اغتالو الحلم .. و إيه تهمتي ...؟؟

[Ĵ Ŏ ƙ Э Ř]

" حلمت إني شاعر وعالم كبير ..


بشجُب و أندِّد و أصحِّي الضمير ..


و أحارب و أعاتب و أعارض و أثور ..


و كلمة كاتبها في حالة تجلِّي ..


بتشنق و تقتل حياة ديكتاتور "


و لما صحيت ..


بعيني رأيت ..


أماني سعيدة و ورقة و قلم


و نادى القلم ..


فقمت و جريت


مسكته و رسمت حروف كلمتين


و قبل أما أكمل كلام غنوتي ..


سمعت الجرس ..


فتحت لاقيتهم ..


حكومة و حرس


خدوني و رموني ..


ما بين سين و جيم


و بسمع شتايم ..


و صوت الكفوف ..


تصقَّف تشوف ..


تعاين قفايا


وأشوف اللي يبكي و بصعب عليه


سألت المحقق وإيه تهمتي ؟


وجالي الجواب :


" عليك تهمتين ..


وأول قضية بتشمل جرايم ..


وأول قضية إنك بتحلم


في يوم خمسة منُّه ..


حِلمت ببنت جميلة وبهية ..


جريمتك زنا


في يوم ستة منه ..


حلمت بوقوعك ..


ويعني انتحار


وحلمك بجنِّي ..


في يوم سبعة منه ..


قضية دجل


ووليلة إمبارح ..


حلمت بفلوس ..


لأنك حرامي


وحتى النهاردة ..


حلمك كشاعر وعالم كبير ..


يندد ويشجب يصحي الضمير ..


جريمة إنقلاب ..


وده وحده يكفي عشان يعدموك


وتاني قضية ..


مسكت القلم " .

[S.O.S]

جوكر ارحمنا مش عارف اقولك ايه بجد قصيده رائعه رائعه رائعه مش عارف ئئولك ايه تسلم ايديك

[DaRk L0rD]

حلوة يا جووكر :D تسلم ايدك

[Doctor Medo]

انت اللي بتكتب الكلام ده يا جوكر ؟؟

اصله جميل جدا و تهمه جامده جدا :D

شكرا للقصيده الجميله

[wella1000]

[MOHAMED HIGHEND]

اقول ايه واعيد ايه خلصت كل الكلام هما يبنى الشبرويه كلهم شعر :D
على فكره لو اتقفشت معرفكش وليك تقيم كمان الحمد لله الحج سماعه نايم:D

[Black-Edition]

هههههههههههههه ... ولا فاهم اي حاجة فى اي حاجة :D:ah50:

[HuLkY]

كل \ى مش حاجة جانب التهمة العظمى فى حقك فعلا , حبقى اقولك عليها على الخاص , بس فى تهمة تانية اكبر من دول , الله ينور يا شاعر :D

[Coolman4now]

- أشكرك يا جوكر على القصيدة الرائعة ، فكرتنى بأيام الكلية منك لله.

- لمن يريد المزيد يبحث عن ديوان محاولة فاشلة بقلم / منصور السيد ، وهو شعر عامى رائع جدا.

[XMasterrrr]

حرام عليك يابنى
فنان من يومك والله يابو الجواكر

[Mshadow.me]

ممتاز يا أبو الجواكر

و ممكن تهمة تالتة أنك نشرت القصيدة علي الملأ و ده يعتبر شغب:D

[azaki]

قصيدة رائعة يا جوكر

لك تقييم

[MF88]

ايه الحلاوه دى

ماذا هذه الحلاوه

what is this halawa el rashedy el mezaaaaaan ( كيلو محشى )

==============================

الحمد لله الحج سماعه نايم

مين ضحك عليك و قالك انه نايم ؟؟؟؟؟ ده راح يبلغ عن جوكر فى القسم :D:D:D

[NaAZoOR]

الديوان كامل منشور هنا:

ديوان محاولة فاشلة بقلـم / منصور السيد

[Ĵ Ŏ ƙ Э Ř]

شكرا لكم جميعا يا ردالة

انت اللي بتكتب الكلام ده يا جوكر ؟؟

اصله جميل جدا و تهمه جامده جدا :D

شكرا للقصيده الجميله

اااااااخ قفشت يا لئيم عاوز تبلغ :D:D

و بعدين مش انت اللى عدلت معاية على الكلمات و اخترت الالوان كمان :p:p

اقول ايه واعيد ايه خلصت كل الكلام هما يبنى الشبرويه كلهم شعر :D
على فكره لو اتقفشت معرفكش وليك تقيم كمان الحمد لله الحج سماعه نايم:D

ندالة ندالة يعنى :D:D

هى دى الصحوباية :p

هههههههههههههه ... ولا فاهم اي حاجة فى اي حاجة :D:ah50:

غور ياض من هنا

يالا قوم ذاكر

:D:D

كل \ى مش حاجة جانب التهمة العظمى فى حقك فعلا , حبقى اقولك عليها على الخاص , بس فى تهمة تانية اكبر من دول , الله ينور يا شاعر :D

لا يا شيخ

مش انت السبب عمال تقولى مفيش حاجة تانى مفيش حاجة تانى

:D:D

ممتاز يا أبو الجواكر

و ممكن تهمة تالتة أنك نشرت القصيدة علي الملأ و ده يعتبر شغب:D

حتى انت يا شادو مان

كل حلفائك باعوك يا جوكر

:D:D

ايه الحلاوه دى

ماذا هذه الحلاوه

what is this halawa el rashedy el mezaaaaaan ( كيلو محشى )

==============================



مين ضحك عليك و قالك انه نايم ؟؟؟؟؟ ده راح يبلغ عن جوكر فى القسم :D:D:D

لية هو انا زيك

يتبلغ عنى و اتقفش

سلملى على الحاج مايكروزوفت :p:p