في انتظار مساعدتكم

[ziadhamed]

السلام عليكم
أنا عاوز أغير الهارد بتاعي وأجيب هارد أعلى منه
فنزلت أسأل محل عندنا جابلي عقدة نفسية وقالي كلام كتير وألوان كتير اخضر وازرق واسود
وقالي أن كل مازادت مساحة الهارد كل ماكان أبطء !!
وقالي أنه بيبوظ بسرعة
طبعا سبت المحل وجيتلكم كالعادة
دلوقتي عاوز أشتري هارد 1 تيرا يكون بسعر معقول ويكون سريع
وأهم حاجة انه يعيش كتير زي الهارد اللي باستعمله حاليا
W.D 160 g.b عايش معايا من أكتر من 3 سنين وماشاء الله عمره اضايقني
المطلوب منكم ترشيح هارد وياريت لو تقولولي سعره عشان لم أشتريه ماحدش ينصب عليا
وشكرا لكم
وانا هاتابع الموضوع كل نص ساعة لو حد رد

[Coolman4now]

- أذا كان هارد أساسى للنظام والويندوز ، أنصحك بويسترن واحد تيرا بلاك ، أما أذا كان للتخزين فقط أنصحك بالجرين.

[ziadhamed]

شكرا أخويا على ردك
أنا هاستخدمه كهارد أساسي
طيب هل الويسترن البلاك سريع ؟
وكم سعره في مصر ؟
وسمعت ان في كذا نوع ويسترن بلاك هل فعلا في كذا نوع ولا هو نوع واحد ؟
ولو في ها هناك فرق كبير بينهم ؟
اسف لكثرة أسئلتي وشكرا جزيلا لردك

[Coolman4now]

Western Digital Caviar Black WD1002FAEX 64MB

- هذا هو النوع الذى أنصحك به ، وبالفعل يوجد نوعان.

- سعره هو 640 جنيها ، أول أقل قليلا.

- الفارق فى السرعة حيث يحتوى ذلك النوع على بلاترين فقط ، أما الأخر فيحتوى على ثلاث بلاترات وهو أبطأ.

- لمزيد من المعلومات عن الهاردات والبلاترات راجع الموضوع فى توقيعى.

[ziadhamed]

السلام عليكم
أنا رحت النهاردة للمحل أشتري لقيته أداني هارد تيرا لكن لونه أخضر
فقلتله أنا عاو الأسود قالي الإسود ده انتهى خلاص كان زمان دلوقتي مفيش غير الأخضر
قلتله التاني 64 ميجا فوراني الهارد لقيت مكتوب عليه 64 ميجا برضو
وسعره 480 جنيه
فهل كلام الراجل صحيح ؟؟ ولا بيقولي كدة عشان اشتري وخلاص ؟؟
وهل السعر ده رخيص-عادي-غالي ؟؟
ولو لسة الإسود موجود هل في فرق حقيقي في الأداء بينهم ولا فرق غير مؤثر ؟؟
وشكرا لكم

[tarekforall]

السلام عليكم
أنا رحت النهاردة للمحل أشتري لقيته أداني هارد تيرا لكن لونه أخضر
فقلتله أنا عاو الأسود قالي الإسود ده انتهى خلاص كان زمان دلوقتي مفيش غير الأخضر
قلتله التاني 64 ميجا فوراني الهارد لقيت مكتوب عليه 64 ميجا برضو
وسعره 480 جنيه
فهل كلام الراجل صحيح ؟؟ ولا بيقولي كدة عشان اشتري وخلاص ؟؟
وهل السعر ده رخيص-عادي-غالي ؟؟
ولو لسة الإسود موجود هل في فرق حقيقي في الأداء بينهم ولا فرق غير مؤثر ؟؟
وشكرا لكم

كلام البائع غير صحيح
القرص الأسود أفضل في الأداء من الأخضر وهو فرق محسوس
القرص موجود في بعض الشركات اقرأ المواضيع المثبتة للشركات بقسم عروض البيع

[ahmadrashad]

السلام عليكم ورحمة الله

لو انك بتهتم بالسرعة من الدرجة الاولي انصحك بشراء 2 هارد 500 جيجا وعمل "منظومة رايد 0" عليهم فالسرعة مضاعفة في كل شي في نقل البيانات وفي سرعة الاستجابة سواء فتح الويندوز او الالعاب وغيرها ولو باقي مكونات الجهاز قوية سوف يظهر الفرق في السرعة اكثر ،،،،

وسوف اضرب مثال للسرعة عندي عن تجربة بالنسبة لــ 2 هارد 320 جيجا سامسونج وعمل منظومة رايد 0 عليهم :

سرعة نقل ملفات الفيديو 200 ميجا في الثانية .
سرعة نقل الالعاب و البرامج 60 ميجا في الثانية .
سرعة تنزيل ويندوز 7 15 دقيقة .
سرعة فتح الويندوز 30 ثانية .

هذة السرعات تكاد تكون مضاعفة عند تجربة هذة الاشياء بهارد واحد فقط وعلي العموم مصفوفة الرايد غنية عن التعريف،،،،،،،،

وبالنسبة لعمر الهارد الافتراضي من الشركة المصنعة اذا كان من الدرجة الاولي هو" 5 سنوات" وهو يعتمد علي مدي استخدامك للهارد من حيث عدم التنقل بة كثيرا وتعرضة لصدمات وغيرها وعدم تقسيم الهارد وكثرة الفرمات بدون داعي وجودة البور سبلاي والتهوية الجيدة للكياس ومتابعة درجة الحرارة الخاصة بة وخصوصا في ايام الصيف الحارة وشكرا...........
:ah49::ah49::ah49::ah49::ah49::ah49: