اقراص DVD+R طبقتين وصلت دبي واخيرا !!

**DDesigns** · 04-02-2005, 23:25

السلام عليكم

حبيت اخبركم يا شباب ان اقراص DVD+R DL وصلت السوق واخيرا امس شفتها في الصدفه وهي متوفره عند محل واحد فقط هوه Nova Tech .

حيث عنده اقراص من نوعيه جيده اللي هي RiData السعر اكيد غالي بس يمكن فيه ناس ودها تجرب ..

السعر 35 درهم ولكن بعد المكاسره لا اعلم والله لكن فيه احتماليه حسيت انه ينزل بالسعر ..

بالاضافه انه عنده اقراص Mitsubishi chemical عاليه الجوده 4 اكس بسعر 4 درهم ولكن لو فيه احد يشتري بجمله الشاب قال ببيعهم بسعر 3 دراهم فقط .

انا بس حبيت اعرض شغل الرجال لان الرجال يفكر صح ويجيب افضل انواع السيديات وما فيه احد يجيبها غيره وحبيت اساعده يمشي شغله لان لو ما مشى شغله راح يسكر المحل والفاهمين خسرانين للاسف .

تحياتي ...

**طالب الخبرة** · 05-02-2005, 00:38

السلام عليكم ورحمة الله وبركاته...أما بعد

حياك DDesigns.. خبر ممتاز!!
بالنسبة للسعر قد يكون مرتفع إلا أنه مقبول.. أذكر قبل شهرين وجدت أو قرص -DL من نوع RiDATA.. وكان بسعر 45 ريال سعودي

هذا قبل شهرين.. قد يكون السعر عندك مرتفع ولكن هذي البداية وقريب أكيد راح ترخص!!
ما عندكم نوعيات ثانية حتى لو - ؟؟

أخوك طالب الخبرة

**إيزي نت** · 05-02-2005, 05:43

ممكن وصف لموقع Nova Tech

**Xing** · 07-02-2005, 18:06

انا شريت RiDATA DVD+R DL ب35 ريال من ارض البرامج في الرياض

**DDesigns** · 07-02-2005, 22:43

اسف شباب ما انتبهت للموضوع ..

بخصوص موقع المحل فا هذا هو الموقع تبعهم :

https://www.novatech.ae

اخوي Xing !! ما شاء الله نفس سعر دبي معناها اكيد المحل كان يعطيني سعر فوق علشان لما اكاسره في السعر ما ينزل كثير ..

**الهداف** · 11-02-2005, 14:41

شي جميل و لكن تأخر وصول السيديات الى دبي و وصل السعودية قبل دبي يمكن في محلات موجوده في دبي متوفر لديها قبل محل نوفا تيك و لكن من كثرها تضيع فيها

عندي سؤال وين بحصل سيديات من شركة Taioy Yudun في دبي لاني حاب اجربها من كثر ما أقراء عنها في المنتدى ؟

**DDesigns** · 11-02-2005, 17:51

انا مره حصلتها في مجمع العين كمبيوتر بلازا فيه محل يبيع سيديات Fuji Film 8X الحبه 5 ريال اعتقد انا جربتها كانت TY ..

**Mashael** · 15-02-2005, 08:18

ممكن شرح اكثر عن السيديات DVD-R-DL وكم حجمها بالضبط ... وايش اخر حجم نزل للـ DVD-R في الاسواق ....

**DDesigns** · 15-02-2005, 13:50

باختصار اقراص DVD-R و DVD+R حمجها 4.7 جيجا ..

اما DVD-R-DL فا عباره عن طبقتين فوق بعض من النوع الاول فا صار حجمها 8.5 جيجا .

تلاحظ هذا النوع لما تشتري افلام اصليه بعض الافلام تكون 8.5 جيجا لا تستطيع نسخ المحتويات كامله الا بتقسيمها على سيدين او حذف اشياء .

ولكن مع DL ما يحتاج .