صفحة 1 من 5 1 2 3 4 5 الأخيرةالأخيرة
النتائج 1 إلى 15 من 61

الموضوع: learning mikrotik

  1. #1
    عضو
    تاريخ التسجيل
    Apr 2008
    المشاركات
    209
    الدولة: Egypt
    معدل تقييم المستوى
    0

    Arrow احترف الميكروتك و اتعرف على مميزاتة و اتحكم في سرعة المستخدمين



    السلام عليكم ورحمة الله وبركاته

    احترف الميكروتك و اتعرف على مميزاتة و اتحكم في سرعة المستخدمين

    ****************************************** ******** ********
    مقدمة
    لماذا هذا الموضوع
    أولا وقبل كل شيء أسألكم الدعاء لى ولوالدى بالمغفرة والرحمة وكل ماهو خير لنا من الدعاء.
    أحببنا أن نفيدكم ببعض ماأنعم الله به علينا من علم فى بعض مواضيع الميكروتيك الهامة
    ولأن فترة عشرتنا مع قسم سيرفرات الميكروتيك معكم هنا تكاد لاتجاوز الشهر من الزمان

    ومرات كثيرة جدا أحاول أن أجد شرح لموضوع داخل المنتدى معين أجد
    الموضوع ناقص على خطوة صاحب الموضوع لم يذكرها الله اعلم هل قصده ان لغز مصباح علاء الدين نجده بأنفسنا أم نيته حسنة وهو مجرد أن نسى أن يذكر لغز الموضوع وغالبا يكون بدون اللغز دا الموضوع بدون جدوى


    ****************************************** ******** ********

    فأحببنا التسهيل على الناس
    لأنى وللأسف المواضيع التى التى لم أستطع الوقوف على فهمها هنا فى المنتدى عندما كنت أترك رسالتى فى أى منتدى أجنبى أو أبحث فى مواقع أجنبية كنت أجد حل مشكلتى بكل سهولة ويسر وصدر الناس رحب ويساعدوا على نشر العلم بطريقة كبيرة جدا
    وأى موقع اجنبى تجد عليه مشكلتك فى ثوانٍ معدودة
    ولأن معظم الناس مستواها فى اللغة الإنجليزية يقبع تحت خط الفقر فمعظم الناس لن تستطيع البحث فى منتديات أجنبية أو أن تبحث فى مقالات أجنبية عشان تنشد ضالتها وتقيل عثرتها بسهولة ويسر

    ولأن القارء للموضوع إذا كان الموضوع معتمدا على شرح الصور أحيانا يشك فى تنفيذه للموضوع هل هو فى وجه الصحة بمكان أم على وجه الخطأ

    أم من أصحاب الأعرف لا إلى هؤلاء ولا إلى هؤلاء
    إذ هو لايدى هل نفذ الشرح على وجه أكمل أم على وجه ناقص . فى كل الله أعلم
    فكان موضوع الشرح بالفيديو أفضل وأثبت
    لذا قررنا نحن
    عبد الرحمن /حازم عامر
    أن ننقل المنتدى منتدى قسم سيرفرات الميكروتيك نقلة أخرى مختلفة لربما يمشى عليها مساره فترات طويلة وهى تطبيق السيرفر على الفيرشوال ماشين بشكل احترافى وبطريقة مثالية
    وتطبيق بعض الأشياء التى عجزنا عنها سالفا
    وحل بعض المشاكل التى عجزنا عن حلها فيما مضى
    والمضى قدما فى تطوير خط إنتاج قسم سيرفرات الميكروتيك بمنتدى الدى فى دى العربى
    لإنتاج نوع جديد من الإبتكارات والإنتاجات
    وقررنا أن نطرح بين أيديكم أهم مواضيع الميكروتيك بكل سهولة ويسر فى منتدى عربى ولأول مرة بشكل متميز جدا عن أى شرح سبق أو تم ذكره بالفيديو كله من الصفر إلى النهاية ولاتوجد مرفقات مطلقا كل الشرح موجود داخل الفيديو
    كل ما سندرجه هنا غير ملف الفيديو الخاص الشرح
    لنكات فقط للأدوات الى قد استخدمناها فى الشرح والتطبيق
    وإن شاء الحى القيوم أى شخص كان ليه فضل فى المساعدة لينا فى اى موضوع هنذكر اسمه إن شاء الله
    فمن لم يشكر الناس لم يشكر الله
    ومن بركة العلم نسبتة إلى أهله


    ****************************************** ******** ********

    وحتى لانطيل عليكم أكثر من ذلك ندخل فى صلب الموضوع
    الموضوع عبارة عن شرح وتجميع لأهم مواضيع الميكروتيك على الفيرشوال ماشين
    هنبدأ فى اول فيديو شرح البرنامج الى مشروح عليه كل حاجة الى هوا الفيرشوال ماشين
    وهوا داالأداة Tool الى هنطبق عليها كل حاجة
    البرنامج ممكن تستبه على وندوز إكس بى عادى خالص او وندوز سيرفر
    وبعد كدة تستب على البرنامج نفسه الميكروتيك وتتعامل مع الميكروتيك باحترافية كما لم يسبق لك من قبل
    طيب ايه المواصفات المطلوبة


    اى كيسة نتيوم فور اوريجنال او غير اوريجنال هتفى بالغرض
    تكون فى حدود رامات 512
    ويستحسن واحد جيجا
    وبروسيسور 2.4 او 2.6 او 3.0
    وكرتين لان فقط واحد للإكسترنال وواحد للإنترنال فقط

    يعنى كيسة فى حدود حوالى من 400 إلى 500 جنيه تقريبا مستعملة اوريجنال من اى مول
    طبعا انا مش بروج بضاعة انا مببيعش ممكن اى واحد يروح يشترى الكيسة من اى مول

    هتقولى طيب انتا حاطط مواضيع دمج ازاى هتدمج ونتا معاك كرتين 2 فقط
    هقولك منتا لو سمعت الشرح هتعرف اننا فى الدمج مش هنحتاج اكتر من كرتين لان فيزكال فى الكيسة
    ودى الميزة هنا الى نتفرد بيها عن اى طريقة ضم اخرى حتى مع موضوعى السابق نفسه الضم على nth
    على كيسة فيزكال هنا برده أميز لأن هنا مش هتحتاج اكتر من كرتين لان فقط والى مش مصدق يسمع الشرح وهوا يعرف


    ****************************************** ******** ********

    أولا لنك البرنامج أقصد برنامج الفيرشوال ماشين
    والإصدارة دى يجماعة
    Virtual Machine Workstation 6.0

    والإصدارة 6 هيا الى هتنفع معانا هنا فى كل المواضيع اى نعم فى مواضيع هينفع تطبق عليها بفرجن اقدم او احدث لكن الفرجن 6.0 هوا الى تقدر تطبق عليه كل الحاجات الى احنا شارحينها نظرا لشيء معين هنشرحه جوا الشرح نفسه
    وإليكم لنكات التحميل



    وسنبدأ بعد ذلك فى وضع لنكات الشرح وقد قسمتها إلى ملفات منفصلة كل على حدة

    ****************************************** ******** ********
    وقبل تنزيل ملفات الشرح نرجوا من الأخوة كل واحد يلغى الكودك الى عنده وينزل الكودك دا احدث كودك موجود تقريبا لو صادفه مشكلة فى تشغيل الملفات الفيديو مع العلم ان الملفات من النوع AVI
    برنامج الكودك اسمه
    K-Lite Mega Codec Pack 5.9

    ****************************************** ******** ********


    الملف الأول: عبارة عن تعريف عام بالفيرشوال ماشين ومفاهيم اساسية فيه وكيفية استخدامه


    لتحميل الملف الأول من
    هنا


    ****************************************** ******** ********


    الملف الثانى : عبارة عن تستيب الميكروتيك 2.9.27 وإدخال الإنترنت داخل الميكروتيك من الروتر فقط بدون إخارج النت للمستخدمين
    لتحميل الملف لثانى من


    هنا
    ولتحميل نسخة الميكروتيك 2.9.27 من هنا


    ****************************************** ******** ********


    الملف الثالث : كيفية تستيب وندوز إكس بى على الفيرشوال ماشين وأخذ الإنترنت من الميكروتيك الى وندوز إكس بى الى متستب برده على الفيرشوال ماشين


    لتحميل الملف الثالث من

    هنا

    ****************************************** ******** ********

    الملف الرابع : كيفية إخراج الإنترنت باستخدام HotSpot
    وتعلم DHCP Server


    وتعلم إلغاء وظيفية قطع النت لبرنامج النت كت وغيره من البرامج
    ولكن إلغاء إظهار الماكات على النت كت وغيره سيتم شرحها فى آخر ملف وهوا البرودباند هنا سيتم شرح كيفية إلغاء
    وظيفة قطع النت عن المستخدمين فقط ولكن الماكات بتظهر لسة

    لتحميل الملف الرابع من

    http://www.mediafire.com/?w2mqmmtmmmt

    ****************************************** ******** ********

    الملف الخامس : نتعلم فيه الآن كيفية إخراج الإنترنت إلى الشبكة الفعلية بدلا من إكس بى على فيرشوال ماشين فقط
    أى سنتعلم فيه كيفية إخراج الإنترنت بصورة فعلية للمستخدمين على سويتش والسويتش يوزع النت للمستخدمين


    لتحميل الملف الخامس من

    هنا

    ****************************************** ******** ********

    الملف السادس : كيفية ضم عدد من الخطوط يصل إلى 8 خطوط إنترنت على الفرجن 2.9.27 بطريقة nth
    على كرتين لان فقط فى الكيسة واحد إكسترنال يسحب النت وواحد إنترنال يوزع النت
    كرتين فقط حقيقيين فى الكيسة


    الطريقة
    بالنسبة للإكسترنال هتحط الروترات الى عاوز تضمها كلها على سويتش والسويتش يطلع منه سلك واحد فقط لكارت الإكسترنال الموجود فى الكيسة والإنترنال هيطلع منه سلك لسويتش رقم 2 والسويتش رقم 2 يوزع النت للناس
    والشرح فى ملف الفيديو
    ثم انظر فى شرح الملف رقم عشرة لتعرف كيفية حل مشكلة الهوت سبوت على نفس السيرفر
    بحيث تضم الخطوط وتخرج نت بالهوت سبوت من نفس الكيسة

    لتحميل الملف السادس من

    هنا
    ولتحميل الكود من هنا

    ****************************************** ******** ********

    الملف السابع : كيفية تستيب النسخة 3.2 على الفيرشوال ماشين وتكريكها وعمل تحديث لها حتى الفرجن 3.3 على ليفل أربعة Level 4
    ومن بركة العلم نسبته إلى أهله ففكرة الشرح فى هذا الملف مستوحى من فكرة الأخ شيكوا له منا كل احترام وتقدير ولكن مشروح بتفصيل اكبر وفيديو


    لتحميل الملف السابع من هنا

    لنك النسخة 3.2 من هنا

    لنك ال**** من هنا

    ولنك النسخة 3.3 من هنا

    ****************************************** ******** ********

    الملف الثامن : استيراد أو عمل Import لمكنة جاهزة متستب عليها النسخة 3.3 متكركة جاهزة لحد ليفل أربعة فى خمس دقائق فقط
    وأظن دى تحل المشكلة للأخ الى كان بيقول انه عاوز يكرك من فلاشة وعاوز الكود أعتقد الطريقة دى أسهل
    إنك تاخد المكنة متكركة فى خمس دقايق جاهزة وآسفين ليه على التأخير فى الموضوع بس زى منتا شايف الموضوع كبير أد ايه


    لتحميل الملف الثامن من

    هنا

    ودا لنك الهارد للنسخة 3.2 جاهز للإستيراد فى مكنة فيرشوال ماشين 6.0 من هنا

    ودا لنك الهارد للنسخة 3.3 جاهز للإستيراد فى مكنة فيرشوال ماشين 6.0 من هنا

    ****************************************** ******** ********

    الملف التاسع: كيفية تفعيل الكاش على النسخة 3.3 واستخدامه
    واستخدام الكاش فلتر
    وكيفية تحويل كاش النسخة 2.9.27 مثل النسخة 3.3 بالظبط فى الكاش فلتر
    ومن بركة العلم نسبته إلى أهله ففكرة تحويل كاش النسخة 2.9.27 إلى مثل النسخة 3.3 من أفكار الأخ رائد جمعة صاحب العضوية raedjomaa

    لتحميل الملف التاسع من هنا

    ****************************************** ******** ********

    الملف العاشر : شرح ضم عدد يمكن أن يصل ل8 خطوط على الفرجن 3.3 بطريقة ال nth
    بكرتين لان فعليين فقط واحد إكسترنال ياخد النت وواحد إنترنال يوزع النت للمستخدمين
    بالنسبة للإكسترنال هتحط الروترات الى عاوز تضمها كلها على سويتش والسويتش يطلع منه سلك واحد فقط لكارت الإكسترنال الموجود فى الكيسة والإنترنال هيطلع منه سلك لسويتش رقم 2 والسويتش رقم 2 يوزع النت للناس
    زى طريقة 2.9.27 بالظبط
    الزيادة هنا عن هناك فى الشرح
    حل مشكلة الهوت سبوت ان الناس مكانتش عارفة تخرج نت بالهوت سبوت من نفس السيرفر الى بتضم عليه فلازم
    الناس كانت تحط سيرفر تانى للتوزيع بحيث يكون سيرفر ضم وسيرفر توزيع
    احنا حلينا هنا المشكلة وتقدر توزع بالهوت سبوع من نفس السيرفر الى هتضم عليه


    لتحميل الملف العاشر من

    هنا

    ولتحميل كود الضم من هنا


    ****************************************** ******** ********

    الملف الحادى عشر : تعلم كيفية إغلاق المواقع الإباحية عن طريق استخدام OpenDNS
    من الألف إلى الياء وكيفية تحديث رقم الإنترت الخاص بالديناميك وان اى بى بسهولة جدا بدون اسكربت ودون الجلوس كل فترة لتشغيل اداة تحديث الأى بى فقط دع كل شيء يعمل بصورة تلقائية بدلا عنك والطريقة تصلح مع جميع النسخ
    2.9.27 3.2 3.3 4.6 أى نسخة تقدر تحدث رقم الإنترنت الخاص بيك
    بسهولة وبصورة اوتوماتيك من غير متتعب وتقعد كل شوية تفتح اداة التحديث عشان تجيب الرقم الجديد


    وتعلم هنا ايضا كيف تغلق الكيسة مثلا ساعتين الصبح ترتاح فيهم وازااى الكيسة تشتغل تانى لوحدها بمعنى مثلا الكيسة كلها تطفى الساعة 6 صباحا وتريح 3 ساعات وتشتغل لوحدها تانى الساعة 9 صباحا
    بصورة تلقائية يوميا بدون تدخل منك
    كله شغال فى دورة اوتوماتيك منتظمة جدا
    وبدون سكربتات
    وأنا اعنى الكيسة تريح يعنى الكيسة كلها هارد وير وسوفت وير مش سوفت وير فقط
    وآسفين على التأخير على الأخ الى كان منتظر النقطة دى على حد تعبيره على أحر من الجمر
    لكن زى منتا شايف الموضوع عامل ازاى تنسيقه لوحده عاوز يوم
    لتحميل الملف الحادى عشر من

    هنا

    ولتحميل برنامج Auto Shutdown
    من هنا

    ****************************************** ******** ********

    الملف الثانى عشر : تعلم كيفة تشغيل البرودباند PPPoE باحترافية لم يسبق لها مثيل فى إخراج الإنترنت للمستخدمين والحفاظ على شبكتك من الإنهيار


    وبصورة مبدأية أنا مليش علاقة بالشرح الى حاطه أى حد هنا فى المنتدى للبرودباند لاحد يقولى الطريقة دى احسن ولا الطريقة دى اوحش ولافلان عامل ولا فلان مسوى انا فى الفيديو موضح كل حاجة وموضح المزايا من استخدام طريقتى انا فى برودباند الى عاوز يستخدمها يستخدمها الى مش عاوز يستخدمها ويستخدم طريقة حد تانى فى المنتدى بدون اى حزازيات دى حرية شخصية وكل امرأ امير نفسه يختار الى يريحه
    وطبعا الطريقة مش بتاعتى عشان ماحدش يعلق ليا على الكلام قصدى الطريقة الى انا مستخدمها

    طبعا انا مش هطول كتير فى نظام التشغيل البرودباند الرائع بل الأكثر من رائع الشرح داخل ملف الفيديو
    لكن كل ماأنبه إليه إننا هنا فى البرودباند قدرنا نلغى وظيفتى النت كت وغيره من برامج السبوفنج
    الخاصية الأولى قطع النت عن المستخدمين وتم إلغاء هذه الخاصية بنجاح
    الخاصية الثانية عدم ظهور ماكات اى عميل من العملاء فى النت كت او غيره من اى برنامج من برامج السبوفنج
    وأظن كدة يبقى قضينا على كل مشاكل البرودكاست طيب واحد يقولى امال ايه الى هيظهر على النت كت لما افتحه هقولك بكل بساطة حمل الملف الفيديو وشوف بنفسك ايه الى بيظهر
    وفى طبعا حاجة
    معنى انك قضيت على البرودكاست للعملاء بينهم وبين بعض بالأيبيهات والماكات يبقى قضيت على معظم الفيروسات الى بتشتغل على الوتر دا وتر البرودكاست زى الفيرس الصينى وإخوانه من الفيروسات الأخرى
    خد عندك بقى كلها يومين واليابان رخرة يطلع فيرس باسمها وكل يومين تطلع بلد وتبقى موضة
    احنا لما قضينا على البرودكاست قضينا على القصة دى يبقى قللنا مشاكل كتير جدااااااااا كانت بتحصل فى الشبكة فى عدم وجود البرودباند

    لتحميل الملف الثانى عشر من

    هنا







    الملف الثالث عشر
    : كيفية وضع الميكروتيك فى وندوز ستارت اب Start UP حتى يعمل مع بداية تشغيل الكيسة كل مرة
    ثم تعلم كيفية الحفاظ على الميكروتيك من الإنهيار حيث ان الفيرشوال ماشين يعمل على نظام وندوز المعرض للفيروسات والإنهيار فى بعض الأحيان
    .


    الرابط :

    http://www.mediafire.com/?gtjygzwytg0

    ولتحميل الديب فريز الذى يعمل على وندوز إكس بى من
    http://www.mediafire.com/?jjyynnzynyz

    ولتحميل الديب فريز الذى يعمل على وندوز سيرفر من
    http://www.mediafire.com/?mgmiz2zm0cv




    الملف الرابع عشر: شرح االإختيار Cache On Disk داخل إعدادات الكاش



    والتطرق لبعض المفاهيم مثل


    Physical Memory , Virtual Memory


    وسرعات الهارد ديسك والرام والبروسيسور والتفاوت بينهم
    لتحميل الملف الثالث عشر من



    الرابط

    http://www.mediafire.com/?omkqyz02jji












    الملف الخامس عشر: شرح كيفية فصل التحميل عن التصفح بحيث لو سرعتك مثلا 2 ميجا بت
    تستطيع بسهولة وضع 1 ميجا بت منهم للتحميل بحيث أن التحميل او مايعرف بالدونلووود لن يتعدى هذا القدر المخصص له مهما كان التحميل إن شاء الله وسيتبقى 1 ميجا للتصفح مخصصة له

    وطبعا هذا مثال فقط وتستطيع بسهولة تخصيص القدر المراد تخصيصه للدونلوود والباقى للتصفح على حسب السرعة الموجودة عندك

    مثلا السرعة 4 ميجا
    نضع كمثال مثلا 2.5 ميجا للدونلوود وميجا ونصف للتصفح وهكذا
    حسب اختيارك أنت وفقط ولك مطلق الحرية فى اختيار السرعة المناسبة بتعديل الكود



    أولا

    لتحميل الملف الخاص بشرح الطريقة

    الرابط

    http://www.mediafire.com/?j2gtnng1njy

    ثانيا

    الكود يوجد منه مايحدد Download + Upload مثل الأتى

    لتحميل الكود لمن لايستخدم الكاش من

    http://www.mediafire.com/?eura2jyyatn

    لتحميل الكود الخاص بمن يستخدم الكاش من

    http://www.mediafire.com/?ydzyjzymdl4


    ثالثا

    هناك كود يستخدم لتحديد ال Download فقط
    مثل الآتى
    لمن لايستخدم الكاش من

    http://www.mediafire.com/?zmtmkhwzguy

    ولمن يستخدم الكاش من

    http://www.mediafire.com/?nd1juemynmd


    رابعا

    لتحميل ملف لشرح كيفية تطبيق الطريقة على بعض العملاء فقط والبعض لا

    من هنا

    http://www.mediafire.com/?nykkbyy3kzx

    تم التطبيق فى الشرح على النسخة 3.3
    لسبب أنى قد استخدمت Layer7
    فى تنفيذ الطريقة وليست طريقة المانجل العادية
    لأن ال Layer7



    ====================
    الى هنا قد وقف المهندس حازم عامر فى الشرح
    ربما يواصله فى استفسارات الاعضاء لفهم شيئا ما
    شكرا والسلام عليكم ورحمة الله وبركاتة
    أدق بكثير من المانجل فى البحث عن المحتوى





    ****************************************** ******** ********

    يجماعة زى ماهو واضح قدامكم من الشرح انا تعبت فيه جدا جدا جدا عشان يوصل ليكم بالصورة دى
    حوالى 7 ساعات تقريبا شغل فيديو
    ومش عاوز منكم فلوس مش عاوز منكم ثناء مش مستنى انكم تنصبونى منصب
    كل الى طالبه منكم حاجة بسيطة جدا جدا جدا
    انكم تدعوا ليا ولأهلى بكل بخير وكل دعاء فى نظر كل واحد فيكم يراه خيرا لنا

    ومسموح لأى واحد ينقل الموضوع لأى منتدى آخر لتعم الفائدة
    فقط فى آخر الموضوع يقول يدعوا لصاحب الموضوع وأهله بكل خير

    وياريت كل واحد عنده استفسار يسيب لينا هنا الملف الى بيستفسر عنه رقم كام والدقيقة رقم كام
    لأن ماينفعش واحد يقول مثلا
    هوا انتا عامل DHCP Server هنا كذ وكذا ليه
    او عامل mac بتاع العميل فى الخانة الى اسمها كذا ليه
    طبعا ميستناش منى انى الف فى 12 ملف و 7ساعات اشوف واقول ياترى هوا قصده على اى جزء بالظبط

    فياريت الى بيستفسر عن حاجة يسيب لينا اسم الملف والدقيقة بالظبط الى فيها استفساره
    ساعدونا إننا نساعدكم
    وفى النهاية أتقدم بخالص الشكر والتقدير لكل من ساعدنى فى إنهاء مثل هذا الموضوع الكبير
    وأتقدم بالشكر لكل من يريد مساعدة الخير للآخرين

    وربنا يوفق الجميع دوما لما يحب ويرضى

    وفى النهاية أحب أن أدرج بيتين لمن كان له قلب أو ألقى السمع وهو شهيد
    قال سفيان ابن عيينة يوما عالم الحديث وقرين مالك ابن أنس فى الطبقة
    يوما وهوا يتحسر على حاله لما مات أقرانه من العلماء

    ذهب الزمان فسرت غير مسود ...ومن الشقاء تفردى بالسؤدد

    انا مش بقول كدة ان انا عالم لا أنا لاعالم ولانيلة انا اقل من اقل واحد فيكم انا الى عندى ان شاء الله من علم اولا بأول هطرحه بين إيديكم بس فين باقى الناس
    إحنا يجماعة بنعانى من فقر عام فى المقالات العلمية فى المنتديات العربية
    دا مش نابع عن عدم وجود ناس علماء
    لا طبعا فى جهابزة كتير بس للأسف متعرفش بيخافوا يتكلموا او مكسوفين
    او واحد تانى عارف بس خايف يعرف غيره لحسن هياخد رزقه
    فياريت أنا بنادى أى واحد عنده معرفة جيدة انه يساعدنا يجماعة احنا فعلا هنا بالنسبة للمنتديات الأجنبية
    نقبع تحت خط الفقر
    أى نعم فى ناس محترمة جدا هنا فى المنتدى وبتحب تفيد الناس جدا
    بس كام واحد مش هقولك يتعدوا على الأصابع لا دول يتعدوا على عقل الأصابع من ندرتهم

    الله المستعان وإليه المشتكى وهو من وراء القصد وهو يهدى السبيل

    ****************************************** ******** ********
    بالنسبة للمكنة الى احنا عملناها الى هيا الميكروتيك نفسها الى المفروض هتشتغل وهتوزع نت للناس
    سواء واحدة فقط او أكثر من واحدة كل الى عاوزينه يشتغل اول الكيسة متفتح


    الى عاوزنها تشتغل هناخد Shortcut
    منها من ملف المكنة الى امتداده vmx الى موجود داخل الفولدر الى احنا عملنا جواه الفيرشوال ماشين
    على سبيل المثال زى الصورة دى






    ونحطه فى

    Start
    All Programs
    Start UP

    وأكرر Shortcut يعنى ماحدش ياخد الملف نفسه vmx
    الشورت كت فقط عشان المكنة تشتغل اول مالوندوز إكس بى يفتح مباشرة

    زى الصورة دى



    **************************
    الخطوة الثانية بصراحة انا مش فاكر انا شرحتها جوا الفيديو ولا لا
    بس ضرورية عشان المكنة الفيرشوال لما تفتح يتعمل ليها اوتوماتيك بور اون يعنى تفتح وتشتغل كهربا
    هنختار المكنة الفيرشوال الى المفروض هتتفح فى ستارت اب ونفتحها
    ثم نختار من البرنامج الأتى نضغط كلك يمين على اسم المكنة الفيرشوال فى قائمة tabs

    زى مافى الصورة دى



    ثم نتبع الإعدادات فى الصورة التالية


    ثم كما فى الصورة الآتية نتأكد من وجود علامة صح على الإختيار فى الصورة التالية

    وبكدة المكنة تفتح من ستارت اب ولما تفتح تعمل Power On Automatic
    انا المفروض انى فاكر انى شرحتها الخطوة دى فى الفيديو بس بدور عليها مش لاقيها مش عارف بقى انا شرحتها والدنيا توهان معايا ولا انا مشرحتهاش عموما دى خطوة فى نهاية الشرح خالص
    لأن اى شخص مش هيحتاجها إلا لما يخلص كل إعداداته
    لما يعمل المكنة ويعوزها تفتح اول الإكس بى ميفتح بصورة تلقائية كل مرة
    مثلا فدى خطوة نهائية بعد كل الى شرحناه مش هتعوق اى أحد فى أى موضوع آخر
    وآسفيين على نسيان مثل هذا الموضوع المهم فى شرح الفيديو
    بس احنا بشر والكمال لله وحده والموضوع كبير جدا على شخص واحد انه يعمله بدون اخطاء
    فكان لازم نخطأ ودى طبيعة الإنسان





    الموضوع للأخ الفاضل م.حازم عامر



  2. #2
    عضو
    تاريخ التسجيل
    Apr 2008
    المشاركات
    209
    الدولة: Egypt
    معدل تقييم المستوى
    0

    رد: learning mikrotik

    sorry file no.4 link invalid i cannot reach it

  3. #3
    عضو برونزي
    تاريخ التسجيل
    Apr 2008
    المشاركات
    1,430
    معدل تقييم المستوى
    11

    رد: learning mikrotik

    رائع جدا جدا شكرا لكم

    جارى التحميل والتجربة

  4. #4
    عضوية مزدوجة
    تاريخ التسجيل
    Jun 2006
    المشاركات
    283
    معدل تقييم المستوى
    0

    رد: learning mikrotik

    جزاكم الله خيراً وجعله الله فى ميزان حسناتك

  5. #5
    عضوية مزدوجة
    تاريخ التسجيل
    Jun 2006
    المشاركات
    283
    معدل تقييم المستوى
    0

    رد: learning mikrotik

    أخى حازم جزاك الله خيراً على هذا المجهود ومعلهش فيه مشكلة فى الملف الرابع فياريت تراجع الرابط تانى

  6. #6
    عضو
    تاريخ التسجيل
    Feb 2010
    المشاركات
    83
    الدولة: Algeria
    معدل تقييم المستوى
    0

    رد: learning mikrotik

    بارك الله فيك

    ربنا يجازيك
    من علمني حرفا صرت له عبدا

    دعائي لك بالتوفيق في الدنيا والآخرة استاذي خليفة حسن


  7. #7
    عضو
    تاريخ التسجيل
    Apr 2008
    المشاركات
    209
    الدولة: Egypt
    معدل تقييم المستوى
    0

    رد: learning mikrotik

    اقتباس المشاركة الأصلية كتبت بواسطة elsayedsamier مشاهدة المشاركة
    أخى حازم جزاك الله خيراً على هذا المجهود ومعلهش فيه مشكلة فى الملف الرابع فياريت تراجع الرابط تانى

    ادي الرابط الجديد

    http://www.mediafire.com/?w2mqmmtmmmt

  8. #8
    عضوية مزدوجة
    تاريخ التسجيل
    Jun 2006
    المشاركات
    283
    معدل تقييم المستوى
    0

    رد: learning mikrotik

    جزاك الله خيراً أخى العزيز وفى إنتظار شروحات أخرى إن شاء الله

  9. #9
    عضو فضي الصورة الرمزية internetworld
    تاريخ التسجيل
    Jul 2008
    المشاركات
    1,735
    الدولة: Egypt
    معدل تقييم المستوى
    14

    رد: learning mikrotik

    جزاكم الله كل خير
    ولى عوده مره اخرى للتحميل والمتابعه ................................
    بارك الله فيكم

  10. #10
    عضو
    تاريخ التسجيل
    Oct 2008
    المشاركات
    111
    معدل تقييم المستوى
    0

    رد: learning mikrotik

    اللهم اجعلة في ميزان حسناتك وينفعك بهذا العمل الصالح في الدنيا والآخرة

    بس براحة علينا شويه ... انت حضرتك سخن اوي كده ليه
    " ومن يبتغ غير الاسلام ديناً فلن يقبل منه وهو في الاخرة من الخاسرين "
    -------------------------
    اللهم انقذ ثورة مصر من مكر الماكرين



  11. #11
    عضو
    تاريخ التسجيل
    Nov 2008
    المشاركات
    212
    معدل تقييم المستوى
    0

    رد: learning mikrotik

    جزاك الله خيرا وربنا يرزقك الاخلاص ويجزيك من خير الدنيا والاخرة انت واهلك وجميع المسلمين والمسلمات

  12. #12
    عضو
    تاريخ التسجيل
    Jul 2006
    المشاركات
    204
    معدل تقييم المستوى
    0

    رد: learning mikrotik

    ماشاء الله لقد امتعتنا وافدتنا بشرحك الوافر اخى العزيز
    جزاكم الله خير

  13. #13
    عضو
    تاريخ التسجيل
    Jul 2006
    المشاركات
    204
    معدل تقييم المستوى
    0

    رد: learning mikrotik

    طبعا بعد ما شوفت حلقتين من ادائك والله العظيم انت محصلتش
    بسم الله ما شاء الله ربنا يبارك لك فى علمك ويزيدك

  14. #14
    عضو الصورة الرمزية ssssss
    تاريخ التسجيل
    Jun 2009
    المشاركات
    538
    الدولة: Egypt
    معدل تقييم المستوى
    0

    رد: learning mikrotik

    جاااااااااااااامد
    سبحان الله وبحمده سبحان الله العظيم


  15. #15
    عضو
    تاريخ التسجيل
    Jul 2006
    المشاركات
    204
    معدل تقييم المستوى
    0

    رد: learning mikrotik



    يا جماعه الموضوع ده لازم يتثبت
    يا ادارة المنتدى
    ثبتوووووووووووووووووووووووووووووووووووووووووووه

صفحة 1 من 5 1 2 3 4 5 الأخيرةالأخيرة

المواضيع المتشابهه

  1. لمحترف Mikrotik
    بواسطة casper_online1 في المنتدى منتدى الشهادات العام
    مشاركات: 2
    آخر مشاركة: 28-04-2010, 09:38
  2. Mikrotik Server
    بواسطة م/ أحمد بخيت في المنتدى الأرشيف
    مشاركات: 6
    آخر مشاركة: 25-10-2009, 09:00
  3. Mikrotik 2.9.50
    بواسطة م/ أحمد بخيت في المنتدى الأرشيف
    مشاركات: 2
    آخر مشاركة: 01-01-2008, 23:32

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •