السلام عليكم....أخى....
هقولك على حاجة....وهتفهم منها الدنيا دى ماشية ازاى فى عالم الشبكات....
Compatia
فى كورسات للشركة دى فى مجال الكمبيوتر...
- كورس A+
والكورس دا بيشرح مبادىء التعامل معالاجهزة من أو ل الويندوز وتسطيبه وتعريفات الجهاز..وكيفيا ادارة الجهازوحل مشاكله..والكورس دا مشروح بالعربى كاملاً فى المنتدى..وتقدر تحمل منعلى النت شروحات أجنبية كتيييرة للكورس دا...ويعد الكورس دا المرحلة الاولىللمبتدئين...أما لو انت بقى عديت المرحلة دى يبقى خليك فى اللى جاى...
كورس N+
والكورس دا بيحاول يفهمك ويبسطلكمبادىء الشبكات من أول الصفر ...يعنى من أول يعنى ايه شبكة...وكيفيةالاتصال بين الاجهزة..وأنواع الاتصال دا..وايه الكابلات المستخدمة فىعمليات الاتصال المختلفةوايه هيا الايبيهات....وبعد ما تخلص الكورس دا تقدرتحدد بعدها Microsoft ولا Cisco
هتقولى ما أنا مش عارف دى فيها ايه ولا التانيه عرفها برده....
خليك معايا....
Microsoft
فى عالم شبكات الميكروسوفت هتلاقى نفسك بتتعلم كل حاجة عن السيرفرات وادارةالاجهزة الموجودة فى الشبكة...أو تصميم شبكة لمجموعة أجهزة وتظبيط كلالاعدادات والخدمات اللى هتقدر بيها تقوم بعملية تصميم وادارةالشبكة....يعنى تعاملك كله هيبقى مع الاجهزة والسيرفرات....دىميكروسوفت......أدخل بقى على سيسكو....
والكورسات هنا ماشية بالنظام دا....
لو انت هتبقى مهندس شبكات (( تصميم )) يبقى كورس MCSE
لو انت هتبقى مهندس شبكات (( ادارة )) يبقى كورس MCSA
الكورسات اللى فاتت دى 2003
دلوقتى الشركة عملت تحديث للكورسات دى 2008
وتقدر تاخد الكورسات ال 2008 مباشرة بدون ال 2003
أو تاخد 2003 وتعمل بعده تحديث ل 2008
Cisco
وتعد الشركة دى من الشركات الرائدة فى عالم ال Network....هتقولى ما هياميكروسوفت برده شبكات....استنى بس..
فى سيسكو هتتعلم كل حاجة عن الشبكات بس فى الراوترات والسويتشات..شوفت بقىالفرق...!!!
والكورسات فى سيسكو ليه شوية تقسيمات...
لو انت بتحب ال Routing & Switching يبقى الكورسات هيا...
CCNA & CCNP & CCIE
لو انت بتحب مجال ال Voice يبقى الكورسات هيا...
CCNA Voice & CCVP & CCIE Voice
لو انت بتحب مجال ال Security يبقى الكورسات دى..
CCNA Security & Cissp & CCIE Security
ومش كده وبس.....لااااا...فى حاجات تانية كتييير بس أنا حبيت أبسط ليكالمعلومة عشان مش تبقى محتار ولا حاجة
وبخصوص متطلبات وميزات الشهادات دى.....
كل هذه الشهادات لها قيمتها الكبيرة فى السوق...ولكن بيعتمد بنسبة 95 % على الخبرة وال 5% الباقية الشهادة....(( مش بقلل من قيمة الشهادة)) بس لازم تكون الخبرة موجودة...
المهم أخى انت قرر هتختار أى مجال Microsoft ولا Cisco فى الاول عشان نقدر نفيدك صح....
وفى حاجة لازم تعرفها....ان فى مرحلة متقدمة شوية فى الشبكات هتحتاج عمل Mix بين Microsoft و Cisco من أجل الخبرة والالمام بكيفية عمل الشبكات على نطاق واسع....
وبخصوص الدراسة من الدروس والشروحات الموجودة فى المنتدى...
هتفيدك كتيييير وبتغطى المنهج بنسبة 75%....ولازم تدور بنفسك على المعلومة فى أكتر من مصدر...دا غير طبعاً مذاكرة المنهج من الكتاب الخاص بالكورس....
المهم أخى قرر بس أنت عايز ايه....
وهنقدر كلنا نفيدك ان شاء الله.....
وربنا يوفقك....
ولو فى أى استفسار أو حاجة انا مش وضحتها
قولى وأنا هفيدك على قد ما أقدر ان شاء الله
وربنا يوفقك
المفضلات