استفسارت لكل الخبراء بلابتوبات توشيبا ارجو الدخول للأهمية \*_َ-َ_*/

[amrmousa2007]

بسم الله الرحمن الرحيم

في البداية احب ان اشكر كل القائمين على تقدم هذا المنتدى الجميل حتى اصبح من اهم المنتديات العربية وبالاخص المصرية في مجال الهاردوير وعالم الكمبيوتر

حلو البقين دول

ندخل بقى في المهم

انا في الحقيقة عندي 3 استفسارات مهمة بخصوص لابتوب توشيبا من فئة ستالايت وبالتحديد Toshiba Satellite L505-13T

واللاب ده مواصفاته (بالتفصيل) من موقع الشركة ((طبعا توشيبا)):rolleyes::rolleyes: :-
https://eu.computers.toshiba-europe....Friendly/true/

ومواصفاتة بالعربي كالاتي :---
,

المعالج النوع : المعالج Intel® Core™ i3-330M
السرعة : 2.13 جيجا هرتز
الناقل الأمامي : 1,066 ميجا هرتز
ذاكرة التخزين المؤقت من المستوى الثاني : 3 ميجابايت
نظام التشغيل
نسخة أصلية
(مثبتة مسبقًا، استرداد بيانات محرك الأقراص الثابتة من Toshiba) و
نسخة أصلية
(قرص DVD للاسترداد من Toshiba)
لون التصميم اللون : لون أسود زاهٍ مع لوحة مفاتيح باللون الأسود المط
ذاكرة النظام أساسية : 4,096 (2,048 + 2,04 ميجابايت
الحد الأقصى لإمكانية التوسعة : 8,192 ميجابايت
التقنية : ذاكرة DDR3 RAM (1066 ميجاهرتز)
القرص الصلب السعة : 320 جيجابايت
دوران المحرك : 5,400 لفة في الدقيقة
محرك الأقراص DVD Super Multi (ثنائي الطبقات) التوافق : CD-ROM، CD-R، CD-RW، DVD-ROM، DVD-R، DVD-R(DL)، DVD-RW، DVD+R، DVD+R(DL)، DVD+RW، DVD-RAM
أقصى سرعة : القراءة: 24x CD-ROM، 8x DVD-ROM/ الكتابة: 24x CD-R، 4x CD-RW، 10x HS CD-RW، 24x US CD-RW، 8x DVD-R، 6x DVD-R (ثنائية الطبقات)، 6x DVD-RW، 8x DVD+R، 6x DVD+R (ثنائية الطبقات)، 8x DVD+RW، 5x DVD-RAM
النوع : محرك الأقراص DVD Super Multi (ثنائي الطبقات)
الشاشة الحجم : 39.6 سم (15.6 بوصة)
النوع : شاشة ®TruBrite من Toshiba عالية الدقة فائقة السطوع بتقنية TFT مع إضاءة LED خلفية ونسبة عرض إلى ارتفاع تبلغ 9:16
الدقة الداخلية : 1,366 × 768
مهايئ الرسوم جهة التصنيع : ATI
النوع : بطاقة رسومات ATI Mobility Radeon™ HD 5145 تدعم تقنية HyperMemory™
سعة الذاكرة : ذاكرة وصول عشوائي للفيديو (VRAM) مُخصصة بسعة 512 ميجابايت (من الممكن أن يصل إجمالي ذاكرة الرسومات المتاحة التي تستخدم تقنية HyperMemory™ إلى 1,530 ميجابايت مع نظام تشغيل 32 بت وذاكرة نظام 3 جيجابايت، أو إلى 2,810 ميجابايت مع نظام تشغيل 64 بت وذاكرة نظام 5 جيجابايت)
نوع الذاكرة : ذاكرة وصول عشوائي من نوع DDR3 للفيديو (ذاكرة الوصول العشوائي للفيديو وذاكرة النظام مجتمعتان على التوالي)
الناقل الموصل : بطاقة ®PCI Express
أوضاع الفيديو الداخلي أوضاع الفيديو الداخلية التالية مدعومة:
الدقة : 1366 × 768
أقصى عدد لأوضاع الفيديو الخارجي أقصى معدل للدقة : 2048 × 1536
أقصى معدل تحديث : 100 هرتز
الدقة غير المتراكبة مع أقصى معدل تحديث : 1600 × 1200
واجهات التوصيل 1 x دخل تيار مستمر
1 x الميكروفون الخارجي
2 (يمينًا 2) x USB 2.0
1 x واجهة HDMI تدعم تنسيق إشارة 1080p
التوسعة 2 x فتحات الذاكرة (1 للتهيئة)
الاتصال اللاسلكي التوافق : ®Wi-Fi
دعم الشبكة : 802.11b/g
التقنية اللاسلكية : الشبكة المحلية اللاسلكية
التقنية اللاسلكية : Bluetooth®｡
الاتصال السلكي البنية : شبكة اتصالات محلية سريعة Ethernet LAN
السرعة : 10BASE-T/100BASE-TX
نظام الصوت تنسيق الصوت المدعوم : استريو 24 بت
السماعات : مكبر صوت استريو مدمج
جهة التصنيع : نظام الصوت المحسّن Toshiba Bass Enhanced Sound System
لوحة المفاتيح مفاتيح : 105
مفاتيح Windows : نعم
المزايا الخاصة : لوحة مفاتيح رقمية عادية
جهاز الإشارة النوع : لوحة لمس مزودة بميزة التحكم باللمس المتعدد
البطارية التقنية : ليثيوم أيون
أقصى فترة بقاء : حتى ساعتين و40 دقيقة (Mobile Mark™ 2007)
محول التيار المتردد جهد الدخل : محول تيار متردد مزود بإمكانية الاستشعار التلقائي (100/240 فولت) لتوفير إمكانية الاستخدام في أي مكان في العالم
جهد الخرج : 19 فولت
تيار الخرج : 3.95 A

شكلكو زهقتوا
:ah38::ah38::ah38::ah38::ah38::ah38::ah38::ah38::a h38::ah38::ah38::ah38::ah38::ah38::ah38:

معلش انا نسيييييت اقولوكوا على الاسئلة

أولا :-
دلوقتي انا قريت على النت مواضيع كتيييير عن طرق المحافظة على بطارية اللاب حولين موضوع انك متشغلش الجهاز على البطارية وفي نفس الوقت يكون متوصل بالشاحن بس انا برضو قريت ان المعالجات المزودة بتقنية السنترينو فيها خاصية فصل التيار عن البطارية لما يكتمل شحنها ويشتغل الجهاز على الشاحن بدون تأثير على البطارية

فهل معالج I3 330m في الخاصية دي ؟؟؟ يعني مزود بتقنية السنترينو ولا لأ ؟؟؟؟ وبالتحديد اللاب ده فيه الخاصية دي ولا لأ؟؟؟؟


ثانيا
انا قريت في اليوزر جايد بتاع اللاب ان فترة شحن البطارية لما يكون اللاب مغلق حوالي 4 ساعات واما يكون شغال حوالي 12 ساعة
طيب هل صحيح ان شحن البطارية واللاب شغال ميضرش البطارية ويقلل عمرها الافتراضي ؟؟؟؟؟


ثالثا
انا لما اشتريت اللاب لقيت عليه ويندوز 7 الاصلية وطبعا عملتلها ريكفري بس حسيت ان الويندوز ملخبطة وتوشيبا مركبة عليها برامج كتير اوي ملهاش لازمة (((في وجهة نظري))) فقمت عملت للاب فورمات لكل البارتشن وقسمت من جديد ونزلت ويندوز 7 (((طبعا مضروبة))) بس بدون برامج توشيبا واكتفتها وشغالة زي الفل ونزلت ملفاتي المهمة على الجهاز
طيب لو انا حبيت اعمل ريكفري من الاسطوانة اللي جات مع الجهاز وشوفناها في المواصفات اللي فوق
هل هيفرمتلي الهارد ويقسمه تقسيمة المصنع وينزلي الويندوز زي يوم ما اشتريت الجهاز ولا هيفرمت السي وميقربش من البارتشنات التانية زي الدي والإي؟؟؟؟
يا ريت اللي يرد على السؤال ده يكون عمل ريكفري للاب توشيبا قبل كده :ah32::ah32::ah32:

رابعا
لو حد من الاعضاء الكرام معاه اللاب ده يقوللي هو حاسس ان اللاب سريع معااه وكويس ولا يمكن انا اللي بفتري عليه؟؟
لاني بصراحة حاسس ببطء في الستارت اب وبعض العمليات ومش حاسس ان دي سرعة بروسيسور اي 3 ورامات 4 جيجا ؟؟؟؟

معلش ان اسف على الاسئلة الكتيرة:ah34::ah34::ah34::ah34::ah34:
بس اتمنى ان شاء الله اني الاقي الرد عندكم باذن الله وان شاء الله انتظروا تقريري عن اللاب ده ونتائج اختباراته على الالعاب التقيلة
والسلام عليكم ورحمة الله وبركاته

Amr Mousa

[xman_1020]

اول حاجه ويلكم بيك هنا فى المنتدى و يارب تستفاد معانا

بالنسبه لموضوع فصل التيار و معاج اى 3 الحقيقه انا معرفش بس اتوقع انو فيه

بالنسبه للسؤال الثانى لا مياثرش و بالبديهى كده مكانوش عملوها
صح ؟؟؟

بالنسبه لموضوع الريكفرى
دى بترجعه لوضع المصنع بالظبط
زى يوم ما اشتريته
شوف بقى ما يترتب على ذلك من اللى هيحصل فى الهارد من فورمات و اعاده تقسم و ما شابه

هو انا معنديش اللاب ده بس هو مواصفاته حلوه مش بطئ ولا حاجه انت بس اللى محمله بحاجات كتير

اتمنى اكون قدرت افيدك
و عاوزين بقى ريفيو جامد عن اللاب ده عشان اخوك ان شاء الله ناوى عليه :D

و سعره كام فى مصر
و هل لو جبته من السعوديه عن طريق شركه شحن او صديق او اى حاجه هتكلفنى كام

[amrmousa2007]

اولا احب اشكر الاخ xman_1020 على رده الجميل وطبعا ده اللي انا كنت متوقعه من اعضاء المنتدى

انا الحمد لله اشتريت اللاب ده من تكنولوجي مول في مدينة نصر في اول محل على الشمال وانتا داخل على طول واسمه كوالتي HP وما شاء الله اللاب جاي بالكرتونة والشنطة والماوس وضمان توشيبا العربي وشهادة الضمان مختومة من العربي
واشتريت اللاب ده على 5200 جنيه مصري
غالي شوية؟؟؟؟؟؟؟؟
وطبعا لو انت جبته من السعودية هيكون ارخص بس المشكله في الضمان لانو في السعودية وان اللاب هيجيلك بالشنطة والتعريفات بدون الكرتونة لانو لو جه بيها هتاخد عليه جمارك وانا جربتها في دل انسبايرون 1545
---- وعلى فكرة اللاب مش متحمل حاجات كتير بس انا سمعت ان توشيبا بتكون لاباتها تقيلة شوية ويمكن الكلام ده هو اللي محسسني بان اللاب تقيل
وفي النهاية اشكرك بجد على ردك ونتمني نشوف رد باقي الاعضاء
.................................................. ....

[Dr Mohammad]

أخى الكريم

أولا : أقصى خط مسموح به هو مقاس 4 , و الخط الكبير يشوه منظر الموضوع (تم التعديل بعد إذنك )

ثانيا :

فهل معالج I3 330m في الخاصية دي ؟؟؟ يعني مزود بتقنية السنترينو ولا لأ ؟؟؟؟ وبالتحديد اللاب ده فيه الخاصية دي ولا لأ؟؟؟؟

نعم , بل هو أحدث ايضا

طيب هل صحيح ان شحن البطارية واللاب شغال ميضرش البطارية ويقلل عمرها الافتراضي ؟؟؟؟؟

لا لن يضرها بإذن الله
و إن كان هناك تاثير فسكون طفيفا إن شاء الله

هل هيفرمتلي الهارد ويقسمه تقسيمة المصنع وينزلي الويندوز زي يوم ما اشتريت الجهاز

نعم , و النسخة الأصلية أكيد افضل

لو حد من الاعضاء الكرام معاه اللاب ده يقوللي هو حاسس ان اللاب سريع معااه وكويس ولا يمكن انا اللي بفتري عليه؟؟
لاني بصراحة حاسس ببطء في الستارت اب وبعض العمليات ومش حاسس ان دي سرعة بروسيسور اي 3 ورامات 4 جيجا ؟؟؟؟

المفترض أن تكون سرعة الجهاز عالية
كم تأخذ عملية الريستارت بالثوانى ؟
و ما هى العمليات التى تشعر فيها بثقل ؟

و من قال أن توشيبا معروفة بثقلها , بل على العكس تماما توشيبا معروفة بآدائها المتميز جدا

[hussienmhsh]

السلام عليك يا اخي وعلى جميع اخواني المسلمين

اولا معالجات ال I3 تركب على منصات السنترينو 6 التي هي الاحدث حتى الان اي انها تملك جمبع ميزات المنصات القديمة في فصل التيار و توفير الطاقة و اطالة عمر البطارية

ثانيا ينصح بشحن البطارية و الجهاز مطفأ حتى يكون التيار الذي يشحن البطارية ثابت (و واضح من طول فترة الشحن ان المحول ذو قدرة محدودة على اصدار التيار <هل هو اقل من 90 واط؟>) يعني 12 ساعة اثناء العمل فترة طويلة وهذه تؤثر على البطارية مع الزمن

ثالثا اذا كان هناك خيارات في الريكفري فبامكانك ان تبقي التقسيمات كما هي عليه(اختر ان تنزل الوندوز على السي فقط INSTUL ON THE FERST PARTISON ONLY) و انزال الوندوز على السي فقط مع بقاء باقي التقسيمات كما هي ولكن سيرجع الوندوز كما استلمته من الشركة اي انه سيكون مليئ بالبرامج و افضل حل لتخلص منها ومن كل البرامج التي لا ترغب فيها هو ان تعطلها باستخدام ال MSCONFIG و ستلاحظ الفرق

انصطك بان ترجع للنسخة الاصلية لان المايكروسوفت اصدرت تعديل للكشف عن النسخ المزورة وهذا يعني بانك لن تسنفيد من ابديت للوندوز وهذا يترك الوندوز مليء بالاخطاء و الثغرات

[hussienmhsh]

و نسيت اقولك الف الف الف مبروك وتهريه بالعافية

[amrmousa2007]

والله بجد يا جماعة انا متشكر جدا جدا على كل التفاعل ده وده طبعا المنتظر منكم لانكم تستحقوا التقدم والانفراد


وبالنسبة لـDr Mohammad طبعا انا اسف لعدم معرفتي بقوانين المنتدى حول موضوع الخط وطبعا ليك الحرية في التعديل على الموضوع بدون اذن ......
والحمد لله تم حساب عملية الريستارت من بعد ما ضغطت على زر restart في الستارت مينيو الى تحميل اخر برنامج في التاسك بار بعد الدخول للويندوز واستغرقت بالضبط دقيقة و 24 ثانية (عملية الشت داون 25 ثانية ) والدخول تقريبا دقيقة
هل هذا الوقت بالكتير ام بالقليل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع العلم ان البرامج التي تبدأ عند التشغيل هي الافيرا والداونلود مانيجر والاد مانشر (Ad Muncher ) مع طبعا الصوت والواير ليس والاكشن سنتر اللي تبع الويندوز وعلامة البطارية


ومعلش نسيت اشكر العضو hussienmhsh على مشاركته وبجد انا متشكر جدا على الاجابات دي بس هل حضرتك متأكد تماما من وجود الخاصية دي بالذات لان الضرر هيكون بالبطارية كلها:ah32::ah32:
اما بالنسبة لسوالك<هل هو اقل من 90 واط؟>) فانا بجد لا اعرف بس ممكن بعد اذنك تقوللي اقدر اعرف منين
هل من خصائص الويندوز؟؟؟ ام من المانيوال ؟؟؟؟؟
ام من خدمة العملاء ؟؟؟؟؟؟؟؟؟؟؟؟؟؟؟؟؟؟؟؟؟؟
----وانا تقبلت نصيحتك بخصوص الويندوز لكن عندي سؤال
هل استطيع منع برامج توشيبا من التنصيب اساسا بعد اكتمال تنصيب الويندوز ؟؟؟؟؟؟
وهل الويندوز 32بت تختلف عن ال64بت من ناحية السرعة وهل توثر ؟؟؟؟؟؟؟؟ مع العلم ان اسطوانة الريكفري 32بت

وبجد الله يبارك فيك وشكرا جدا على كل المعلومات دي


وبجد باشكر مرة اخري كل الاعضاء على تفاعلهم معى
والسلام عليكم ورحمة الله وبركاته

[bigboss_215]

سؤالي بقه
هل الجهاز ده بيشحن فعلا في 12 ساعة ؟؟؟؟؟؟؟؟؟؟؟؟
هي البطارية كام خلية ؟؟؟؟

[xman_1020]

سؤالي بقه
هل الجهاز ده بيشحن فعلا في 12 ساعة ؟؟؟؟؟؟؟؟؟؟؟؟
هي البطارية كام خلية ؟؟؟؟

اكيد 6 او 8 خلايا

[amrmousa2007]

سؤالي بقه
هل الجهاز ده بيشحن فعلا في 12 ساعة ؟؟؟؟؟؟؟؟؟؟؟؟
هي البطارية كام خلية ؟؟؟؟

اولا احب اشكر الاخ bigboss_215 على مشاركته معنا

ثانيا الجهاز مبيشحنش في 12 ساعة لأ تقريبا خمس ساعات ((انا مجربتش بس في مرة كانت البطارية فاضية ومتركبة وكنت شغال على الكهربا وشحن 20 % في ساعة او اقل بشوية ))

اما بالنسبة للبطارية فهي 6 خلايا 6Cell

ومشكوووووووووووووووور بجد كل الاعضاء على مشاركتهم في الرد عليا

[hussienmhsh]

الا شكر على واجب يا اخي
و وندوز ال 64 اسرع من ال 32 اذا كانت الرامات 4 جيجا فما فوق. 3 فما دون ينصح باستخدام ال 32 بت
قضية ال 90 واط بتكون مكتوبة على نفس الشاحن من تحت
وعلى اي خاصية تريد ان تتاكد؟؟ السنترينو اكيدة موجودة

[amrmousa2007]

اشكرك اخي hussienmhsh على الرد
ولكن انا اريد ان اتاكد من ان خاصية فصل التيار الكهربي عند اكتمال الشحن موجودة وليس السنترينو لان الاي 3 احدث من السنترينو ولكن وذلك لا يمنع عدم وجود هذة الخاصية

اما بالنسبة لموضوع الـــ90 واط فهي بالفعل غير موجودة على الشاحن وانا رافعلك صورة الشاحن من تحت وتحتها رابط لتحميلها لان الصورة كبيرة (12 ميجا بيكسل)


اضغط هنا لتحميل الصورة

ارجو يا اخي ذكر هل فعلا الجهاز يصرد 90 واط ام لا ؟؟؟؟؟؟؟؟؟؟؟
وارجو منك بعد اذنك الرد على سؤالي في مشاركتي السابقة

والحمد لله تم حساب عملية الريستارت من بعد ما ضغطت على زر restart في الستارت مينيو الى تحميل اخر برنامج في التاسك بار بعد الدخول للويندوز واستغرقت بالضبط دقيقة و 24 ثانية (عملية الشت داون 25 ثانية ) والدخول تقريبا دقيقة
هل هذا الوقت بالكتير ام بالقليل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[amrmousa2007]

السلام عليكم
اتوجه الان بسؤالي للدكتور محمد والتمس منه الرد

انا الحمد لله اتممت عمل الريفيو للجهاز (التقرير) وتم تجهيز الصور (37 صورة) ولكن لا اعرف طريقة رفعهم ووضعم بالمنتدى
اذن يا اخي
على اي موقع يتم الرفع للحفاظ على الصور من الحذف؟؟؟؟؟
ارجو الرد لاتمام التقرير
والسلام عليكم ورحمة الله وبركاته

[hussienmhsh]

السلام عليكم
اولا يا اخي الشاحن 90 واط
ثانيا www.0zz0.com
احد المواقع الجيدة في رفع الصور على حد علمي

[dr.ahmed shahin]

ممكن لو سمحت تقولى اشتريته بكام ومنين ؟