النتائج 1 إلى 5 من 5

الموضوع: مواقف طريفة في اسواق الكمبيوتر

  1. #1
    عضو الصورة الرمزية hady arafa
    تاريخ التسجيل
    May 2010
    المشاركات
    132
    معدل تقييم المستوى
    8

    مواقف طريفة في اسواق الكمبيوتر



    بسم الله الرحمن الرحيم

    دي شوية طرائف حقيقية حصلت في اسواق الكمبيوتر .. وبجد دي حقيقية مش نكت .. اتمنى انها تعجبكو زي ما عجبتني وانا بسمعها من الناس اللي في المولات :

    الموقف الأول

    واحد دخل يتفرج في محل على كيسات كمبيوتر ، وفضل فترة في المحل .. وبعد حوالي عشر دقايق سال الراجل الموجود: الكابينة دي بكام؟:D

    الموقف التاني
    واحد دخل المول هو وصاحبه ايام ما كان MP4 لسه جديد ، بعد ما دخل المحل سال : انت عندك MP5 ؟؟ الراجل استعجب جدا من السؤال ومعرفش يرد .. فصاحبه غالبا كان دماغه عالية شوية ، فرد على الراجل وقاله : مالك مستغرب اوي كده ، انا عندي في البيت MP 6 !!:D

    الموقف التالت
    واحد كان لسه مجمع الجهاز من كم يوم عند شركة ... دخل على الراجل هو وابنه وشكله خايف جدا وبيقوله: انا من ساعة ماخدت الجهاز والويندوز مش شغال .. مهندس الصيانة خده وبص عليه .. رجع قاله : الويندوز وقع ، الراجل مسك الواد وضربه قلم وقاله :وقعت الويندوز فين يا حمار ، وقال لمهندس الصيانة :والله انا جاي طول السكة شايل الكيسة كويس ومفيش حاجة وقعت مني:D

    الموقف الرابع
    واحد دخل على شركة صيانة وقال للمهندس: درج الشاي مكسور .. المهندس قعد ساعة يعرف فين الدرج دا بتاع الشاي اللي في الكمبيوتر ، الراجل قاله: انتو شكلكو شركة مش فاهمة ، وقام فاتحله درج السي دي روم وبيقول لمهندس الصيانة:ها عرفت فين الدرج؟؟،امال بتوع صيانة ازاي؟ بحط الكباية هنا وقفلت فتكسر :D

    الموقف الخامس
    شركة جمعت جهاز لعميل ، وبعد ما خلصو العميل سأل: في العاب وافلام ولا لا؟ رد المهندس: لا للاسف معنديش ، بس ممكن حضرتك لما توصل النت تقدر تنزل منه افلام والعاب ، والعميل مشي .. بعد 4 ايام رجعلو وقال: جهازكو مش شغال ، سالو المهندس ليه يا فندم ، اهو شغال كويس جدا، قاله من ساعة ماشتريته ووصلت النت دخلت في رابع يوم سايب الكيسة شغالة ومفيش ولا لعبة نزلت!!:D

    الموقف السادس

    واحد دخل على عرض اجهزة شركة MSI وقعد يتفرج على الاجهزة المعروضة ، وبعدين دخل على الناس الموجودة وسالهم : وعلى كده الكيسة الشفافة دي بكام؟ بس ياريت احسن سعر عشان ملفش كتير..:D

    الموقف السابع
    واحد اشترى راوتر وايرلس من شركة ، بعد ماقتنع ان الراوتر الوايرلس احسن لانه من غير سلك .. رجعه تاني يوم ولما المهندس ساله : قاله النت مش شغال ، المهندس قعد يساله عن الشركة اللي هو معاها وكده ومش عارف يوصل لسبب .. بعدين ساله ممكن سيادتك تقولي انت وصلته ازاي؟ .. قاله : عادي جدا طلعته من العلبة وحطيته فوق الكيسة ، قاله : من غير اي وصلات خااالص؟ قاله الراجل: اه ولا انت بتكدب، مش انت قايل انه بيبقى من غير اسلاك!!:D

    اتمنى تكون المواقف دي عجبتكو زي ما عجبتني .. ولو في حد عنده مواقف زيها حصلت فعلا يا ريت يقولها عشان الضحك يحلو وبدل الضحكة .. ضحكتين ..:D:D
    Always help people to find them when you need their help.....Sokrat


  2. #2
    عضوية جديدة
    تاريخ التسجيل
    May 2010
    المشاركات
    8
    معدل تقييم المستوى
    0

    رد: مواقف طريفة في اسواق الكمبيوتر

    هوا الكلام دا كان سنة كام بالظبط ......؟؟

  3. #3
    عضو الصورة الرمزية hady arafa
    تاريخ التسجيل
    May 2010
    المشاركات
    132
    معدل تقييم المستوى
    8

    رد: مواقف طريفة في اسواق الكمبيوتر

    من ايام الاكواخ والكهوف :D:D
    Always help people to find them when you need their help.....Sokrat


  4. #4
    عضو برونزي
    تاريخ التسجيل
    Oct 2006
    المشاركات
    4,303
    الدولة: United Arab Emirates
    معدل تقييم المستوى
    0

    رد: مواقف طريفة في اسواق الكمبيوتر

    او من ايام حرب التنك

  5. #5
    عضو
    تاريخ التسجيل
    Mar 2006
    المشاركات
    24
    معدل تقييم المستوى
    0

    رد: مواقف طريفة في اسواق الكمبيوتر



    ههههههههههههههههههههههههههههههههههههههههههه

المواضيع المتشابهه

  1. اخبار واسعار الهواتف في اسواق الاردن
    بواسطة MOSAHADIDI في المنتدى الهواتف العام
    مشاركات: 29
    آخر مشاركة: 27-02-2017, 23:37
  2. طريفة تشغيل الكمبيوتر على التلفزيون
    بواسطة ماشي حالي في المنتدى مشاكل الحاسب وحلولها
    مشاركات: 2
    آخر مشاركة: 03-01-2010, 22:22
  3. اسعار بطاقة 5870 في اسواق اوروبا
    بواسطة !! NoMeRcY !! في المنتدى الأرشيف
    مشاركات: 30
    آخر مشاركة: 13-11-2009, 15:53
  4. سكانر متطور جدا فى اسواق الشرق الأوسط
    بواسطة hamada_hotline في المنتدى الأرشيف
    مشاركات: 4
    آخر مشاركة: 05-08-2009, 13:34
  5. مواقف طريفة من حياتنا ....
    بواسطة شلاع العتر في المنتدى الأرشيف
    مشاركات: 6
    آخر مشاركة: 20-04-2009, 20:22

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •