صفحة 1 من 5 1 2 3 4 5 الأخيرةالأخيرة
النتائج 1 إلى 15 من 63

الموضوع: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد سائل

  1. #1
    عضو الصورة الرمزية oldjas
    تاريخ التسجيل
    Nov 2009
    المشاركات
    122
    الدولة: Egypt
    معدل تقييم المستوى
    17

    حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد سائل

    بسم الله الرحمن الرحيم

    السلام عليكم اعضاء المنتدى الكرام اليوم والحمدلله أتممت مشروعي في بناء نظام تبريد مائي وسوف استعرضه عليكم اليوم

    ***
    **
    *
    أولا : المكونات
    1- طرمبة ماء
    2- خزان مياه
    3- خراطيم
    4- افزان بلاستيك
    5- مشتت 2B أو waterbloock
    6- ريداتير ده هيبقى لازم لو معندكش air cooler زي المشتت 2B أو مشتت آخر شبيه له.
    7- وصلة نحاس أو ألمونيوم لتحويل النص بوصة لروبع بوصة
    8- سائل التبريد .

    ثانيا : الاختيار والتحضير
    1- طرمبة الماء
    ودي بقى لفيت عليها كتير على مالقيت حاجة أدائها كويس وكمان سعرها .
    يوجد أنواع كتيره ومنها كان
    1-طرمبة مية الخاصة بالغسالات الاوتوماتيك
    2-موتور مساحات خاص بالسيارات
    3-فلتر احواض السمك .. وهو ده كان انسب شيء
    حيث ان مضخت الغسالات الاوتوماتيك أدائها مفرط وضغطها لدورة الماء قوي جدا . ولا تتحمل العمل لفترة طويلة .. وأيضًا غالية جدا .
    ومتور المساحات ضعيف جدا لا يتحمل العمل لفترات طويلة ورخيص .
    ولكن فلتر احواض السمك أو مضخة المية بتاعت احواض السمك كانت افضل شيء لانها تتحمل العمل لفترات طويلة ولكن بالنسبة لسعرها فـ ده بيبقى على حسب النوع والقدرة بتاعت المضخة والقدره بتتقاس (بالتر / الساعة) ودي كانت اختياراتي المتاحة امامي 1- مضخة 220 ل/س
    2- مضخة 880 ل/س
    3- مضخة 1050 ل/س وهي دي اللي أنا جبتها .
    ----
    2- خزان المية وده بقى إنت وذوقك
    ----
    3- الخراطيم : حاول تجيب الخراطيم كلها من النوع الشفاف النقي اللي بيسموه الكريستال هتجيب متر ربع بوصة و متر نص بوصة .
    ----
    4- الافزان البلاستيك هنجيب اصغر مقاس منها لانها الأنسب .
    ----
    5- المشتت أو el-waterblock : أنا جاتني الفكرة وخليت المشتت بتاعي ال 2B يعمل الوظيفتين معا بقى ريداتير و waterblock وممكن أي مشتت يعمل كده بس اهم حاجة يبقى فيه مواسير نحاس .
    ----
    6- الريداتير : ده بقى ممكن تعمله عمولة عند أي حد بتاع ريداتير سيارات أو ممكن تشتريه جديد من عند أي حد بتاع قطع غيار متوسكلات اهم حاجة إنك تجيبه اصغر حاجة ويفضل لو مقاساته 120mm X 120mm عموما أنا كان عندي ريداتير صغير كده مطلعه من تكييف العربية القديمة .
    ----
    7- الوصلة اللي بتحول النص لربع بوصة : دي بقى دخت عليها أكتر حاجة و شوفو بقى أنا جبت كام حاجة ومنفعتش رحت ل واحد بتاع قطع غيار سيارة أخدت من عنده حاجة كده اسمها بلف سرفو وفعلا الخراطيم ركبت كويس على الوصلة دي بس للاسف ضغط المية قل جدا مع الوصلة دي ومكنتش تنفع وبعد كده رحت لواحد بتاع أدوات صحية وقلبنا المحل عشان نلاقي الطلب بتاعي وفي الآخر لقينا حاجة قريبة من اللي أنا عاوزه وصلت سخان دكر حاولت أركب عليها الخراطيم مفيش فايدة ورحت بيها لمخرطة عشان يقلل القطر من برة لكن برده مفيش فايدة .. وفي الاخر فصلت واحدة عمولة عند بتاع المخرطه بس كانت حديد النحاس والألمونيوم كان خلص من عنده مشكلة الحديد إنه قابل للصدأ .
    ----
    8- سائل التبريد : سائل التبريد الخاص بريداتيرات السيارات.

    ثالثا : الصور والتركيب

    المضخه ال 880 ل/س بالفلتر


    المضخه ال 1050 ل/س بالفلتر



    رسم تخطيطي لدورة الماء


    خلع بعض الرقائق الالامينيوم من على المشتت لاظهار رؤوس المشتت النحاس


    قطع الرؤوس النحاس


    توصيل مبدئي للخراطيم على المشتت بعد قطع الرؤوس النحاس


    صورة من الخارج لخزان المية فكرة مش وحشة بس هبقى أعملها تعديل عشان أنا عايز أحط كل المكونات دي جوه الكمبيوتر


    صورة اخرى من الدخل ..


    صورة من الاسفل


    عمل فجوه لادخال رأس مضخة الميه بمكوة الحام


    عمل فجوة اخري لمسورة اخراج الميه


    أخيرًا قدرت أركب رأس مضخة الميه


    ولكن واجهتني صعوبة بعد تركييب المضخة في الرأس فاضررت اني أعمل فجوة أخرى من الامام وفجوة أخرى من الخلف لإسقاط المضخة كاملة ..


    حددت المكان اللي هقطعو عشان مش عايز غلطات تاني ..


    وبعد ماحددت المكان اللي هقطعو .. مكوة اللحام اللي كنت بقطع بيها باظت .. قلت افكها يمكن يكون فيها امل بس للاسف معرفتش ارجعها تاني :D



    وبما إن الجيش بيقولك اتصرف ... مع ان مدخلتوش .. اتصرفت والحمدلله


    وأخيرًا ركب الموتور كله في مكانه .. :-)


    والآن مرحلة تثبيت المضخه في الخزان ..
    المتطلبات
    2 جوان كاوتش
    معجون لحام





    تثبيت ال 2 جوان ببعض الاول



    وبعد كده حطيت بعض المعجون على فتحت الخزان وحطيت بعد كده ال 2 جوان اللي كنت ثبتهم في بعض ..







    وبعد تثبيت المضخه بشكل نهائي في الخزان الآن سوف نقوم بتوصيل الاجزاء كلها ببعض وملء الخزان وبدا العمل

    دي الوصلة اللي عملتها في المخرطة ..




    ودي بعض الصور لسائل التبريد ..










    الصورة النهاية للمشتت داخل كيس الكمبيوتر


    تم ملء الخزان وتوصيل جميع الوصلات




    هذه الصورة للنظام بعد تشغيله



    وجود تسريب في وصلت اخراج الميه من المضخة



    تم احتواء التسريب بوضع منشفه تحته



    تم وقف التسريب بتركيب افيز بلاستيك



    يرجى وضع منشفه أو أي قطعة قماش قابله لامتصاص السوائل فوق كرت الشاشة خاصة عند أول تشغيل لنظام التبرد السائل و يفضل تشغيل التبريد السائل وملاحظة أي تسريب قبل تشغيل الكمبيوتر ...

    هذه الصورة تبين وضعي للمنشفه فوق كرت الشاشة .. هذه الصورة كانت الأولى لي في عمل هذا النظام قبل ان اعدل خزان الماء ...



    أنظروا ماذا حدث للوصله الحديد بعد يوم واحد من العمل بيها .... تكون عليها الصدأ .



    ودي صورة اخيره للمشتت والتبريد السائل لأخر تعديل تم عليهم ...



    اسف على الاطاله ولكن حبيت اشارككم كل اللي حصل معي ووضع كل التفاصيل والمواقف التي حدثت معي أثناء بناء هذا النظام ... لاستفادة الاعضاء من تجربتي في بناء هذا النظام .

    انتظروا المزيد من التعديل والنتائج قريبا سوف يتم دمج الريداتير للنظام ... تم بحمد الله


  2. #2
    مشرف سابق الصورة الرمزية ayoub_bob
    تاريخ التسجيل
    Apr 2010
    المشاركات
    2,955
    الدولة: Egypt
    معدل تقييم المستوى
    171

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    تسلم اخى على الفكرة الجميلة
    ولكن اخى يوجد حوض للأسماك الزينة على قد
    موتور احواض السمك
    وبتكون افضل كثيرا
    وبتكون شغل أحترافى
    ==
    وبما انى بربى سمك زينة
    خذ بالك الموتور الذى تستخدمة لا تضعة فى نفس حوض المياة
    الذى بيتم التبريد بها
    لان الموتور بيسخن هذا 1
    يجب وضعة فى حوض مستقل عن حوض المياة حتى لا تسخن المياة المبردة
    لايجب تشغيل الموتور بدون وضعة فى بالكامل فى المياة
    يعنى تحضر حوض صغير ومكان شفط المياة قم بتوصل خرطوم
    بيوضع فى المياة المبردة للبروسيسور
    ==
    اسف لك على الاطالة
    وبالتوفيق اخى العزيز

  3. #3
    عضو برونزي
    تاريخ التسجيل
    Jan 2009
    المشاركات
    1,483
    الدولة: Egypt
    معدل تقييم المستوى
    33

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    احييك علي مجهودك وتقبل تقييمي ليك
    لكن للاسف
    انا قمت بعمل نفس فكرتك من قبل فترة كبيره لكن للاسف النتيجه كانت سيئة ويرجع لذلك لوجود الماده التي توجد في انابيب التبريد والتي تعمل كحاجز بين توصيل الحراره للماء ومهما تحاول تنظيف الانابيب دي مش هتقدر تزيل الماده دي كويس
    وفي سبب تاني هو كثافة الانابيب عاليه جدا لتستخدم في التبريد المائي
    والاهم اخي العزيز انك هتبوظ المشتت بتاعك وتكلف نفسك تمن شراء مضخه وخلافه في مقابل نزول درجه او درجتين علي الاكثر ده لو حصل
    [CENTER][IMG]https://img135.imageshack.us/img135/9082/bannerbh.png[/IMG][/CENTER]

  4. #4
    عضو ذهبي الصورة الرمزية محمد الجوهري
    تاريخ التسجيل
    Apr 2007
    المشاركات
    3,047
    الدولة: Saudi Arabia
    معدل تقييم المستوى
    115

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    بسم الله ما شاء الله .. لك أحلى تقييم على فكرتك العبقريه

    بس اللى أهم من الفكره : النتائج إيه أخبارها ؟

    عاوزين درجات حراره لقبل و بعد تطبيق النظام
    [CENTER]
    [/CENTER]

  5. #5
    عضو برونزي
    تاريخ التسجيل
    Jan 2009
    المشاركات
    1,483
    الدولة: Egypt
    معدل تقييم المستوى
    33

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    ياريت اخي العزيز مكان شراء مضخة السمك دي بالظبط والسعر اللي اشتريتها بيه لاني بفكر في استخدامها في التبريد الخاص بي
    [CENTER][IMG]https://img135.imageshack.us/img135/9082/bannerbh.png[/IMG][/CENTER]

  6. #6
    مشرف سابق الصورة الرمزية ayoub_bob
    تاريخ التسجيل
    Apr 2010
    المشاركات
    2,955
    الدولة: Egypt
    معدل تقييم المستوى
    171

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    اقتباس المشاركة الأصلية كتبت بواسطة اكسمان مشاهدة المشاركة
    ياريت اخي العزيز مكان شراء مضخة السمك دي بالظبط والسعر اللي اشتريتها بيه لاني بفكر في استخدامها في التبريد الخاص بي
    ===
    اخى العزيز
    اى محل بيقوم بيبع اسماك زينة او احواض لأسماك الزينة
    ويوجد اكثر من موديل

  7. #7
    عضوية جديدة
    تاريخ التسجيل
    May 2010
    المشاركات
    58
    معدل تقييم المستوى
    0

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    يا دماغك العالية يا محمود ما شاء الله عليك منتظر النتايج

  8. #8
    عضو الصورة الرمزية oldjas
    تاريخ التسجيل
    Nov 2009
    المشاركات
    122
    الدولة: Egypt
    معدل تقييم المستوى
    17

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    اقتباس المشاركة الأصلية كتبت بواسطة bob_bob مشاهدة المشاركة
    تسلم اخى على الفكرة الجميلة
    ولكن اخى يوجد حوض للأسماك الزينة على قد
    موتور احواض السمك
    وبتكون افضل كثيرا
    وبتكون شغل أحترافى
    ==
    وبما انى بربى سمك زينة
    خذ بالك الموتور الذى تستخدمة لا تضعة فى نفس حوض المياة
    الذى بيتم التبريد بها
    لان الموتور بيسخن هذا 1
    يجب وضعة فى حوض مستقل عن حوض المياة حتى لا تسخن المياة المبردة
    لايجب تشغيل الموتور بدون وضعة فى بالكامل فى المياة
    يعنى تحضر حوض صغير ومكان شفط المياة قم بتوصل خرطوم
    بيوضع فى المياة المبردة للبروسيسور
    ==
    اسف لك على الاطالة
    وبالتوفيق اخى العزيز
    مشكور اخي على ردك ونصائحك الغالية ولكن احب اوضح كام حاجة كده
    أولا الموتور ده من النوع الداخلي اللي بيتحط داخل المية وده لسبب إن الموتور ده معندوش المقدرة على الشفط ولكنه عنده المقدره على الطرد فقط يعني لازم يكون في ميه علشان يطردها من الماسورة بتاعته يعني لو فتحت الشفط بتاعته ركبنلها خرطوم وحطينا مية تحت مش هيعرف يشفطها ولكن المية لازم تكون داخله من فوق أو هو جواها أصلا وهو ده اللي أنا اكتشفته و وصلتله وبكدة نقدر نعزل الموتور عن الخزان والميه اللي جوه الخزان متسخنش

  9. #9
    مشرف سابق الصورة الرمزية ayoub_bob
    تاريخ التسجيل
    Apr 2010
    المشاركات
    2,955
    الدولة: Egypt
    معدل تقييم المستوى
    171

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    الف شكر اخى الكريم على الرد
    انا بس حبيت اوضح لك
    لان حجم المكان الذى بة المياة
    بالنسبة للموتور صغير
    ولذلك قلت ان اقول لك ان الموتور بيسخن
    ولا تزعل من كلامى ولا مداخلتى
    وبالتوفيق اخى العزيز

  10. #10
    عضو الصورة الرمزية oldjas
    تاريخ التسجيل
    Nov 2009
    المشاركات
    122
    الدولة: Egypt
    معدل تقييم المستوى
    17

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    اقتباس المشاركة الأصلية كتبت بواسطة اكسمان مشاهدة المشاركة
    ياريت اخي العزيز مكان شراء مضخة السمك دي بالظبط والسعر اللي اشتريتها بيه لاني بفكر في استخدامها في التبريد الخاص بي
    انصحك اخي اكسمان بشراء الموتور الخارجي هو ده اللي أنا كنت عايز أجيبه بس للاسف ملقتوش هنا في الإسماعيلية ..

  11. #11
    عضو الصورة الرمزية oldjas
    تاريخ التسجيل
    Nov 2009
    المشاركات
    122
    الدولة: Egypt
    معدل تقييم المستوى
    17

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    اقتباس المشاركة الأصلية كتبت بواسطة bob_bob مشاهدة المشاركة
    الف شكر اخى الكريم على الرد
    انا بس حبيت اوضح لك
    لان حجم المكان الذى بة المياة
    بالنسبة للموتور صغير
    ولذلك قلت ان اقول لك ان الموتور بيسخن
    ولا تزعل من كلامى ولا مداخلتى
    وبالتوفيق اخى العزيز
    العفو يا باشا ومفيش زعل ولا حاجة شرفت الموضوع و أنا عايزك تفيدني بما إنك خبير في المواضيع دي منين أجيب المضخات الخارجية وإيه قدرتها بتبدأ من كام لحد كام ...

  12. #12
    مشرف سابق الصورة الرمزية ayoub_bob
    تاريخ التسجيل
    Apr 2010
    المشاركات
    2,955
    الدولة: Egypt
    معدل تقييم المستوى
    171

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    اخى العزيز
    يوجد انواع كثيرة منها الشفط
    ومنها ما توضع فى نفس الحوض
    بس للأسف ما اعرف اذا كانت متوفرة عندك ام لا
    =====
    اخى هل قمت بتجربة
    موتور مساحات السيارة
    يوجد لمساحات السيارة موتور صغير وبيعمل على 12 فولت
    ممكن تشترية مستعمل
    احتمال كبير يكون افضل
    وانة خارجى
    ممكن تلقى علية نظرة قبل الشراء
    وانتا تقدر تعرف اذا كان سوف يكون يقضى الغرض ام لا
    ==
    لان لى صديق جرب اشياء كثيرة
    لعمل تبريد مائى لجهاز عندة
    بيجرب علية

  13. #13
    عضو فضي الصورة الرمزية FRyLocK
    تاريخ التسجيل
    Dec 2009
    المشاركات
    662
    الدولة: Syria
    معدل تقييم المستوى
    20

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    في اضافة حلوة كتييييير ومن الممكن تفيدك
    هو انك تستخدم كوندينسور لمكيف قديم من سوق التبريد ركبه عل الخط الداخل للمشتت وانشاء الله هيكون في فرق كبييير جداً بالنتائج
    *انَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ *

    قائمة المواضيع:
    سأقولها بصراحة ../مبادئ التبريد (الفريون ) (1)/مقدمة في التبريد (2)



  14. #14
    عضو فضي الصورة الرمزية Soteer
    تاريخ التسجيل
    Apr 2009
    المشاركات
    585
    الدولة: Egypt
    معدل تقييم المستوى
    19

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد


    الفكره جميله جدا

    انا كنت عاملها مع واحد زميلي و جاري كمشروع تخرج للكليه (قسم ميكانيكا)
    بس للاسف الدكاتره لم يعجبوا بالفكره

    الفرق اننا عملنا القاعده من الالف للياء
    وعملناها في ورشه خراطه
    عملنا قاعدتين واحده نحاس وواحده الومنيوم
    النحاس كانت جميله علي المدي الطويل
    لكن الالومنيوم كانت افضل علي المدي القصير
    للاسف حاولنا اننا ندمج بين النحاس والالومنيوم لكن منفعش وباظت القطعتين

    لكن حاليا في فكره جديده وهتبقي فكره غريبه ومختلفه عن المائي والهوائي

    واول ما اخلص الفكره باذن الله هعملها موضوع كويس
    ---------------------------------------------------------

    لصاحب الموضوع فكره كويسه اوي انك استخدمت المشتت القديم


    لكن
    احييك علي مجهودك وتقبل تقييمي ليك
    لكن للاسف
    انا قمت بعمل نفس فكرتك من قبل فترة كبيره لكن للاسف النتيجه كانت سيئة ويرجع لذلك لوجود الماده التي توجد في انابيب التبريد والتي تعمل كحاجز بين توصيل الحراره للماء ومهما تحاول تنظيف الانابيب دي مش هتقدر تزيل الماده دي كويس
    وفي سبب تاني هو كثافة الانابيب عاليه جدا لتستخدم في التبريد المائي
    والاهم اخي العزيز انك هتبوظ المشتت بتاعك وتكلف نفسك تمن شراء مضخه وخلافه في مقابل نزول درجه او درجتين علي الاكثر ده لو حصل
    __________________
    فعلا الكلام ده صح

    الافضل انك تعملها من البدايه للنهايه
    لان اولا
    اعلي عكس التبريد الهوائي
    الماء بيمتص درجه حراره كبيره جدا بالمقارنه بالهواء فالافضل انك تمرره علي مساحه اكبر وبسرعه اقل
    لكن الهواء بيسخن بسرعه وبكده لازم تبعده اسرع والا هيعكس العمليه

    اهم حاجه وانت بتصمم القاعده انك تخليها
    1- السمك قليل
    2-المسارات الخاصه بالماء كبيره
    السطح السفلي ناعم جدا


    ومره تانيه فكره جميله و كويس ان عندنا ناس بتفكر كويس
    ولو عايز اي حاجه انا تحت امرك (بشرط تدعيلي انجح عشان الامتحانات زباله )


    تم التقييم
    كثيرا ما تكلمت فندمت اما عن السكوت فما ندمت قط™
    إذا كنتَ لا تقرأ إلا ما توافق عليـه فقط، فإنكَ إذاً لن تتعلم أبداً
    لو عندك استفسار عن البروسيسور اللي ناوي تشتريه




  15. #15
    عضو ذهبي الصورة الرمزية nero&dante
    تاريخ التسجيل
    Apr 2009
    المشاركات
    2,440
    الدولة: Syria
    معدل تقييم المستوى
    32

    رد: حصريا لمنتدى عرب هاردوير اصنع تبريدك المائي بنفسك الصيف خلاص داخل يلا نعمل تبريد

    شكرا كثيرا اخي على هذه التجربة
    تم التقييم
    وبانتظار الشكل النهائي والنتائج
    [CENTER][SIZE=2][COLOR=Red][B]"it's not life getting harder it's us getting dumber"[/B][/COLOR][/SIZE]
    "اعتذر عن التاخر في متابعة المواضيع المشترك بها لاسباب خاصة "
    [IMG]https://i43.tinypic.com/110xh5z.jpg[/IMG]
    [/CENTER]

    [CENTER][SIZE=2][URL="https://www.arabhardware.net/forum/showthread.php?t=184761"][COLOR=Red][B][B]دليلك الى طريقة كسر السرعة للمعالج او البطاقة الرسومية قبل ان تبدأ تجربتك[/B][/B][/COLOR][/URL]
    [/SIZE] [SIZE=2][COLOR=Blue][B][URL="https://www.arabhardware.net/forum/showthread.php?t=186044"]شرح بسيط عن البيوس : عمله , لعض الخيارات الهامة فيه[/URL][/B][/COLOR][/SIZE][SIZE=2]
    [/SIZE] [SIZE=2][COLOR=Red][B][URL="https://www.arabhardware.net/forum/showthread.php?t=183931"]مراجعة بسيطة (الافضل اضافة مراوج ام ترك الكيس مفتوح ادخل لتعرف )[/URL][/B][/COLOR][/SIZE][SIZE=2]
    [/SIZE] [/CENTER]
    [CENTER][SIZE=2][B][COLOR=Red][URL="https://www.arabhardware.net/forum/showthread.php?t=181719"]لتقرير الشامل عن عمل PCI-EXPRESS[/URL][URL="https://www.arabhardware.net/forum/showthread.php?t=181719"](منفذ بطاقة الرسوميات)[/URL][/COLOR]
    [/B][/SIZE] [SIZE=2][COLOR=Red][URL="https://www.arabhardware.net/forum/showthread.php?p=1463349#post1463349"][B]التقرير الشامل (2) :PCI-E في وضع التقنيات الثنائية SLI/Crossfire[/B][/URL][/COLOR][/SIZE] [SIZE=2][COLOR=Red]
    [B][URL="https://www.arabhardware.net/forum/showthread.php?t=169686"]قائمة بجميع اللوحات الداعمة لمعالجات AMD السداسية عن طريق تحديث البيوس[/URL]
    [URL="https://www.arabhardware.net/forum/showthread.php?t=181436"]مرجعك لكسر سرعة E7400 (من تجربة شخصية)[/URL]
    [URL="https://www.arabhardware.net/forum/showthread.php?p=1383655#post1383655"]المراجعة الشاملة لعدد من هارداتSSD من الرابح؟[/URL]
    [URL="https://www.arabhardware.net/forum/showthread.php?t=170224"]واخيرا لاحيرة بانواع المقابس بعد اليوم[/URL][/B][/COLOR][/SIZE]
    [/CENTER]

صفحة 1 من 5 1 2 3 4 5 الأخيرةالأخيرة

المواضيع المتشابهه

  1. مشاركات: 50
    آخر مشاركة: 16-05-2012, 07:10
  2. حصريا لمنتدى عرب هاردوير تم إستكمال كورس الإكستشنج للمهندس أحمد سرحان
    بواسطة eng_server2003 في المنتدى منتدى الشهادات العام
    مشاركات: 5
    آخر مشاركة: 30-07-2011, 01:05
  3. مشاركات: 106
    آخر مشاركة: 19-10-2009, 14:19
  4. مشاركات: 4
    آخر مشاركة: 16-07-2008, 21:08

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •