اريد شراء لاب توب كولر

**neoman007** · 15-05-2010, 22:32

انا معرفش انواع اللاب توب كولرس و في انواع قليلة متاحة و غالية ممكن ترشحولي انواع و اسعار..وشكراا..؟

**Dr Mohammad** · 15-05-2010, 23:02

حقيقة أول مرة أسمع باسم هذه الماركة
ممكن توضح اكثر و لو ممكن رابط لموقع الشركة

**neoman007** · 15-05-2010, 23:36

الاستاند اللي بيتحط تحت اللاب و فيه مروحة للتبريد...ده الوصف الوحيد ليه., و اسمه laptop cooling pad

**Dr Mohammad** · 15-05-2010, 23:44

ااااه
انا اعتقدت ان حضرتك بتتكلم عن ماركة لاب توب , ماعرفش إن حضرتك بتتكلم عن COOLER
فى موديلات بتبقى بسيطة زى دى

و هناك موديلات أكبر مثل هذه و لكن أسعارها أعلى

**neoman007** · 15-05-2010, 23:46

شكرا علي الرد بس انا كان نفسي اعرف الموديلات المتاحة في مصر و سعرها كام..؟

**Dr Mohammad** · 15-05-2010, 23:49

الحقيقة ما عرفش الأسعار بتاعتهم فى مصر
لكن اعرف بعض الاسعار فى مكتبة جرير فى السعودية

**neoman007** · 15-05-2010, 23:56

شكرا بجد علي سعة صدرك لي انا نفسي حد يساعدني لان الموضوع ده مهم لكل اللي عندهم لابات بجد.:rolleyes:

**ahmed amin** · 16-05-2010, 00:31

انا شايف انها مش مشكله يا خي و لا حاجه ... و همه اصلا مش ليهم نوع محدد
انا عندي واحد عادي بثلاث فانات و بينور ازرق عند توصيله باللاب .... وهوه مش غلي خاص ده رخيص جدا و عامل معايا الواجب وزياده
وانا صورتهولك علشان تشوفه ....
ايه رايك ؟ تمنه 25 جنيه بس !!!!!!!!!!!!!!!!!!!

**yehia2amer** · 19-05-2010, 01:36

الموضوع كله بيعتمد علي النوع والوظيفة اللي انت عايزها
1) بالنسبة للنوع هتلاقي انواع كتير صيني موجودة في وسط البلد ومولات الكمبيوتر عامة زي الخاص بالاخ احمد وبيكون سعره رخيص
وفي انواع تانية هتلاقيها غالية زي logitech , microsoft
انا شخصيا عندي logitech Cooling Pad N100 ومن خلال التجربة فهو جميل جدا

2) بالنسبة للوظيفة فالباد تؤدي وظيفتين الاول والاهم بالنسبة لي شخصيا هو منع وصول سخونة اللاب توب اليك , فانا قبل ما اجيب الكولر كنت كل شوية اشيل اللاب توب من رجلي من السخونة
والثاني انها تبرد اللاب توب نفسه ولكن هذه الوظيفة غير فعالة بالقدر الكافي حتي في افضل الانواع لان اللاب توب مكوناته كلها متقاربة فتكون النتيجة في افضل الاحوال ان تقل حرارة المعالج درجتين
فلا تتخيل ان هذا الكولر سيقوم بما يقوم به المشتتات الاحترافية في الاجهزة المكتبية , ايضا خلي بالك ان الجهاز يوجد به فتحات لاخراج الهواء فلا تضع مراوح الكولر بالقرب منها

واتركك مع بعض الصور لل Cooling Pad N100

**neoman007** · 19-05-2010, 17:25

شكرا علي الرد الجميل بجد و انا فاهم انه لتبريد رجلي مش للاب توب و حضرتك جبتك بتاعك منين و بكام..؟

**Dr Mohammad** · 19-05-2010, 21:39

بوجه هام اذا لم تستخدم مبرد لا ينصح اطلاقا بوضع اللاب توب علي سطح قماشي او علي رجليك لان ذلك يؤدي لاعاقة خروج الهواء و هو السبب الرئيسي لارتفاع حرارة الجهاز
و يجب وضع الجهاز دائما علي سطح صلب حتي لا يتعرض للاعطال و ارتفاع الحرارة
و ان شاء الله لن تلاحظ ارتفاع كبير في الحرارة عند وضعه علي سطح صلب
"هذه المشاركة بواسطة الهاتف الجوال"