوف سياتك السعر وقولى

الفيجا حلوة على فكرة انا جربت عليها جتا شغالة تمام

ونيد فور اسبيد موست ونتد كات شغالة سريعة جدا يعنى تمام دى فيجا اورجنال بسوكت DVI كمان ومعاها الكونفرنتر بتاع الشاشة العادى انا اصلا لسة شاريها استعمال خارج

[elafgany]

اقولك انا البروسسور 80 + البورده 100 والفيجا 100 يبقي كله 280 وهيبقي في كلام تاني يا مان
ربنا يوفقك فالبيع

[صوت الصمت]

اقولك انا البروسسور 80 + البورده 100 والفيجا 100 يبقي كله 280 وهيبقي في كلام تاني يا مان
ربنا يوفقك فالبيع

حرام عليك ياراجل بروسيسور80 ازاى دانا نزلت لمحل كمبيوتر كان عايز يشترى البروسيسور ب125 وانت عارف ان المحل بياخدو ويكسب فيه كمان

[elafgany]

علي فكره انا 3 علي 512 لو تشتريه مني علي 100 انا بايع او انت تديني عنوان المحل ده ونا ابيعهوله علي 120 يا عم

[niceman2007]

كلام الراجل دا مظبوط سعر البروسيسور دا فعلا اخره كدة انا عن نفسي شاريه ب80ج
اما البوردة فهي تساوي 125ج
والفيجا من 85 ل100ج
وان كنت بتدور عالمصلحة بيع كل قطعة لوحدها هتلم معاك
الأخ هاني كان بيديني بروسيسور زي بتاعك ب130ج وبيقول انه عامل معايه واجب فشوفه يمكن ياخده منك ع 120ج ولاحاجة هههههههههه

[صوت الصمت]

علي فكره انا 3 علي 512 لو تشتريه مني علي 100 انا بايع او انت تديني عنوان المحل ده ونا ابيعهوله علي 120 يا عم

وليه ياعم ماروح ابيعهولو انا بقى مدام مش لاقى بيعة هنا الف شكر على ردك اعتبر تم بيع البروسيسور والمازر بالفيجا واعرف ابيعهم مابين 300 ل 350 واروحلو دلوقت
يفضل بس الرامة هى اللى لسة متبعتش
وشكرا مرة تانية

[elafgany]

منا عارف ياعم انا نفسي اعرف تاجر مين ده اللي قالك اخدو منك بي 125 ونا ولله اروحله ب 5 او 10 بروسسرات واديهمله علي 120

[niceman2007]

طيب ياعم الأفغاني انا هقول كلمه انت وصوت الصمت وياريت متردوش كلمتي عشان ربنا يوفق البيعة بينكم
انت هتاخد البوردة بالبروسيسور بكارت الفيجا ع325ج واتمني اكون قربت المسافة بينكم وهنعتبر كل واحد ساب من ناحيته شويه
شوروا نفسكم وقولولي ع الرد
تقبلوا مروري

[elafgany]

شكرا ليك نايس مان انت فهمتني غلط
انا كنت داخل اسعرلوو انما مش عايز اشتري
وبعدين انا 945 وبروسسور سيليرون ال 3 علي 512 وبصراحه مقرف وعايز ابيعو واجيب الدوال كور
وبعدين البيعه بالنسبه لي مش هتبقي مربحه حتي لو ريح السعر شويه لاني مش من القاهره وعشان اخد منه الحاجه لسه في تكاليف سفر ومواصلات جوه القاهره

[niceman2007]

سوري ع فهمي الخطأ
عموما لو نويت تبيع البروسيسور بتاعك انا هاخدة لو انت قريب من اسكندرية او كفرالشيخ
ورقمي هتلاقيه ف اي مشاركة من مشاركاتي
سلام

[elafgany]

لا حاجه للاسف يا اخي شكرا علي محاولتك للمساعده
ونا اخوك محمود الافغاني من مدينة الزقازيق ونا فعلا بفكر ابيع البروسسور بتاعي بس المشكله اني اجيب الباقي عشان اشتري الدوال كور لكن في اولويات للمصاريف الاهم فالمهم
اشكرك تاني مره واول ما هقرر ابيع باذن الله يكون انت الشاري

[صوت الصمت]

تم البيع ياجماعة خلاص الف شكر على مروركم

[محدودالدخل]

منا عارف ياعم انا نفسي اعرف تاجر مين ده اللي قالك اخدو منك بي 125 ونا ولله اروحله ب 5 او 10 بروسسرات واديهمله علي 120

لو سمحت أخى الكريم لو معك 10 بروسسورات على 100ج الواحد هاخده منك إن شاء الله