ياباشا الاسعار دي عمرها ما هتنزل علشان مبقتش تنزل جديد اصلا واللي انت لقيتهم دول اصلا متخزنين من قبل كده علشان كده عمر سعرهم ما هيرخص زي مثلا شوف كده الهارد ال 400داتا بكام وشوف ال 500 ساتا بكام
أعزائى اعضاء المنتدى
ملاحظة لا أعرف لها تفسير. فى شهر يونيو 2009 قمت بشراء ذاكرة كينج ستون واحد جيجا بسرعة باس 800 بسعر 65 جنية فقط لا غير. الأن أنوى شراء ذاكرة أخرى للجهاز بنفس المواصفات ولكن السعر تضاعف حيث أصبح سعر Kingstone DDR2 -1G Bus 800 حوالى 120 إلى 140 فى بعض المحلات. هل يعرف أحد سبب هذه الزيادة الغير مبررة للذاكرات خلال عام واحد رغم ظهور موديل DDR3 وسرعات أعلى للذاكرات ذات باص أعلى 1660 مثلا؟ من المفروض أن ظهور منتج جديد يجعل القديم أرخص.
أرجو من السادة العارفين ببواطن الأمور توضيح سبب هذه الزيادة . هل انتظر قليلا حتى تنخفض الأسعار فى الصيف مع بداية الأجازات، أم أن هذا أمر مستبعد حدوثه واللى غلى غلى ومفيش فرصة تنخفض الاسعار.
مع خالص الشكر
تامر
ياباشا الاسعار دي عمرها ما هتنزل علشان مبقتش تنزل جديد اصلا واللي انت لقيتهم دول اصلا متخزنين من قبل كده علشان كده عمر سعرهم ما هيرخص زي مثلا شوف كده الهارد ال 400داتا بكام وشوف ال 500 ساتا بكام
أولا سعر الرامات بيزيد بسبب حاجة هى جشع المستوردين يجيب كمية قليلة ويعطش السوق و يكسب اضعاف مضاعفة + سبب صغير و مالوش تأثير كبير للدرجة دى هوا قلة انتاج الرامات انواع معينة فى بعض الأوقات
ثانيا انا لو مكانك الحق اشترى بسبب حاجتين : الرامات و كل الهاردوير عموما أسعاره بيتولع فى الصيف + مش محتمل نزول الرامات 4 جيجا قريب سيبك من ان فيه 2 جيجا بباص اعلى لأنها - 2000 و 1866 - موجهه لل High end user فمبتقلش بسهولة ولا بتقلل اللى تحتها !! والله أعلم
بس أنا ملاحظ أن سعر الكينج ستون فقط اللى زايد فى السعر بينما الأنواع التانية ثمنها أقل. ممكن تكون المشكلة عند الشركة نفسها؟ مش عارف. حد يعرف؟
فين ياعم ؟ ال OCZ اغلى من الكينج ستون و فيه ال AData الجديدة دى اغلى منهم الأتنين !!
انت بتشترى منين ؟ ساعات البايعين السكة بيعتمدوا على شهرة كينج ستون و بيغلوا تمنها زى اى هاردوير مشهور والناس مبتشتريش غيره لكن تواجدها فى السوق زى اخواتها التنيين ! تنين !:D
أنا قصدى مركة Twen Mose حيث أن سعرها جوالى 100 أو 90 جنية فى المنوفية. هى أقل بقيمة 20 ج. مش عارف يا جماعة فى حاجة غلط الثمن دة مبالغ فيه أوى هل يا ترى ممكن تكون الرامة أرخص فى دول الخليج مثلاً او أمريكا. أنا شفت الكينج ستون باواحد جيجا باص 800 بحوالى 180 جنية مصرى. يعنى غالية بر ضوا فى أمريكا بس الخليح معرفش. هل حد من الخليج هنا يقول لنا الحالة عملة ايه هناك
أختلف معك في أن سعر الرامات بيعلى لمجرد جشع المستوردين
كلامك كان ممكن يحتمل الصحة لو أن هناك مستورد واحد فقط للكنج ستون ... هناك أكتر من 3 مستوردين للكينج ستون و كل واحد فيهم يهمه يبيع و يضرب سعر المنافس ولو بجنية واحد ... ده غير إن فيه كنج ستون مضروب و ده بيساهم في نزول السعر أكتر
الأسعار مرتفعة في العالم كله و ليس مصر فقط
و بالنسبة لـ ADATA اللي أعرفه إن هي أرخص من كينج ستون و OCZ و ليس أغلى منهم
بص نصيحة منى أنتظر حتى الصيف علشان أنا أتقالى أن الأسعر احتمال كبير تنزل بس معتقدش زى الأول
لو عايز تعرف السبب ادخل علي المناقشة دي وهتفيدك جدااا
https://www.arabhardware.net/forum/s...d.php?t=166563
الحمد لله في السراء وفي الضراء
المفضلات