مواصفات جهازى عاليه جدا جدا لاكن بطىء فى كل شىء؟

[khalilo_1991]

لو مش مركب فلوبي أدخل على البايوس و إقفل خيار الفلوبي

[ميدو سات نت]

احنا هنفصص الجهاز واحده واحده بص يا باشا
اولا الحاجات اللى هنستثنيها بره الموضوع كالاتى
1- الهارد : ليه لانك قولت انك جربت تشغل الجهاز من غيره وكان بنفس البطىئ وانا مش مع الكلام اللى بيقول ان عشن الهارد جرين او الحاجات استحاله انا مشغل عندى ويندوز سفن على هارد سىى جيت 5400 لفه /دقيقه مساحته 30 جيجا عندى من ايام ما قولنا يا اجهزه فى 2001 تقريبا
2- الباور: لانى شايفه انه كويس وكافى جدا الا لو كان مش اصلى بقى او موضوع 600 وات ده نصب ومكتوب عليه وخلاص وحتى لو نوع تجارى مش هيبطء الجهاز بالشكل الفظيع ده كنت هتلاحظ شوية حاجات تعلق او تهنج لكن بطئ بس لا مش هيحصل
3- البروسيسور: لانه صعب جدا برضه يؤدى للبطئ الفظيع ده حتى لو كان متحمل عليه 100% الا لو جهازك بيرستر لوحده يبقى عندك مشكله فى التبريد بتاع البروسيسور وبيسخن لحد ما البورده تفصل
الحاجات بقى اللى اعتقد والله اعلم هى سبب البطئ ده:
1- المذربورد : ممكن يكون فيها مشكله جرب انك تحدث البيوس بتاعها لعل وعسل ربنا يفك ازمتها
2- الرامات: برضه ممكن يكون فيها مشكله
يبقى الحل ايه
جرب تستلف رامات حد من صحابك وتشوف هل فى فرق ولا وراجع كمان موضوع الفولت بتاع الرامات ايه نظامه
جرب تحدث ملف البيوس وتشوف؟
مفيش فايده يبقى تفك جهازك حته حته وتجربه على مزربورد بتاعة حد تانى

بص مش عايز ادوخك بس انا لو مكانك كنت همشى بالتسلسل ده اكيد المنتدى فى جبراء كتير يقدرو يفيدوك اكتر مننى
هذا والله اعلم

والله انت بجد فاهمنى طيب بص لو انا عايز ارجع اعدادات المزربورد اعمل ايه
او احدثها
وشكرااا

[invisible tiger]

والله انت بجد فاهمنى طيب بص لو انا عايز ارجع اعدادات المزربورد اعمل ايه
او احدثها
وشكرااا

لو قصدك تراااااجع اعدادات البيوس فدى مش هقدر افيدك فيها عايز حد يكون عنده بورده زى بتاعتك او شبيهه ليها وانا للاسف 95% من البوردات اللى اتعاملت معاها اسوووووووووس مش قصدى اعقدك من جيجابايت ولكن انا مش خبير فيها
اما لو قصدك ترررررررجع فده بسيط وساهل تقدر طبعا تدخل على البيوس عن طريق انك تدوس ديليت فى بداية تشغيل الجهاز بعد ما يفتح على طول ومنها تختار restore default settings وتشوف هل اداء الجهاز هتغيير ولا لا ما اتغيرش يبقى تدخل على على موقع جيجا بايت وتحمل احدث بايوس نزلت للبورده بتاعتك وتحملها عالبيوس بتاعك اكيد فى طريقه فى جيجا بيات لتحديث البايوس من غير الدخول على الويندوز انا عندى فى الاسوس بعمل الموضوع ده بكل سهوله ولو معرفتش فى اعضاء كتير هنا محترفين فى البوردات الجيجا بايت يقدرو يفيدول فيها
والسلام ختام
هذا والله اعلى واعلم

[ابو المحاسن]

بص يا أخى الاحتمال الاكبر من البور سبلاى ممكن تجرب عند حد يكون عنده بور 500 فعلى

[السوافيري]

الهاردات الجديده يجب ان تقسم باسطوانه ويندوز 7 فقط.
قسم الهارد من جديد وان شاء الله المشكله هتتحل

++++++1

اعمل بوت من اسطوانة وندوز 7
وقسم الهارد ونزل 64 بت
وشوف الفرق

[xman_1020]

يا عم لو عاوز ترجع اعدادات البورده
بكل بساطه
افصل الكهربا عن الجهاز كلووووووووو

و شيل البطاريه من المذر بورد لمده دقيقه و حطها تانى
هتيجى تفتح تلاقيها ابيض يا ورد
كل حاجه رجعت لاصلها حتى الوقت و التاريخ

فى حاجه تانيه اسهل

لدخل على صفحه الاعدادات بتاعت البورده
هتلاقى فى الصف اللى على اليمين
restore to defaults
او يعنى حاجه شبه كده
ادخل عليها و انتر و انتر كمان
و
f10
انتر
هتلاقى الجهاز رستر و فتح تانى و هتلاقى كل الاعدادات رجعت لاصلها ما عندا الوقت و التاريخ



شوفت بسيطه ازاى :D

[setup]

الحل بسيط

نزل وندوز 64 بت

او رجع الهارد وهات هارد 32 بفر

[bits&bytes]

بالنسبة لبطء تنزيل الوندوز فعانيت من نفس المشكلة وكان حلها بالدخول الى ال bios وعمل disable لل floppy drive.

أما بالنسبة لبطء الوندوز نفسه فيا أخي الكريم أنا عندي جهازين وكلهم منزل عليهم وندوز 7. الجهاز الثاني مواصفاته هي core2quad 9550 4GB ram وكرت شاشة 5850 والوندوز للأسف منزله على هارد جرين 500GB والجهاز بطيء جدا جدا جدا.

[ميدو سات نت]

الف شكر يا جماعه على اهتمامكم ان شاء الله هرد عليكم بعد ما اجرب الحلول دى

[gran]

اذا عندك هارد قرين او بلو يمكن ماتلاحظ الفرق الملموس

المشكله في التقسيم 100% مشكله شائعه قسم الهارد من windows 7 واستمتع

[dragon-tiger]

الحل كما قال الاخ الفاضل وهو العمل ببرنامج wd align ولو الهارد عندك مليان هياخد وقت كتير شويتين
والبرنامج ده ويسترن ديجيتال بتكتبه على الكيس اللى بييجى معاه الهارد ال640 والتيرا

wd align

[maher ahmad]

عانيت من نفس المشكلة
وكان السبب من الرامات , وكان
الحل أني دخلت على البيوس
وعدلت الفولت حسب المكتوب على
الرام , وبعدها كل شي تمام.
هذا والله أعلم .

[scorpioncity]

بوس يا سيدي انا عندي نفس مشكلتك
بس انت ارحم من بكتير انا عندي الجهاز بيفتح في عشر دقايق
واجارك الله بعد مايفتح عشان تفتح صفحة براوسر او ماي كمبيوتر
شلل اطفال مع العلم ان كان شغال طلقة بس مرة واحدة توفي بدون سبب معلوم
نزلت عشرين نسخة ويندوذ وبرضو مفيش فايدة اخر مازهت جيت في مرة
قلت اغير مكان الرامات عكستهم الجهاز مقامش اصلاً رحت مسحهم بأيدي
عادي كدة وبعدين ركبتهم في نفس المكان الأولاني وفجاة لقيت الجهاز فتح في عشري ثانية
تقريباً وسرعة نسخ الملفات وصلت 53 ميجا في الثانية وفضل الجهاز شغال اربع ايام معايا صاروخ
وبعدين اتحرك من مكانه ورجع مات تاني
المهم المشكلة دي سببها الرامات وخاصة رامات الكينجستون لأن النوع ده
غير متوافق مع الماذربوردات الجيجا بايت وبيحصل كونفليكت بينهم
جربت تعمل ذي ما انا عملت انا حسيت لما شيلت الرامات ومسكتهم
كأنهم كانوا اخدين كهربا زيادة وفرغت شحنتها في ايدي
علي اي حال جرب الموضوع ده وقولنا لو تقدر ترجع الرامات دي او تبدلهم
اشتري نوع اسمه كروسيير ده رقم 1 في العالم وسعره فرق بسيط بينه وبين الكينجستون
4 جيجا بــ 420 جنيه والباص بتاعها 1600 مش 1066
ودا شكلها تحفة




يا ريت تجرب وتقولنا ايه النظام

[يونس محمد]

هاي المشكلة صارت معي على نفس البوردة حدث البيوس وانشاء الله تنحل كل المشاكل

[haitham010]

اقولك على الحل ان شاء الله
أولا هتلاقى فى الهارد جمبر شيله خالص
ثانيا بوندوز 7 عيد تقسيم الهارد ونزل عله النسخة وهتشتغل معاك تمام

ملحوظة الجمبر بتحطه لما تيجى تنزل xp بس عشان كدة كانت مشكلتك وجود الجمبر وطالما هتنزل نسخة7 شيل الجمبر ده خالص من الهارد وعيد تقسيم الهارد بوندوز 7 ونزل النسخة