النتائج 1 إلى 14 من 14

الموضوع: كمبيونيل واسعارهم الخاصه

  1. #1
    مشرف سابق
    تاريخ التسجيل
    Jul 2007
    المشاركات
    2,761
    الدولة: Antigua
    معدل تقييم المستوى
    137

    كمبيونيل واسعارهم الخاصه

    يا ريت الاستازه المشرفين ميشولوش الموضوع ده على الاقل لمده يوم واحد علشان الكل يعرف الاخوه الافاضل شركه كمبيونيل يعنى بصراحه الواحد مشفشى نظام وبائعين اسوء من الى عندكم هو حضرتكم مش المفترض تكونوا ملتزمين بالاسعار الى بتحطوها دى ولا مجرد انكم بس تخلونا ننزل من بيوتنا ونسمع كلام الناس الى نايمين عندكم فى الفروع الى معندهمش بريس لاست الواحد اتعامل مع محلات كتيره من المنتدى هنا محصلشى انى روحت عند حد قالى سعر اعلى من سعر المنتدى ولا قالى اصلى مش متابع فى حاجه اسمها برايس لايست المفروض بتبقى عند كل فرع وبتجدد على حسب الاسعار اسبوعيا مش اروح مره فى فرع المهندسين واسالى على 4850 الى هو عارضينوا ب 600 جنيه اسال الى شغال فى المحل يقلى 780 وبعدين يقلى ده احسن سعر فيه ولما احرجته وقلتله امال على المنتدى ب600 ازى قالى يمشى 600 وامبارح فى فرع السخاوى 2 المحل التانى الى قدام الحمام بساله على 4890 علشان كنت عايزه يقلى 1200 جنيه ولما بقله ازاى ده ب 990 يقلى بضحكه استهتار واستهزاء هو والى شغال معاه ده تلاقيه حاجه تانى ولام اكدتله وصممت بيقلى وانت مدايق ليه قلتله والله انت المفروض عارضين حاجتكم يبقى فى مصداقيه قالى الى عندك اعمله انت والمنتدى بتاعك والسعر الى عندى هو 1200 وهو ده الى هابيع بزمتكم مش قله ادب واستهتار يا ريت الاخوه بتوع كمبيونيل يتعاملوباحترام عن كده ويكون فى مصداقيه مش مشيها وهو الى ميعرفشى يضحك عليه واقسم بالله هو ده اللى حصل وياريت ياريت الاخوه الاعضاء ميشلوش الموضوع كمان علشان ده تحذير علشان محدش يحصله زى ما حصل معايا علشان انا كان معايا ناس واوعدتهم بكرت ليا وليهم وفى الاخر طلعت من المحل كان نفسى يكون معايا حد من المشرفين علشان يشوف اسلوب قله الادب انا عمرى ما شوفت بصراحه كده بعد ازنكم ليوم واحد بس

  2. #2
    عضو فضي
    تاريخ التسجيل
    Apr 2009
    المشاركات
    734
    الدولة: Egypt
    معدل تقييم المستوى
    26

    رد: كمبيونيل واسعارهم الخاصه

    الكلام ده خطير جدا ومحتاج حد من كمبيونيل يرد عليه بسرعة علشان مصداقيتهم عند الاعضاء والمنتدي تكون فاعلة ....وشكرا جدا لحضرتك من أجل تنبيه جميع الأعضاء لأن ده هو واجب كل عضو عنده احساس بالمسئولية تجاه المنتدي وأعضاءه......

    وفي انتظار الرد !!!!!!!:confused::confused::confused::confused::confused:
    سبحــــــــــــــــان الله و بــحــــــمــــــده
    سبحــــــــــــــــان الله الـعــظــــــــــيــم


  3. #3
    عضو برونزي الصورة الرمزية jacope
    تاريخ التسجيل
    Feb 2010
    المشاركات
    498
    الدولة: Egypt
    معدل تقييم المستوى
    15

    رد: كمبيونيل واسعارهم الخاصه

    السلام عليكم

    انا كنت عاوز اقول لحضرتك حاجة انا مش بدافع عن كمبيونيل بس اكيد كل شركة فيها موظفين مش كويسين لاني فعلا اتعاملت مع الشركة في 3 فروع وبصراحة الناس كانت معاملتهم محترمة جدا وفعلا كنت عاوز اشتري بروسيسور ورامات اللي عندي فوق ده ولما سالت عندهم لقيت السعر كان اغلي عشرين جنية عن بعض الشركات ومتساوي مع شركات اخري بس لما رجعت ليهم لاني اتعاملت معاهم قبل كده وواثق في ضمانهم الراجل فعلا تفضل مشكورا ونزلي المبلغ وقالي مفيش مشكلة في السعر وكان التعامل محترم جدا فا ممكن بس مش اكتر ان في بعض الموظفين المستهترين بسمعة شركتهم ومش محافظين علي اكل عيشهم والافضل طبعا لما حد يدخل من كمبيونيل علي الموضوع يعرف اسماء الناس اللي مش محترمة اللي اتكلمت معاك بالاسلوب الغبي ده ويبقي في اجراء معام لان دي سمعة شركة كبيرة وليها فروع كتير ولازم تخاف علي سمعتها والافضل انك كنت تعرف اسم البائع ده علشان يبقي يحترم اكل عيشو ويحافظ عليه

    وياريت طبعا حد من شركة كمبيونيل يدخل يرد علي حضرتك ويوضح وجهة النظر وباذن الله الموضوع ميتشالش غير لما نعرف الاجراء اللي هيتعمل

  4. #4
    عضو فضي الصورة الرمزية Lionel Messi
    تاريخ التسجيل
    Apr 2010
    المشاركات
    948
    الدولة: Egypt
    معدل تقييم المستوى
    14

    رد: كمبيونيل واسعارهم الخاصه

    الحمد لله انا من زمان ( حد الله ) بينى وبين كمبيونيل - وبصراحة كدة : الــ إنتل > إنتل

  5. #5
    عضو فضي
    تاريخ التسجيل
    Feb 2009
    المشاركات
    822
    الدولة: Egypt
    معدل تقييم المستوى
    0

    رد: كمبيونيل واسعارهم الخاصه

    انا الحمد لله اتعملت مع شركه موجوده فى المنتدى لو ينفع اقوله هنا اوكى هى ماجيك و الاسعار اللى على المنتدى هى اللى فى المحل و برضه شركه هاى اند لكن فى شركات اسعارها غير اللى كتبينه و فعلا سعر 4890 ب990 ده فى شى غلط على شان كارت محطرم و اعلى من 5830 و ده عامل 1400 اكيد هيا كانت جر رجل و المهم اشتريت من مجيك و كان فى عيب فى الرامات رحت غيرتها بعد يومين من الشراء كانت دون اى مشاكل

  6. #6
    مخالف للقوانين
    تاريخ التسجيل
    Mar 2010
    المشاركات
    105
    معدل تقييم المستوى
    0

    رد: كمبيونيل واسعارهم الخاصه

    لا طبعا الموضوع مش لازم يتمسح دا حق من حقوقنا على المنتدى انه يوضح العيوب للشركات الى مثبتها ومديها امتياز بالتثبيت
    ولاكن الى حصل مع حضرتك دا اسمو نصب...
    يمكن الى عامل الموضوع معندوش خلفيه عن الموقف الى حصل معاك ولاكن يجب عليه اخذ اجراء فى الى حصل دا مع الموظفين الغير محترمين الى اتكلمو بالاسلوب دا معاك
    ومع عدم الالتزام بالاسعار الى حاطينها ....
    المجرى الطبيعى للموضوع انه يدخل الى عامل الموضوع الرئيسى فى الشركه ويوضح سبب الى حصل دا ايه .. وانا بفضل انه يعتذر لان ايا كان السبب فا دا خطأ فادح منهم ويجب تحمل عواقبه ....
    والحمدلله ان حضرتك قولت لانى اديت بيانات الشركه دى لناس كانو هايجو من المنصوره مخصوص يشترو كمبيوتر كامل منهم بس الحمدلله
    تخيل بقا لو نزلو ومظبطين الفلوس على اد المبلغ الى معروض هنا ايه الموقف دلوقت ؟؟؟؟ كانو رجعوا تانى!!!!!

  7. #7
    عضو برونزي الصورة الرمزية Bloody Wolf
    تاريخ التسجيل
    Feb 2006
    المشاركات
    1,813
    الدولة: Egypt
    معدل تقييم المستوى
    50

    رد: كمبيونيل واسعارهم الخاصه

    منتظرين الرد من كمبيونيل
    [CENTER] [B][SIZE=3][URL="https://www.arabhardware.net/forum/showthread.php?t=234988"][/URL][/SIZE][/B]

    [B][FONT=Arial Black][SIZE=4][COLOR=DarkOrchid][IMG]https://j6.tagstat.com/image04/b/98cc/001_053-Vzc.gif[/IMG][/COLOR][/SIZE][/FONT][/B]
    [/CENTER]

  8. #8
    مشرف سابق
    تاريخ التسجيل
    Jul 2007
    المشاركات
    2,761
    الدولة: Antigua
    معدل تقييم المستوى
    137

    رد: كمبيونيل واسعارهم الخاصه

    والله يا جماعه انا الى خلانى اكتب الموضوع انى لما بنزل اسال على اسعار اى حاجه زى زى احد من هنا كلنا بنجيب الحاجه بالسعر ىالى بتبقى معروضه بيه لازم لما اى من منكم ينزل ويلاقى واحد بيقله فرق 210 جنيه فى كرت واحد لما تسمعوا كده مش يبقى الناس دى كده بتضحك علينا والى خلانى اتعصبت اكتر ان مش اول مره يحصل الموضوع ده حصل معايا فى فرع المهندسين جامعه الدول مول سفنكس الدور التانى والى شغال هناك اسمه عمرو حسن الفيقى سالته على 4850 من حوالى اسبوع بس قالى سعر كويس فيه اقسم بالله يمين اتحاسب عليه امام الله قالى 780 دى احسن سعر فيه قلتله هو حضرتك مش متابع اسعار ولا ايه قالى لا مش متابع هو عامل كام فى السوق قلتله مش فى السوق ابقى ادخل على كمبيونيل على عرب هاردوير وشوف سعره كام قالى هو بكام قلتله ب 600 قام قلى يمشى 600 دى كانت اول مره وبصراحه من الكلام الواحد قلق من المصداقيه علشان هو من اولها كده امال فى الضمان هايبقى النظام ايه وامبارح قلت اجرب اغير المهندسين خالص اروح بقى فرع السخاوى 2 دخلت اول محل اتين موجودين سلامو عليكم فى 4890 واحد قالى مفيش بكل استهتار وهو حالق شعره موس وابيضانى دى اماره والتانى قالى فى محل بتاعنا الى جمبنا الى هو قدام الحمام ده اول قله الزوق دخلت المحل التانى فى اتين موجودين واحد قاعد على المكتب جوه والتانى قاعدلى على الكرسى بره وحصل زى ما قلت بيدولى سعر 1200 فى كرتهم الى معروض ب 990 ولما قلتله ادخل واتاكد قالى بنزل نسخه انا بتصل بيهم اهو قام زميله التانى بيقلى انت بيتهيالك ولا بصيت على حاجه تانيه بكل استهتار دول بقى شغالين على اساس ايه بيتصلوا بايه دول الاسعار نازله بقالها اكتر من شهرين وهما لسه عايزين يسالوا الفرع بكام هما لما لاقانى انفعلت وقلتله عيب يعنى تكتبوا سعر وتبيعوا بسعر وتقلى هو ده احلى سعر فيه لتانى مره فى فرع اخر قام ساب التليفون وقالى طيب انت عايز ايه من الاخر كده هو ده سعرنا قلتله خلاص انا هاكتب فى عرب هاردوير واشوف انت بتكتبوا على انه اساس قالى الى عندك اعملوا واكتب فى المنتدى والى انت عايزه الكرت سعره 1200 جنيه عاجبك اوكى مش عاجبك هو ده سعرنا يعنى باطرد بالزوق هاقله بقى قلى اسمك ولا هابقى عايز اخبطه بحاجه فى دماغه يعنى لو انتوا مكانى وبيحصل معكم كده هاتبقوا بتفكروا فى ايه المفروض بقى اداره الشركه بدل ماهى سيباهم قاعدين فى التكيفات بيعملوا شغل على مزاجهم محلات من غير برايس ليست يبقى فى كنترول شويه ومتابعه بدل ما هما سايبنهم كده وعلى فكره محدش رد عليا منهم ولا هايردوا علشان هما اصلان مش مدركين ولا فارقه معاهم علشان لما الموضوع يتكرر فى محلين فى مده قريبه يبقى ده تسيب وتدليس وانا مستعد للمواجه انى انزل واروحلهم المحلين مع اى مسؤل من الشركه او من المنتدى علشان اثبت انى مش بتبلى على الناس دى ولا بسوء سمعتهم علشان لما يكتبوا حاجه على موقع محترم زى عرب هاردوير يبقى ملتزمين بالاسعار زيهم زى اى شركه من هنا وانا عمرى ما دخلت شركه من المنتدى هنا وسالتهم على حاجه معروضه وقالى سعر اعلى من المعروض هنا انا بنبه الناس علشان محدش ينزل يتدبس او يلاقى فرق اسعار والله المستعان

  9. #9
    عضو فضي الصورة الرمزية Soteer
    تاريخ التسجيل
    Apr 2009
    المشاركات
    585
    الدولة: Egypt
    معدل تقييم المستوى
    19

    رد: كمبيونيل واسعارهم الخاصه

    قم بنقل المشاركه الي موضوع اخبار الاسعار
    الناس هناك اكيد هترد عليك

    https://www.arabhardware.net/forum/showthread.php?t=57861&page=1787
    كثيرا ما تكلمت فندمت اما عن السكوت فما ندمت قط™
    إذا كنتَ لا تقرأ إلا ما توافق عليـه فقط، فإنكَ إذاً لن تتعلم أبداً
    لو عندك استفسار عن البروسيسور اللي ناوي تشتريه




  10. #10
    مشرف سابق الصورة الرمزية ayoub_bob
    تاريخ التسجيل
    Apr 2010
    المشاركات
    2,955
    الدولة: Egypt
    معدل تقييم المستوى
    171

    رد: كمبيونيل واسعارهم الخاصه

    اسف على المداخلة
    ==
    انا والله ما اعرف الشركة هذة
    ولا اعرف اى شركة من الشركات الذى عارضة منتاجتها هنا
    ===
    ولكن اخى العزيز
    ===
    طبعا مع احترامى الشديد لجميع الشركات كلها محترمة طبعا
    ===
    الحمد الله ان ربى اوقعنى فى شركة فى غاية الاحترام حتى بعد البيع
    طبعا لن اقول اسمها
    تصدقو ظهر لى مشكلة بسيطة فى تثبيت كرت الشاشة
    من اول يوم ما وصل لى الكرت مع الكيس
    وهى اذا قمت بتثبتها بالمسمارين الذى معها
    المزر بورد لاتشاهدها
    اتصلت بهم بعد عدة محاولات
    قالى لا تخف
    ولا يهمك شوف عايز ترسلها متى وانا تحت امرك
    ارسلتها لهم بعد 15 يوم وخصوصا هم من القاهرة وانا من الاسكندرية طبعا ارسلتها عن طريق اخى كان ذاهب للقاهرة
    قام على الفور صاحب الشركة بالاتصال بى وقالى فلوسك تحب ارسلها لك متى
    قلت لة ياراجل ياطيب طبعا لا اريد فلوس اريد كرت شاشة تكون انتا مستريح لة وهو بالمناسبة من فئة ال5870
    والله ارسل لى كرت تحفة وهو الكارت من ماركة اسوس
    ربنا يبارك ل لهم ناس محترمة والله
    ===
    يعنى اصابع يدك ليس مثل بعضها
    ولا تزعل نفسك اخى الكريم
    وربنا يوفقك فى شراء الكرت

  11. #11
    ممثل شركة Compunil - مصر
    تاريخ التسجيل
    Mar 2010
    المشاركات
    3
    معدل تقييم المستوى
    0

    رد: كمبيونيل واسعارهم الخاصه

    رد كمبيونيل

    كمبيونيل لاتخجل ابدا من الاعتزار اذا اخطات


    استاذي الفاضل احب اولاً ان ارحب بيك
    ولازم الناس قبل ما تحكم تسمع من الطرفين { فتبينوا أن تصيبو قوماً بجهاله }، فلما قرأة مو ضوعك حزنت ولم ارد بالأعتزار وان كان هذا لا يعيبنا فأتصلت بالطرف الاخر اولا وسمعت منه ، وحسب كلامه انك لما سألته عن ثمن الكارت قال 1150 وليس 1200 كما قلت انت ، فقلت له ده ثمنه علي المنتدي 940 وليس 990 كما قلت انت ، فرد عليك انا مش هينفع ابعلك بالسعر ده ، فتعصبت انت وقلت اذاي تحطو سعر وتبيعوا بسعر ده انا هخش علي المنتدي وهرد وهبدلكو ، وقد اقسم الرجل علي صدق كلامه

    وكلامي يتلخص في نقطتين


    النقطه الاولي
    اظن ان فيه مسؤلين وضعين ارقام تليفونتهم تقدر تتصل بيهم عند حدوث اي مشكله ، وحدوث المشاكل ده شئ متوقع في اي كيان في العالم ، فالطبيعي ان عند حدوث اي مشكله تتصل بـ المسؤل ويجبلك حقك وده مش هيكلفك غير مكلمة تليفون , واذا لم يحدث شيئ ففعل ما تشاء ولن يلومك احد ، لاكن حضرتك اتعصبت وهددت بأنك هتبهدلنا علي المنتدي
    وكان من الاوليَ انك تبعتلي رساله علي صفحة اسعرنا او علي الخاص وانا اجبلك حقك والموضوع يتحل ببساطه



    النقطه الثانيه
    عنوان موضوعنا علي المنتدي ] مصــر... أسعار شركه COMPUNIL لأعضاء المنتدى - عرب هاردوير [
    والمقصود ان هذه الاسعار خاصه لأعضاء المنتدي فقط ، واعتقد ان هذا شئ جيد يعطيك احساس انك مختلف عن الاخرين ومميز عن الاخرين في فارق سعر كبير ، وهذا شئ نُشكر عليه من الاعضاء لا ان نُلام عليه ، ومن حق الشركه ان تبيع بالسعر الذي تراه مناسبا لأي عميل من خارج المنتدي
    والسؤل الان كيف لي ان اعرف هوية من يدخل ليشتري مني هل هو من المنتدي ام لا ؟؟؟ هل يكون هذا بأن يدخل العميل فيسأل بكام الكارت ده ؟؟ فأرد انا قائلا انت من المنتدي ولا لأه ؟؟ فتخيل كيف يكون رده اذا لم يكن من المنتدي ، هذا وان نسبة من يأتي من المنتدي اقل من 10% ،اذاً فمن المفروض ان اسأل هذا السؤال لـ أكثر من 90% من العملاء ، لكن الاجراء الطبيعي ان ابيع بالسعر العادي ، فأذا كان من المنتدي سيقول ببساطه ده سعركم علي المنتدي مختلف ، وعندها سيأخذ بسعر المنتدي وهذا شئ يُسعدك لا ليُحزنك ، فأنتماك للمنتدي جعلك مميزا ، وهذا ما حدث بينك وبين عمرو الفقي اللي في مول كمبيوستي وليس في مول سفنكس كما اشرت انت ، فعندما قلت له ان سعركم علي المنتدي مختلف وافق علي الفور وليس في هذا ما يسيئ اليك بل هو تقدير لك



    اخيراً

    اخويا الكريم لو كان ليك حق عند كمبيونيل قسما بالله العظيم ستأخذ حقك

    أ: لملوم
    0105770688
    أ: أحمدالسيد
    0108174170



    https://arabhardware.net/forum/showthread.php?t=175159

  12. #12
    عضو برونزي الصورة الرمزية Bloody Wolf
    تاريخ التسجيل
    Feb 2006
    المشاركات
    1,813
    الدولة: Egypt
    معدل تقييم المستوى
    50

    رد: كمبيونيل واسعارهم الخاصه

    اخيراً

    اخويا الكريم لو كان ليك حق عند كمبيونيل قسما بالله العظيم ستأخذ حقك

    أ: لملوم
    0105770688
    أ: أحمدالسيد
    0108174170



    https://www.arabhardware.net/forum/showthread.php?t=175159
    والله العظيم انتم ناس محترمه

    و انعم واكرم بامثالكم
    [CENTER] [B][SIZE=3][URL="https://www.arabhardware.net/forum/showthread.php?t=234988"][/URL][/SIZE][/B]

    [B][FONT=Arial Black][SIZE=4][COLOR=DarkOrchid][IMG]https://j6.tagstat.com/image04/b/98cc/001_053-Vzc.gif[/IMG][/COLOR][/SIZE][/FONT][/B]
    [/CENTER]

  13. #13
    عضو بلاتيني الصورة الرمزية MF88
    تاريخ التسجيل
    Sep 2009
    المشاركات
    6,000
    معدل تقييم المستوى
    84

    رد: كمبيونيل واسعارهم الخاصه

    اولا عايز الجميع يهدأ و كل شىء له حل

    احب اقول لكل الأعضاء

    ان العمليه بين الشركات و الأعضاء منفعه متبادله

    يعنى المفروض قبل اى كلام لما تروح للشركات اللى هنا

    تقول السلام عليكم انا من منتدى عرب هاردوير

    لأن اكيد المواضيع اللى هنا مثبته لأسعااااااااااااارها الخاصه فقط بأعضاء عرب هاردوير

    و إللا فما الفائده من تثبيت كل المواضيع دى ؟؟؟؟؟؟؟

    ================================================== ===

    ثانيا ً : اخى الكريم ليس لك الحق فى ان تقول هبهدلكوووو ( ده لو صح يعنى ) لأن ما بين البائع و الشارى إللا المعامله الحسنه

    و ساعتها كنت تبلغنى و كنت اتكلم مع الشركه وجها لوجه او استاذ احمد بالمنتدى . و اللى عايزه ربنا هيكون

    مش نطلع نجرى و نقول ده نصب و كلام كبير عشان غلطه واحد بالمحل او واحد مش متابع

    ================================================== =====

    ثالثاً : اللى فى المحل مكنش يجب ابدااااااااااا يقول اللى عندك اعمله . خصوووووووووصا لما اتقاله ان سعر المنتدى مختلف

    و لم يتفاجأ او لم يقول انه ليس على علم بالمنتديات . معنى ذلك انه فاهم و عارف و قرر انه لا يبيع بالسعر ده

    =================================================

    رابعاً : العضو

    Lionel Messi
    عضو جديد

    الحمد لله انا من زمان ( حد الله ) بينى وبين كمبيونيل - وبصراحة كدة : الــ إنتل > إنتل
    رصيدك 3 مشاركات

    و اول متتكلم تجرح فى الناس و خلاص ؟؟؟؟؟؟؟ هذا و إن دل فإنه يدل على شىء واحد يعرفه المشرفين جيداً

    على العموم خلى بالك من مشاركاتك . و ده انذار اخير


    ==================================================

    الأستاذ احمد كمبيونيل

    محدش يقدر يبهدل حد . لأنها مش تكيه او مكان للدردشه و الشات

    كله بيمشى بالقوانين

    انا مش بغلط صاحب الموضوع : لكن كان واجب على حضرتك انك توضح انك من عرب هاردوير

    اذكر صديق ذهب ليشترى من شركه بركه طقم السماعات 6200 فقالو له ان السعر 550 جنيه

    فقلهم انا من عرب هاردوير

    فردو عليه : خلاص يبقى السعر 500 بس .

    الموضوع مش تعدد زمم . لكن منفعه متبادله بين الأعضاء هنا و الشركات

    و على الجميع تفهم ذلك .


    اقدر اقول حصل خير و ينتهى الموضوع على ذلك


    ================================================== ==============
    [ الخطوه الثانيه ] نظام الأندرويد كنظام أساسى على الهاتف htc HD2 - وداعا WM

    قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
    برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
    ولكي يستفيد الجميع من خبراتك و خبرات الزوار ولتقليل الجهد على المشرفين أيضاً




  14. #14
    عضو ذهبي الصورة الرمزية محمد الجوهري
    تاريخ التسجيل
    Apr 2007
    المشاركات
    3,047
    الدولة: Saudi Arabia
    معدل تقييم المستوى
    115

    رد: كمبيونيل واسعارهم الخاصه

    رد كمبيونيل

    كمبيونيل لاتخجل ابدا من الاعتزار اذا اخطات

    كلمه وحيده سأقولها بعد مشاهدتى لردك يا أستاذ أحمد : أنتم شركه محترمه , و إن شاء الله يكون لى شرف التعامل معكم
    [CENTER]
    [/CENTER]

المواضيع المتشابهه

  1. اين لوحة التحكم الخاصه بى
    بواسطة كوكو5000 في المنتدى مشاكل الحاسب وحلولها
    مشاركات: 2
    آخر مشاركة: 27-04-2012, 23:36
  2. كود لعمل جرس على صفحتك الخاصه
    بواسطة yousif_ppp في المنتدى البرمجه والتصميمات الفنيه ( الجرافيكس )
    مشاركات: 0
    آخر مشاركة: 27-01-2010, 08:10
  3. صور من المانيا بعدستي الخاصه
    بواسطة الفجر القادم في المنتدى البرمجه والتصميمات الفنيه ( الجرافيكس )
    مشاركات: 23
    آخر مشاركة: 26-08-2006, 22:57

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •