بسم الله الراحمن الرحيم

السلام عليكم ورحمة الله وبركاته

______________________________

انا اسف جدا الموضوع ملقتلهوش أي مكان متخصص بيه غير هنا باعتبار انه القسم العام لأي موضوع

انا بطلب المساعده من كل المهندسين اللي في المنتدي باعتباري أخ أصغر ليكم فتساعدوني في قرار هام

انا في اعدادي هندسه جامعة حلوان بمصر وبأذن الله بكره بعد الامتحان مطلوب اننا نسلم استمارة رغبات القسم

والاقسام اللي المفروض اختار منها هي :-

1- هندسة الاجهزه الطبيه ( طبعا مستبعد اني اختارها ، لأنها لأصحاب تقدير امتياز وما اعلي )

2- هندسة الاتصالات والالكترونيات

3- هندسة القوي والالات الكهربيه

4- الهندسه الميكانيكيه
____________________________________

او ( لا افضل هذه الاقسام وخاصة انها في مكان منفصل عن الاقسام الاولي )

5- الهندسه المدنيه

6- الهندسه المعماريه

7- هندسة ميكانيكا باور

8- هندسة ميكانيكا سيارات وجرارات

________________________________

بصراحه انا في حيره من أمري ومش عارف احدد ادخل ايه وزي ما انتوا عارفين ده قرار العمر كله

فيارايت كل مهندس وخاصة ( اتصالات وكهرباء وميكانيكا ) يديني فكره عن قسمه
1- كان ايه مجال دراسته
2- مجالات العمل
3- وحضرتك بتشتغل ايه بالظبط ( ياعني مهندس كهربا بتعمل ايه في الكهربا )
4-وسوق العمل عالميا طالب ايه ، وفي مصر خاصة

انا عارف انه في ردودكم اكيييد حد هيقولي ادخل اللي بتحبه
1-اوك انا بحب صناعة الميكرو بروسيسور ( بروسيسور ، كروت شاشه ، مازربورد ) لكن اللي مخليني مش متحمس ان المجال ده في مصر مش موجود نهائي
، لأن شركات الهاردوير في مصر يادوبك بتعمل تجميع ، وعرفت ان مهندسي الاتصالات بيشتغلوا في IT وده مش حلمي خالص

2- كهرباء باور ودي اللي انا تقريبا متحمسلها بعض الشئ ، بس مش عارف انا هاشتغل ايه لما اخرج ، ياتري بتوع التمويين اللي بيعدوا علي المحالات
ويقيسوا قدرة التلاجات ويعملوا ضرايب للمحلات ولا اتعلق علي عمود نور واوصل اسلاك ( انا اسف يا بشمهندسين اكيد الكلام ده غلط ، فياريت حضرتك توضحلي )

2- ميكانيكا اللي عاجبني فيها قسم ميتا ترونكس لانه بيسمحلي اتعامل مع الألات ميكانيكيا وكهربيا والكترونيا


ياريت تردوا عليا باستفاضه واسف علي ازعاجكم