النتائج 1 إلى 3 من 3

الموضوع: حل مشكلة تهنيج الجهاز عند الضغط كليك يمين على ملف او مجلد

  1. #1
    عضوية جديدة
    تاريخ التسجيل
    Sep 2008
    المشاركات
    44
    معدل تقييم المستوى
    10

    حل مشكلة تهنيج الجهاز عند الضغط كليك يمين على ملف او مجلد



    السلام عليكم و رحمة الله وبركاته

    أزيكم يا أخوانى كل عام و أنتم بخير معلش كنت غايب فترة طويلة عن الكتابة فى المنتدى بس لظروف خاصة و اعدكم بتقديم كل جديد و مفيد

    المشكلة النهاردة هى لما بنضغط كليك يمين على ملف او مجلد بنلاقى الجهاز بيهنج او يقف لثوانى و يرجع يشتغل لما القائمة اليمين تظهر . أول حاجة نبص عليها هى مدير المهام أو الــ Task Manager عشان نشوف فى عملية بستهلك المعالج او شاغلة الرامات و الغريب متلاقيش !!
    المشكلة ببساطة هى فى البرامج لما بنسطبها على اجهزتنا بتعمل حاجة اسمها Shell Extension يعنى لما نضغط كليك يمين على ملف او مجلد نلاقى البرنامج ظهر له اختيارات من القائمة مثال على كده برنامج زى الوينرار او السفن زب 7-zip زى الشكل التالى



    وموضوع الشيل ده فى البرامج لتسهيل عملها فمثلا لما يكون فيه ملف نضغط كليك يمين علية و نختار ضغطه بالوينرار من Add To Archive بدل من فتح البرنامج و تحديد مسار الملف و اختيار ضغطه.

    طيب الحل هنا هو ازالة الشيل الخاص بالبرنامج من القائمة اليمين وده بيكون من جوه اختيارات البرنامج نفسه -معظم البرامج فيها الاختيار ده و الحل التانى هو برنامج صغير فى حجمه كبير فى شغله من شركة Nirsoft الشركة الرائدة فى تقديم حلول للويندوز صاحبة برنامج Process Explorer الشهير بديل برنامج الــ Task manager الخاص بالويندوز

    والبرنامج بتاعنا هنا هو برنامج ShellExView وحجمه حوالى 54 كيلوبايت و يمكن تحميله من صفحة الشركة على الرايط التالى : http://www.nirsoft.net/utils/shexview.html

    والبرنامج مش محتاج تسطيب و فيه منه نسخة عربى و نسخة 64 بت للى يحب المهم بعد ما ننزل البرنامج نفتحه و ننتظر لحد ما يبحث فى الريجيسترى على جميع الشيل الخاصة بالبرامج و يظهر فى اعمدة البرنامج اختيارات كثيرة أهمها اسم الشيل ، اسم الشركة ، منتج من ميكروسوفت ، نوع الشيل واللى يهمنا هنا هو Context Menu، مفعل ام لا Disabled ونبحث على البرنامج اللى عايزين نشيل الشيل بتاعه و نختار Yes فى خانة Disabled والعكس صحيح وهنا انا اختارت برنامج السفن زب 7-ZIP وعملتله Disabled وهنا ممكن نشيل الشي بتاع البرامج واحد و احد و نشوف مين اللى لما عملناله Disabled الكليك يمين مهنجتش الجهاز



    ياريت الموضوع يكون عجبكو و تفضلوا خالص حبى و تقديرى

  2. #2
    عضو الصورة الرمزية dody20
    تاريخ التسجيل
    Feb 2010
    المشاركات
    116
    معدل تقييم المستوى
    8

    رد: حل مشكلة تهنيج الجهاز عند الضغط كليك يمين على ملف او مجلد

    فعلا موضوع مفيد جداا وأستفدت منه كثيرا شكرا لك :ah7:
    *يا مسطب حبك في قلبي ومكنسل منه الاهات بعدك خلاني اهنج واحرق كل الرامات كارت عيني ولع وكمان الساوندات من كتر ما اتحركت انصبت بالبادات فضلت ادور عليك نصحوني بالشات اتخيلت بيك ياخسارة طلعت فيروسات من بعدك عقلي خلاص اتعمله فورمات وعلشان اشوفك تاني لازم ابقي فات لا نافع في ويندوز ولا حتي ريد هات من كتر الم فراقك باسقط ملفات عملت سكان لقلبي مالاقيتش بارتيشنات حتي التقسيمة ضاعت ياخسارة اللي فات*


    http://img707.imageshack.us/img707/3...eli7extrem.jpg

  3. #3
    عضوية جديدة
    تاريخ التسجيل
    Sep 2008
    المشاركات
    44
    معدل تقييم المستوى
    10

    رد: حل مشكلة تهنيج الجهاز عند الضغط كليك يمين على ملف او مجلد



    الشكر ليك يا أخى و نورت الموضوع

المواضيع المتشابهه

  1. مشاركات: 3
    آخر مشاركة: 13-04-2013, 08:00
  2. مشكلة (تهنيج الجهاز بين الحين والآخر)
    بواسطة Hani reefay في المنتدى الأرشيف
    مشاركات: 1
    آخر مشاركة: 12-01-2012, 13:31
  3. مشكلة غريبة !!!!! تهنيج الجهاز
    بواسطة ahmed015 في المنتدى مشاكل الحاسب وحلولها
    مشاركات: 8
    آخر مشاركة: 25-04-2011, 17:39
  4. مشكلة توقف (تهنيج) الجهاز باسمرار..
    بواسطة khaliedm في المنتدى مشاكل الحاسب وحلولها
    مشاركات: 13
    آخر مشاركة: 16-12-2009, 01:32
  5. لا يشتغل كليك يمين فى قائمة start
    بواسطة masternew في المنتدى الأرشيف
    مشاركات: 4
    آخر مشاركة: 19-08-2007, 12:18

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •