كفاية حرام الى بيتعمل فية دة ارجو الدخول

[Damage]

عايز اعرف لية النت بيتظبط من الساعة 4 الفجر لحد 3 العصر وبيبقى كويس جدا :mad::mad::mad:
وبقيت الوقت تصفح بطئ و(ping ) عالى جدا ومش بعرف ادخل على الالعاب الاونلاين ولو دخلت ال(ping ) بيبقى عالى جدا انا خطى 512 TEDATA مشترك قديم فيها المشاكل كلها حصلت تقريبا من 5 شهور
وادى صورتين عايز افهم اية الى فيهم
الاولى فيها الدونلود والابلود بس الارقام هى الى محيرانى والتانية كلة صح ماعدا واحدة فيها خطا مستنى العباقرة

[yasserxpnew]

ياعمى دى مشكلة ان شاء الله بسيطة هتتصل بخدمة العملاء

وهتقول الاتى انا عندى شوشره على الخط بتاعى ممكن تبعتولى حد فى السنترال يغيرلى البورت

طبعا بعد ما تتاكد من الاتى

1- الاسبلتر اصلى يفضل net gear
2- خط التيلفون مفيش خطوط طالعة منة بره الاسبلتر يعنى مفيش كذا فيشة او تليفون
3-خط التلفون بتاعك مش معدى جنب تكيف او فى قطع فى الكابينة تحت وا شكرتون ملفوف صدى
4-كابل التليفون يفضل يكون جديد من الكابينة للبيت عندك
5-ممكن تعمل تحديث للراوتر (حصلت معايا فى linksys)

وشكرا.....

[eng.agamil]

السلام عليكم ورحمة الله

اخي العزيز

انت خطك عليه noise عاليه
وده ظاهر من ال SNR اللي موجوده في الصورة الاولي
لانها كل متقل عن 25 يكون افضل

انما كفاءة الخط اللي ظاهرة attenuation دلوقت في الصورة فباين انها الي حد ما معقولة
لانها كل مزادت عن 40 او 45 كل ميكون احسن

طيب يعني ايه ال noise عالية
يعني ان في اسلاك كهربا او دش معدية جمب سلك التليفون العمومي


طيب كفائة الخط في الحالة التانية يبقي كويسة ازاي
تبقي كويسة لو مفيش لحامات في الخط
والسلك العمومي متأرج علي طول والاحسن ميكونش في روزيته
وممكن الاسبليتر نفسة يكون في مشكلة فانت تشيله وتجرب من غيره وتشوف ال attenuation لو اتحسن يبقي الاسبليتر هو سبب المشكلة

انما لو نفس المشكلة يبقي تكلم خدمة العملا

[yasserxpnew]

انما كفاءة الخط اللي ظاهرة attenuation دلوقت في الصورة فباين انها الي حد ما معقولة
لانها كل مزادت عن 40 او 45 كل ميكون احسن

على ما اعتقد انك تقصد العكس سيدى

انا عندى DSL Attenuation: 10.0 dB.
وده كويس جدا وكمان بعتمد على المسافة بين اليت والسنترال


Down up
DSL Noise Margin: 31 dB 31.0 dB
DSL Attenuation: 10.0 dB 25.5 dB
DSL Transmit Power: 19.2 dBm 11.9 dBm

الحالة دى والخط تمام اوى

[Damage]

بجد شكرا ليكوا قوى على الردود
بس عايز اعرف لية كل حاجة بتتظبط بعد الفجر لحد 3 العصر والنت بيكون حلو قوى
وكمان انا الاسلاك كلها تمام يعنى مش مقطوعة او متلحمة وتقريبا السنترال قريب عن البيت (انا تبع سنترال عين شمس)
ولما بفتح اللعبة بعد الفجر ال(ping ) بيكون 200 ودة كدة ممتاز جدا بس من الساعة 5 العصر لحد الفجر بيبقى 2500 وفى الصورة التانية لية كلة مدى صح ما عدا واحدة مدية خطا ممكن اعرف هى عندى بس ولا عندكوا برضة