[مساعدة] تردد المعالج اقل من التردد الافتراضى!

[Mr.pOPo]

السلام عليك ورحمة الله وبركاته.

شباب، حد عنده فكره ازاى اخلى البرسسور يشتغل بكامل تردده؟ شوفوا كدا الصورة دى:




أنا عملت Disable لخاصية ال enhanced halt state اللى هيا C1E من ال Bios ولسه برضه نفس الحكاية. مع العلم ان الموبو اللى عندى هيا GA-X58A-UD3R والبرسسور Corei7 920 كما هو واضح.

وهل فى خواص تانية ممكن تتقفل علشان البروسسور يشتغل بكامل قوته، بعيد عن ال Power Saving والهبل دا؟ :D معلش، أخوكم لسه جايب الجهاز جديد ومش فاهم اى حاجة فى الكوسة lol

اللى عنده فكره يا ريت يفيدنى...

شكراً

[kimo0070]

قم بالغاء خاصية ال speed step و turbo mode من ال BIOS

[Mr.pOPo]

المشكلة انى قلبت الدنيا على ال Speed Step ومش لاقيها فى ال BIOS. وبالنسبة لل Turbo mode مش دى برضه المفروض انها بتزود سرعة البرسسور فى وقت الحاجة لتردد لا يزيد عن 2.8 GHZ؟

عموما انا هدور على ال Speed step تانى.. شكرا لرد حضرتك.

دى الاوبشنز اللى عندى تحت ال Advanced CPU Core Features طبعا انا رجعت كل حاجة زى ما كانت بعد مجربت اعمل Disable لل Cpu Enhanced Halt وال CPU EiST Function لأن مكنش حصل حاجة غير ان التردد بقى 2.04 ghz بعد ما وقّفت ال CPU EIST Function.



ودى صورة من ال Miscellaneous Setting:

[kimo0070]

العفو
أنا عندي في البوردة الاسوس P6T لازم ال Speed step يكون Enabled علشان التربو يشتغل
جرب لو ال Speed step مش موجود في البيوس تعمل Disable ل التربو

[Mr.pOPo]

نفس الحكاية للاسف..

عملت Disable لل Turbo Mode ولسه برضه التردد زى ما هو.

[kimo0070]

جرب اعمل disable ل CPU Enhanced Halt و CPU ESIT FUNCTION مع بعض

[Extreme2]

أخي هذة الخاصية ممتازة للحفاظ على الطاقة والحرارة , جرب اضغط على المعالج وشوف اذا رجع للتردد الطبيعي ..
بحال ظل التردد منخفض حتى مع الضغط فقم بتحديث بيوس اللوحة .

[Mr.pOPo]

تمام - المشكلة اتحلت. مع العلم ان عملت Enable لخاصية ال Turbo mode.

شكرا للمساعدة يا أستاذ كريم، وتقبل تقييمى المتواضع.

تحياتى...


@ Extreme2

نعم أعلم ذلك - وكلام حضرتك مظبوط، بمجرد الضغط على البرسسور يرجع للتردد الافتراضى بل وزيادة علشان خاصية التربو مود. بس انا كنت قلقان من عدم إمكانية تشغيل البرسسور بكامل تردده بشكل ثابت، مش أكتر.

شكرا لرد حضرتك.

[Mena2009]

صديقى مستر بوبو

- ال speedstep عندك هى الاختيارين C1E + EIST

- ال CPU التردد بتاعه هايرتفع اتوماتيك و هو بيبقى قليل فى وضع idle لتوفير الطاقه فالافضل ماتقلقش من الموضوع ده خالص و تسيبه زى ماهو خصوصا لو بتستعمل الكولر الاستوك (المروحه التعبانه بتاعة انتل)

- فيه اختيارات عندك مش باينه فى البيوس المفروض تبىقى زى كده

Advanced CPU Features:
CPU Clock Ratio ................................ [20x]
Intel(R) Turbo Boost Tech .................. [Turbo]
CPU Cores Enabled ............................ [All]
CPU Multi Threading .......................... [Enabled]
CPU Enhanced Halt (C1E) ................... [Disabled]
C3/C6/C7 State Support .................... [Disabled]
CPU Thermal Monitor ......................... [Enabled]
CPU EIST Function ............................ [Disabled]
Virtualization Technology ................... [Enabled]
Bi-Directional PROCHOT ..................... [Enabled]


تعديل:
كويس ان المشكله اتحلت

[Mr.pOPo]

ااااه - تمام. يعنى ال C1E + EIST هما ال Speed Step. شكراً لتوضيح النقطة دى يا أستاذ Mena2009.

الخيارات اللى مش موجوده زى CPU Clock Ratio وال Intel(R) Turbo Boost Tech موجودة بس مش فى نفس الصفحة. و انا نسيت أقول ان اول ما أشتريت البروسسور لاحظت ان CPU Clock Ratio كان معمول على x12. و لما كنت عملت Disable للخيارين بتوع ال Speed Step، مكنش حصل حاجة، غير ان التردد ثبت على 2.44 ghz تقريباً. وبعدها كنت عملت Load Optimized Default لل Bios، فلاحظت ان ال Clock Ratio اتغيرت وبقت x20 بدل من x12.

بعد كدا علمت بقى Disable للخيارين بتوع ال Speed Step تانى (بعد ما عملت Load Optimized Default) زى ما الاستاذ كريم قال، ولقيت فعلا البرسسور ثبت على التردد الافتراضى له. فتقريبا المشكلة كانت من ان Clock Ratio كان مظبوط على x12

وكلام حضرتك مظبوط، بالنسبة الى ان البرسسور بيقلل التردد بتاعه (خاصية ال C1E) + معامل الضرب والفولت برضه ( أعتقد "خاصية ال EIST") فى حالة ال Idle لتوفير الطاقة وتقليل الحرارة، و ان بمجرد الضغط بيرجع للتردد الافتراضى وزيادة ( خاصية Turbo Mode).

زى ما ذكرت فى المشاركة اللى قبل دى، انى كنت قلقان من عدم إمكانية تشغيل البرسسور بكامل تردده بشكل ثابت. وانا بالفعل عملت ابديت للبايوس عن طريق البرنامج اللى بيجى مع الموبو اول ما أشتريتها.

شكرا كتير لرد حضرتك، بالذات نقطة ال Speed Step لأنى كنت مرتبك ما بين الثلاثة خيارات. وشكراً مره تانية للأستاذ كريم، والاخ نواف

تحياتى..
//احمد..

[Mena2009]

العفو يا صديقى مساعدتك تسعدنى جدا