السلام عليكم و رحمه الله وبركاته

الموضوع عباره عن TIP او ارشاد للى عنده فيلم صوته واطى مثلا

او عنده هيدفون و حاسس انه مش عارف يعلى الصوت اكتر من كده و عايز يستمتع بصوت اعلى

او عنده نظام صوتى و عايز يعلى الصوت اكتر

اول شىء . هتستخدم الكودك الشهيـر جداً AC3 FILTER هتستخدمه فى كل تشغيل ملفاتك الصوتيه

و اى صوت للأفلام

** عن نفسى مسطب الـ K-Lite CODEC PACK 5.90 FULL و مظبط فيه حاجات كتير جدا عشان تريحنى فى

الأداء بشكل عام و ان شاء الله احاول اعمل موضوع عن الكودك باك ده بالذات و اشرح خواصه المذهله

"" فى ناس بتحب تشتغل بكودات منفصله بس انا بصراحه مش واخد على كده ""

نرجع لموضوعنا وهو تعليه الصوت

بعد تسطيب الـ AC3 FILTER او تعديل الأوبشنز عشان الملفات تشتغل بيه

هتدخل معايا كالآتى

START MENU >ALL PROGRAMS > K-Lite CODEC PACK > configuration > AC3 FILTER

و هتبتدى تعلى صوت الماستر حبه بحبه كما فى الصوره



بعدها تدوس Apply و ok

قبل ما تعمل الطريقه دى لابد تكون قافل كل البرامج المتعلقه بالصوت زى الـ winamp , windows media player , media player classic

بعد ما تخلص افتح اى اغنيه و شوف فرق الصوت و يا ريت تكون مثبت مستوى الصوت قبل و بعد التفعيل

عشان تعرف ان الصوت مستواه بقى اعلى وللا لا

الخطوه المهمه فى كل ده ان الكودك يكون بيستخدم الـ AC3 FILTER لإى عمليه تشغيل الملفات الصوتيه

و على فكره هو الأفضل طبعا

إن شاء الله لما يكون عندى شويه وقت هشرح بالكامل الكوديك باك و كيفيه تفعيل خاصيه الـ DXVA

للتسريع العتادى للفيديوهات و اللى بتفرق مع ناس كتير و كانت عامل منقذ ليا مع الفيديوهات عاليه الدقه

اتمنى تكون الطريقه عجبتكم

بالتوفيق