النتائج 1 إلى 10 من 10

الموضوع: " انا لا بسرق ولا بقتل ولا بشرب خمره...... انا كده كويس "

  1. #1
    عضو الصورة الرمزية د . جليبيب الانصاري
    تاريخ التسجيل
    Apr 2008
    المشاركات
    317
    الدولة: Egypt
    معدل تقييم المستوى
    20

    " انا لا بسرق ولا بقتل ولا بشرب خمره...... انا كده كويس "



    بسم الله الرحمن الرحيم


    مين منا عاجبه حاله اللي هوه فيه ......... لا اقصد الوضع الاقتصادي او حالتك الاجتماعيه......... القصد وضعك في الاخره...... اه الاخره اللي تقريبا " الا من رحم الله " نسيناها ....... وانا مش بقول ده من فراغ ...... اكيد مره نزلت مول كبير عندك في بلدك " الاسلامي" وشاهدت العجب العجاب........ اخر صيحات الموضه ......سواء بنين او بنات ......وموبايلات ومسجات وبلوتوث و و و و ...... كاننا قاعدين في لندن !!!


    وتيجي تكلم واحد فيهم ...... وتذكره باي كلمه ولو بسيطه " وما احوج الناصح لها " تلاقيه يقولك الجمله المشهوره
    " انا لا بقتل ولا بسرق ولا بشرب خمره ...... انا كده كويس" مش عارف سبب توحيد السبب ده عند كل من حاولت التحدث اليه ...... وكانها اسطوانه شيطانيه موجوده عند كل قرين معانا.


    انا كده كويس....... انا الحمد لله بصلي ...... والله انتوا لو قراتم عن صلاه الصحابه كانت ازاي ....... مش عارف هنسمي صلاتنا دي ايه ..... واول ما تقوله بتصلي كويس ..... هل صليت الخمس فروض ....... وهل كانوا في وقتهم .... وهل صليتهم في جماعه في المسجد ..... وهل صليتهم بخشوع !!!....
    قال رسول الله صلى الله عليه وسلم " أول ما يحاسب به العبد يوم القيامة الصلاة فإن صلحت صلح له سائر عمله وإن فسدت فسد سائر عمله "


    يتنرفز طبعا ويقولك " ان الله غفور رحيم ...... واحنا كلنا اصحاب زنوب " .......وهل انا انكرت ده !!!.....
    قال رسول الله صلى الله عليه وسلم " كل بني آدم خطاء وخير الخطائين التوابون "
    اي بنص الحديث كلنا اصحاب زنوب ولكن ....... علينا التوبه منها فورا من غير تسويف ..... لا بكره ....رمضان اللي جاي ....لما اتجوز ........ قال تعالى " إنما التوبة على الله للذين يعملون السوء بجهالة ثم يتوبون من قريب فأولـئك يتوب الله عليهم وكان الله عليما حكيما " وتفسير الايه لفضيله الشيخ العلامه المحدث ابي اسحاق الحويني " رده الله الينا سالما " على هذا الرابط


    الحمد لله الذي يغفر الذنب ويقبل التوب من عباده
    قال تعالى " قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم "
    المشكله ان احنا مش بنعمل دراسه جدوى لحياتنا ....... فمثلا انت دخلت كليه ليه ....... وتعب ومذاكره وشد اعصاب ليه .......وبعدين ربنا كرمك وتخرجت وبعدين اشتغلت ........ ولو فبه اضافي ماشي ...... ورديه تانيه وماله ...... سألت نفسك ليه كل ده ........ طبعا علشان تحسن من وضعك الاجتماعي وترفع من شأن اسرتك وأولادك !!!!


    طيب هنفرض انك من اللي ربنا رحمهم ودخلك الجنه من غير ما تدخل النار خالص " ودي منه عظيمه في حد ذاتها " .........مفكرتش هتبقى منزلتك ايه فيها !!!! .......
    قال رسول الله صلى الله عليه وسلم " في الجنة مائة درجة ما بين كل درجتين كما بين الأرض والسماء والفردوس أعلاها درجة ومنها تفجر أنهار الجنة الأربعة ومن فوقها يكون العرش فإذا سألتم الله فسلوه الفردوس "......هل اعددت دراسه جدوى زي ما عملت في شغلك وكل ما يهمك تحصيل المزيد من المال .......... هتعيش كام يعني علشان تستمتع بهذا المال " في الحلال " ....... قال رسول الله صلى الله عليه وسلم " أعمار أمتي ما بين الستين والسبعين، وأقلهم من يجوز ذلك " .....ده بفرض ان مش مكتوب لحضرتك موت قريب في حادث او ما شابه لا قدر الله .........اقعد مع نفسك وفكر.......انا هضيع حياتي اللي انا مخلد فيها " في الاخره " علشان سويعات معدوده في دنيا لم تجد فيها الا الهم والحزن ......... احنا دلوقتي في امتحان ........ لو شفت واحد عنده امتحان بعد يومين وقاعد يلعب كوره هتقول عليه ايه " ده حالك دلوقتي " فحاول تستغل حياتك........ هتقوللي " اعمل ايه اطلب علم شرعي يعني ..... ياما اكتر المشايخ لما اعوز ابقى اسأل " ........ اخي الكريم هناك في اسلامنا ما يسمى المعلوم من الدين بالضروره زي التوحيد و احكام الصلاه والطهاره وغيرها من الحاجات المهمه اللي مينفعش تبقى مسلم وتقابل ربنا يوم القيامه ومنتش عارفها .


    هتقوللي طب اعمل ايه يعني ........ هقولك ان اول الطريق انك تعرف ربنا ........ وهذه المعرفه تكون بمعرفه الله باسمائه وصفاته علشان تتعبد لربنا بيهم وتخافه وترجوه بالحق ........وانا انصحك بهذه السلسه المبسطه والنقيه لشيخنا الجليل " د. ياسر برهامي " وهو من شيوخ العقيده في الاسكندريه وهذا هو الرابط
    اسمع محاضره واحده بس كل يومين ياسيدي ...... يا راجل ده انته بتقعد بالساعات على النت تشوف ريفيوهات وبنشماركات او ايا كانت اهتماماتك ......... ولو عايز معلومه على موقع صيني هترجمه ........ وتقريبا مفكرتش تفتح المصحف تقرأ ولو صفحه واحده للقران اللي ربنا انزلهولك بلغتك العربيه ......... شوف غيرك من الغرب علشان يفهم بس معنى ايه او قاعده فقهيه بيجابه ايه ......... عمرك فكرت في النعمه دي !!!


    وعلشان زي ما سبق ذكره ان امتنا قصيره الاعمار............... ولكن ربنا تفضل علينا ببركه في الاعمال وما يلي كنوز ياريت نحاول نستغلها :


    1- حدث الشيخ العلامه المحدث ابي اسحاق الحويني بحديث صححه جبل السنه الالباني واردف ان علماء الحديث قالوا " لا نعلم حديثا يوازي هذا الحديث في الاجر " ألا وهو
    " من غسل واغتسل وبَكَّرَ وابتكر ومشى ولم يركب ودنى من الإمام ولم يلغُ كان له بكل خطوة يخطوها أجر سنة صيامها وقيامها "

    فكل ما يطلب منك استحمامك الطبيعي في نهار يوم الجمعه والذهاب المبكر دون ركوب سياره او شئ من هذا القبيل ولك هذا الاجر العظيم باذن الله.


    2- رسول الله ‏ ‏صلى الله عليه وسلم ‏ ‏قال ‏" ‏لو يعلم الناس ما في النداء والصف الأول ثم لم يجدوا إلا أن ‏ ‏يستهموا ‏ ‏عليه ‏ ‏لاستهموا ‏ ‏ولو يعلمون ما في ‏ ‏التهجير ‏ ‏لاستبقوا إليه ولو يعلمون ما في ‏ ‏العتمة ‏ ‏والصبح لأتوهما ولو حبوا"
    " الاستهام = القرعه " " التهجير = التبكير" "العتمه = العشاء"


    3- قال رسول الله صلى الله عليه وسلم "}قُلْ هُوَ اللَّهُ أَحَدٌ{ تعدل ثلث القرآن"

    وقد سمعت الشيخ ابي اسحاق حدث انك لو قرأتها ثلاثا " فكأنما قرأت القران كله" ........" وقد اشترط الشيخ ياسر برهامي على استحضار النيه اثناء ذلك ......وان تعي ما تقول ....." الصمد = اي ان لاتستقيم حياه العباد الا بالله فهم محتاجون له في كل شئ وهو الغني عنهم "


    4- قال رسول الله صلى الله عليه وسلم: " من صلى العشاء في جماعة فكأنما قام نصف الليل، ومن صلى الصبح في جماعة فكأنما صلى الليل كله "

    .
    5- قال رسول الله - صلى الله عليه وعلى آله وسلم-: " من قال سبحان الله وبحمده مائة مرة حطت خطاياه، وإن كانت مثل زبد البحر "


    وهناك الكثير والكثير..... واكيد حضرتك عارف الكلام ده ...... بس المهم التطبيق .......... متخليش اغاني هابطه ولا فيلم منحط يقلل من مكانتك في جنه الخلد التي عرضها كعرض السماوات والارض.
    اعملوا اخوتي فكما قال رسول الله صلى الله عليه وسلم

    « ألا ان سلعة الله غالية.. ألا ان سلعة الله هي الجنة».
    " الله صلي على محمد وعلى آل محمد كما صليت على إبراهيم وعلى آل إبراهيم انك حميد مجيد وبارك على محمد وعلى آل محمد كما باركت على إبراهيم وعلى آل إبراهيم انك حميد مجيد "

    كيف نصلي ؟! " صحح صلاتك ..... مرئي "

    صحح عقيدتك " العقيده الطحاويه ..... مرئي "


  2. #2
    إداري سابق
    تاريخ التسجيل
    Sep 2009
    المشاركات
    7,382
    الدولة: Egypt
    معدل تقييم المستوى
    74

    رد: " انا لا بسرق ولا بقتل ولا بشرب خمره...... انا كده كويس "

    جزاك الله خيرا دكتور محمد
    مش هتقوم تذاكر بقى ؟ :D

  3. #3
    عضو الصورة الرمزية د . جليبيب الانصاري
    تاريخ التسجيل
    Apr 2008
    المشاركات
    317
    الدولة: Egypt
    معدل تقييم المستوى
    20

    رد: " انا لا بسرق ولا بقتل ولا بشرب خمره...... انا كده كويس "

    وجزاك مثله.

    انا همتحن على اخر 7 ان شاء الله ...... دعواتك.
    " الله صلي على محمد وعلى آل محمد كما صليت على إبراهيم وعلى آل إبراهيم انك حميد مجيد وبارك على محمد وعلى آل محمد كما باركت على إبراهيم وعلى آل إبراهيم انك حميد مجيد "

    كيف نصلي ؟! " صحح صلاتك ..... مرئي "

    صحح عقيدتك " العقيده الطحاويه ..... مرئي "


  4. #4
    عضو برونزي الصورة الرمزية moriatte
    تاريخ التسجيل
    Aug 2006
    المشاركات
    2,057
    معدل تقييم المستوى
    29

    رد: " انا لا بسرق ولا بقتل ولا بشرب خمره...... انا كده كويس "

    موضوع جميل يستحق التقييم
    [CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
    [CENTER][SIZE=4][COLOR=blue]--------------------[/COLOR][/SIZE][/CENTER]
    [CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]

  5. #5
    عضو
    تاريخ التسجيل
    Aug 2009
    المشاركات
    700
    الدولة: Egypt
    معدل تقييم المستوى
    9

    رد: " انا لا بسرق ولا بقتل ولا بشرب خمره...... انا كده كويس "

    جزاكم الله خيرا وجعله الله في ميزان حسناتكم إن شاء الله

  6. #6
    عضوية جديدة
    تاريخ التسجيل
    Apr 2010
    المشاركات
    6
    معدل تقييم المستوى
    0

    رد: " انا لا بسرق ولا بقتل ولا بشرب خمره...... انا كده كويس "

    بارك الله فيك وجعله في ميزان حسناتك
    وجزيت عنا خيرا ويهدي الله بك

  7. #7
    عضو برونزي الصورة الرمزية VancouverEG
    تاريخ التسجيل
    Mar 2009
    المشاركات
    1,665
    الدولة: Egypt
    معدل تقييم المستوى
    19

    رد: " انا لا بسرق ولا بقتل ولا بشرب خمره...... انا كده كويس "

    فكرتني بواحد بلديتنا من المنتدى، كنت قاعد معاه مرة فقالي: لحية مين ياعم، ونقاب مين ..!!

    أنا كده كويس، أصلي، وأصوم، وأعتمر، وأحج... لكن لحية بقى وبتاع...

    العجيب أنه كان يقول لي هذا وفي فمه سيجارة :D
    [CENTER]

    [FONT=Arial][SIZE=4][COLOR=red]
    [COLOR=black]والذي أَحلَّ الزواج وحَرَّم الزِّنا، وأَحلَّ البيع وحَرَّم الرِّبا؛ أنا لا أتجاهل أي أحد يراسلني على الخاص، أو أضعه خلف أُذُني!
    لا، ولكني غير متفرغ هذه الفترة تمامًا.
    وأعتذر - أشد الاعتذار - لكل من راسلني، وتأخر ردي عليه، أو لم أرد عليه حتى الآن.[/COLOR]
    [/COLOR][/SIZE][/FONT]

    [/CENTER]

  8. #8
    عضو
    تاريخ التسجيل
    Feb 2009
    المشاركات
    751
    الدولة: Qatar
    معدل تقييم المستوى
    10

    رد: " انا لا بسرق ولا بقتل ولا بشرب خمره...... انا كده كويس "

    اهم شيء السرقة والنصب ما تجي فيهم

    كفاكم الله شر كل نصاب وحرامي
    (أربع من كن فيه كان منافقاً خالصاً ومن كانت فيه خصلة منهن كانت فيه خصلة من النفاق حتى يدعها إذا اؤتمن خان وإذا حدث كذب وإذا عاهد غدر وإذا خاصم فجر).

  9. #9
    عضو الصورة الرمزية د . جليبيب الانصاري
    تاريخ التسجيل
    Apr 2008
    المشاركات
    317
    الدولة: Egypt
    معدل تقييم المستوى
    20

    رد: " انا لا بسرق ولا بقتل ولا بشرب خمره...... انا كده كويس "

    شكرا للاخوه على ردودكم الطيبه ......... دمتم بود.
    " الله صلي على محمد وعلى آل محمد كما صليت على إبراهيم وعلى آل إبراهيم انك حميد مجيد وبارك على محمد وعلى آل محمد كما باركت على إبراهيم وعلى آل إبراهيم انك حميد مجيد "

    كيف نصلي ؟! " صحح صلاتك ..... مرئي "

    صحح عقيدتك " العقيده الطحاويه ..... مرئي "


  10. #10
    عضو الصورة الرمزية elhanoty
    تاريخ التسجيل
    Aug 2006
    المشاركات
    51
    معدل تقييم المستوى
    12

    رد: " انا لا بسرق ولا بقتل ولا بشرب خمره...... انا كده كويس "



    بارك الله فيك يا اخي وجعله في ميزان حسناتك

المواضيع المتشابهه

  1. مشاركات: 17
    آخر مشاركة: 13-09-2012, 17:41
  2. غدا.. "جرانه" و"المغربى" و"غبور" أمام "الجنايات"
    بواسطة وى واا في المنتدى الأرشيف
    مشاركات: 1
    آخر مشاركة: 22-04-2011, 21:32
  3. مشاركات: 3
    آخر مشاركة: 21-08-2009, 07:38

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •