مشكلة dead pixels معايا . ارجو الرد

[tiger studio]

السلام عليكم ورحمة الله وبركاته

انا عندى شاشة LCD نوعها ASUS VW193D

المهم انا شاريها من فترة وكانت شغالة تمام . وحبيت انضف الشاشة انهرده فدورت فى المنتدى على طريقة تنتظيف الشاشة فلقيت موضوع و من طرق التنظيف الموجودة انى ممكن استخدم ( الخل مخلوطاً بالماء ) فمسحت الشاشة وتمام وبقت زى الفل ..

وللأسف لما جيت افتح الشاشة بعد كده لقيت فى Dead Pixels بكمية كبيرة فى اسفل الشاشة و لحظتها اكتر لما بعمل الخلفية ازرق غامق بتبان كأنها نقط سوداء وحاولت انى اصلحها بطرق كتيرة من اللى موجودة ع النت زى برنامج Undead Pixl - وطرق الضغط على الاماكن المصابة بقطعة قماش ولكن للأسف من غير اى فايدة

فانا عايز اعرف ايه الحل الامثل لحل المشكلة ديه ..

وكمان مش عارف ايه السبب الرئيسى اللى خلى المشكلة ديه تظهر
هل من السائل اللى استخدمته !
ولا ممكن اكون ضغط على الشاشة جامد وانا بنضفها
ولا ممكن يكون العيب كان موجود من زمااان وانا مش واخد باللى !!! . وهل ممكن ان الشاشة تكون جاية بكمية البيكسل الميتة ديه كلها . لأنى لما قريت ع النت لقيت اكتر حاجة ممكن يكون حد عنده 5 او 6 بيكسل بالكتيير

[ellkany2000]

بص يا اخي

dead pixel هي عيوب تصنيع في الشاشه وانت اشترتها بالعيب ده,بس بسبب جهلك بالموضوع ده انت مش فحصتها هناك
dead pixel مش بتتصلح -stuck pixels هيه الي بتتصلح بالقماش...الخ
فالشاشه ده بقت قدرك وملهاش تصليح
بس لو كان عدد النقط اعتقد اكثر من 8 ومعاك ضمان تقدر تستبدلها(وده برده يرجع لشروط الضمان) .ومعلومه ليك (صعب تلاقي شاشه lcd من غير dead pixels
بس انا كان حظي حلو وكان فيها نقطه واحده بس ومش ظاهره خاااالص الحمد لله

[tiger studio]

طب لو قلنا ان فعلاً انا شاريها كده .. والكلام ده صعب لأنى عرفت dead pixel من شهر تقريباً وشفت الشاشة عندى وملقتش فيها اى حاجة

لكنى لاحظت انهرده بعد ما خلصت التنضيف الdead pixel وعلى فكرة هما كتييير اوى ومش واضحين نقط صغيرة جداً لدرجة انى جيت اصورها ومفيش حاجة ظهرت منها

فانت ايه رأيك العيب ممكن يكون من طريقة التنضيف !!؟؟

[ellkany2000]

طب لو قلنا ان فعلاً انا شاريها كده .. والكلام ده صعب لأنى عرفت dead pixel من شهر تقريباً وشفت الشاشة عندى وملقتش فيها اى حاجة

لكنى لاحظت انهرده بعد ما خلصت التنضيف الdead pixel وعلى فكرة هما كتييير اوى ومش واضحين نقط صغيرة جداً لدرجة انى جيت اصورها ومفيش حاجة ظهرت منها

فانت ايه رأيك العيب ممكن يكون من طريقة التنضيف !!؟؟

انا الي اعرفه ان dead pixel عيب صناعه ومعتقدش انه خطا في التنضيف