كيف ترفع سرعة جهازك (الجزء الأول)

[Danteroid]

السلام عليكم ورحمه الله وبركاته

الموضوع ده معمول للناس الي صاحبه القلوب القويه (اصحاب القلوب الضعيفه يمتنعون)

الموضوع من 3 اجزاء او اكثر كل جزء عن طريقه اوفر كلوك لمكون في الجهاز GPU CPU RAM

وازاي توصل لاقصي اوفر كلوك ممكن في جهازك

حنبداء دلوقتي بالفصل الاول من الجزء الاول وهوه

HOW TO OVERCLOCK YOUR INTEL CPU TO MAX - Part 1

الجزء الاول هوه مخصص للمعالجات من لسوكيت 775

نبداء بالاساسيات

1-Motherboard

الحصول علي لوحه ام جيده في كسر السرعه
اصحاب لوحات صاحبه شيب سيت ضعيفه تكون محدوده في كسر السرعه
اهم شيئ هوه قيم ال VDrop بعض لوحات الام يكون فيها نفص كبير في فولت عند التحميل

مثال

عند وضع فولت للبروسسور 1.40 من داخل البيوس
في لوحات الام الضعيفه يكون Vdrop عالي حيث يعمل البروسسور في الاصل علي فولت 1.30-1.344 وليس كما هوه مفروض اما في لوحات الام القويه يكون نسبه ال Vdrop قليله جدا وتتراوح علي المثال السابق من 1.380-1.392

طبعا في حاجه اسمها Vdrop Pencil Mod

ودي لل HardCore Overclocker وليها موضوع منفصل

2.Cooling System

ااااااهم حاجه اختيار كولر مناسب اذا كان هوائي امثال OCZ Vendetta 2- Coolermaster Hyper212+ -Coolermaster V8
او مائي امثال Gigabyte 3D Galaxy - H20

والمبردات دي متداوله وسهله الشراء والاستخدام

وممكن تجيب مروحه صغيره جدا من ام 3 جنيه عشان تبرد بيها NB
ليه عامل كبير في ثبات البروسسور

وحتحتاج مروحه زي دي



وعشان تركبه حتحتاج ده برده zip-tie



3-Memory

نوع الرام والتوقيت بتعها مهم جدا هوه الي حيخليك محدود في الاوفر ولا لا

وانتا بتشتري دور علي الرمات الي تحتوي علي التوقيتات التاليه

4-4-4-12
5-5-5-15

من افضل التوقيتات الممكنه حتي ازا كانت الرمات باص 800 او باص 1066 في الحالتين ممتازه

ويفضل ايضا ان تكون لها مبرد امثال OCZ Gold Muskin

4-Power Supply

اختيارك لبور صبلاي جيد من نوعيه جيده يضمن لك ثبات الجهاز بعد عمليه الاوفر كلوك

وانصح اي احد يفكر في الاوفر كلوك يكون البور صبلاي لا يقل عن 500 وات ويكون احد البورات الموثوق فيها OCZ HEC Thermaltake (محدش يجبلي سيره ماركه حماده بتشاءم)

5-Required Software

CPU-Z

Core Temp

Everest

HWmonitor

MemTest

موجودين هنا

6- Tweak Your BIOS Settings

Power Savings Options

حتقفل الابشنات دي في البرده مهمن كان نوعها فهيا موجوده

enhanced halt state او اختصارها C1E

CPU TM function

SpeedStep

(شويه ملحوظات قبل ما نكمل عشان صحه جهازه عامتا حتي لو مش حتعمل اوفر)

PCI Express Frequency خليه دائما وابدا علي 100 متخلهوش Auto خالص وحترجع للابشن ده بعدين

الفولتات محدش وهوه بيعمل اوفر يخليها Auto بعض لوحات الام بتدي فولتات عاليا جدا للرمات والبروسسور لو سيبتها علي Auto

اقصي فولت مستخدم لدقه تصنيع 65 نانو هيا 1.6 تبريد مائي 1.5 هوائي
اقصي فولت مستخدم لدقه تصنيع 45 نانو هيا في اي حاله من الاحوال 1.4

FSB Termination option الابشن ده خطر جدا يفضل تسيبه علي فولت 1.1 الي هوه الاستوك بتاعه ومتسيبوش برده زيه زي اي ابشن في فولتات Auto لان قلنا واحنا بنعمل اوفر انه خطر
لما حنحتاج نزوده ممكن ل 1.2 1.3 اخرنا خالص

الفولتات مرشحه للميوري مابين 1.8 الي 2.2 اقصي حد ممكن لاي نوع رام بعض الانواع تعمل علي 2.3 2.4 بس قليله جدا

قبل ما نكمل لازم

معرفه نوع المعالج واقصي درجه حراره وفولتيه للبروسسور للعمل 24 ساعه

حتخش الموقع ده الاول Intel Processor Spec Finder

حدور علي البروسسور بتاعك لغايت ما يطلعلك صوره زي دي



حتلقي فيها اقصي درجه حراره وفولت للعمل 24 ساعه (المفروض انك متعديش الفولتات ولا درجات الحراره دي)

هناك طرق كتير عشان تعلي بيها تردد البروسسور بتاعك

في ناس تعلي لغايت ميعرفو حيصولو لفين علي الفولت الافتراضي واذا احتاجو اكتر ممكن يزودو فولت

في طريقه بفضل استخدمها وهيا انك تعمل الفولت علي اقصي المشار ليه وتفضل تعمل اوفر لل FSB

لغايت ما توصل لاقصي تردد ممكن ثابت علي هذا الفولت بعد كده تقلل الفولت لغايت ماتعرف اقل فولت ثابت لاقصي سرعه انتي وصلت بيها علي اقصي فولت

طبعا لازم علي اقصي فولت تجرب درجه الحراره علي سرعه الافتراضيه للمعالج وتحط 8 -15 درجه فارق عن اقصي درجه حراره معا اختبار Prime يعني لو اخر درجه حراره 70 تعمل حسابك ان البروسسور ميعديش ال 60-55 مثلا لان لما تعلي التردد حينتج درجه حراره اعلي بس مش اعلي من انك تزود الفولت

ملحوظه (اختبار بريم هوه اقصي درجه حراره ممكن متشوفهاش في استخدامك العملي للجهاز لا تقلق ازا كانت درجات الحراره معا هذا الاختبار مرتفع لن ترتفع بهذا القدر عند استخدامك الجهاز اذا كان للعب او لاي شئ اخر)

ملحوظه( في اي حاله ترفع فيها تردد المعالج ضع الرمات علي سرعه الافتراضيه لها ولا تعدل علي قيم ال توقيت واجعلها Auto حاليا ده يؤثر علي ثبات المعالج بشكل كبير)

كده حاليا انتهنا من الابشنات الي لازم تعملها والحجات الي لازم تتجنبها وانتا بتعمل اوفر

دلوقتي في عمليه خاصه فقط ب HardCore Overclocker الي ميهمهمش حاجه خالص

Lapping Your CPU

Warrning:It should be noted that lapping your HS and/or CPU will void the warranty

العمليه دي للناس الي بروسسور بتعها خلص ضمان وعمليه خطره واعملها علي مسئوليتك متجيش تلومني

المواد المستخدمه

1-البروسسور طبعا
2-لوح زجاج مستوي
3-ورق سنفره حنحتاج بس 3 اوراق 400-800-1000
4-قطعه قماش ناشفه واخري مرطبه

فائده العمليه دي (عشان بس نعرف الناس ان ليها فايده مش حاجه ليس لها اهميه)

الفائده انك بتشيل طبقه النيكل الي علي البروسسور وفي الغالب تكون سبب في ارتفاع موقت للحراره وتوصيل ردئي بين قلب المعالج وسطح المعدني ومشتت والعمليه دي تقلل من درجه حراره من 7 درجات الي 12 درجه (حسب المعالج)
بعد سنفره ب ورقه 800



بعد ورقه 1000




ملحوظه (في بعض المشتتات ليس لها اهميه بعمل Lapping ليها لان بتقلل من كفئتها وممكن زيده فيها تؤدي الي تخربها عوضا ان فرق درجات الحراره سوف يكون من 2-4 درجات)

ده فديو لطرقه عمل لابنج للبورسسور هنا و هنا

ودي نتايج لواحد عملها




ودي نتايجي معا مشتت فنديتا 2 وQ6600

قبل




بعد




ملحوظه (في بعض الاحيان درجات الحراره لن تختلف في Idle ولكن سوف تختلف عند التحميل)

Best Way To applying Thermal pastes

طبعا هنا مش عايز اقولكو ان اختيار معجون افضل يجعل درجه الحراره اقل

الفرق بين استخدامك للمعجون المتداول او معجون احترافي هوه من 4 الي 8 درجات (علي حسب المعالج)
الفرق ده لو يهمك هات معجون احترافي في حاله قدرتك علي شراءه

في اي حاله من الاحوال طريقه وضع المعجون هيا اهم عمليه

في طريقه للمعالجات الاحاديه والثنائيه وهيا بوضع المعجون بهذا الطريقه (يمكن استخدمها لمعالجات رباعيه لكن لا تحقق المطلوب منها بشكل نهائي وفعال)






وطريقه اخري لجميع المعالجات (افضل طريقه لكن تحتاج لوقت حتي يتخلص المعجون من اي فقاعات هواء متسربه عند وضعه والوقت يكون من 5 ايام الي 14 يوم استخدام)

وموجوده في الفديو ده

[Danteroid]

BSEL MOD

هوه معناه ان ترفع من سرعه الافتراضيه للمعالج بتوصيل بنتين او اكثر ببعض او حجبهم عن سنون اللوحه الام

مثال

اذا كان معالج Q6600 بسرعه 2.4 باص 1066
عند توصيل البن كما بالصوره

يصبح بسرعه 3.0 باص 1333
بمجرد تركيبه في الجهاز

هناك بعض الملحوظات عند تعامل معا هذا المود
1-باص 1333 لن يعمل اذا كانت لوحه الام لا تدعمه ويعتبر اوفر كلوك للبروسسور وحيحتاج تعمله تجربه
2-هذه المود لا يدعم لوحات جيجا بيت لانها تعتمد علي CPUID ودي حركه غبيه جدا لان في بعض لوحات الام يتم تثبيت بها ان اقصي سرعه للمعالج 3.8 وهوه يستطيع تخطي ذالك
3-تستطيع استعمال البور سيفنج ابشنز الموجوده في لوحه الام

VID Mod

هوه انك ترفع من الفولت الافتراضي الي بيديه المعالج للوحه الام عشان يشتغل عليه
مثال
Q6600 لدي VID 1.2375
عند توصيل بين Pins كما في الصوره دي

يصبح فولت الافتراضي 1.4

وعند هذا الصوره

يصبح 1.45

الفكره من هذا الموضوع

بعض المعالجات تعمل علي فولتات منخفضه جدا وده افضل بس ده بيغير من Intel Spec Volts
وده في حد ذاته مهم
VDrop اقل اوفر كلوك اعلي

ملاحظه في حاله توصيل البنون غلط لن يعمل البروسسور حتي تشيل التوصيل او توصله بشكل سليم
لا تقلق لن يحرف المعالج الا لو وصلت نص البنون ببعض ولا حاجه :D

Load Line Celbration Option in High End Motherboards

من اكتر الابشنات الخطره جدااااااا جدا لاقصي الحدود
يكون هذا الابشن بخيارات الاتيه
AUTO ENABLE DISABLE

نصيحه

الي عامل اوفر كلوك او مش عامل اوفر كلوك يقفله لان في حاله لو حتي رفع التيمنج للرمات او الباص بتعها كما يحدث معا رمات باص 1066 سوف يعمل الابشن ده تلقائين مما يودي لزياده درجات الحراره لاصحاب مشتتات انتل او الغير احترافيه دون داعي

مزايه
يعطي فولت مباشر للمعالج كما يكون عند التغط بنسبه اعلي من الموضوع في الوحه الام
بمعني
عند وضع اعدادت لوحه الام علي فولت 1.400
يعطي بالفعل للمعالج 1.400 ثابتين لا ينقصون شئ
لكن عند الضغط يصبح 1.4125-1.4250

طيب ده شئ جميل اوي اوفر كلوك اعلي وثبات وكده
وهنا نيجي بقا لل
العيوب
طبعا عند استخدام الابشن ده يكون Intel Spec Volts دسيبلد
وده الخطر في حد ذاته
اعتقد ان كله مقتنع ان لما انتل تقول اقصي فولت هوه 1.55 يبقا انه في البرده تكون انتا عامله علي 1.55 صح؟؟
احب اقول انت غلطاااان
الحقيقه ان ده الفولت الي البروسسور المفروض ميعدهوش
يعني
لما تبقا علي اقصي تحميل ببريم مثلا او جيمز يكون ال Vdrop بتاعك 1.55 ميعدهاش
يعني في بعض لوحات الام عند اعطاء فولت 1.55 للمعالج تكون القرائه الفعليه للفولت هيا 1.50-1.488
وده Idle
عند التحميل تصبح من 1.4125 الي 1.4250
اذا انتا لسه موصلتش لاقصي حد امن للفولت
طبعا في حاله تشغيل LLC يكون الفولت ثابت ويزيد
نرجع تاني وايه الخطر لما Intel Spec Volts تبقا دسيبلد
حيصل حاجه بسيطه اوي اسمها Spikes

ودي حتتشرح في رسمين بيانيين

في حاله LLC Disabled

حيبقا في حاجتين Vdrop Voffset
وده الي بيخلي المعالج عند زياده الحمل عليه قلل من الفولت المستخدم بالفعل من نايحه قرائه لوحه الام
بمعني
انا عامل فولت 1.55
اروح اشوف قرايه البرده للفولت ده
حلقيها 1.48
هوه مش حيعدي الفولت ده خالص بسبب Vdrop
ولو وصله حيشتغل Voffset
يبقا كده انتا بتحافظ علي بروسسور بتاعكم من خطر ال Spikes

في حاله LLC Enabled

ايه الي حيصل لما ميبقاش في Vdrop or Voffset
بسيطه
الفولت حيزيد عن المعتاد ومفيش حاجه تمنعه انه يقل خالص
مفيش حد امان
بمعني
انا مدي فولت 1.55
في قرائه لوحه الام سوف يصبح 1.55
عند الضغط سوف يصبح 1.565-1.5725
وممكن معا استخدام الفولت يزيد عن كده
اصل ايه الي حيمنعه مفيش حاجه الكترونيه بيبقا الفولت فيها ثابت زي الرسم الي فوق
اذا حيوجهك 3 حاجات
انك بتعدي فولت الي انتل حطه وده خطر
انك بتدي البروسسور بتاعك فولتات زياده (بس دي ممكن تتعدل لما تديله فولت اقل)
لكن
ليه بالفعل الابشن ده ضااار جدا
SPIKES
انتا قاعد علي الجهاز في امان الله مبتعملش حاجه ولقيت الجهاز مره واحده وقف ساكت
معملش رستارت معملش اي حاجه هوه وقف وبس
الي بيحصل ايه
ان الفولت بيفضل ثابت
فابيحصل انه حيبقا فيه تشاطر
بمعني انا فولت 1.55 ممكن ازيد مره واحده ل 1.56 وارجع تااني
ده غلط
(تقليل عمر البروسسور بشكل رهيب اذا مكنش اتحرق معاك في فتره قصيره)
مثال للتوضيح
عند ضخ الماء في انبوبه ضخ ثابت بقوه ثابته
لن يكون الانبوب ثابت ويحاول التحرك يمين ويسار

خلاصه ان ده مجرد ابشن دعائي للشركات وانصح بشده عند محاوله تقليل من Vdrop استخدام PMod افضل لان لسه حيبقا في برده VDroop and Voffset
وده امان للمعالج من انه يتخطي الفولتات المسموح بيها

وعن تجربه شخصيه انا كنت ببقا انسخ دفدهات بس مبعملش حاجه اكتر من كده والجهاز كان بييقف وخلاص
معا انه ثابت بريم 3 ساعات وثابت في الجمز وكل حاجه
لكن Idle لا

ملحوظه يوجد معلومه ان بعض اللوحات بيها LLC تكون زي البنسل مود بمعني انه يقلل فقط من Vdrop ولا يلغيه للتاكد لازم ان الفولت يكون بيقل معاك
يعني انتا عامله علي 1.55 ومديك قرايه في لوحه انه 1.525 مثلا
وعند الضغط بيكون 1.54-1.53
في الحاله دي زيه زي البنسل مود لكني لم اجد اي لوحه بها هذا الخاصيه تعمل بهذا الطريقه

وكده تم الجزء الاول علي خير ان شاء الله ارجوك ان اكون افادكم وان شاء الله لو في اي حاجه انا ناسيها او عرفتها جديد حيتم اضافتها للموضوع
والي لقاء في

الجزء الثاني

ان شاء الله حيكون
عن لوحه الام وتعديل علي بيوس واضافه ابشنات له باحترافيه
كروت الشاشه اوفر كلوك ومشاكل وحلول
كيفيه استفاده باقصي سرعه من هارد ديسك لديك

[A-Bomb]

جميل يا دانتي...استمر

[محمد الجوهري]

ما شاء الله

موضوع رائع

قلبك جامد يا ضانتى , عملت Lapping لل Q6600 .. ما شاء الله

[HaMsiK]

شئ جميل انا مستني منك اوفر كلوك لي GPU لانه نفس متاعي:D

[HuLkY]

ممتاز دانتى , معالج معمول له Lapping معرفش الحوار خطر شوية! حجرب فى ال 710 بتاعى فى حال توفر مال لل 1055 ومروحة محترمة لتجربة ما قبل وبعد ال Lapping , ميرسى على الموضوع الجامد

[Mshadow.me]

شكرا علي الموضوع دانتي

مستني الباقي

[Mr. Nova]

موضوع ممتاز
وفي انتظار التكملة

[doom waleed]

ألف شكر موضوع رائع وفى انتظار الباقى

[I-IEMA]

يا مساء الـ lapping :D

انا شوفت صورة البروسيسور تفاجأت ,,
عندى بروسيسور p4 socket 478 "بايظ" , و ماقدرش اعمل الحركة دى عليه :p

موضوع شكلــــه جاااامد , و حطيته فى الـ bookmark لحد اما اصحى له

[తో Mezoo తో]

مجهود يستحق التقييم
كنت عايز اعرف ايه افضل المشتتات الحراريه في مبلغ 300 - 400 جم

[Libya 7urra]

جزاك الله خيرا

[EL-MARIACHY]

مافيش حاجه لل AMD 955???

[S@M]

الموضوع تحفة وهيفيد ناس كتيرة جدا من هواة كسر السرعة

يفضل نقلة الى قسم كسر السرعة وتثبيتة هناك

طبعا يستحق التقييم

[RRM]

موضوع اكثر من رائع
وبانتظار المزيد
تم التقييم