خدمة كهربنى شكرا ... فقط فى مصر ( ام الدنيا )

[مهندس شبكات بس]

السلام عليكم اخوانى اعضاء منتدانا الغالى :-
طبعا معظمنا سمع عن موضوع عدادات الكهرباء المدفوعه مقدما ( بكارت شحن زى الموبايل ) واللى بدأ يطبق بالفعل فى احياء عديده من مصرنا الحبيبه بعد تجربته فى بعض القرى السياحيه.

طبعا الموضوع ده حصل على أراء كثيره جدا بين مؤيد ومعارض .
وانا هاعرض نص الخبر ونتناقش فيه عشان اللى متضايق من الموضوع ده يمكن يلاقى حد يقنعه انة كويس او فى مصلحة الشعب :rolleyes:

أعلن الدكتور حسن يونس وزير الكهرباء والطاقة أن الوزارة بدأت التوسع في تطبيق استخدام العدادات الالكترونية التي تعمل بنظام الكارت المدفوع مقدما للمشتركين الراغبين في التحول لهذا النظام مجانا وبدون اي رسوم على مستوى الجمهورية.‏
وقال الوزير إن المشترك في هذا النظام الجديد يتمتع بنفس الأسعار وشرائح الاستهلاك المتعامل بها حاليا دون أي زيادة ولايتم فصل التيار الكهربائي عن المشترك في حالة انتهاء رصيد الكارت المدفوع مقدما ما بين الساعة الخامسة بعد الظهر وحتي الساعة العاشرة من صباح اليوم التالي لتمكين المشترك من اعادة شحن الكارت‏.‏
وتم فتح منافذ لبيع كروت الشحن بإدارات الكهرباء‏.
وأوضح المهندس محمود سلطان رئيس شركة جنوب القاهرة لتوزيع الكهرباء أن العداد الجديد‏ يحتوى على لمبة تعطى إشارات عند وصول الرصيد إلي ‏25%‏ من قيمة الشحن وتحذر أيضا بإشارات عند وصول الرصيد إلي ‏10%.‏
يذكر أن نظام كروت شحن الكهرباء قد تم تجربتها في المناطق السياحية والمصايف وبعض منازل الزمالك بالقاهرة واحياء‏6‏ أكتوبر‏، حيث لاقت نجاحا.

مستنى ردودكم عشان نفسى حد يقنعنى ان ده فى مصلحتى

[S.O.S]

حسبي الله ونعم الوكيل طيب هو النظام ده بعد فتره هيتفرض علي الكل حتي الي عندهم عدادات قديمه ولا بمزاج صاحب العداد عاوز يحول ( في تلك الحاله يبقي ........) او مش عاوز ؟

[MF88]

اعتقد يا شباب ان النظام ده هيكون لأصحاب الشاليهات و الحاجات اللى زى دى

ناس مبتجيش غير مره او اتنين فى السنه و تفضل تدفع اشتراكات شهريه عن عدم وجودها يصل لـ 600 و 700 جنيه

مع الشحن و الحاجات دى اليوم اللى هيجى فيه يشحن العداد ب 20 جنيه يكفيه اسبوع مثلا و خلاص على كده

اما لو هيتم تطبيقه على الكل

فهيكون ليا رد فعل تانى إن شاء الله

[مهندس شبكات بس]

طيب مثلا لو انا سافرت ولا حاجه وسايب التلاجه شغاله والكارت خلص طبعا التلاجه هاتفصل والاكل اللى فيها كله هايتوكل على صفيحة الزباله

والنبى ده حرااااااااااااام:ah42:

[Maximum_G]

كلام جميــــــــــــــــــــــل كلام معقول مش هقول حاجة تانية .....
شكرا ليك و لسه ياما في الجراب يا حاوي :D الميه من ناحية والكهربة من ناحية تانية ناقص نفس الشعب يبقي بكروووت :D .. تنفخ :D
بس ازاي الكلام دا وامتي حصل دا مفيش اي خبر غعلامي ظهر بالموضوع دا ممكن حضرتك المصدر عشان بس مايحصلش بلبلة في اكتر ما احنا مبلوللين

[مهندس شبكات بس]

شكرا لمرورك اخى الكريم انا مصدرى فى الموضوع ده برنامج أسمه الحياه اليوم (يذاع على قناة الحياه) وبعد البحث على النت وجدت الكثير والكثير عنه يمكنك التجربة بنفسك
ابحث فى جوجل عن( الكهرباء المدفوعه مقدما ) وجرب أيضا ( عداد الكهرباء عن بعد )
أخيرا العوض على الله فيكى يا أم الدنيا

[Mohamed.Kamal]

الفكرة يا اخواني ذكية جدا جدا...
هم يطبقون مبدأ: "اللي ممعهوش ما يلزموش".. يعني لو أنك لا تمتلك فلوس لآخر الشهر ومرتبك خلص.. إذا توكل على الله واشتري لمبتين جاز وبلاش تخسر الحكومة فلوس كهرباء لناس ممعاش.. انتوا فاكرين الحكومة دي جمعية خيرية لأصحاب الدخل المتوسط والفقير؟

ولو نجحت الفكرة يبقى أكيد راح تطبق على عدادات الغاز الطبيعي وعدادات المياه، ولاحقا يمكن تطبيقها على كل شيء آخر كالمشي في الشارع والوقوف على ضفاف النيل (لو استمر في التدفق ). وممكن في مراحل متطورة من المشروع تصبح كروت الشحن للانتقال من محافظة لأخرى أو عند مقابلة الأصدقاء والمعارف. والمرحلة الأخيرة من كروت الشحن سيتم تطبيقها عند الدخول والخروج من المنزل وعند الدخول إلى المقبرة.

[مهندس شبكات بس]

مشكور على مرورك الكريم اخى Kimo
على فكرة عجبتنى اوى كلمة ((لو استمر في التدفق )
قريب اوى بالمرة هايكون فى خدمه الهواء المدفوع مقدما وده هيبقى عبارة عن جهاز بيتثبت على انف وفم المواطن وتلاقى فجأه واحد وقع طب ساكت فى الشارع تجرى عليه تلاقى مكتوب على وشه (( عفوا رصيدك الحالى لا يسمح باتمام هذا الشهيق برجاء أبلاغ الورثه بسداد المديونيه المتأخره ))

ولسه

[MF88]

لا حول ولا قوه إللا بالله

لو تم تطبيق الموضوع ده اعتقد انه كفايه سكوت

الصمت نفسه اشتكى مننا

[medo_hadi2020]

يارب يا جماعه يبقي بالمزاج وانا مش شايف ان الحكوه خسرانه حاجه ليه لنك لو مدفعتش اخر الشهر في خلال كام يوم الكهرباء بتتقطع عنك ومين فينا يقدر يستغني عن الكهرباء

[Alaa.Ismael]

ما المشكلة في دفع المشترك لقيمة الاستهلاك الذي يستهلكه؟ نحن ندفع قيمة اشتراكنا في الاتنرنت والموبايل مقدما أيضا. وندفع إيجارات الشقق مقدما كذلك.
هل المشكلة في تحول الدفع من مؤخر إلى مقدم؟

المشكلة الأكبر والتي لا تدرون عنها هي زيادة أسعار الكهرباء سنويا.

[S@M]

ولسة يا هيعملو فينا ...ويخنقو علينا اكتر من كدة ..........:mad:
دلوقتى الكهربا ....غدا المياة ...بعدة الغذاء ....:mad:
حتى الزواج هيكون بكرت شحن ..............:mad:
تستاهلو يا مصريين ...واشربو ...:mad:

الموضوع اكبر من كدة بكتير ...........:mad:

[Powert]

لي قريب ساكن في التجمع ولسه ساكن جديد من قرابة كام شهر والعداد هناك شغال بكارت وفعلاً بيطبق عليه النظام ده بكل حاجة

بس فيه حاجة لما بيروح ياخد الكارت ويشحنه بيلاقيه فاضي الموظف ياخد منه 200 جنية وبيعمل انه شحنه ومابيكونش

شحن ولا حاجة ... توخوا الحذر منه

[sisaoking]

لنا رب يعيننا على هذا الفساد

[كلمنية]

مشكووووووووووووووووووووووووووووووووووووووووووووووو ووووووووووووووووووووووووووور