انا جبت stabilizer ووصلت عليه الشاشة وجبت كمان وصلة من مكان الفيشة اللي الشاشة بتشغل عليه كويس ووصلت الشاشة بيهم وهي على المكتب ولسا بتعمل نفس المشكلة.
يعني العيب مش عيب كهربا. ممكن حد يساعدني يا شباب ؟
السلام عليكم يا شباب
انا النهاردة اشتريت شاشة LCD Samsung p2050 , الشاشة جميلة , لكن زراير التحكم فيها باللمس ودا شئ جميل.
المشكلة بقي اني لما احط الشاشة دي عالمكتب واشغل الجهاز الشاشة بتجنن وتفضل تشتغل وتطفي لوحدها وساعات تطفي ومترداش تشتغل ولما اجي اشغلها تاني من الزرار بتاعها ما ترضاش تشتغل, وحتي وهي شغالة لما اجي اظبط الاضاءة او اعمل اي حاجة بالزاير دي ما ترضاش تستجيب وساعات الاقيها بتلعب وتغير في حاجات لوحدها, نزلت السماعات من على المككتب قلت جايز تكون عاملة مجال مغناطيسي ومأثرة على الشاشة لكن بلا فائدة, الغريب اكتر قلت انا هجرب الشاشة وهي على السرير وشلت الكيسة وحطيتها جنبها على السرير وشغلت الشاشة تشتغل زي الفل وبقدر اتحكم فيها بالكامل ومبتعملش اي حركة من حركات العفاريت اللي بتعملها وهل على المكتب, رجعت الشاشة للمكتب تاني رجعت تعملها حركاتها الغريبة رجعتها للسرير رجعت تشتغل زي الفل ولمدة طويلة رجعتها تاني للمكتب رجعت تاني تتعفرت وانا حتي بكتبلكوا الموضوع دا.
ملاحظة بس: ان كوبس الكهربا اللي بوصل الكمبيوتر فيه وهو على السرير غير الكوبس اللي بوصله بيه وهو على المكتب والكوبسين في نفس الاوضة.
فانتوا ايه رايكوا في الحكاية الغريبة دي يا شباب, ممكن تكون المشكلة مشكلة ضعف كهربا ولا حاجة خصوصا اني بدأت اشغل الشاشة بالليل ولا ايه؟ مع اني ما نقلتش الكمبيوتر من برا الاوضة.
منتظر اقتراحاتكوا...
انا جبت stabilizer ووصلت عليه الشاشة وجبت كمان وصلة من مكان الفيشة اللي الشاشة بتشغل عليه كويس ووصلت الشاشة بيهم وهي على المكتب ولسا بتعمل نفس المشكلة.
يعني العيب مش عيب كهربا. ممكن حد يساعدني يا شباب ؟
الموضوع له علاقة بالضوء والحرارة
جرب تبعد الكيسة عن الشاشة .. نزلها عالارض مثلاً
جرب تلف الشاشة في اتجاه اخر وجرب
جرب لو الكيسة يمين الشاشة هاها شمالها وجرب
وانت اللي هتكتشف السبب
...سبحانك ربي ... لا اله الا انت
تحديث: المشكلة لسا موجودة لكن بمعدل اقل وبتختفي تماما لما بشيل كابل الـ LAN من الجهاز اللي هو قريب نسبيا من المكان اللي بيركب فيه كابل الشاشة في كارت الشاشة, انا مش عارف اتلافي المسكلة دي, لو حد من الاخوة الاعضاء عنده حل او اقتراح ياريت يتكرم لينا بيه.
- قم بتثبيت كابل الداتا أو الأشارة Signal الخاص بالشاشة فى المخرج الخاص به جيدا ، عن طريق المسمارين حول المنفذ.
[CENTER][B][SIZE=2]You think that you're strong, but you're weak[/SIZE][/B]
[/CENTER]
أذا كان لدى أى صديق لك ، كارت لان أخر ، قم بتجربته لديك.
[CENTER][B][SIZE=2]You think that you're strong, but you're weak[/SIZE][/B]
[/CENTER]
انا جبت كارت LAN من صديق وبردوا نفس المشكلة موجودة, الغريبة ان حتي لو عملت Disable لكارت الـ LAN اللي في البوردة وحطيت الكابل فيه بيعمل نفس المشكلة, بكرة ان شاء الله هاخد الشاشة واجربها عند حد من اصحابي واشوف لان كدا الظاهر ان كارت الشاشة بيعمل conflict مع الـ LAN.
او لو اي حد عنده حل ياريت يتكرم علينا باقتراحه.
احب اضيف اني قطعت كابل الـ LAN وارجته من جديد وشلت تعريف كارت الشاشة ونزلت احدث حاجة ولسا المشكلة بتحصل, الللي بيضايقني في الحكاية دي ان الشاشة بتطفي وتشتغعل لوحدها وانا شغال على الجهاز, ارجو المشاعدة يا شباب.
اخى فك البوردة و سخن عليها من الاسفل ----------- و حاول تلصق قطعة من الكرتون على الكيسة من الداخل
فى المنطقة التى فيها الللانة و الفيجا غالبا يكون قريبا من بعضهم
اقصد لاتسخين استعمال الششوار ---------------------------- و انشاء الله يكون نتيجة جيدة --------------------
غالبا كابل الlan عندك فيه مشكلة ممكن يكون ردئ جدا بحيث نكون نسبة الحديد فيه عالية شوية وده بفضل الغش التجارى اللى عندنا فلو تعرف تجرب كابل تانى يبقى تمام لأن ممكن يكون الكابل عامل مجال كهرومغناطيسى على الشاشة نظرا لنسبة الحديد العالية فيه او ردئ التصنيع
بعد كدة لو المكتب عندك معدن هات اىسلك وعرى اطرافة الاتنين وحط طرف فى المكتب وطرف متعرى على الارض وشوف النتيجة وياريت يكون خيرا ان شاء الله
انا شاكر جدا ومقدر لاقتراحاتكم يا شباب, وبالفعل طلع العيب ان كابل الشبكة مأثر على كابل الشاشة. لان انا اخدت جهازي بالكامل عند واحد جاري علي نفس الشبكة وجربته واشتغل تمام , الغريب ان نوع الكابل اللي عنده هو نوع اللي عندي.
حاجة كمان ان حتي ان انا لو فصلت الكابل من الراوتر خالص ووصلته بجهازي بتحصل نفس المشكلة ان الشاشة بتهيس وتقعد تعمل حاجات غريبة, وانا قصيت كذا متر من السلك من الطرف اللي عندي في البيت وارجت كذا مرة وكل مرة تحصل نفس المشكلة, الواضح كدا ان اخر حل اني اغير السلك بالكامل.
واخير اقدم تحياتي وتقديري الي كل من ساعدني في حل المشكلة دي.
مافتكرش المشكة في نوع السلك نفسه .. خصوصا انك جربت عند صاحبك وعنده نفس النوع
بس احنا كدة وصلنا للسبب .. وهو اكيد كهربا مش مظبوطة او تلميس بيحصل لما كابل النيتورك بيكون واصل فى الكيسة
انت دلوقت غيرلت كارت اللان ( جبت كارت يعني وركبته في سلوت بعيد عن كارت الشاشة ) وظهرت بردو المشكلة .. يبقى العيب مش عيب كارت لان
انا عايزك قبل ما تغرم حق سلك كتير .. اشتري متر او نص متر .. وارجها وركبها فى الكيسة زي ما بتعمل وجرب
جربت تعيد تأريج الطرف التاني من السلك بتاعك ؟
...سبحانك ربي ... لا اله الا انت
انا غيرت كارت اللان وركبته في مكان بعيد عن كارت الشاشة ونفس المشكلة فضلت موجودة. وانا جبت سلك جديد فعلا وجربته واشتغلت تمام دا غير اني جربت الجهاز بالكامل عن 2 جيرانا, وارجت طرفين السلك اللي عندي وكانت المشكلة موجودة, انا تاكدت ان في تلميس او حاجة غلط جوا السلك لاني لقيت جوا السلك ميه "مياه" ومش عارف جت منين دي مع ان السلك ماشي فوق السطوح خالص.!! النهاردة ان شاء الله هركب السلك الجديد ...
المفضلات