تقييمكم لبطاقتي

**mody73** · 02-06-2010, 13:49

يا جماعة لو سمحتم عايز رأيكم في الكارت بتاعي اللي لسة شارية من يومين وهو xfx4650 هل الكارت دة محترم وهل مستقبلة يوصل لحد فين كدة مع الالعاب الحديثة مع العلم اني مش بهتم بالفريمات وكدة اهم شيء هيشغل العاب 2010 و 2011 علي الميديم ولا لا وشكرا لكم

**S@M** · 02-06-2010, 14:55

الكرت كويس ...بس يعتبر من الفئات القليلة حاليا ...

كان الآفضل انك تزود وتشترى 4770 ...او 5670 ...لو كان فى ميزانية تسمح

**mody73** · 02-06-2010, 15:00

المشاركة الأصلية كتبت بواسطة S@M

الكرت كويس ...بس يعتبر من الفئات القليلة حاليا ...

كان الآفضل انك تزود وتشترى 4770 ...او 5670 ...لو كان فى ميزانية تسمح

شكرا حضرتك بس الميزانية مسمحتش اعمل ايه بقا المهم هل هيشغل الالعاب لسنة 2010 2011 ولا مش هينفع وشكرا لاهتمامك

**fahd_628** · 02-06-2010, 15:12

بص ان شاء الله حيشغل الألعاب بس لازم تقلل الريزولوشن و الأعدادات

**mody73** · 02-06-2010, 15:26

المشاركة الأصلية كتبت بواسطة fahd_628

بص ان شاء الله حيشغل الألعاب بس لازم تقلل الريزولوشن و الأعدادات

حضرتك تقصد اعدادات الالعاب ولا اعدادات الشاشة انا عندي شاشة 17 بوصة lcd

**fahd_628** · 02-06-2010, 17:22

لأ انا اقصد اعدادات الألعاب

تقريبا حتخلى كلة ما بين ال Low و الميديام

**Extreme2** · 02-06-2010, 21:17

كان ممكن 4670 على الأقل أخي , وفرق السعر بسيط .
ولألعاب 2010 2011 ستحتاج لبطاقة أقوى طبعا .

**Coolman4now** · 02-06-2010, 21:38

- أتعجب ممن يتسائلون عن أمكانية كارت كذا تشغيل ألعاب سنة كذا وكذا!

- الكارت مهما كانت قوته ، قد تصدر لعبة يعجز عن تشغيلها حتى وهو جديد.

- لا يمكنك ضمان ذلك أبدا حتى أذا كان كارت الشاشة أحترافى.

**mody73** · 02-06-2010, 22:10

المشاركة الأصلية كتبت بواسطة Coolman4now

- أتعجب ممن يتسائلون عن أمكانية كارت كذا تشغيل ألعاب سنة كذا وكذا!

- الكارت مهما كانت قوته ، قد تصدر لعبة يعجز عن تشغيلها حتى وهو جديد.

- لا يمكنك ضمان ذلك أبدا حتى أذا كان كارت الشاشة أحترافى.

رأيك علي العين والراس وواضح من النجوم الكتير تحت اسمك انك بسم الله مشاء الله واحد من خبراء هذا المنتدي العملاق بس اخي الكريم نعمل ايه طيب الواحد بيشتغل ويطلع عينه علشان يحدث الكمبيوتر انا واحد من الناس باكاليريوس السنة دي وشغال علشان خاطر الكمبيوتر فا محتاج اطمن بس مش اكتر علي العموم ايه رأيك في الكارت بالنسبة للالعاب وياريت تقولي رأيك في الامكانيات اللي مكتوبة في التوقيع بتاعي لان رأي حضرتك يهمني وتقولي في المستقبل القريب اطور ايه ومطورش ايه واسف للاطالة

**mody73** · 02-06-2010, 22:14

المشاركة الأصلية كتبت بواسطة Extreme2

كان ممكن 4670 على الأقل أخي , وفرق السعر بسيط .
ولألعاب 2010 2011 ستحتاج لبطاقة أقوى طبعا .

ماهو حضرتك مش فاهم انا اشتريتة من احد الاقارب بسعر قرايب انت فاهمني طبعا علي العموم الكارت يشغل كل الالعاب الحديثة التي صدرت حتي الان ولا لا علشان لو لا ابدأ احوش وامري لله