هل تصدق المواطن المصري = 10 ملايين جنيها مصريا

[M Z]

ربنا يعدل الاحوال ياغالي ويوفقك في سعيك ورزقك ..

صدقني غير كل اللي قولته فوق ده .. مش دايماً الفقر او البطاله او الماديات عموماً سبب من ضمن اسباب الهجره ..
على الأقل بالنسبه لي ولنسبه كبيره جداً من الشباب المصري ..
السبب الحقيقي " حياه كريمه " بعيداً عن الماديات او بجانب الماديات ..

ليه بقى بقول كده ..
لإني مثلاً انا واحد من الشباب مش بفكر التفكير ده بسبب بطاله او ماديات او غيره ..
لإني ولله الحمد اولاً واخيراً احسن من ملايين غيري سواء كماديات او وظيفه جيده في مؤسسه ماليه عملاقه ..
والحمد لله بحمد ربنا على حالي اللي احسن من ملايين غيري ..
وفيه ناس كتير جداً وشريحه كبيره من اللي معاهم اللي يعيشهم في بلدهم لكن برده عايزين يهاجروا
لإن قيمة الإنسان وإنك تتعامل كإنسان اغلى من كل اموال الارض ..
ده حتى لو كنت معدوم او متوسط الدخل في اي مجتمع راقي ومتحضر
على الاقل هتلاقي ناس تضحك في وشك وشرطه تاخد بإيدك وتساعدك ومؤسات حكوميه محترمه ومعامله آدميه
وهتلاقي ناس بتخلص بجد في شغلها وناس مصلحتها على مستقبلها وكله شغال بجد علشان يفيد نفسه ووطنه ...

المهم إن السبب مش دايماً ماديات ..
لكن بفكر كده لإني محتاج اعيش إنسان .. اتعامل كإنسان والاقي مجتمع يعاملني على الاساس ده
مش عايز اعيش في مجتمع احقر ما ينظر إليه هو الإنسان .. واحقر ما يملكه هو الفرد وآخر شئ يفكر فيه ..
لإني زي ماقولت قبل كده ربنا خلقتي إنسان وكرمني .. ومش هاقدر اعيش إلا كـ " إنسان " ..
ودي الحاجه الوحيده اللي مهما عملت وتعبت في البلد دي مش هاقدر احصل عليها

[S.O.S]

سوال للباشا الاستاذ المحترم المبجل المعزم المفخم
الطيار عدلي حسين
ايه الأحصائيه الي وضحت لسيادته تكلفه المواطن المصري علي البلد
1- هل هما المواطنين من فئت سعادته من الوزراء وحاشيه البلاط والسيراميك وتكلفه الشيكولاته السويسريه والورد والاكل المستوردين بالطائره وتعليم الباشوات الصغنين في مدارس اجنبيه في الخارج
2- علي ترويق مكاتب سعادتهم و الاكر الذهبيه لأبواب سعادتهم والجاكوزي والعربيات ال مارسيدس والقصور والفلل ومنتجعات مينا 5 ومارينا وسارينا
3- ولا المواطن المصري المطحون الي بيمشي يلم الزباله من الشارع الي قال عليها عزوز باشا -( احمد عز بيه )- عاوزين تعرفوا الثراء والنعيم الي فيه المواطن المصري بصوا للزباله الي في الشوارع
انهو مواطن من دول الي بيكلف حكومتنا الالكترونيه عشره ملايين لحلوح مصري

[Mshadow.me]

عارف اني بشوف هنا شباب مصري بيصعب عليا وقسما بالله اني في يوم بكيت على حال واحد منهم

تعتمد يا باشا

أنا لو حسافر أغسل أطباق و لا أمسح أرضية و أنا معايا بكالوريوس و لا ماجيستير (أن شاء الله) يبقي خليني قاعد هنا أحسن

أنما لو حسافر أشتغل في المجال بتاعي حتي لو حبتدي من أول السلم يبقي مش حقعد و لا دقيقة في البلد دي

و مش حقدر أقول أكتر من اللي قاله MZ , كلامك معبر يا مان

الكرامة و الأمن مش حاجة الواحد ممكن يتخلي عنها بسهولة عشان يعيش في البلد دي

ملاحظة أخيرة: لو المواطن المصري فعلا يساوي 10 مليون كانت الحكومة باعت كل مواطن بالحتة:D

[JUBA]

لا وانت الصادق مش بالحته ده هايتطع عشان يتباع بسعر اغلى

بس احمد ربنا ليك بلد مهما كانت بعيوبها وبقرفها وبحكومتها في الأخر بتقدر تقولي دي بلدي