قريباً أقراص البلو راي تصل إلى أعلى من 5 تيرا بايت

**coolhero** · 29-05-2010, 01:40

اكتشف الباحثون اليابانيون مادة جديدة تجعل قرص الـblu-ray تصل إلى اعلى من 5TB. البلو راي ( الإختصار الرسمي BD و يعرف أيضاً بـ BR H, Blu-ray) هو قُرص ضوئي مُصممْ لـ يحُلَ محلَ الـ DVD ، و صُممَ خصيصاً لتخزين الفيديو بوضوح الـ HD ، و أيضاً لتخزين ألعاب PS3 و بيانات أُخرى ، و تصل سعة تخزينه 25GB لطبقة الواحدة و 50GB في القرص المزدوج (طبقاتان).

بالرغم مِن أنَ هذه الأعداد تُمثل أقوى تخزين لـ مُشغل الأقراص Blue-ray ، إلا أنه هنالك أكثر مِن ذلك ، الحد الأقصى لتخزين في هذه الأقراص لم يَتَضِحْ بعد ، هنالك الآن أقراص منه بسعة 200GB .

المصدر

**MF88** · 29-05-2010, 01:53

5 تيرا بايت ؟؟؟؟؟؟؟؟؟ :eek:

رقم كبير جداااااااااااااااااااااااااااااااااااااااااااااااا ااااااااا

جدااااااااااااااااااااااااااااااااااااا

اكبر من الهارد بتاعى بـ 400 مره :D

**ThE AlCheMisT** · 29-05-2010, 03:15

على كدة بقى بدل الهاردات و السخونة و الصداع الواحد يجيبله قرصين بلوراى و كفاية :D

**TEch Zone** · 29-05-2010, 04:08

شكرا على الخبر اخ كول بس اعتقد ان الاسطوانات دية مش هتبقى عملية زى الهاردات

**التنين الجامح** · 29-05-2010, 06:46

على كدة بقى بدل الهاردات و السخونة و الصداع الواحد يجيبله قرصين بلوراى و كفاية

قرصين للتخزين الإحتياطي, فكرة معقولة.
ولكن ربما ثمن القرص الواحد أغلى من القرص الصلب الخارجي :eek:

شكرا على الموضوع

**SIGMA-ZERO** · 29-05-2010, 10:54

انا مش عارف لية الناس مبسوطة من حوار ال
blu ray disk
اصلا الناس اللي عندها بلاي ستاشين 3
عندها مشاكل منة بسبب العدسة اللي بتبوظ بسرعة لان عدد اللفات مهول من اسطوانة عليها داتا مش هقول 50 جيجا هقول 25 جيجا
و الكلام دة انا جايبو من اكتر من صديق ليا عندو بلاي ستيشن 3
المفروض الناس تبتدي تحل حوار القراءة من البلو راي قبل ما تفكر ازاي تكتب عليها زيادة.....
و دة من كتر الاستخدام خصوصا لل جيمر اللي بيهري البلاي ستيشن 3 بتاعو و مبيريحوش

.....
طبعا الف شكر يا باشا علي الخبر
مع معلومة ان البلو راي ريتر بي 200$
و البو راي ميديا بي 7$
دة لل 25giga

**tarekforall** · 29-05-2010, 13:16

شكرا لك على الخبر وأعتقد أن المساحة التي يتحدث عنها الاختراع الجديد تصل الى 25 تيرابايت :eek:
المصدر

**sam samy** · 29-05-2010, 13:31

أولا :
هل بيشتغل على مشغل dvd ؟ أم أن له مشغل خاص ؟
ولو كان بيشتغل على مشغل dvd ,, على أى نوع ولا نوع مشغل محدد ؟!

ثانيا :
هل فيه حل لمشكلة العدسات اللى فى الرد اللى قبل الرد بتاعى ده ؟

ثالثا: إيه مميزاته غير المساحة الكبيرة , و إيه عيوبه ؟
يعنى مثلا ً هل ينفع التعديل و المسح عليه أو منه ( مسح البيانات و كده ) ؟!!!
قابل لإعادة النسخ ؟!!

رابعاً : أين يباع فى مصر او الإسكندريه؟ وهل يعلم أحد سعره بدقه ؟

أرجو الجواب شكراً لمن إهتم

**shrief_007** · 29-05-2010, 14:12

المشاركة الأصلية كتبت بواسطة SIGMA-ZERO

انا مش عارف لية الناس مبسوطة من حوار ال

اصلا الناس اللي عندها بلاي ستاشين 3
عندها مشاكل منة بسبب العدسة اللي بتبوظ بسرعة لان عدد اللفات مهول من اسطوانة عليها داتا مش هقول 50 جيجا هقول 25 جيجا
و الكلام دة انا جايبو من اكتر من صديق ليا عندو بلاي ستيشن 3
المفروض الناس تبتدي تحل حوار القراءة من البلو راي قبل ما تفكر ازاي تكتب عليها زيادة.....
و دة من كتر الاستخدام خصوصا لل جيمر اللي بيهري البلاي ستيشن 3 بتاعو و مبيريحوش

blu ray disk
.....
طبعا الف شكر يا باشا علي الخبر
مع معلومة ان البلو راي ريتر بي 200$
و البو راي ميديا بي 7$
دة لل 25giga

بعد اذنط استاذ كول هرد لان ليا تجارب مع البلاستيشن كتير البلاى ستيشن جهاز سى من الناحيه العمليه واعتقد ان شركه سونى فشلت فيه من ناحيه الاتقان لان من ساعه ال1 وماشكل العدسه موجوده لحد3
واعتقد ان موضوع تخزين الالعاب على هارد افضل من الاسطوانانات ووجع الدماغ الى بيجى من العدسه ومشاكلها
وده وان كان لا يدل الاعلى فشلها فى تحديثه تحديث النظام الخاص بالعدسه وعلى فكره 99% من الى عندهم بلاى استيشن مشغله على هارد ومريح دماغه من مشاكله

واعتقد ان البلوراى افضل وليس بالسى لان الdvd شغال تمام وما فيهوش مشاكل حتى الان والى قراته انه ممتاز وافضل فى التعامل من الdvd والcd العادى
ومشكور كول على الخبر

**H.E.R.O** · 30-05-2010, 14:58

كل ده و لسا البلو راى رايتر منزلش مصر ؟؟؟
مش عارف هما مستنين ايه ؟

**GOHAN** · 31-05-2010, 11:55

السلام عليكم ورحمة الله وبركاته

المشاركة الأصلية كتبت بواسطة H.E.R.O

كل ده و لسا البلو راى رايتر منزلش مصر ؟؟؟
مش عارف هما مستنين ايه ؟

انا لقيت اسطوانات بلانك بلو راي في الغالب حتكون 25 جيجا للبيع في الاسكندرية

يعني الاسطوانات موجودة فحتكون موجودة هنا اكيد الناسخ لكن قليل جدا لانه غالي حاليا

**sam samy** · 02-06-2010, 14:37

المشاركة الأصلية كتبت بواسطة shrief_007

واعتقد ان البلوراى افضل وليس بالسى لان الdvd شغال تمام وما فيهوش مشاكل حتى الان والى قراته انه ممتاز وافضل فى التعامل من الdvd والcd العادى

ياريت أعرف : ممكن يشتغل على dvd رايتر ولا لأ ؟

**sam samy** · 02-06-2010, 14:40

المشاركة الأصلية كتبت بواسطة GOHAN

انا لقيت اسطوانات بلانك بلو راي في الغالب حتكون 25 جيجا للبيع في الاسكندرية

يعني الاسطوانات موجودة فحتكون موجودة هنا اكيد الناسخ لكن قليل جدا لانه غالي حاليا

الأسطوانة بكام ؟
و الناسخ بكام ؟