تقرير عن اول شاشة LED فى الاسواق - BenQ G922HDAL

[mido_mashakel]

بناء على طلب الاخوة الاعضاء
أقدم لكم تقرير بسيط عن أحدث شاشات BenQ فى السوق
و هى BenQ G922HDAL

صفحة الشاشة
https://www.benq.com/products/LCD/?product=1588

سعر الشاشة
660 جنيه

المواصفات
Display: 18.5
Resolution: 1366x768
Contrast Ratio: 1000:1 (DCR:5,000,000:1)
Response Time: 5ms

Viewing Angle: 170 / 160 (CR>=10)


صور الشاشة



للاسف انا معنديش افلام HD
بس دى صورة لفيديو من الYouTube شغال على 720p



و دى مقارنة للفيديو ده بينها و بين شاشة اللاب توب بتاعى Toshiba Satellite A200





و دى صور من مسلسل Lost







و دى من فيلم The Pink Panther



و دى من The Night at The Museum



و دى من الTV Box



للاسف مفيش صور للالعاب عشان انا جايب الشاشة عشان الميديا اكتر
بس قريب ان شاء الله حاجيب وصلة الاكس بوكس و اجربه عليها و انزل الصور

مميزات الشاشة :
- الوان الشاشة رائعة جدا
- افلام ال720p تعمل بشكل رائع
- الشاشة خفيفة جدا
- حجم الشاشة صغير و مناسب لغرفة صغيرة او جهاز شخصى

عيوب الشاشة :
- عدم وجود منفذ dvi ( الموديل المتوفر بالاسواق يحتوى على vga فقط )

[hack4love]

رائع مبروك عليك

[sir.7atem]

تقرير ممتاز الف مبروك علي الشاشة الي الامام دوما
تحياتي و تمنياتي بالتوفيق

[HAMADA2232313]

الف مبروك الشاشه يا باشا

وهل فعلا فرق الالوان بين ال led , وال lcd كبير

يعنى الفرق يستاهل الانتظار شويه عشان اجيب شاشه led 23 inch

[ashraf_shivo]

جزاك الله خير عن التقرير
ولكن هل فعلا الفرق ملحوظ بينها وبين الlcd

[mido_mashakel]

اولا .. شكرا على المرور و نورتوا الموضوع يا جماعة

بالنسبة لموضوع فرق الالوان .. انا كنت حاططها جنب شاشة LCD عادية
فرق الالوان فى الفيديو ال720p مكنش ملحوظ قوى
لكن الفرق مثلا فى حاجة زى مسلسل Lost كان كبييير جدا .. كنت حاسس انى اول مرة اشوف المسلسل

[Dr.a7med]

ألف مبروك علي الشاشة

بس ممكن توضح الفرق ازاي بان في المسلسل و كانت نسخة المسلسل ايه
و رأيك الواحد يستني LED ولا يجيب LCD و خلاص لأني عايز 24 أو 22 بوصة و مش عايز أقل من كدة

[mido_mashakel]

دى مقارنة بينها و بين شاشة BenQ E900W - 19 Inch
الشاشة LED على اليمين والLCD على الشمال



معلش ممكن تكون مش واضحة قوى عشان الكاميرا
بس عموما الالوان اوضح ..
و على فكرة .. الLCD انا موصلها على D-Sub برضه عشان ما نظلمش الLED فى المقارنة
بالنسبة لنسخة المسلسل .. انا مش عارف والله
عشان واخدها من واحد صاحبى .. بس هى النسخة اللى موجودة على مواقع التورنت .. اللى بتبقى حجم الحلقة 350 ميجا
اما بالنسبة لشراء الشاشة .. فأنا شايف انك تستنى احسن .. لان لو تلاحظ .. الشاشة سعرها فى range الشاشات ال19 كلها بالرغم من الcontrast ratio العالى بتاعها .. و بكده انت مش خسران حاجة
يبقى تستنى و تتوكل على الله و تجيبها لما تنزل ان شاء الله ...

[bika08]

شكرا Mido على التقرير و 1000 مبروك على الشاشة
و فعلا فرق الالوان واضح :rolleyes:

[wella1000]

مبروك يا معلم علي الشاشة

[HuLkY]

مبروك الشاشة

[Dr.a7med]

هي فعلا الألوان شكلها أوضح شوية
عموما أنا حنتظر شوية لحد ما الأمور تتضح شوية عن الشاشات الجديدة دي
و مبروك مرة تانية علي الشاشة

[stars_ramy]

انا مع كل اللي هيستنوا عشان يجيبوا الLED

لإن انا مجرب ال LED على الموبايل عندي فعلا الألوان بتحس إنها أقوى من الLCD

انا مش عايز أقول إن أنا بحول الأفلام وأشغلها على N85 عشان اتفرج عليها عشان هتقولوا ببالغ ^_^

بس فيه حاجة انا سمعتها ساعة ما اشتريت ال N85 هي إن العمر الافتراضي بتاع ال LED أقل من بتاع الLCD

مش عارف ده صح ولا غلط يا ريت اللي يعرف يقول

ومبروك عليك الشاشة

[mido_mashakel]

الله يبارك فيك ..

وبالنسبة لموضوع عمر الشاشة .. متقلش من الناحية
و ادى كلام واحد مختص من سامسونج على النقطة دى

LED TV screen life span:
"The lifespan of an LCD television depends on the life of its backlighting bulb. These bulbs are often rated to above 60,000 hours in regular fluorescent-lit LCD panels, whereas new LED-backlit televisions have expected lifespan of over 100,000 hours."

"Dan Schinasi, Sr. Marketing Manager, Digital Projection TV for Samsung Electronics America, notes that an LED light source presents a number of benefits that directly affect the consumer’s viewing experience. Besides those points noted above, there is 'a noticeably superior life-span—the LED light source lasts for the life of TV, as opposed to 60,000 total hours.' Consumers receive an additional economic lift because they won’t have to replace a lamp after two or three years of LED use, Schinasi says."

"The LED light source helps increase the panel life two fold compared to previous CCFL panels. The light source is also environmentally friendly because it uses no Mercury."

[mido_mashakel]

و بعدين حتى لو افترضنا فى اسوأ الظروف ان عمرها اقل .. فحيبقى 40000 ساعة
يا سيدي هاتها و شغلها ال 40000 و انا اجيبلك غيرها